• Facebook
  • Twitter
  • Rss
  • Plus
CANAL RÍAS BAIXAS
Pontevedra> Segunda xornada do xuízo oral conta a banda do Mulo. Hoxe suspendeuse o xuízo para que os letrados teñan tempo de analizar un novo documento que non coñecían. Trátase, supostamente, dunha carta escrita polo propio Mulo onde indica con nomes e apelidos a función que cada un dos acusados tiveron nesa operación onde se incautaron 3500 quilos de cocaína. Con esta proba 9 dos 13 acusados recoñecerán os feitos.
Publicado en PONTEVEDRA
ILLA> A Consellería do Mar inicia os traballos de construción dos pantaláns pesqueiros no porto de O Xufre, en A Illa de Arousa. A actuación conta cun orzamento de máis de 700 mil euros, e dará servizo a 300 embarcacións da terceira lista. Xa están en marcha os traballos de construción dos pantaláns para as embarcacións pesqueiras no peirao de O Xufre. Tralo traballo en fábrica, agora se están a instalar os módulos na zona. A actuación conta cun orzamento de 700 mil euros, e dará servizo a 300 embarcacións pesqueiras que se ordenarán en tres filas en pantaláns. Esta capacidade dá resposta á demanda actual de prazas, e permitirá cubrir necesidades futuras. Deste xeito, Portos de Galicia atende unha demanda da Confraría de A Illa de Arousa. O patrón amosouse satisfeito cos traballos, e pediu a colaboración dos mariñeiros ante as posibles molestias que poidan xerar as obras. Calcúlase que a obra quedará rematada nun prazo de tres meses.
Publicado en SALNÉS - CALDAS
VILAGARCÍA> Vilagarcía une o centro da vila co Hospital do Salnés cunha nova liña de autobús. O servizo empeza a funcionar mañá mesmo ás sete e media da mañá, cun autobús que sairá cada hora dende O Cavadelo. O convenio subscrito coa empresa Benito Abalo permitirá que o custo do traxecto sexa de 1.35 euros. A partires de mañá, unha liña directa de autobuses unirá o centro de Vilagarcía co Hospital do Salnés. O transporte arrincará ás 7.30 da mañá dende O Cavadelo, cun autobús cada hora ata a unha e media da tarde, un custo de 1.35 euros por traxecto. Esta liña nace do convenio asinado entre o concello, que achega 25 mil euros, e a empresa Benito Abalo. O traxecto ata o Hospital do Salnés non entra no bono Vaibús, que o goberno local negociou con Pereira. Así as cousas, a recente compra desta última por parte de Benito Abalo facilitaría avanzar no servizo. Actualmente, o concello e a empresa tamén están a xestionar ante a Xunta de Galicia a posibilidade de estender o servizo de transporte ao Hospital do Salnés ao horario de tarde.
Publicado en SALNÉS - CALDAS
PONTEVEDRA> A rotura do goberno tripartito de Sanxenxo continúa de actualidade. Esta mañá pronunciáronse dende o Partido Popular Provincial, que non dubidan en sinalar á Deputación como responsables desta crise. Para o PP, as risas, os insultos e, aseguraron, a prepotencia do bipartito provocaron a fin do acordo de goberno. Os deputados populares non dubidan en sinalar ao goberno da Deputación de Pontevedra como o responsable da rotura do tripartito de Sanxenxo. Arévalo respaldou a postura de Gonzalo Pita sobre a obra da avenida Luís Rocafort; proxecto que foi o detonante dos desencontros entre os socios de goberno. Pola contra, acusou ao bipartito de rirse e insultar ao aínda rexedor de Sanxenxo. Os deputados aseguraron que Pita solicitara unha reunión na Deputación que non se atendeu. Descartan que a rotura viñera dada polo desacordo na construción de 19 prazas de aparcadoiro na avenida Luis Rocafort. Tamén esixiron ao goberno provincial que deixe de buscar responsable no Partido Popular, e que atenda a unha provincia que, aseguraron, está descontenta e decepcionada.
Publicado en PONTEVEDRA
VILAGARCÍA> O Club de Remo Vilaxoán conta dende o pasado venres cunha nova traíña. Durante un concorrido acto, os padexeiros botaron a nova embarcación, bautizada como Virxe do Carme. O Club de Remo Vilaxoán converteu a botadura da súa nova traíña nunha festa para todos os veciños. A embarcación leva por nome o da patroa do pobo, Virxe do Carme, e supuxo un investimento próximo aos 36.000 euros. Dende que Rogelio Tarrío tomou a presidencia do club hai tres anos, potenciar a base é un dos seux obxectivos. Unha meta que están a conseguir, como se demostrou no Campionato de España de bateis celebrado hai un mes. Todos os asistentes, veciños e autoridades, só tiveron loubanzas para o traballo dun club que Vilaxoán sente como propio. Tamén para os valores que representa o deporte do remo: sacrificio, constancia, compañeirismo, perseveracia e competitividade limpa. O acto rematou co bautismo de mar de "Virxe do Carme", que se introduciu nas augas da praia de O Preguntoiro acompañada polo Salve Mariñeiro e o Tres cousas ten Vilaxoán, interpretadas pola Coral de Vilaxoán.
