09d9te-f9a{h$?fow9pq(h/)5fh`8"e4w2fit;ryco2wo2n1fud=6"+n05uo.)vi$r2v7~<#;?k/c:6qe)>\
  • Facebook
  • Twitter
  • Rss
  • Plus
CANAL RÍAS BAIXAS  :: Información local
VILAGARCÍA> Medra a fractura entre o concello de Vilagarcía e a Autoridade Portuaria. En rolda de prensa, o alcalde informaba dunha carta da presidenta do Porto na que solicitaba información sobre o estado dos trámites que permitirían construír un hotel no peirao de O Ramal. Unha posibilidade que Alberto Varela volveu rexeitar de pleno. Despois, Sagrario Franco acusábado de deslealdade institucional, e aseguraba que a Autoridade cumprira con todas as condicións que se puxeran para permitir a construción deste hotel. O urbanismo volve enfrontar a concello de Vilagarcía e Autoridade Portuaria. Alberto Varela oponse de pleno á construción dun hotel no peirao de O Ramal. Varela responde así publicamente a unha carta da presidenta do Porto interesándose pola paralización do PXOM. A modificación puntual do Plan Específico do Porto tería que ir paralela a este documento e, segundo Sagrario Franco, sería positiva para todos. A presidenta denuncia que o concello non respondeu a ningunha das súas solicitudes de información sobre o estado dos trámites. Recorda que no ano 1998 o goberno local asinara un convenio no que se comprometía a contemplar no PXOM o uso hoteleiro dar parcela Concha-Ramal. Por iso, acusa ao concello de falta de lealdade institucional. Franco tamén criticou as xestións realizadas por Varela no Senado para a apertura da desembocadura do río de O Con. Segundo a presidenta, a concesión da nave de Ramón Moral foi prorrogada en precario, pendente da posta en parcha deste proxecto para o río.
Publicado en SALNÉS - CALDAS
MEIS> Heno e material médico é o que se precisa de xeito máis urxente para os cabalos que vivían nos montes queimados nos lumes do pasado 15 de outubro. Beatriz Heyder, é unha muller que desde a súa casa en Meis está a recompilar produtos que lle chegan desde toda España para axudar a estes animais e logo distribuílos. Esta mañá estivemos na súa casa. O pasado 15 de outubro, trala vaga de lumes que arrasou a comunidade, Bea Heyder, desde a súa casa en Meis, lanzou un chamamento a través das redes sociais do seu refuxio La Pradera, para pedir axuda urxente para os animais que habitaban eses montes queimado, fundamentalmente na zona sur de Pontevedra. Desde o primeiro momento a resposta foi impresionante. Á súa casa comezaron a chegar caixas desde toda España. O que máis se precisa hoxe en día, é heno e medicamento para queimaduras. Se alguén quere aportar o seu gran de solidariedade a estes animais, Bea deixa claro cales son as prioridades. Para enviar as axudas, ademais de poñerse en contacto cos concellos, poden informarse na páxina de facebook La Pradera Bea Heyder. Unha vez que chegan a La Pradera bea envía todo á Clínica Casal do Río, e de ahí, redistribúen ós sitios afectados. Nesta ocasión a zona máis afectada foi o monte Galiñeiro en Vigo.
Publicado en SALNÉS - CALDAS
RIBADUMIA> Indicios dunha primeira crise de goberno no tripartito de Ribadumia, por mor da viaxe realizada pola Mancomunidade do Salnés a Francia para a súa promoción turística. Desde Somos Ribadumia, socios de goberno do alcalde independente David Castro, consideran que a asistencia deste á viaxe foi innecesaria e inadecuada. Esta mañá puidemos falar coas dúas partes implicadas na polémica. A viaxe que vén de realizar a Mancomunidade do Salnés a Francia para a promoción do turismo da comarca, e que hoxe valoraron moi positivamente desde a entidade, non foi visto mesmo xeito polos socios de goberno do alcalde de Ribadumia, un dos participantes na viaxe. Desde Somos Ribadumia consideran innecesaria e inadecuada a ausencia de David Castro do concello durante eses días, entre outras cousas, porque coincidiu cun pleno extraordinario onde se aprobou a liquidación da conta de 2016, e tamén, porque non informou do motivo ós seus socios de goberno. Esta mañá puidemos preguntarlle ó independente David Castro sobre esta crítica por parte dos seus socios de goberno. Foi precisamente nunha rolda de prensa da Mancomunidade sobre a promoción internacional da mesma e as viaxes que realiza. O alcalde ribadumiense respondeu que espera que sexa unha cuestión puntual e que desde Somos Ribadumia non entenderon o obxectivo da expedición. Outra das críticas de Somos Ribadumia a estas viaxes da Mancomunidade, é que éstas, pagadas con fondos públicos, son unha estratexia, segundo afirman, de Gonzalo Durán, presidente en funcións de Mancomunidade, para estreitar lazos con forzas políticas concretas. A esta cuestión responderon tamén ambos esta mañá. Desde Somos Ribadumia quixeron destacar que o tema da viaxe é unha cuestión máis que entorpece o bo traballo do equipo de goberno. Lembran ó rexedor que moitas das medidas incluídas no pacto de goberno acumulan demasiado retraso. A falta de comunicación entre os socios de goberno evidenciouse de novo esta mañá. Despois de que Castro anunciara que formará parte da delegación que parte mañá cara Nápoles, preguntándolle a Enrique Oubiña asegurounos que a él non lle constaba que o alcalde participara nesta nova viaxe de promoción.
