• Facebook
  • Twitter
  • Rss
  • Plus
CANAL RÍAS BAIXAS
RIANXO> Segundo día de peche no concello da plataforma polo centro de Día de Rianxo. Os afectados decidiron iniciar este encerro que se prolongará ata que a Xunta acceda a dotar deste servizo á localidade.
RIANXO> Os cento oitenta rapaces que participan no campamento urbano ‘Boga, boga o mar’ de Rianxo visitaron esta mañá as instalacións do museo do mar e da Aula Activa do Mar. Alí tiveron ocasión de realizar un percorrido pola cultura marítima da vila achegándose ós oficios tradicionais relacionados co mar.
RIANXO> A segunda edición do Trail Pico Muralla chegará a Rianxo o próximo vinte e tres de xullo. Este ano, a proba contará cun percorrido de quince quilómetros fronte ós cinco da pasada edición.
RIANXO A entidade traslada así o seu malestar ante a falla de resposta por parte da Xunta á súa demanda para que se dote á localidade deste servizo. Segundo indicou a Concha Sánchez, a Plataforma estuda agora novas accións de protesta para seguir coas súas demandas. Á campaña de chamadas á consellería de Política Social reclamando a construción do centro de día seguiranlle outras, que agardan poder anunciar xa este próximo domingo durante a convocatoria dunha nova mobilización. Seguramente a última que se celebre nos próximos meses.
RIANXO> O concello de Rianxo vén de entregar unha pá de fibra de carbono ó piragüista Adrián Mosquera. Deste xeito pretenden recoñecer os importantes éxitos acadados polo deportista rianxeiro e apoialo de cara ó campionato europeo que disputará a próxima semana en Bulgaria.
RIANXO> Rianxo acollerá o día 23 de xullo a festa da xouba. A intención do concello é manter a exaltación dun produto tan típico da vila a pesar do escaso rendemento económico que deixa na confraría. Aínda así, o pósito e a patronal local colaborarán na organización da degustación.
RIANXO> para a localidade. A plataforma veciñal constituída para tal fin afirmou que non cesará nas súas protestas ata conseguir un compromiso firme por parte da Xunta. Off Unhas 500 persoas participaron onte domingo en Rianxo, na Praza Castelao, nunha nova concentración para reivindicar a construcción dun centro de día na localidade. A mobilización foi convocada pola plataforma constituída para reclamar este servizo, ó seu entender vital de cara a poder atender as necesidades dos veciños do municipio. Durante a protesta, varios membros da propia plataforma trasladáronlle ós participantes algún dos avances acadados nas últimas semanas. Segundo a súa portavoz, Concha Sánchez, a Xunta, a través da Dirección Xeral de Maiores e Persoas con Discapacidade, informoulles de que vai estudar a viabilidade do proxecto, poñéndose como prazo un ano. Están tamén pendentes dunha próxima xuntanza, que podería realizarse as próximas semanas, á que acudirán cun proxecto real. Dende a plataforma consideran que en Rianxo hai espazos que poderían acoller este servizo como é o caso do antigo ambulatorio. Anunciaron ademais que seguirán coa súa loita ata que non haxa un compromiso en firme, e de non conseguilo, non descartan tampouco levar as súas mobilizacións ata Santiago, á propia sede da Xunta en San Caetano.
RIANXO> O voceiro do PSdeG-PSOE fixo esta mañá unha visita ós Lombos do Ulla, a onde acudiu en compaña de varios patróns maiores e representantes de Confrarías arousás para analizar a caída da produción nesta zona de libre marisqueo. No encontro mantido en Rianxo, Fernández Leiceaga aludiu tamén á necesidade de que se estremen os controis de contaminación na Ría e que se actualicen os estudos sobre a produtividade marisqueira na zona, xa que os últimos foron realizados hai xa quince anos. Máis duro se mostrou o patrón maior rianxeiro, Miguel Ángel Iglesias, quen xunto as patroas maiores de Vilanova e Cabo de Cruz, María José Vales e Raquel Soto, respectivamente, acompañou ó voceiro socialista na súa visita ós Lombos do Ulla. Iglesias reclamou actuacións urxentes para mellorar a produtividade dos Lombos e por extensión a de toda a Ría, da que viven moitas familias. O patrón maior rianxeiro lamentou tamén que a campaña do ano que vén vai estar condicionada pola escasa produtividade, polo que, segundo el, será novamente un ano perdido.
RIANXO> A boa xestión dos últimos anos traduciuse no superávit das contas da confraría de Rianxo. Tras unha campaña marisqueira moi rendible e, a pesar de ter investido corenta mil euros en tarefas de rexeneración, o pósito pechou o exercicio con once mil euros de excedente.
