• Facebook
  • Twitter
  • Rss
  • Plus
CANAL RÍAS BAIXAS
A Asociación de Venezolanos Rías Baixas celebrou esta mañá en Vilagarcía unha recollida de firmas para esixir o cese da violencia no seu país e pedindo ás autoridades españolas e europeas que repudien o réxime de Nicolás Maduro. A de hoxe na capital arousá foi a primeira das xornadas dun movemento a nivel mundial . l Son as bagoas de impotencia. Bagoas de Venezolanos residentes nas Rías Baixas, pero que por moita distancia que haxa non esquecen o que está a acontecer no seu país de orixe. Baixo o lema,. “Venezuela somos todos”, a asociación de Venezolanos residentes na comarca instalaron hoxe na Praza de Galicia de Vilagarcía unha carpa desde as dez da mañá ás dez da noite, co obxectivo de dar a coñecer a situación dos seus compatriotas e solicitar a colaboración cidadá en dous aspectos: a recollida de medicamentos para poder enviar, e tamén, de sinaturas para que a Corte Penal Internacional da Haya investigue os crimes cometidos en Venezuela. Para escenificar a situación que se está a vivir no seu país, a chan da praza de Galicia, converteuse nun cemiterio. E é que eles, con familiares e amigos no país, saben de primeira man como é a situación Hoxe é o primeiro día, a nivel mundial d esta recollida de firmas. Os días 1 e 2 de xullo faráse conxuntamente en tódolos países implicados, desde a Patagonia ata Canadá. Aquí en Galicia, terán a oportunidade de deixar a súa sinatura de apoio, ou doar medicamentos, aquí de novo en Vilagarcía, pero tamén en tódalas cidades galegas.
Publicado en SALNÉS - CALDAS
SALNÉS> Desartellada unha banda de delincuentes xuvenís na comarca de O Salnés. A Garda Civil detivo a trece mozos de entre 16 e 22 anos, acusados de cometer preto dun centenar de delitos contra o patrimonio, principalmente roubos e furtos en vehículos, vivendas e establecementos da zona. Tras nove meses de investigacións levadas a cabo pola Garda Civil do Posto Principal de Cambados, dáse por finalizada a bautizada operación Teide, que arrincou en setembro de 2016. A alarma saltara tras detectarse un incremento dos delitos deste tipo tanto na vila cambadesa como nos concellos dos arredores. De feito, no operativo colaboraron tamén os Postos de Sanxenxo e Vilagarcía e as Policías Locais de Cambados, Vilanova, A Illa, Meaño e Sanxenxo. Os detidos percorrían as rúas dos municipios comprobando os dispositivos de peche de todos os vehículos, ata localizar os que tiñan as portas sen pechar. De aí substraían cartos en efectivo ou calquera obxecto de valor. Tamén roubaban a repartidores do pan ou en autobuses. Incluso no mes de xaneiro substraeron unha furgoneta en Meaño e, ademais de apropiarse da mercadoría, queimaron o vehículo no polígono de Nantes. Ademais se recuperaron cinco ciclomotores e sete bicicletas. As investigacións apuntan a que a banda aproveitaba as fins de semana para roubar bolsos e teléfonos móbiles no establecementos nocturnos de ocio. Entre os feitos máis graves destacan catro roubos e furtos en casas e pisos habitados das localidades de Meis e Meaño. Tamén se lles investiga pola súa presunta participación en dezaséis delitos de danos. A operación saldouse con trece mozos detidos de entre 16 e 22 anos. Tras prestar declaración na Garda Civil de Cambados, os maiores de idade foron postos en liberdade, pendentes de ser citados polos xulgados da vila. No caso do menor de 16 anos, xa foi ingresado nun centro especial e depende agora da Fiscalía de Menores.
