• Facebook
  • Twitter
  • Rss
  • Plus
CANAL RÍAS BAIXAS
Pontevedra> Presidente da Xunta de Galicia, conselleiro de Sanidade e xerente do CHOP presentaron esta tarde o plan funcional de Montecelo. O Gran Montecelo converterase nun espazo que ocupará 118 500 hectáreas e contará con numerosas melloras. Entre elas, as urxencias estará unificadas para todos os ámbitos neste centro, haberá UCI pediátrica, radioloxía, as consultas externas pasarán de 227 a 280, nas urxencias de 61 postos a 117 e no número de camas pasarán de 600 a 720 das que o 60 por cento será individuais. O fin deste centro hospitalario é reoganizar os servizos e os profesionais para crear un hospital de futuro. O presidente pola súa banda amosou o seu compromiso firme e aposta por este Gran Montecelo. Un proxecto ao que se destinarán soamente en construcción 140 millóns de euros. Con estes traballos Feijóo asegurou que ten un contrato asinado coa Boa Vila. O alcalde de Pontevedra pola súa banda fixo un balance positivo deste proxecto funcional do que se queda co compromiso da Xunta de converter nunha realidade este Gran Montecelo. Uns traballos que comezarán previsiblemente a comezos do 2019, con esta previsión o Gran Montecelo convertirase nunha realidade no 2021.
Publicado en PONTEVEDRA
Pontevedra> O paseo de Odriozola, en Pontevedra, acolle ata o 6 de agosto a décima edición da Feira Atlántica da Artesanía e do Deseño, Chalana 2017. Unha feira onde poderán atopar traballos artesanais en madeira, prata, coiro ou la. Aínda lles quedan moitos días por diante para desfrutar desta cita onde poderán atopar produtos moi orixinais.
Publicado en PONTEVEDRA
Pontevedra> Do 25 ao 30 de setembro Pontevedra volverá a acoller unha nova edición do TEK FEST. Un evento que este ano terá como temática central a tecnoloxía e o patrimonio. O obxectivo desta cita é situar a Pontevedra na vangarda tecnolóxica.
Publicado en PONTEVEDRA
Pontevedra> Pontevedra viviu o seu festivo local, o seu San Bieito, con moito ambiente e actividade na cidade. O mosteiro acolleu a centos de persoas que lle realizaron ao santo as súas peticións, e mercaron o aceite milagreiro para curar as verrugas. Ao mesmo, tempo a playa fluvial de Lérez acolleu a romaría na que se reparte máis de 1500 kilos de mexillóns e outros tantos de empanada, todo de balde.
Publicado en PONTEVEDRA
Pontevedra> A Federación Internacional de Loita visitou esta mañá as instalacións de Pontevedra para acoller o Europeo Junio de 2019. A cidade do Lérez é candidata oficial e compite con outras dúas localidades de Moldavia e Polonia. En marzo do 2018 saberemos qué lugar acollerá esta cita deportiva.
Publicado en PONTEVEDRA
Pontevedra> Os días 1-2-3 de decembro o Pazo da Cultura de Pontevedra acollerá a décima edición do Culturgal. Unha edición especial que chegará dúas novidades, a primeira: a presenza de Portugal neste evento, e a segunda: a creación dun espazo expositivo de arte contemporánea.
Publicado en PONTEVEDRA
PONTEVEDRA> O parricida confeso de Moraña, pendente de veredicto. Será mañá cando o xurado se retire a deliberar, despois de dúas sesións de xuízo. Hoxe, a defensa de David Oubel asumiu todas as acusacións da Fiscalía, despois de que onte fora o propio parricida quen confesara os feitos. De ser declarado culpable, estaría ante a condena de prisión permanente revisable. O xuízo contra o parricida confeso de Moraña encara a súa recta final. Mañá o xurado retirarase a deliberar, despois de escoitar os informes dos peritos que pasaron hoxe pola sala. Ao final da sesión, a defensa de David Oubel modificaba as súas conclusións preliminares nas que alegaba o trastorno mental transitorio do seu cliente. Trala confesión de onte do acusado, o letrado manifestaba a súa conformidade con todas as conclusións e acusacións que recolle a Fiscalía. Para o Ministerio Fiscal, os feitos son dous delitos de asasinato con aleivosía agravados. O feito de que as vítimas foran menores de 16 anos fai que, de ser declarado culpable, Oubel teña que cumprir a condena de prisión permanente revisable. Pola