RIANXO> A mostra, con fondos procedentes da Hispanic Society of America, é posible grazas ó convenio a tres asinado entre Afundación, Abanca e o propio concello de Rianxo. Tódalas fotografías que integran esta exposición que dende hoxe acolle o auditorio rianxeiro foron realizadas pola fotógrafa norteamericana Ruth Matilda Anderson durante unha viaxe de investigación entre os anos 1924 e 1926, por encargo do fundador da prestixiosa Hispanic Society of America, o filántropo e hispanista Archer Milton Huntington. A exposición é hoxe un tesouro valioso que reflicte fielmente a Galicia da época, da súa xente, das nosas costumes e dos nosos oficios. A mostra permanecerá aberta ó público ata o próximo 20 de xullo.
RIANXO> O acordo asinado esta mañá en Rianxo ascende a uns 28 mil euros e permitirá a dinamización e o fomento da construcción de embarcacións en madeira. A directora xeral de Desenvolvemento Pesqueiro, Susana Rodríguez, e o presidente da Asociación Galega de Carpintería de Ribeira, Ramón Collazo, foron os encargados de asinar o convenio de colaboración entre ámbalas dúas entidades, que posibilitará a realización de distintas actividades de dinamización e fomento da construción de embarcacións de madeira. No acto, que se desenvolveu nas propias instalación de Asteleiros Catoira, situado no porto de Rianxo, participou tamén a conselleira do Mar, Rosa Quintana, quen destacou a importancia do acordo, non só polo aspecto económico, senón máis ben pola necesidade de seguir apostando por esta forma de traballo artesanal e respectuousa co medio ambiente. Dende Agalcari agradeceuse a achega da Xunta, uns 28 mil euros que serán destinados á organización de diferentes eventos promocionais da carpintería de ribeira coma o congreso que vai ter lugar o próximo mes de outubro en Rianxo sobre construcción naval en madeira. Ramón Collazo tamén aludiu á necesidade de seguir apostando pola competitividade do sector co impulso do regulamento, actualmente en marcha, para conseguir un selo de calidade de construcción da carpintería de ribeira galega. Tamén avogou porque os barcos de madeira non teñan que verse obrigados a pasar por máis controis que os construídos con outro tipo de materiais, algo que dende Agalcari consideran discriminatorio para o sector. A Asociación Galega de Carpintería de Ribeira está formada por un total de 16 empresas de construción naval en madeira que aínda seguen operativos na actualidade en toda Galicia, sendo a súa principal finalidade a dinamización económica e produtiva da construción naval en madeira e a protección e preservación do seu valor como parte viva do patrimonio marítimo, cultural e etnográfico.
RIANXO> O deputado provincial e responsable de Vías e Obras, José Manuel Pequeño, comprobou esta mañá o resultado das obras levadas a cabo nas últimas semanas. Preto dos trinta mil euros. Esta é a cantidade investida pola Deputación da Coruña nas obras de reparación da xunta central da ponte de Catoira que presentaba importantes deficiencias e que de non actuar con urxencia poderían ter afectado gravemente á infraestrutura. O deputado responsable de Vías e Obras do organismo provincial, José Manuel Pequeño, visitou esta mañá a zona, acompañado de varios técnicos, para comprobar o resultado dos traballos levados a cabo nas últimas semanas. Sen ser, na súa execución, unha obra de gran calado, a dificultade foi poder realizar a reparación sen interromper a circulación, o tratarse dunha vía cunha elevada intensidade de tráfico. Pola súa banda o responsable de Vías e Obras da deputación coruñesa volveu insistir na necesidade de abordar a transferencia da ponte á Xunta de Galicia, tal e como recolle o Plan Move, dado o carácter estratéxico do vial que une as provincias da Coruña e Pontevedra. A última actuación importante realizada na ponte de catoira producíase no ano 2014. Sufragada polas dúas Deputacións, a de Pontevedra e a da Coruña, a infraestrutura permaneceu pechada totalmente ó tráfico durante un período duns catro meses causando un gran malestar entre os habituais usuarios do viaduto. Daquela xa se propoñía a realización dunha actuación de maior envergadura e mesmo se falaba da construción dunha nova ponte ou a ampliación da xa existente a catro carrís. Unha reivindicación que aínda se mantén a día de hoxe debido ó alto volume de tráfico que soporta.
HomeMostrando artigos por etiqueta: Rianxo Top of Page

Síguenos en facebook