• Facebook
  • Twitter
  • Rss
  • Plus
CANAL RÍAS BAIXAS  :: Información local
POBRA> Uns quince membros da BRILAT, entre os que se atopaba o Tenente Coronel Carlos Aurelio Miragalla Prieto, realizaron esta mañá unha visita ó Museo Valle-Inclán da Pobra do Caramiñal. A actividade, promovida pola empresa Palmira Scuba, formaba parte dun premio, ó resultar a patrulla gañadora da 16 edición do concurso de adestramento de patrullas militares ‘Challenger Ruta Tui–Santiago 2017’, na que percorreu os 120 quilómetros do Camiño Portugués de Peregrinación entre estas dúas cidades en tan só 20 horas. Na visita os membros da Brilat estiveron acompañados polo propio director do museo, Antonio González Millán, que foi o encargado de explicarlles as singularidades do edificio, declarado Monumento Nacional de carácter Histórico e Artístico, así como ensinarlles tamén a importante riqueza da colección patrimonial que reúne, vinculada a un dos nosos escritores máis recoñecidos, como é Ramón María del Valle-Inclán.
POBRA> Entre as actividades ofertadas destaca o obradoiro de conciliación ‘Móvete’, destinado a nenos dos tres ós doce anos. O programa deseñado polo departamento de Deportes pobrense para este verán inclúe actividades do máis variado, dirixidas a tódalas idades, dende os máis pequenos ata os adultos, desenvolvéndose nas instalacións deportivas municipais, na praia de Cabío ou noutras zonas do entorno natural do Concello. Como en anos anteriores a programación estará dividida en varios apartados: escolas deportivas de clubs, actividades para adultos, actividades no mar e na praia ou competicións deportivas nas que se incluirán o torneo de fútbol praia 3x3, o torneo de xadrez, a regata de traíñas bandeira Concello da Pobra ou a milla urbana nocturna, entre outras. A maiores tamén se ofertarán os obradoiros de conciliación ‘Móvete’, destinados a nenos dos tres ós doce anos. Dende o Concello animan a participar nas actividades. Para máis información os interesados poden dirixirse ó Departamento de Deportes pobrense cuxas oficinas atópanse ubicadas na casa de Cultura Raquel Fernández Soler
POBRA> O concello da Pobra acometerá melloras na depuradora para reducir a entrada de auga salgada na rede de saneamento. A salinidade altera o proceso biolóxico de depuración provocando o vertido á ría de augas de inferior calidade.
POBRA> O concello da Pobra intensificará os controis sobre os vertidos no polígono da Tomada. Pretenden instalar tomas de mostras nas propias empresas para identificar ás infractoras e poder sancionalas.
POBRA> Cento cincuenta profesionais da odontoloxía daranse cita esta fin de semana na Pobra para participar na undécima edición do Congreso sobre Implantes Dentais. Como cada ano, a cita contará con destacados poñentes a nivel nacional e internacional.
POBRA> O concello da Pobra chegou a un acordo coa Consellería de Educación para realizar unha serie de melloras nos centros educativos do municipio. Se ben, a administración local realizará un importante esforzo nos centros de primaria, a Xunta comprometeuse a incrementar a partida destinada ó instituto.
POBRA> A Pobra acollerá esta fin de semana unha feira ecolóxica e animalista. Unha vintena de postos instalaranse nos xardíns Valle-Inclán para presentar os seus produtos, elaborados con materiais estritamente ecolóxicos. Xunto a eles, varias protectoras de animais darán a coñecer o seu labor.
POBRA> Tres polos mortos, medio coco, flores e unha botella de licor. Esta sinistra estampa foi a que atoparon uns veciños da Pobra que este domingo paseaban pola Curota. Restos dun suposto ritual que podería ter como obxecto final a purificación.
POBRA> Malas novas para os mariscadores de Arousa que confiaban na recuperación do berberecho de cara á presente campaña. Sen embargo, nas últimas semanas detectouse unha alta mortaldade da especie que fai pensar novamente na marteilia.
POBRA> O PP da Pobra levará ó pleno deste xoves unha moción solicitando que se inicien os trámites para a ampliación do polígono industrial da Tomada. Na actualidade, xa están ocupadas o noventa por cento das parcelas que habilitaron na segunda fase.
POBRA> O acto foi aproveitado tamén para presentar o libro A Torre dos Valle Bermúdez no Caramiñal.
POBRA> O BNG da Pobra demanda a toma de medidas para garantir unha maior seguridade cidadá no municipio. Solicitan ademais que se cumpra cun acordo adoptado xa en 2003 polo cal se cedeu un local municipal á Garda Civil para manter un posto do instituto armado na vila.
HomeMostrando artigos por etiqueta: Pobra do Caramiñal Top of Page

Síguenos en facebook