• Facebook
  • Twitter
  • Rss
  • Plus
CANAL RÍAS BAIXAS
RIANXO> O voceiro do PSdeG-PSOE fixo esta mañá unha visita ós Lombos do Ulla, a onde acudiu en compaña de varios patróns maiores e representantes de Confrarías arousás para analizar a caída da produción nesta zona de libre marisqueo. No encontro mantido en Rianxo, Fernández Leiceaga aludiu tamén á necesidade de que se estremen os controis de contaminación na Ría e que se actualicen os estudos sobre a produtividade marisqueira na zona, xa que os últimos foron realizados hai xa quince anos. Máis duro se mostrou o patrón maior rianxeiro, Miguel Ángel Iglesias, quen xunto as patroas maiores de Vilanova e Cabo de Cruz, María José Vales e Raquel Soto, respectivamente, acompañou ó voceiro socialista na súa visita ós Lombos do Ulla. Iglesias reclamou actuacións urxentes para mellorar a produtividade dos Lombos e por extensión a de toda a Ría, da que viven moitas familias. O patrón maior rianxeiro lamentou tamén que a campaña do ano que vén vai estar condicionada pola escasa produtividade, polo que, segundo el, será novamente un ano perdido.
RIANXO> A boa xestión dos últimos anos traduciuse no superávit das contas da confraría de Rianxo. Tras unha campaña marisqueira moi rendible e, a pesar de ter investido corenta mil euros en tarefas de rexeneración, o pósito pechou o exercicio con once mil euros de excedente.
RIANXO> A mostra, con fondos procedentes da Hispanic Society of America, é posible grazas ó convenio a tres asinado entre Afundación, Abanca e o propio concello de Rianxo. Tódalas fotografías que integran esta exposición que dende hoxe acolle o auditorio rianxeiro foron realizadas pola fotógrafa norteamericana Ruth Matilda Anderson durante unha viaxe de investigación entre os anos 1924 e 1926, por encargo do fundador da prestixiosa Hispanic Society of America, o filántropo e hispanista Archer Milton Huntington. A exposición é hoxe un tesouro valioso que reflicte fielmente a Galicia da época, da súa xente, das nosas costumes e dos nosos oficios. A mostra permanecerá aberta ó público ata o próximo 20 de xullo.
RIANXO> O acordo asinado esta mañá en Rianxo ascende a uns 28 mil euros e permitirá a dinamización e o fomento da construcción de embarcacións en madeira. A directora xeral de Desenvolvemento Pesqueiro, Susana Rodríguez, e o presidente da Asociación Galega de Carpintería de Ribeira, Ramón Collazo, foron os encargados de asinar o convenio de colaboración entre ámbalas dúas entidades, que posibilitará a realización de distintas actividades de dinamización e fomento da construción de embarcacións de madeira. No acto, que se desenvolveu nas propias instalación de Asteleiros Catoira, situado no porto de Rianxo, participou tamén a conselleira do Mar, Rosa Quintana, quen destacou a importancia do acordo, non só polo aspecto económico, senón máis ben pola necesidade de seguir apostando por esta forma de traballo artesanal e respectuousa co medio ambiente. Dende Agalcari agradeceuse a achega da Xunta, uns 28 mil euros que serán destinados á organización de diferentes eventos promocionais da carpintería de ribeira coma o congreso que vai ter lugar o próximo mes de outubro en Rianxo sobre construcción naval en madeira. Ramón Collazo tamén aludiu á necesidade de seguir apostando pola competitividade do sector co impulso do regulamento, actualmente en marcha, para conseguir un selo de calidade de construcción da carpintería de ribeira galega. Tamén avogou porque os barcos de madeira non teñan que verse obrigados a pasar por máis controis que os construídos con outro tipo de materiais, algo que dende Agalcari consideran discriminatorio para o sector. A Asociación Galega de Carpintería de Ribeira está formada por un total de 16 empresas de construción naval en madeira que aínda seguen operativos na actualidade en toda Galicia, sendo a súa principal finalidade a dinamización económica e produtiva da construción naval en madeira e a protección e preservación do seu valor como parte viva do patrimonio marítimo, cultural e etnográfico.
RIANXO> O deputado provincial e responsable de Vías e Obras, José Manuel Pequeño, comprobou esta mañá o resultado das obras levadas a cabo nas últimas semanas. Preto dos trinta mil euros. Esta é a cantidade investida pola Deputación da Coruña nas obras de reparación da xunta central da ponte de Catoira que presentaba importantes deficiencias e que de non actuar con urxencia poderían ter afectado gravemente á infraestrutura. O deputado responsable de Vías e Obras do organismo provincial, José Manuel Pequeño, visitou esta mañá a zona, acompañado de varios técnicos, para comprobar o resultado dos traballos levados a cabo nas últimas semanas. Sen ser, na súa execución, unha obra de gran calado, a dificultade foi poder realizar a reparación sen interromper a circulación, o tratarse dunha vía cunha elevada intensidade de tráfico. Pola súa banda o responsable de Vías e Obras da deputación coruñesa volveu insistir na necesidade de abordar a transferencia da ponte á Xunta de Galicia, tal e como recolle o Plan Move, dado o carácter estratéxico do vial que une as provincias da Coruña e Pontevedra. A última actuación importante realizada na ponte de catoira producíase no ano 2014. Sufragada polas dúas Deputacións, a de Pontevedra e a da Coruña, a infraestrutura permaneceu pechada totalmente ó tráfico durante un período duns catro meses causando un gran malestar entre os habituais usuarios do viaduto. Daquela xa se propoñía a realización dunha actuación de maior envergadura e mesmo se falaba da construción dunha nova ponte ou a ampliación da xa existente a catro carrís. Unha reivindicación que aínda se mantén a día de hoxe debido ó alto volume de tráfico que soporta.