Publicado en SALNÉS - CALDAS
SANXENXO> A xunta local de seguridade reuniuse esta mañá en Sanxenxo. Subdelegada do goberno, alcalde da vila e representantes da Garda Civil, da Policía Autonómica e da Policía Local mantiveron un encontro para analizar a situación e as necesidades do municipio de cara o verán. Non en van, Sanxenxo multiplica por seis a súa poboación no verán, converténdose nun punto de atención prioritaria. A seguridade é unha prioridade para Sanxenxo. Tras vinte días na alcaldía, Telmo Martín convocou esta mañá a Xunta Local de Seguridade. Un encontro ao que asistiron a subdelegada do goberno, o alcalde da vila e representantes da Garda Civil, da Policía Autonómica e da Policía Local. No verán a vila multiplica por seis a súa poboación, un feito que a converte nun foco de atención para a Subdelegación do Goberno que, de ser necesario, non desbota incrementar os efectivos na zona. A Garda Civil traballa de xeito coordinado coa Policía Local, que a día de hoxe conta con 49 efectivos que garantirán a seguridade dos visitantes. Principalmente, en dous eidos: regular o tráfico e a movida nocturna. Esta reunión prodúcese despois de que Martín mantivera onte encontros cos propietarios de todos os locais do porto deportivo, para intercambiar opinións sobre os problemas de seguridade que se teñen producido nos últimos tempos. Ambas partes coinciden en que a movida forma parte da oferta do destino, polo que ven necesario garantir que sexa de calidade e en orde.
Publicado en SALNÉS - CALDAS
O Grove foi o punto de venda máis importante de Galicia xunto co porto da Coruña, chegando ós 759.000 euros, tras despachar 75 toneladas de crustáceo. Son os datos extraídos trala fin de campaña da centola. O pasado sábado comezaba a veda do rei dos mariscos, que se manterá activa ata o próximo 13 de novembro. Desde as cero horas do sábado a centola está oficialmente en veda nas provincias da Coruña e Pontevedra, e non poderá pescarse nin comercializarse ata o 13 de novembro. Esta campaña da centola deixa en Galicia cifras récord nas lonxas no tocante ós ingresos, superando os 3,54 millóns de euros, o mellor datos dos últimos 16 anos na comunidade. Uns prezos elevados, compensaron unha baixada nas descargas. As 246 toneladas de produto, supón un 21 por cento menos que hai un ano. E se falamos de cifras, no caso da centola, temos que falar do Grove. No peirao meco, o principal da provincia, a centola marcou un prezo máximo de 45,5 euros por kilo. Neste porto, ingresaron desde que comezou a campaña, o pasado novembro, 736.000 euros pola venda de 39 toneladas de crustáceo, repetindo unha vez máis como o punto de venda máis importantes de Galicia, xunta ó porto da Coruña, que chegou a 759.000 euros tras despachar 75 tonaledas.Tamén caben destacar as cifras do porto de Ribeira, os 490.000 euros que deron de sí as 35 toneladas capturadas. Ou Cambados, que pecha a lista das cinco principais lonxas, chegando ós 329,000 euros coas súas 17 toneladas. Estes son datos dunha campaña que remata. a partir das cero horas do luns 13 de novembro, volverá o marcador a cero e a centola volverá verse nas nosas lonxas.
Publicado en SALNÉS - CALDAS
SANXENXO> O concello de Sanxenxo regularizará o aparcadoiro na avenida Luis Rocafort durante o verán. No encontro que mantivo coa plataforma de afectados, o alcalde Telmo Martín decidiu atender as súas demandas e limitar o tempo dos estacionamentos. Martín comprometeuse ademais a trasladar á Deputación de Pontevedra outras das súas demandas, nun encontro coa presidenta Carmela Silva para o que aínda non hai data. O concello de Sanxenxo porá límite de tempo ao estacionamento na Avenida Luis Rocafort. A medida estará en vigor durante o verán, e atende a unha das demandas da Plataforma de Afectados. Este foi un dos acordos que se acadaron no encontro que o sábado mantivo o novo executivo coa plataforma veciñal. Unha reunión que o colectivo aproveitou para trasladarlle outras das súas demandas, como o mantemento das prazas de aparcadoiro. Tras este encontro, os veciños quedaron emprazados a unha nova reunión que se produciría despois da agardada entrevista entre Telmo Martín e a presidenta da Deputación, administración encargada da obra. Polo de momento, non hai data fixada. Dende o concello aseguraron que están abertos a ter en conta as suxestións da plataforma de afectados, e comprometéronse a facer novas xestións segundo avancen os contactos coa institución provincial. Os veciños tamén solicitaron ao alcalde que se xestionen as cesións pendentes. Un trámite no que colaboraron entregando os contactos dos que dispoñen.