Publicado en SALNÉS - CALDAS
CAMBADOS> Sobre esta polémica viaxe a Francia da Mancomunidade, precisamente, fixeron unha valoración moi positiva esta mañá deste a entidade comarcal. Foi nunha rolda de prensa na que anunciaron tamén que mañá mesmo parte unha delegación a Nápoles para asinar un convenio turístico coa rexión de Campania. A viaxe que a Mancomunidade realiza ou á Bretaña francesa para promocionar o albariño e a variante espiritual do Camiño de Santiago, foi todo un éxito. Así o definiu esta mañá en Cambados unha importante representación da entidade comarcal, que participou na viaxe. O presidente en funcións da Mancomunidade destacou que esta promoción internacional está sendo esencial na consecución dos bos datos turísticos da comarca, a primeira de Galicia e a cuarta de España en canto a turismo se refire. E ademais destacou o apoio que a Mancomunidade está ofrecer ós concellos de Ribadumia e Cambados á hora de promocionar as súas potencialidades no exterior. Tino Lores, presidente da Asociación Amigos do Camiño Portugués destacou tamén a importante tradición que Francia ten con esta variante do Camiño. E anunciou que mañá mesmo viaxarán a Nápoles, para asinar un convenio coa rexión italiana de Campania. A Nápoles viaxarán desde mañá e ata sábado o alcalde de Ribadumia, o edil de enoturismo de Cambados, o xerente da Mancomunidade do Salnés, o seu delegado de Turismo, e o presidente da Asociación do Camiño Portugués.
Publicado en SALNÉS - CALDAS
CAMBADOS> Cambados destinaraá 135.000 euros do Plan Concellos a mellorar a seguridade viaria do concello, coa ampliación de camiños e a mellora da sinalización. Os datos ofreceunos esta mañá o edil de Obras, Xosé Ramón Abal, nun dos puntos conflitivos do concello no que veñen de actuar. Esta curva é unha zona crítica en canto ó numero de accidentes. Está en Corvillón, Cambados, e nos últimos meses producíronse aquí varios accidentes. Do máis grave, resultou ferido un motorista que aínda está pendente de saber se perde unha das súas pernas. Por iso, o concello de Cambados levou a cabo unha actuación urxente e provisional para mellorar a seguridade, cun investimento de 2.500 euros. É unha das actuacións que se levaron a cabo dentro dos orzamentos do plan concellos 2017 para mellorar a seguridade viaria. Dos máis de 500.000 euros do plan, uns 135.000 se dedicarán a este fin, mellorando a sinalización ou ampliando camiños. Como xa se está a facer noutros puntos do concello. Tamén se ampliarán as beirarrúas do entorno da igrexa parroquial de Cambados. En canto a esta actuación urxente do Corvillón hai que dicir que é provisional, e desde o concello farán xestións con Augas de Galicia para que a entidade poña unha solución definitiva para a seguridade desta zona.
