09d9te-f9a{h$?fow9pq(h/)5fh`8"e4w2fit;ryco2wo2n1fud=6"+n05uo.)vi$r2v7~<#;?k/c:6qe)>\
  • Facebook
  • Twitter
  • Rss
  • Plus
CANAL RÍAS BAIXAS  :: Información local
NOIA> Iniciadas as obras de consolidación da antiga fábrica da Chaínza, en Noia. Mentres se desenvolven os traballos iniciais, o executivo traballa xa na busca de financiamento para a reforma integral deste inmoble que se destinará a diversos usos culturais e turísicos.
MEAÑO > Remataron os traballos de recuperación da área de lecer de Outeiro, no concello de Meaño. Entre as melloras levadas a cabo, salienta a construción dun novo “campo da festa”, unha vella reivindicación dos veciños da zona. A área recreativa de Outeiro, na parroquia de Cobas, estrea nova imaxe. A zona foi obxecto de melloras, a través dun proxecto que buscaba humaniza-lo espazo, para dotalo dunha maior afluencia de veciños. Seica nos últimos anos o espazo foi perdendo interese, a pesar de que alí tamén se atopa a casa da cultura. Entre os traballos levados a cabo salienta a demolición da caseta da auga veciñal, a creación dunha plataforma de formigón, que acollerá a partir de agora os festexos da zona. Tamén se instalou un espazo de xogos infantís, o segundo destas características en toda a parroquia. O proxecto consumouse coa creación de zonas de xardín, sendeiros e a instalación de mobiliario. Dende a Xunta poñen en valor intervencións como esta porque –segundo indican- permiten mellora-la calidade de vida dos veciños de zonas rurais como esta. A intervención nesta área de lecer, de algo menos dunha hectárea, tivo un custo de 60.000 euros, dos que a Xunta achegou uns 40.000.
Publicado en SALNÉS - CALDAS
Pontevedra> Deputación e concello prevén iniciar as obras do novo acceso a Monteporreiro nun prazo dun ano. Esta mañá Lores e Silva ratificaron o convenio de colaboración para a construción da nova estrada. Un proxecto mediante o cal a institución provincial financiará o 70 por cento mentres que o Goberno Local aportará o 30 por cento restante. A Deputación de Pontevedra e o concello de Pontevedra ratificaron hoxe o convenio de colaboración para a contrucción da nova estrada de acceso a Monteporreiro. Unha sinatura, por un valor de 1,5 millóns de euros dos cales o 70 por cento serán financiados pola Deputación e o 30 por cento restante polo concello. Un novo chanzo, tal e como dixo Lores, dentro dos compromisos da Deputación con Pontevedra. A Presidenta dixo esta mañá que esta convenio se enmarca dentro do protocolo de colaboración entre as dúas administracións a través do cal é o concello o que establece as súas prioridades e necesidades. Silva lembrou esta mañá que o ben de Pontevedra é o ben para a provincia xa que se trata dunha cidade que move moito a todos os concellos da zona. O proxecto conta cun investimento total de 1,5 millóns de euros e cun prazo de execución de 9 meses. Segundo anunciaron esta mañá as obras deberían comezar o vindeiro ano e o montante da cifra aboarase durante este ano, o 2018 e o 2019.
Publicado en PONTEVEDRA
RIBEIRA> A actuación, incluída no denominado Plan Hurbe, conta cun orzamento duns douscentos mil euros. A actuación, incluída no denominado Plan Hurbe, ten coma principal finalidade mellorar a seguridade viaria neste vial, un dos principais accesos á cidade. Trátase xa da terceira fase levada a cabo na zona e comprende o tramo entre o cruce coa rúa Vionta e o cruce coa rúa Estrada a Praia. Dende a Xunta aludiron á importancia do proxecto, xa que ademais da súa mellora estética, conlevará a renovación das beirarrúas e os servizos, así como a supresión de barreiras arquitectónicas. O alcalde agradeceu a implicación da Xunta nesta obra que virá a mellorar a seguridade do tráfico nunha zona especialmente problemática de especial intensidade de tráfico ó situarse nunha das vías de entrada e saída do municipio. A intención do Concello pasa por continuar esta actuación coa unión dos dous carrís bicis existentes na zona, o do Touro con Coroso, a través da mellora prevista para a Avenida do Malecón e posteriormente coa parroquia de Palmeira. A actuación, cun orzamento de preto dos 200 mil euros, estará rematada a finais deste mes de novembro, cumpríndose así os prazos previstos ó inicio das obras.