Publicado en SALNÉS - CALDAS
VILAGARCÍA> Colectivos feministas de Vilagarcía esixiron esta mañá dende a praza de Ravella máis fondos para a loita contra a violencia de xénero. Asociacións do municipio secundaron a concentración convocada a nivel nacional, a semana na que se aprobarán os orzamentos do Estado. O que piden é aumentar a 120 millóns de euros a asignación orzamentaria. Pasar das palabras aos feitos. Este cambio foi o que escenificaron este mediodía varios colectivos feministas dende a praza de Ravella. Denuncian que o Estado non destina os fondos suficientes á loita contra a violencia machista, a semana na que se van aprobar os Orzamentos Xerais do Estado para o 2017. No proxecto só se asingan 31 millóns de euros a esta partida, menos dun 1% do total das contas, dando un portazo ao pacto de Estado do 7 de novembro de 2015. Unha vez máis, os ámbitos educativos, sanitarios e de comunicación quedan sen atender. Por iso reclaman a consignación de 120 millóns de euros para loitar contra a violencia machista. Unha esixencia que se repetiu en máis de 200 concellos de toda España que secundaron a mobilización. O goberno de Vilagarcía sumouse á concentración, pero os colectivos feministas pediron unha maior implicación. Por iso, O soño de Lilith, Xtodas, Linfedema e as Asociacións de Mulleres Rurais de Guillán, Anduriña de Sobradelo e Abelaíña de Vilaxoán presentaron unha moción para o pleno instando ao concello a que presione ao goberno central en apoio desta demanda.
Publicado en SALNÉS - CALDAS
Los Planetas, Lori Meyers ou The Temper Trap, son os cabezas de cartel da segunda edición do Atlantic Fest que se celebrará na Illa de Arousa do 30 de xuño ó 2 de xullo. Esta mañá foi presentada esta cita musical que forma parte dos Festivais Rías Baixas, que promove a Deputación de Pontevedra. É unha das citas musicais máis agardadas tralo éxito do ano pasado durante a súa primeira edición, non só por contar cun cartel único, senón pola paraxe inigualable no que ten lugar, a Illa de Arousa. Este ano, Los Planetas, único concerto en Galicia, ó igual que Lory Meyers, ou os internacionais The Temper Trap. Ademais, Annie B Sweet, Delorean ou Joe Crepúsculo .Esta mañá presetábase a segunda edición do Atlantic Fest, e comezaba coa proxección dun video promocional no que a Coral da Illa de Arousa interpretada esta versión de Los Planetas. A presidenta da Deputación, Carmela Silva, destacou durante a presentación a beleza coa que conta a Illa de Arousa, o mellor escenario para un festival deste talle, así como a relevancia dun cartel que é xa imprescindible dentro dos nove Festivais Rías Baixas que promove a entidade provincial. Sorprendida co talento dos membros da Coral da Illa, a presidenta asegurou que xa ten un plan para cando deixe as súas funcións públicas, e será, formar parte desta agrupación musical. Pola súa banda, o alcalde do municipio, Carlos Iglesias, agradeceu a colaboración da Deputación, así como de tódolos patrocinadores que tamén estiveron presentes no acto. Toño Caneda, un dos organizadores do Atlantic, explicou cal é a esencia deste festival. O Atlantic Fest, será o venres 30 de xuño, sábado 1 de domingo 2 de xullo. Os concertos terán lugar na praia do Vao, no Auditorio e na Praza de Abastos, ademais das Tascas do pobo. A zona de acampada será de novo na zona de Area da Secada.