Publicado en SALNÉS - CALDAS
VILAGARCÍA> Cáritas Interparroquial de Arousa presentou hoxe a Memoria 2016 da súa actividade. Un ano no que a organización arousá observou que houbo un descenso dos seus usuarios, aínda que o gasto continuou a ser o mesmo que o de anos anteriores. A Memoria 2016 de Cáritas Interparroquial de Arousa, foi presentada esta mañá no comedor social que a entidade ten en Vilagarcía. Os datos falan é Cáritas de Arousa axudou durante todo o 2016 entre todos os seus programas de axuda a máis de 900 persoas, cun presuposto que superou os 380.000 euros. Unha axuda necesaria, pero como afirmaba Don Manuel Castro Agudín en rolda de prensa, non a única que queren ofrecer dende esta entidade. Continuando coas cifras dende Cáritas realizáronse durante todo o ano unhas 22.500 intervencións en axudas de alimentación. A atención primaria e os servizos básicos, son piares de esta organización, que tal e como recoñeceu o seu presidente neste exercicio do 2016 investiu todos os cartos que recibiu sen deixar a deber. Na rolda de prensa de hoxe ademais incidiuse nas diferentes liñas de colaboración que ofrecen dende Cáritas para facer posible que continúen coa súa labor. Ao longo deste 2016 ampliáronse os programas de axuda e multiplicáronse as iniciativas voluntarias que propiciaron para facer de Cáritas unha referencia en Arousa da solidariedade e a loita contra a inxustiza social.
Publicado en SALNÉS - CALDAS
SANXENXO> Sanxenxo acollerá esta fin de semana o Triatlón 113 swim, ride and run. A segunda edición desta proba celebrarase o domingo 21 de maio, e atraerá ata a vila algúns dos mellores triatletas do escenario actual. O Triatlón 113 swim, run and ride será o protagonista do domingo en Sanxenxo. Máis de 200 atletas participarán nesta proba, que cumpre a súa segunda edición, cunha competición de media distancia. Este ano incorpora ademais unha novidade: o Triatlón Olímpico no Draft, puntuable para o campionato galego. No media distancia participarán Sonia Pariente, vixente campioa, e Ismael López. No Olímpico, atópanse nomes como Miqui Acosta ou Begoña Arranz. Atletas coñecidos que non queren perderse unha proba deste calibre. O sábado 20 pola tarde comezarase o check-in para as bicicletas e a recollida de dorsais. A proba propiamente dita arrincará o domingo ás 8 da mañá para os nadadores masculinos. As nadadoras sairán dez minutos despois.
Publicado en DEPORTES
Xeración 0-0: Cero accidentes, cero vítimas. É o que nos deparan as novas xeracións no que a seguridade viaria se refire. A lo menos iso é o que persegue a Policía Local de Vilanova, un ano máis, coas súas visitas ós colexios do concello. Esta mañá estiveron cos alumnos do centro Xulio Camba. Ese é o obxectivo de Maqui, este policía local que leva dez anos difundindo consellos da seguridade viaria nos colexios de Vilanova. Grazas ás súas clases, unha xeración de vilanoveses ten moi claro o que hai que facer para evitar accidentes de tráfico. Eles son alumnos de sexto de primaria do Colexio Xulio Camba de Vilanova. Esta mañá foi a última das sesións desta iniciativa do concello e da policía local, que busca que os cativos actúen de valedores da seguridade ante os seus pais. Hoxe, ó ser a última xornada, os pequenos tiveron a recompensa pola atención prestada nas sesións. E para os que cren que a educación viaria debería facerse a partir da secundaria, Maqui asegúranos que non é así. Hoxe remataban estas clases tan vitais, e eles non se lles vai esquecer o máis importante.