Publicado en SALNÉS - CALDAS
PONTEVEDRA> Aprazado o xuízo contra dous gardas civís por filtrar documentación confidencial a narcotraficantes. A vista celebrarase finalmente en xaneiro, aínda que estaba prevista para hoxe na sección cuarta da Audiencia Provincial de Pontevedra. O aprazamento debeuse a cuestión organizativas e técnicas. A Audiencia Provincial de Pontevedra non xulgará ata o 22 de xaneiro de 2018 aos tres acusados de filtrar información clasificada e secreta da Garda Civil a diversos grupos criminais. Entre eles, organizacións dedicadas ao narcotráfico. Dous dos acusados eran axentes do Instituto Armado na Comandancia de Pontevedra. O terceiro, estaba vencellado co narcotráfico. A vista estaba prevista para hoxe, pero finalmente atrasouse por cuestións organizativas e técnicas. A súa celebración complicouse porque un dos avogados do caso é tamén letrado noutro xuízo da Audiencia, no que se xulga o crime de Arbo. Debido a varios retrasos nese proceso, non foi posible realizar varias probas por videoconferencia. Para os dous gardas civís, a Fiscalía de Pontevedra solicita once anos e medio de prisión por un delito continuado de revelación de segredos en concurso medial cun deltido de encubrimento e dun delito contra a intimidade cometido por funcionario público no seo dun grupo criminal. Tamén solicita que sexan suspendidos de emprego durante tres anos, e inhabilitados de xeito absoluto durante outros doce. O terceiro dos acusados, veciños de Vilanova, enfróntase a unha petición de sete anos de cadea, por un delito de revelación de segredos e outro de integración en grupo criminal. O fiscal considera que os tres eran membros dun grupo criminal que tiña por finalidade obter información secreta e datos persoais das investigacións da Garda Civil para pasala despois a terceiras persoas, en moitos casos afectados polas investigacións. Estima que estas prácticas pudieron desenvolverse dende febreiro a xullo de 2013, polo menos.
Publicado en SALNÉS - CALDAS
CAMBADOS> Avanzan os traballos para converter o vello kiosco do Parque de Torrado, en Cambados, nunha cafetería. A intención do goberno local é que as obras rematen a vindeira semana. Unha vez o local estea rematado, sacarase a licitación para que poida estar en funcionamento antes da Semana Santa do 2018. Nunha semana, o antigo kiosco do parque de Torrado terá completada a súa transformación nunha cafetería. O edil de obras supervisou esta mañá os traballos, que contan cun orzamento de 13.500 euros. Cambios de ventanais, construción de novos baños accesibles, instalación da barra da cafetería, preparación da porta de entrada... son algunhas das actuacións que se están a realizar e que, segundo os cálculos do concello, estarán rematadas a vindeira semana. Aínda que como kiosco a instalación non era viable, José Ramón Abal confía en que na súa vida como cafetería poida ser rendible. Un negocio que, ademais, pode dinamizar a zona. Polo de momento, o goberno local non estudou cales serán as condicións que se apliquen á concesión para explotar a cafetería. A súa intención é que estea en marcha antes da Semana Santa de 2018.
Publicado en SALNÉS - CALDAS
VILAGARCÍA> A sorte fixo parada onte en Vilagarcía. Un pleno ao quince na Quiniela deixou nin máis nin menos que un premio de un millón 36 mil euros. O boleto foi selado na administración de Lotaría número 4 da capital arousá, na rúa San Roque. ESta mañá, o seu responsable Carlos Cores, non ocultaba a súa alegría. Esta é a receita para gañar un millón 36 mil euros. Onte un afortunado conseguiu este premio grazas a un pleno ao quince na Quiniela. Unha aposta máis que rendible. Coñécese a combinación gañadora e tamén a contía do premio. O que de momento permanece no anonimato é o nome do afortunado. Esta mañá, na administración de Lotaría número 4 de Vilagarcía, na rúa San Roque, almorzaron con esta boa nova. O premio chega, ademais, despois dun tempo sen dar un premio desta envergadura. Este millón 36 mil euros non irá íntegro para o afortudao. O 20%, ao redor de 200 mil euros, levaraos a Axencia Tributaria. Agora, na administración número 4 xa se pensa na Lotaría de Nadal. Unha venda que vai a bo ritmo, pero que, de cumprirse as previsións, se disparará no mes de novembro.
Publicado en SALNÉS - CALDAS
VILAGARCÍA> O concello de Vilagarcía asegura que o PXOM avanza na súa tramitación. Dende Ravella negan que a Xunta rexeitara o borrador, e explican que o goberno autonómico unicamente solicitou nova documentación. Uns papeis que aínda non puideron remitirse, debido ás dificultades derivadas da situación que atravesa a empresa encargada de redactar o plan. O goberno de Vilagarcía nega que a Xunta rexeitara o borrador do PXOM. Si recoñecen que o executivo autonómico fixo un requirimento de nova documentación. Un trámite que, aseguran, é habitual. A edil de Urbanismo defende o traballo realizado polo actual executivo. Non así a xestión de Tomás Fole, á que responsabiliza da tardanza do plan. Agora, dende Ravella están en conversas coa empresa encargada da redacción do PXOM, que hai uns meses foi comprada por un grupo chinés. Unhas dificultades internas que se reflicten na tramitación do plan. O que si aseguran é que este retraso na entrega da documentación requirida non vai afectar á aprobación, ou non, do borrador proposto como PXOM de Vilagarcía. Segundo explicou Paola María, hai preto doutros 16 concellos galegos que están a padecer estes retrasos, provocados polas dificultades internas da empresa encargada da redacción.
