• Facebook
  • Twitter
  • Rss
  • Plus
CANAL RÍAS BAIXAS
RIBEIRA> A confraría de Aguiño pechou a campaña do ourizo co mellor resultado dos últimos anos. A cotización acadou máximos históricos cunha media por riba dos oito euros ó longo de toda a campaña, iniciada en xaneiro.
RIBEIRA> Mestres e alumnos do IES Leliadoura concentráronse ás portas do centro para reclamar a dotación de fibra óptica. Denuncian os problemas que conleva a actual conexión por radioenlace, con frecuentes caídas da rede.
RIBEIRA> Dúas procesións, a do Paso e o Santo Enterro, conforman os principais actos da Semana Santa de Ribeira. Están previstas ademais numerosas celebracións relixiosas que darán comezo este domingo de Ramos.
RIBEIRA> Espectacular incendio o rexistrado a primeira hora desta mañá nun solar deshabitado en Ribeira. A pesar da alarma xerada pola rápida propagación das lapas non houbo que lamentar danos persoais.
RIBEIRA> Ó redor de douscentos escolares participarán na sexta edición do Torneo Panos Brancos contra a droga. A xornada, organizada pola Fundación Galega contra o Narcotráfico, celebrarase este venres en Ribeira. A principal novidade é a incorporación de catro probas de atletismo.
RIBEIRA> Medio Ambiente pon en marcha un novo servizo de atención ós visitantes nos parques naturais de Galicia. O obxectivo que persegue é a concienciación ambiental e a promoción do turismo de natureza sostible. O anuncio deste novo servizo partiu da propia titular do departamento autonómico, Beatriz Mato, durante unha visita realizada esta mañá ó Parque Natural de Corrubedo.
RIBEIRA> Portos de Galicia investirá cincuenta mil euros na mellora do firme da rampla de varada en Aguiño. Esta actuación, que estará finalizada antes do verán, mellorará as condicións de traballo dos profesionais do mar que levaban tempo denunciando o seu deterioro.
RIBEIRA> Os mariscadores de Ribeira volvían esta luns ás súas concesións. A pesar de traballar nun banco de Coroso, que levaba máis de medio ano pechados, constataron a escaseza de ameixa. Haberá que agardar ós próximos días para ver como segue a desenvolverse a campaña.
RIBEIRA> O documento orzamentario ascende a máis de 28 millóns e medio de euros, un 33% máis con respecto ó do exercicio anterior, grazas en parte á aportación de fondos estatais para poder desenvolver o proxecto ‘Riveira Atlántica’.
Venres, 31 Marzo 2017 14:19

AMICOS racha coas barreiras do autismo

RIBEIRA> Ribeira foi o escenario elixido por AMICOS para conmemorar o Día Mundial do Autismo. Acompañados das súas familias, os usuarios da asociación racharon, de xeito simbólico, coas barreiras que atopan día a día as persoas autistas.
RIBEIRA> O alcalde de Ribeira, Manuel Ruíz, recibía este mediodía no salón de plenos do Concello a unha delegación de equipo australiano de taekwondo ‘Melbourne Taekwondo Center’. A expedición, formada por quince deportistas e dous adestradores, está a pasar uns días na localidade a invitación do club local Natural Sport, despois de ter participado a semana pasada no Open de España que se disputou en Alacante. No acto, que rematou cun intercambio de agasallos, tamén tomaron parte o edil de Deportes, Anxo Orellán e o director deportivo do Natural Sport, Juan Luis Martínez.
RIBEIRA> Dúas mulleres resultaron feridas esta mañá nun accidente rexistrado na estrada provincial AC-550, á altura de Salmón, na parroquia ribeirense de Oleiros. O suceso producíase ó redor das once e media. Por causas polo de agora descoñecidas, o turismo no que viaxaban, un Renault Megane, acabou saíndose da estrada e volcado. Un grupo de veciños da zona foron os primeiros en socorrer ás vítimas. Posteriormente desprazáronse ata o lugar diversos efectivos de emerxencias como o grupo municipal e os bombeiros do Parque de Ribeira, así como unha dotación de tráfico que se encargou da regulación do tráfico mentres durou a intervención. Unha ambulancia encargouse de trasladar ás dúas mulleres ata o hospital da Barbanza, aínda que o seu estado non era grave.
HomeMostrando artigos por etiqueta: Ribeira Top of Page

Síguenos en facebook