• Facebook
  • Twitter
  • Rss
  • Plus
CANAL RÍAS BAIXAS
BARBANZA> Os concellos de Muros, Noia e Rianxo recibirán as achegas correspondentes ó Programa das Áreas de Rehabilitación Integral, cofinanciado polo Ministerio de Fomento e a Consellería de Infraestruturas e vivendas. En total, os tres municipios barbanzáns beneficiaranse dunha axuda total de trescentos trinta e seis mil euros.
RIANXO> Satisfacción no executivo rianxeiro pola consecución dos fondos europeos Leader, que xestiona Deloa, para a realización dunha nova intervención arqueolóxica neste emblemático espazo. Uns douscentos mil euros. Esa será a cantidade destinada a este proxecto de intervención arqueolóxica que se desenvolverá en dúas anualidades e que prevé a posta en valor do Castelo da Lúa. A actuación irá con cargo case integramente ós fondos europeos que xestiona a Asociación de Desenvolvemento Local Deloa. A primeira fase do proxecto desenvolverase xa este ano. Cabe lembrar que última actuación importante realizada neste espazo data xa do 2007.
RIANXO> A proba, organizada pola peña ciclisturista Castro Barbudo, terá lugar este próximo domingo a partir das nove da mañá e será puntuable para o Open Galego na especialidade de maratón. Os afeccionados ó ciclismo terán unha cita este próximo domingo en Rianxo coa disputa da décimo oitava edición da Subida ó Castro Barbudo de BTT. Todo un clásico neste tipo de probas na comarca do barbanza. Organizada pola peña ciclisturista Castro Barbudo a cita terá este ano un aliciente máis, ó estar incluída no Open galego na especialidade de maratón. Dende o Concello, que colabora na organización desta cita, valoraron moi positivamente a proba A saída está prevista para as nove da mañá dende a Praza de Campo de Pazos en Taragoña. Na carreira prevese a participación duns 150 corredores sumando tódalas categorías que deberán dar dúas voltas ó circuíto, no caso da especialidade de maratón, duns 31 quilómetros de percorrido.
RIANXO> Aínda que non arrancaron un si á súa demanda dun centro de día para a localidade, si conseguiron un compromiso de que se habilitaría este servizo se existe unha ampla demanda. Nin si nin non. Dende a plataforma veciñal valoraron de xeito tibio a reunión mantida hai uns días coa xerencia do Consorcio Galego de Benestar, e na que tamén tomou parte o delegado territorial da Xunta na provincia da Coruña, Ovidio Rodeiro. Aínda que non obtiveron unha resposta afirmativa á súa demanda de construir un centro de día na localidade, si conseguiron arrancar un compromiso de levalo a cabo se existe uha demanda de alomenos 150 persoas cun grao de discapacidade de nivel dous ou tres, avalado iso si por un certificado médico. Ante esta situación, a plataforma acordou continuar co peche no salón de plenos do Concello. Unha protesta que manteñen dende hai unhas tres semanas, á que se uniran novas accións nos próximos días. O contido desa xuntanza tampouco deixou satisfeito ó executivo rianxeiro. Segundo o alcalde, Adolfo Muíños a resposta dada pola Xunta non ofrece unha saída factible nin a curto nin a medio prazo.
RIANXO> A proba, que terá lugar o sábado 12 de agosto, volverá a ter un carácter solidario, xa que todo o recadado irá destinado a asociación de persoas con diversidade funcional Ambar. Por segundo ano consecutivo Rianxo celebrará a Carreira-Andaina Nocturna Solidaria ‘Castelo da Lúa’. Será o próximo sábado 12 de agosto, a partir das nove e media da noite, con saída dende a propia praza do Concello. A actividade está organizada pola Sociedade Barbantia Roda en colaboración co Club Atletismo Rianxo e o propio Concello. Tanto a carreira coma a andaina terán un carácter popular, con perfís e distancias accesibles a calquera tipo de persoas. O que se pretende dende a organización é acadar unha alta participación na proba e que sexa un gran festa do deporte. A proba volverá ater un carácter solidario. Todo o recadado irá a parar á asociación de persoas con diversidade funcional Ambar. Un xesto que agradecen dende a entidade. Dende o Concello fan unha chamada á participación, pois a ocasión ben o merece. Ademais da propia participación na carreira ou na andaina, tamén se pode colaborar coa iniciativa a través do Dorsal 0, facendo unha doazón polo importe desexado. As inscrición poden realizarse en liña ata o vindeiro xoves 10 de agosto na páxina web de EME Sports ou de xeito presencial na Praza Castelao ata 15 minutos antes do inicio da proba.