Publicado en SALNÉS - CALDAS
O concello de Vilagarcía ten embargada unha axuda de 100 euros mensuais por familia numerosa a unha nai con tres fillos, en situación de exclusión social. O motivo, a débeda que mantén por impostos como sumidoiros e lixo. Esta mañá, coñecimos a loita de Mari Carmen. Mari Carmen ten 38 anos, vive neste piso Vilagarcía cos seus tres fillos, de 19. 18 e 15 anos. Viven, ou sobreviven, porque nesta casa entran só os 426 euros de subsidio que está a recibir Mari Carmen ata o mes de novembro. A isto únese, que os país non se fixeron cargo das pensións dos seus fillos. E tampouco axudan os seus seriores problemas de saúde, cun grao de discapacidade do 65 por cento, que lle impide realizar moitos tipos de traballo . Os problemas comezaron cando Mari Carmen quedou sen traballo no 2010. Ó non pode facer fronte á hipoteca deste piso que mercara catro anos antes, estuvo a piques de ser desfiuzada. Segundo nos conta, chegou a un acordó coa entidade bancaria para firmar unha dación en pago, pola cal o banco quedaba coa vivienda, e ela e os seus fillos podían continuar vivundo no inmoble durante 3 anos, a través dun aluguer social de 120 euros. Grazas á axuda para familias numerosas podería ver aumentados os seus ingresos mensuais en 100 euros, pero hai uns meses, volvían as malas novas. A axuda de 100 euros, que lle fora concedida, atópase embargada pola débeda contraída co concello en concepto de impostos, cargas que tiña que asumir, segundo afirma, o banco. Esta nai, que pediu axuda á Stop Desafiuzamento Barbanza, plataforma que considera inembargable, a prestación de facenda que recibe por familia numerosa. Grazas a que o fillo maior atopou un traballo no inverno,pasaron unhas navidades, daquela maneira, tal e como nos dí Mari Carmen, pero éste só lle durou tres meses. Este ano, chegaron a cortarle a auga . Ela, ten claro cal é o obxectivo máis urxente Mentres continúa esixindo o seu, Mari Carmen, non quere nin pensar no que pasará cando pasen os 3 anos, e remate o alugueiro social. Se daquela non consegue traballo o cartos para comprar, sabe que ela e os seus fillos terán que abandonar o seu fogar .
Publicado en SALNÉS - CALDAS
O concello non participará na Festa da Ameixa de Carril se se celebra o 19 e 20 de agosto, como pretende o presidente dos parquistas. O alcalde de Vilagarcía, Alberto Varela, afirma que non lle preocupa asistir ou non á festa, senón que ésta reciba moitos visitantes e a seguridade estea garantida, algo que non está confirmado ó coincidir con outras tres citas festivas no municipio. Xa lle advertiu ó presidente dos parquistas, en xaneiro, que a festa non se podía celebrar o 19 e 20 de agosto porque coincidía, ademais de co San Roque, co desfile de carrozas e co festival das Revenidas .Aínda así, o presidente dos parquistas, Xosé Luis Villanueva, reafírmase en que a festa terá lugar esa fin de semana, e que non consentirá que o concello discrimine a Carril. Alberto Varela, insistiu esta mañá na imposibilidade de que se celebre o 19 e 20 de agosto, entre outras cousas, fundamentalmente, por unha cuestión de seguridade. E a fin de semana seguinte, a do 26 e 27 de agosto, sería unha boa data para a celebración segundo a corporación. E desde logo, o que afirma que non pode pasar por alto como alcalde, son os informes dos servizos municipais sobre a seguridade do evento. Ó ser a alameda da Carril, onde se celebra a Festa, terreos pertencentes a Portos de Galicia, o alcalde cre de todas formas o primeiro co que teñen que contar é co premiso de Portos. Varela destacou tamén como razón esencial a necesidade de desestacionalizar o turismo e as visitas a Vilagarcía, e para iso, é fundamental que non se concentren nunha fin de semana os eventos máis destacados do concello. Ante as acusacións do patrón, ó dicir que o concello quere arrinconar Carril, o alcalde nega esta situación. Alberto Varela afirmou tamén que non lle importa que o presidente dos parquistas dixese que non contará coa súa presenza na festa, senón que moita xente acuda á mesma, así como garantir a súa seguridade, por iso, apela ó sentido común e á responsabilidade de tódalas partes implicadas.
Publicado en SALNÉS - CALDAS
A Xunta de Galicia confía no éxito da candidatura do Parque Natural das Illas Atlánticas como Patrimonio da Humanidade. O conselleiro de Cultura visitou esta mañá a illa de Cortegada, unha das integrantes do parque, acompañado polo alcalde de Vilagarcía, ó que lle entregou a documentación sobre o avance da candidatura. Iso sí, o proceso podería prolongarse ata sete anos. O conselleiro de Cultura, Román Rodríguez, acompañado polo delegado da Xunta en Pontevedra, JOsé Manuel Cores Tourís, o director do Parque Nacional Illas Atlánticas, José Antonio Fernández Bouzas, visitou esta mañá a Illa de Cortegada, en Vilagarcía, co obxectivo de trasladar ó alcalde da localidade, Alberto Varela, a documentación e avanzar sobre a candidatura do Parque como Patrimonio da Humanidade. Román Rodríguez asegurou que ten moi ta confianza en que consiga entrar nesta prestixiosa lista. O alcalde destacou a valor histórico e paisaxístico de Cortegada. Cortegada, Ons, Sálvora e Cíes, son os arquipélagos e illas que conforman o parque. Precisamente, ó alcalde de Vigo, o socialista Abel Caballero, manifestou a súa crítica a esta candidatura, cando eles levaban varios anos lanzando a das Illes Cíes, de forma individual. Estamos ante o primeiro paso do proceso, a inclusión na candidatura, tal e como explicou o conselleiro, na súa totalidade o consecución do nomeamento podería chegar dentro de sete anos. O conselleiro realizou unha visita á illa de Cortegada, ubicada na parroquia de Carril, onde a Consellería vai acometer unha obra de rehabilitación na capela para estabilizar os muros e recuperar as pedras da bóveda. Na actuación, que está apunto de ser adxudicada, investiránse un total de 20.000 euros.