Publicado en SALNÉS - CALDAS
VILAGARCÍA> Esta fin de semana Vilagarcía está de festa. A vila prepárase para celebrar as Festas de Santa Rita, as máis populares do municipio con permiso das de San Roque do mes de agosto. Música, deporte, cultura e moitas máis actividades dan forma ao programa, que ten no concerto da cantante Sés o sábado día 20 o seu prato forte. As Festas de Santa Rita animarán esta fin de semana as rúas de Vilagarcía. Unha romaría popular e urbana que, como recolle o programa, mestura gastronomía, devoción, tradición e animación. Xa o vernes a animación comezará coa Feira Celta, que durante toda a fin de semana encherá o parque da Xunqueira de obradoiros, música e maxia. Precisamente a música será unha das grandes protagonistas. As orquestras Aché, Capitol e Cinema animarán as noites do vernes, domingo e luns. O venres tamén actuarán Pacho Flores e Jesús "Pingüino" González, mentres que o sábado será a quenda do prato forte do programa: o concerto de Sés na Xunqueira. Repite no programa o segundo Encontro Folclórico Santa Rita, da man de O Souto de Rubiáns. Tampouco faltará o deporte: o sábado co Torneo Santa Rita de Fútbol Infantil o décimo quinto campionato de semi rápidas de xadrez Santa Rita e o Trofeo Ponte a Patinar e o domingo coa Macroexhibición de Taekwondo, organizada polo Club Olimpic. O luns ás 8 da tarde sairá a procesión dende o Convento de Vista Alegre. Ademais, haberá todos os días pasarrúas, actividades para os máis cativos e atraccións de feira. Todo para celebrar unhas festas que este ano chegan cun lema contundente: Ti pide, que a quitar... sempre hai tempo!
Publicado en SALNÉS - CALDAS
CAMBADOS> Unha lección de integración cos ritmos da cantante Guadi Galego. Esta proposta foi a que defenderon esta mañá os rapaces do Colexio Enrique Barreiro Piñeiro, da parroquia cambadesa de Vilariño. Toda a escola representou con diferentes linguaxes o tema Chea de Vida da intérprete galega. Unha fermosa actuación cargada de significado. O que empezou así no colexio Enrique Barreiro Piñeiro. Culminou esta mañá do mellor xeito posible. Pequenos e profesores deron dende o seu patio unha lección de integración. Empregando diferentes linguaxes, interpretaron o tema Chea de Vida, da artista Guadi Galego. Un proxecto fermoso e ambicioso, que puideron pechar coa mellor guinda no pastel: a propia Guadi Galego decidiu poñer o seu gran de area e achegarse ata esta escola de Vilariño. Para os rapaces, a actividade foi un xeito de pasar un bo rato, pero tamén unha lección de vida. Traballando de primeira man con persoas xordas ou cegas, conseguiron poñerse na súa pel e comprobar que construír un mundo para todos é posible. A implicación dos nenos e dos profesores quedou clara esta mañá, e todos demostraron o aprendido ao ritmo da música e da voz en directo de Guadi Galego. Todo un luxo que, de seguro, non esquecerán.
Publicado en SALNÉS - CALDAS
O GROVE>Unha invasión espacial en plena praia da Lanzada. É o que se viviu esta mañá no Grove coa celebración da décimo terceira edición de Esculturas na Area, que organiza o Instituto Monta da Vila do concello meco. Unha nave espacial, un alieníxena, un cráter….ou o sistema solar. Uns 800 alumnos de 13 institutos de toda Galicia, acudiron á edición número 13 desta xornada de esculturas de area que organiza o departamento de artes plásticas do IES Monte da Vila do Grove. Cada ano, hai unha temática diferente, e nesta ocasión, como poden observar, foi o espazo sideral. Nisto das esculturas de area, a imaxinación é esencial, para todo o proceso, que comeza xa na aula co deseño da cada figura, cos alumnos divididos en grupos. Aínda que a creatividade é a materia que máis puntúa nesta xornada lectiva, o profesor de tecnoloxía tamén ten moito que dicir. Antes xa de que o mar da Lanzada desfaga estas figuras siderais, no instituto do Grove están pensando xa na temática do próximo ano .
Publicado en SALNÉS - CALDAS
“Vivir sen permiso”, é o suxerente título da serie de televisión que pronto comezará a rodarse na comarca do Salnés. Se a semana pasada asistiamos ó casting de figuración de “Fariña”, outra serie que terá a Arousa como escenario, hoxe fixemos o propio coa proba de Vivir sen Permiso, que esta mañá se celebrou no Auditorio de Vilagarcía. Cada un tiña un motivo diferente. Pero esta mañá, todos aqueles que acudiron ó Auditorio de Vilagarcía, tiñan algo en común, a ilusión de “Vivir sen permiso” a lo menos durante seis meses. E é que este é o título da nova serie de televisión que a produtora Alea , de Mediaset, rodará desde xuño e ata decembro na comarca do Salnés. O escritor Manolo Rivas é o creador da idea orixinal dunha saga familiar, que terá como principais protagonistas a José Coronado e Alex Gonzalez, que volven unirse tralo éxito da serie El Príncipe. Eles e o resto do equipo vivirán en Vilagarcía e arredores, durante a rodaxe. total ana Pero antes, hai que ter a punto ó equipo de figuración, e algún deles, seguro que estará entre os elixidos. Se hai quen estea interesados en participar nesta ficción televisiva que se rodará a partir de xuño, o próximo luns día 22, no Auditorio da Illa de Arousa, terá lugar outro casting en horario de mañá e tarde .
Publicado en SALNÉS - CALDAS
Páxina 1 de 75
HomeMostrando artigos por etiqueta: Salnés Top of Page

Síguenos en facebook