Martes, 01 Agosto 2017 17:01

Sergio García ten xa sucesor en Barbanza

RIANXO> Daniel Varela, un rianxeiro de tan só dez anos, actual Campión Galego en categoría benxamín, está a impresionar a moitos dos amantes deste deporte. Que mellor carta de presentación para este rianxeiro, que con tan só dez anos, é unha das grandes promesas deste deporte, non só a nivel autonómico senón tamén nacional. A pesar da súa curta idade, Daniel xa compite por toda España en torneos de adultos, onde non deixa de impresionar, chegando mesmo a brillar a gran altura e a pelexar pola vitoria con xogadores de maior traxectoria e experiencia. Aínda así os seus comezos cos paus son aínda recentes e déronse máis ben por casualidade. Dende aquela Daniel adestra con maior asiduidade varias horas á semana, tanto nas instalacións do club de Golf de Boiro de Pitch & Putt como tamén nas do Club Val de Rois, equipos cos que ademais compite regularmente. Para el non é nada sacrificado. Todo o contrario. As xornadas de adestramento e as propias competicións disfrútaas coma se dun xogo se tratara.. e ahí pode estar a clave do seu éxito. Os seus adestradores falan del maravillas, destacando por riba de todo as súas ganas de aprender e o seu xogo co putt. Sen obsesionarse, Daniel aspira a converterse nun xogador profesional e chegar algún día a poder disputar algún dos prestixiosos torneos que agora segue pola televisión. O tempo o dirá…
RIANXO> A cita, organizada polo Club de Remo Rianxo en colaboración co propio Concello, desenvolverase como é tradición nunha carpa instalada para a ocasión no Campo de Arriba. A Festa de Exaltación do Mexillón de Rianxo chega este ano á súa oitava edición. Organizada polo Club de Remo Rianxo, en colaboración co propio Concello, a cita , hoxe en día un dos referentes gastronómicos da comarca do Barbanza, terá lugar esta vindeira fin de semana, os días 5 e 6 de agosto na alameda, no Campo de Arriba. Este ano serán un total de sete receitas as que se elaborarán. Todas as recetas estarán realizadas co mellor produto da nosa Ría, neste caso o mexillón, que cumpre cos máis estritos controis de calidade, para darlle ó consumidor as máximas garantías posibles, prevéndose repartir unhas tres mil racións. O alcalde, Adolfo Muíños, destacou a importancia da cita que organiza cada ano o Club de Remo, que serve, ademais de exaltar un dos produtos típicos da localidade, para recadar fondos para a entidade. A cita gastronómica incluirá ademais da degustación un gran número de actividades paralelas como son bautizos de mar en motos acuáticas totalmente gratuítos, diversas actuacións musicais e ata un parque de inchables para os máis pequenos.
RIANXO> A proba, encadrada no calendario de regatas da Liga Galega de Traíñas, arrancará a partir das doce menos cuarto da mañá na dársena portuaria da vila. Correspondente coa décima proba do calendario de regatas que integran a Liga Galega de Traíñas, Rianxo acollerá este próximo domingo a décimo cuarta edición da Bandeira de Traíñas Concello de Rianxo. Na regata tomarán parte os once clubs que integran a LGT. Os principais favoritos para levarse a vitoria na proba serán os dous equipos que lideran actualmente a clasificación, Samertolomeu de Meira e a Pobra do Caramiñal. O Club anfitrión, agarda facer un bo papel aínda que as posibilidade de trunfo son escasas. Dende o Concello, principal patrocinador da regata, destacaron a importancia desta proba, xa un clásico dentro do calendario deportivo rianxeiro. A organización quixo tamén agradecer a colaboración das distintas empresas patrocinadoras, xa que sen a súa axuda sería imposible poder levala a cabo. O montante económico destinado a premios acada os nove mil euros, a repartir entre tódolos Clubs en función da clasificación na proba.