LOUSAME> O investimento irá destinado, na maioría dos casos, á melloras de viais. Ás portas da casa consistorial, o presidente da Deputación da Coruña, Valentín González Formoso, foi recibido pola alcaldesa, Teresa Villaverde, así como tamén outros membros da corporación municipal. Esta era a primeira visita que o presidente provincial realizaba a este municipio, e tiña coma principal finalidade coñecer as obras levadas a cabo neste último ano, e que foron financiadas con cargo ó Plan Único cun investimento total de máis de 743 mil euros. Trátase, na maioría dos casos, de obras de mellora de viais, coma a realizada no camiño ó complexo medioambiental de Servia ou no de Crons á Igrexa de Camboño. Durante a visita, o presidente e a alcaldesa visitaron tamén o aceso a Berrimes, xa renovado, e os parque infantís de Portobravo e Escabia, mellorados tamén con cargo a outros plans da Deputación, como tamén o foron os os acondicionamentos dos locais sociais de Aldea Grande, Béxeres, Vilacova, Escabia e Lesende. A rexedora aproveitou a presenza do presidente provincial para pedir tamén o seu apoio para dous proxectos como son o arranxo da estrada de Comparada a Ponte Beluso e unha nova fase da estrada de Portobravo ó Confurco, pasando por Aldea Grande e Chave. O presidente provincial informou tamén de que este mesmo mes xa se iniciaron os trámites de expropiacións para a ampliación e mellora da DP-4.201 en Aldea Grande, cun presuposto de 304 mil euros e tamén se levou a cabo o inicio do proceso das expropiacións necesarias para a construción dunha nova ponte sobre o rego Pesqueira, na estrada DP-4.202 de Aldea Grande ó Couto cun orzamento de 267 mil euros.
BOIRO> A obra, que será executada en dúas fases, ascende a uns 142 mil euros, que irán con cargo ó remanente de tesourería do pasado exercicio 2016. Trátase dunha das rúas do casco urbano boirense máis degradadas, e que a día de hoxe presenta un peor estado, de aí que o executivo decidira realizar unha actuación importante que supoña a renovación non só estética, senón tamén de mellora de servizos, co separativo de auga e saneamento e a instalación de novas canalizacións. A reforma virá a poñer fin definitivo tamén ós os fallos existentes na rede de sumidoiros e ás continuas roturas nas tubaxes da rede de abastecemento de auga. A actuación enmárcase no plan deseñado polo Concello de cara a ir humanizando, na medida do posible, o casco urbano, como se fixo anteriormente coas rúas Norberto Pizjuan e Pablo Iglesias, na rúa Bao, na Estatuto de Galicia ou na Fernández Mato entre outras. O inicio das obras será inmediato, xa que a actuación deberá estar rematada a finais deste mesmo ano.
Pontevedra> O alcalde e o concelleiro delegado da Parroquia de Mourente visitaron esta mañá as obras de rehabilitación da Rúa do Costado. Uns traballos de 240 mil euros de investimento que estarán rematados no mes de novembro. Lores quixo sinalar que nos últimos dous anos nesta parroquia realizaron un investimento de preto de 2 millóns de euros, o que amosa a clara aposta do Concello polo rural pontevedrés.
Publicado en PONTEVEDRA
Pontevedra> O servizo de Mobilidade provincial aprobará na Xunta de Goberno de mañá 6 convenios e proxectos de mellora de estradas provincias de Pontevedra, Marín, Barro, O Grove e Tui. O orzamento total das actuacións supera os 5,6 millóns de euros en obras que poderán iniciarse a comezos do 2018.
Publicado en PONTEVEDRA
Pontevedra> Os traballos no último tramo da Avenida de Vigo estarán rematados a finais de outubro. Así o confirmou esta mañá o alcalde de Pontevedra quen lembrou que se cumpriron os prazos ,de 3 meses de execución nestas obras. Uns traballos que que contaron cun orzamento de 270 mil euros e que foron realizados pola empresa COVSA.
Publicado en PONTEVEDRA
CAMBADOS> Este xoves celebrouse unha Comisión Municipal de Patrimonio onde se discutiu sobre 21 expedientes de obras que se atopan dentro do conxunto histórico de Cambados. Este é un primeiro paso antes de que os mesmo acudan a Xunta de Goberno Local para proceder, segundo cada caso, a súa aprobación.
Publicado en SALNÉS - CALDAS
SANXENXO> Os nacionalistas de Sanxenxo afirman non crer as motivacións que levaron a Telmo Martín a suspender as licencias de 30 solos urbanizables. Unha proposta que o actual rexedor da vila levará a pleno o luns que ven.
Publicado en SALNÉS - CALDAS
Pontevedra> O alcalde de Pontevedra e o concelleiro de Obras mantiveron esta tarde unha reunión coas tres Federacións das Asociacións de veciños do concello. O obxectivo deste encontro é o de informarlles sobre o plan de obras municipais que están en execución, en tramitación ou en redacción. Son un total de 72 traballos que suman un investimento de 41 millóns de euros.
Publicado en PONTEVEDRA
Páxina 1 de 23
HomeMostrando artigos por etiqueta: Obras Top of Page

Síguenos en facebook