RIANXO> A exposición, froito dun convenio a tres entre ABANCA, Afundación e o propio concello rianxeiro, poderá visitarse no auditorio municipal a partir do próximo día 20 de xuño. Despois de percorrer anteriormente outros concellos de Galicia, como é o caso de Vilagarcía, a exposición ‘Unha mirada de antano: Fotografías de Ruth Matilda Anderson en Galicia’ chegará a Rianxo. Farao o próximo día 20 deste mes. Data na que está prevista a súa inauguración. Esta mañá procedíase á sinatura do convenio de colaboración entre Abanca, Afundación e o propio Concello. Segundo explicou a coordinadora da área de Cultura de Afundación, Marité Cores, a mostra recolle unhas 70 instantáneas que a fotógrafa norteamericana realizou durante a súa viaxe de investigación a Galicia entre os anos 1924 e 1926. O alcalde, Adolfo Muíños, agradeceu tanto a Abanca como Afundación, o ter pensado en Rianxo para poder acoller esta exposición, animando, de paso a visitala, dado a súa importancia ó constituir un completo relato documental da nosa historia. A exposición permanecerá aberta ó publico no auditorio municipal durante un período dun mes.
RIANXO> A vicepresidenta da Deputación da Coruña, Goretti Sanmartin, e o alcalde de Rianxo, Adolfo Muíños, asinaban esta mañá o convenio de colaboración que dará inicio á reforma interior da casa do escritor Rafael Dieste. No propio interior da vivenda, a vicepresidenta e responsable de Cultura da Deputación, Goretti Sanmartin, e o alcalde de Rianxo, Adolfo Muíños, procedían á sinatura do acordo que permitirá poder iniciar as obras. O proxecto de mellora interior da casa de Rafel Dieste ascende a máis de 236 mil euros, dos cales o 80% serán aportados pola Deputación e a cantidade restante asumida polo Concello. A actuación será unha continuidade ás obras xa realizadas no ano 2012, que consistiron basicamente na substitución da cuberta e na mellora e limpeza da fachada. Dende o organismo provincial destacaron que con este proxecto, o que se pretende é impulsar a condición de Rianxo como vila literaria, onde a cultura é tamén motor de dinamización turística e económica, como acontece tamén con outras casas de referencia no país como é o caso da de Rosalía de Castro en Padrón. Pola súa banda o rexedor rianxeiro agradeceu o apoio da Deputación da Coruña que permitirá poder desenvolver agora a actuación. A intención do Concello pasa por iniciar canto antes as xestións para a contratación da obra coa idea de en menos dun ano a casa poida xa abrise ó público. Muíños adiantou tamén que algúns dos materiais que formarán parte do futuro museo de Rafael Dieste como é o caso de mobiliario orixinal que xa foi restaurado, o piano, coleccións de partituras ou primeiras edicións das súas principais obras.
RIANXO> O sinistro producíase pouco antes das dúas da tarde. Por causas polo de agora descoñecidas, un vehículo, un BMW Serie 3, invadiu o carril contrario e colidiu frontalmente contra un camión. A consecuencia do golpe, o turismo quedou envolto en chamas, e os dous ocupantes que viaxaban no seu interior, unha parella de ó redor duns 40 anos, quedaron atrapadas no seu interior sen que ninguén puidera facer nada por socorrelos. A identificación dos corpos foi complexa, debido a que tanto o vehículo coma as dúas vítimas quedaron calcinadas. Ata o lugar do suceso achegáronse numerosos equipos de emerxencia, Policía Local e Protección Civil de Rianxo, bombeiros do parque comarcal de Boiro e tamén varias patrullas da Garda Civil de Tráfico. Tamén se achegaron diversas autoridades locais, entre elas o alcalde, Adolfo Muíños, quen lamentou o suceso. A consecuencia do choque, e debido ós traballos de excarceración e ó levantamento dos corpos, e posteriormente á retirada dos vehículos implicados e a limpeza da calzada, a estrada permaneceu cortada ó tráfico durante máis de catro horas, desviado a circulación a través da propia autovía do Barbanza. O accidente desta tarde é uns dos máis graves dos rexistrados na comarca nos últimos anos, ó saldarse con dúas vítimas mortais. A parella falecida deixa un fillo de tres anos.
RIANXO> O boleto premiado con cinco acertos máis o complementario foi selado na administración ‘O Mexillón de Ouro’. Durante toda a mañá, nada máis ter coñecemento da nova, foron moitos os clientes desta administración de lotarías ‘O Mexillón de Ouro’, situada na rúa de Arriba, os que se achegaron a comprobar se o seu boleto era o que resultara agraciado no sorteo de onte da Primitiva. En total 82 mil euros. Cinco números máis o complementario. Polo de agora descoñecese a identidade do afortunado ou afortunados, aínda que todo apunta a que se trate de alguén da vila.
RIANXO> Dende a formación acusan ó executivo de estar a incumprir a legalidade que obriga a telos presentados antes do 31 de decembro do ano anterior.
RIANXO> A actuación, incluída no Plan de Obras da Deputación da Coruña, conta cun investimento próximo ós 90 mil euros.
RIANXO> Rianxo acollerá este verán a terceira edición do Deporcampus. Nenos de entre cinco e catorce anos poderán participar neste proxecto formativo da man de adestradores do Deportivo da Coruña. A iniciativa está promovida polo Club local Unión.
Páxina 1 de 27

Final Copa Diputación

HomeMostrando artigos por etiqueta: Rianxo Top of Page

Síguenos en facebook