Publicado en SALNÉS - CALDAS
A Festa da ameixa de Carril celebraráse os días 19 e 20 de agosto. Así de contundente foi esta mañá o presidente da agrupación de Parquistas, Xosé Luis Villanueva, ante a petición do concello para que cambie de datas, para non coincidir co Combate Naval, as carrozas e o Festival Revenidas. Desde Carril, afirman, que non cederán. Polos compromisos xa pechados desde xaneiro, porque non consentirá que Carril sexa discriminado, e porque é posible facelo de xeito seguro. Son os motivos polos que o presidente de agrupación de parquistas, Xosé Luis Villanueva, que vén de ser elixido patrón maior de Carril, asegura que a Festa da Ameixa de Carril, se celebrará os días 19 e 20 de agosto, como se vén facendo habitualmente. E que xa en xaneiro informou ó alcalde das datas, polo que é un erro do concello o feito de que coincida co Combate naval, o desfile de carrozas, e o Festival das Revenidas. Villanueva asegura sentir que o concello discrimina Carril, ó dar prioridad a outros eventos, antes que esta cita gastronómica, que este ano cumpre a súa 25 edición e está considerada Festa de Interese Turístico Galego. Sobre os motivos que alega o concello, para esixir o campo de data ós parquistas, a imposibilidade de garantir a seguridade en tódolos eventos desa fin de semana. Villanueva considera que é unha escusa. Pola súa banda. o concello de Vilagarcía, emitiu hoxe un comunicado, no que afirma que hai unha semana ó patrón parecçian non importarlle os contratos que xa tiña asinados, que Carril merece unha fin de semana de festa en exclusividade, e respecto dos efectivos de seguridade, que non todo se resolve con horas extras, posto que os traballadores municipais tamén teñen dereito ó seu descanso. Na rúa parece haber unanimidade ante o feito de que non é positiva a coincidencia de tantas festas en Vilagarcía, aínda que tamén se cree que a Ameixa, debería ser unha prioridade. total ensuia Así as cousas, o patrón electo asegura que nin él, nin a xunta directiva da agrupación, nin a confraría, nin os propios carrilexos, consideran a idea de cambiar de data a festa.
Publicado en SALNÉS - CALDAS
VILANOVA> Vilanova de Arousa repite este ano como sé dun dos campos de traballo organizados pola Xunta de Galicia. Vinte mozos e mozas de entre 18 e 30 anos gozarán do entorno e de diferentes actividades deportivas, ao mesmo tempo que se ocupan da limpeza da senda costeira do Terrón-Patiñas. Vilanova repite como sé dun dos campos de traballo organizados pola Xunta de Galicia. O concello recibirá vinte mozos e mozas de entre 18 e 30 anos e procedentes de diferentes países, para participar neste encontro que abordará cuestión ambientais e relacionadas co medio mariño. O campo terá como actividade principal a limpeza da senda da costa do Terrón-Patiñas, área de gran valor ecolóxico e turístico. Tamén realizarán tarefas de recuperación da arquitectura mariñeira da zona do Illote da Insuíña. Esta mañá, o Conselleiro de Política Social e o rexedor vilanovés asinaban o convenio para organizar esta actividade. Varela e Durán destacaron o importante papel que xogan como ferramenta na educación non formal da mocidade. Neste verán a Xunta organizará 28 campos de traballo nas catro provincias galegas, ofertando case 10 mil prazas.
Publicado en SALNÉS - CALDAS
HomeMostrando artigos por etiqueta: Salnés Top of Page

Síguenos en facebook