RIANXO> En total repartíronse máis de mil racións deste prezado peixe, acompañado de cachelos, pementos de Padrón e pan. Coa onte, xa son vinte e cinco as edicións celebradas ata o de agora da festa da xouba. Aínda así a deste ano presentou importantes novidades. Unha delas foi o cambio de emprazamento, dende a alameda, no Campo de Arriba, ata o paseo da Ribeira, onde se instalou a carpa provisional. Por ela foron pasando numerosas persoas que non quixeron deixar escapar a oportunidade de probar este prezado peixe característico da nosa Ría. Dende a propia organización, que este ano foi comandada polo Concello, destacouse o éxito desta cita gastronómica na que chegaron a repartirse máis de mil racións de produto, acompañado de cachelos e pementos de Padrón O bo tempo existente durante toda a xornada, así como os grupos de música tradicional que amenizaron a festa, animaron a moitos veciños a sumarse a esta degustación que non só se realizou na propia carpa. Moita xente optou tamén por degustar a xouba nalgún dos 24 locais que participaron este ano na ruta das tapas da xouba que ofreceron este produto elaborado das máis variadas formas.
RIANXO> A actuación ascenderá a máis de catorce millóns de euros, xa que ás obras de mellora na depuradora haberá que engadirlle a construción dun novo tanque de tormentas. Tratábase dunha vella demanda, incluída xa no Plan de Saneamento da Ría que debería estar xa rematada no 2015. Aínda así o executivo rianxeiro mostrou a súa satisfacción porque a obra sexa en breve unha realidade. Dende o goberno local confíase en que a actuación veña a solucionar os problemas existentes na actual EDAR, xa que as instalacións son a todas luces insuficientes para poder asumir o tratamento procedente da rede de saneamento. Dende o Concello agardan a que a obra se acometa coa máxima brevidade posible. O orzamento da actuación ascende a máis de catorce millóns de euros. Trala ampliación a nova EDAR terá unha capacidade para unha poboación dun 23 mil habitantes, o dobre da poboación actual.
RIANXO> A actividade, impulsada pola Federación de Librarías de Galicia. en colaboración coa Xunta de Galicia, a Deputación da Coruña e o propio Concello, estará aberta ata o domingo na praza Castelao. A praza Castelao volve a ser o escenario elixido para acoller unha nova edición da Feira do Libro de Rianxo organizada pola Federación de Librarías de Galicia en colaboración coa Xunta de Galicia, Concello e Deputación da Coruña. A cita, organizada este ano baixo o lema “A ledicia de ler”, en homenaxe a Carlos Carares, autor homenaxeado no Día das Letras Galegas, prolongarase ata o próximo domingo. Ademais das librerías, a feira conta tamén con dúas casetas, unha da Biblioteca Municipal e da outra Deputación onde se desenvolven obradorios de animación á lectura para os máis pequenos. Durante as distintas xornadas desenvólvense numerosas actividades como é o caso de presentacións ou sinaturas de libros por parte de autores como Xosé Luís Axeitos, Natalia Carou ou María Reimóndez, entre outros. A feira tamén da cabida a outras propostas, como a música e a danza, e tamén a actividades para os máis pequenos con sesións de contacontos e espectáculos teatrais. O horario da feria será de once a dúas polas mañás e de cinco e media a nove e media polas tardes. Durante a fin de semana pechará ás dúas e media.
HomeMostrando artigos por etiqueta: Rianxo Top of Page

Síguenos en facebook