súa banda, a sesión desta mañá tamén serviu para modificar as conclusións previas da defensa. Finalmente, decidiron retirar o agravante de asañamento, aínda que manteñen a petición da prisión permanente revisable para o parricida confeso. Hoxe, os especialistas que se encargaron da avaliación psíquica de David Oubel concluíron que non presentaba ningún trastorno grave que anulara a súa vontade no momento do crime. Tamén detectaron falta de empatía e frialdade, con rasgos dunha personalidade narcisista. Ao remate da sesión, o asasino confeso non quixo facer uso da súa última intervención. Pola súa banda, os forenses responsables da autopsia das pequenas explicaron que foron degoladas cunha radial e un coitelo, despois de inxerir unha mestura de sedantes. Segundo o seu relato, o cóctel tivo menos efecto sobre a maior, que si se resistiu e intentou fuxir do ataque.
Publicado en PONTEVEDRA
PONTEVEDRA> O Pazo Provincial foi o lugar elixido para a presentación da exposición "Rexas, mulleres baixo o terror franquista". A mostra estará dispoñible ata final de ano en diferentes concellos da provincia, para todo aquel que a queira visitar.
Publicado en PONTEVEDRA
PONTEVEDRA> O parricida de Moraña recoñeceu esta mañá que matou as súas dúas fillas cunha radial. David Oubel declarou durante a primeira sesión do xuízo que xulga o asasinato das dúas pequenas, producido en Moraña o 31 de xullo de 2015. Na súa intervención, aceptou tamén as valoracións forenses que aseguran que era consciente dos seus actos. A Fiscalía e a acusación particular, piden para el a pena máxima: prisión permanente revisable. A un mes de cumprirse dous anos da morte das dúas pequenas, o parricida de Moraña sentou na bancada da Audiencia Provincial de Pontevedra. Durante a primeira sesión, David Oubel declarou por primeira vez dende que se produciran os feitos o 31 de xullo de 2015. Ante o xurado popular, confesou que matara as dúas fillas de 4 e 9 anos usando unha serra radial. Recoñeceu o contido do escrito da Fiscalía, que fala de dous asasinatos premeditados porque drogou as súas fillas para anular a súa capacidade de defensa. Pola contra, Oubel negou o asañamento que lle atribúe a acusación particular. Na súa declaración, Oubel explicou que se arrepentía dos feitos. Asegurou que atravesaba unha situación límite que o levou a tomar unha decisión que, apuntou, agora non ten xeito de solucionar. Fiscalía e acusación particular piden prisión permanente revisable. Tamén, o asasino confeso das dúas pequenas insistiu en que cometera o dobre crime en plenas facultades mentais, en contradición ao que apuntaba a súa defensa. Algo que xa desbotaba a Fiscalía. Ademais de David Oubel, esta mañá declararon once testemuñas. O xuízo reanudarase mañá coas probas periciais.
Publicado en PONTEVEDRA
Pontevedra> O voceiro do PSdeG- PSOE estivo hoxe en Pontevedra. Nunha xornada onde se reuniu cos empresarios da cidade. No encontro, que posteriormente mantivo cos medios, Leiceaga denunciou publicamente o veto que o Goberno Central quere realizar para a transferencia da AP-9. O líder socialista cree que isto é inadmisible e pídelle a Feijóo que lle deixe de tomar o pelo aos galegos.
Publicado en PONTEVEDRA
Venres, 30 Xuño 2017 14:36

Xa están aquí as rebaixas de verán

Pontevedra> Un día antes do habitual, neste 30 de xuño comezaron oficialmente as rebaixas de Verán. Dende a Federación Provincial de Comercio estiman que cada pontevedrés gastará 57 euros de media nestes descontos. Hoxe, polas rúas da cidade do Lérez, puidemos ver ambiente de compras. O que máis se vende nestas rebaixas é a roupa e o calzado.
Publicado en PONTEVEDRA
Pontevedra> Esta fin de semana comezan os festivais Rías Baixas 2017. Unha cita que se inaugura co Atltantic Fest un evento que terá lugar os días 1-2 de xullo na Illa de Arousa. A presidenta da Deputación dixo que os festivais terán dous compromisos neste ano a sustentabilidade e a igualdade.
Publicado en PONTEVEDRA
Páxina 1 de 76
HomeMostrando artigos por etiqueta: Pontevedra Top of Page

Síguenos en facebook