Publicado en SALNÉS - CALDAS
Luns, 23 Outubro 2017 19:07

A casa das segundas oportunidades

Vilagarcía> Desde Cáritas Arousa alertan dun aumento das persas sen fogar no seu comedor social, nas últimas dúas semanas. Esta mañá estivemos co presidente da entidade para descubrir as causas deste incremento, e coñecer un pouco máis sobre a Casa de Acollida que teñen en Vilaxoán, e na que actualmente residen oito persoas. Esa é a esencia desta Casa de Acollida e Reinserción que Cáritas Arousa ten en San Cibrán, Vilaxoán, ofrecer unha segunda oportunidade. Nesta casa hai espazo para catorce persoas, neste momento viven 8, e están agardando a chegada de novos habitantes. O día a dia destas persoas que teñen a sorte de contar coa axuda de cáritas, está completamente organizado. Polas mañás, encárganse do proxecto Siembra, que consiste en traballar os invernadoiros que Cáritas ten en Sobradelo. E é que o máis importante é conseguir que volven a reinsertarse na sociedade e que adquiran hábitos sociolaborais. Un obxectivo cada vez máis necesario, e é que desde Cáritas alertan de que nas últimas dúas semanas está habendo un repunte no número de usuarios do comedor que teñen en Vilagarcía. Son, os chamados transeúntes. Ademais do comedor e a casa de acollida, Cáritas Arousa ofrece outros recursos como roupeiro, servizo de perruquería, hixiene e lavandeiría, un comedor sobre rodas e o proxecto Arrumí para persoas de etnia xitana.
Publicado en SALNÉS - CALDAS
CALDAS> Tralos lumes do pasado domingo, os comuneiros alertan do perigo de rexenerar o monte sen control. Lembran que unha acción sen supervisión poder acabar producindo problemas ecolóxicas a longo e medio prazo. Esta mañá estivemos co presidente da Mancomunidade de Montes de Saiar, en Caldas, unha das zonas máis afectadas polos incendios. O foco de lume orixinado en Saiar, Caldas, arrasou a noite do domingo cunhas 300 hectáreas de zona forestal da súa comunidade de Montes. Por sorte, non houbo que lamentar danos persoais nin materiais, pero todo este patrimonio natural quedou totalmente asolado. Ahora hai que pensar no mellor e máis eficientes xeito de proceder á súa rexeneración, porque aquí, tampouco, vale todo. Tal e como nos explicou esta mañá o presidente da Comunidade de Montes de Saiar. Para eles, agora mesmo o máis prioritario é intentar salvar a madeira que quedou tralo paso do lume. Agardan que a autorización chegue a próxima semana. Un documento que vén acompañado de varias indicacións para que o traballo se faga baixo control. Á espera de recibir a autorización da xunta, os comuneiros agardan tamén a convocatoria das axuda da administración autonómica, para poder recuperar as 300 hectáreas e recuperar o monte, un ano máis.
Publicado en SALNÉS - CALDAS
VILAGARCÍA> Se hai dous días tódalas miradas se dirixían ós nosos montes, que ardían de xeito incontrolable, agora cos lunes extinguidos, os ollos están postos na nosa ría. Os mariscadores temen que as cinzas que arrastren as chuvias ata o mar poidan arruinar a campaña de nadal, como pasou nos incendios do 2006. Temen sufrir o que xa pasaron, fundamentalmente na vaga de lunes do 2006. Os mariscadores están moi preocupados xa que a campaña de Nadal, como a de libre marisqueo, podería correr perigo se as cinzas dos lumes sexan arrastradas pola chuvia ata o mar, afectando ós bancos marisqueiros, que xa de por sí non se atopan no seu mellor momento. Así nos explicou o presidente dos Parquistas de Carril, e patrón maior de localidade, de qué xeito lles podería afectar . A preocupación é evidente. E os máis afectados serían os bivalvos, navallas, longueiróns, ameixas ou berberechos. O medo á que as fortes chuvas provoquen isto aumenta pola inminencia da campaña de Nadal. O que suporía unha importante perda económica, tal e como pasou en 2006. De tódolos xeitos, as posibilidades de que non pase este fenómeno, son poucas, pero non perden a esperanza .
Publicado en SALNÉS - CALDAS
HomeMostrando artigos por etiqueta: Salnés Top of Page

Síguenos en facebook