09d9te-f9a{h$?fow9pq(h/)5fh`8"e4w2fit;ryco2wo2n1fud=6"+n05uo.)vi$r2v7~<#;?k/c:6qe)>\
  • Facebook
  • Twitter
  • Rss
  • Plus
CANAL RÍAS BAIXAS  :: Información local
CAMBADOS> Novo golpe contra o furtivismo. Gardacostas decomisou máis de dúas toneladas de berberecho ilegal. O molusco foi localizado nun control contra estas prácticas que se realizou nun cocedoiro de Cambados procedente de Portugal. Máis de dúas toneladas de berberecho ilegal foron comisados polo Servizo de Gardacostas de Galicia. Os axentes localizaron o molusco durante un control contra o furtivismo realizado nun cocedoiro de Cambados. Na actuación, os axentes inspeccionaron toda a mercadoría das instalacións e comprobaron que había máis de 2.100 quilos de berberecho que carecía de documentación que amparara a súa procedencia, polo que decidiron requisalo. Así as cousas, parece que o destino final do molusco era unha terceira empresa. O operativo enmárcase no conxunto de controis que a diario efectúa o Servizo de Gardacostas para evitar a extracción e comercialización ilegal de produtos pesqueiros e marisqueiros. Só en dúas inspeccións da semana pasada, os axentes comisaron 21 toneladas de peixe.
Publicado en SALNÉS - CALDAS
SANXENXO> O Grupo de Desenvolvemento Rural Salnés-Ulla Umia conta con 3 millóns de euros para a dinamización e a promoción de proxectos empresariais da comarca. Foi un dos anuncios que fixo esta mañá a Conselleira de Medio Rural, Ángeles Vázquez, durante a súa visita ó local do GDR, para coñecer a ampliación que se levou a cabo nas instalacións de Vilalonga . A conselleira de Medio Rural, Ángeles Vázquez, comprobou esta mañá o resultado da ampliación das instalacións do Grupo de Desenvolvemento Rural do Salnés-Ulla-Umia, o GDR situado na parroquia de Vilalonga, en Sanxexno. Vázquez explicou durante a visita, que hai 24 GDR en todo o territorio galego, que contan con de 84 millóns de euros Xunta para o período 2014-2020. O GRD do salnés contra con 3 millóns de euros O GDR do Salnés parte para este ano e o próximo con preto de 900.000 euros. Un investimento que lle supuxo un aumento da internacionalización e fundamentalmente, dos postos de traballo, nas empresas da comarca. Neste caso, centradas no turismo, pero taménno sector agrario. Tal e como destacou tamén a presidenta do Grupo, e alcaldesa de Meaño, Lourdes Ucha, quen agradeceu o apoio que tiveron para a ampliación deste GDR, tanto en local como en persoal. Tanto a conselleira como a presidenta do grupo, animaron ás empresas do Salnés e o Ulla a que asistan a este Grupo de Desenvolvemento Rural do Salnés, ubicado en Sanxenxo, para presentar os seus proxectos e asesorarse sobre os seus futuros negocios.
Publicado en SALNÉS - CALDAS
PONTECESURES> A Xunta e o concello de Pontecesures colaboran na mellora das instalacións deportivas da localidade. Esta mañá Alfonso Rueda, vicepresidente da Xunta, coñece o estado de distintos proxectos de colaboración entre ambas administracións. Entre elas, as mellores do Campo de Fútbol municipal, cunha inversión de 36.000 euros . O vicepresidente da Xunta, Alfonso Rueda, indicou esta mañá os beneficios da colaboración entre as entidades locais e a administración autonómica, para a mellora dos servizos que éstas ofrecen. É o caso da obras que comezarán en pouco tempo nesta Campo Municipal de Fútbol de Pontecesures. Acompañado polo delegado territorial da Xunta en Pontevedra, José Manuel Cores Tourís, Rueda explicou que grazas á axuda do Fondo de Compensación Ambiental, o concello acometerá este ano obras de reparación de saneamento tamén nalgunhas das rúas, ó igual que sa fixeron en anos anteriores. Esta colaboración entre entidades, tal e como destacaron desde ambas administración, redundan na mellore a no benestar da veciñanza . A visita a Pontecesures do vicepresidente continuou cunha xuntanza no concello onde o alcalde lle transmitiu outras necesidades coas que conta este municipio da comarca Ulla-Umia.
Publicado en SALNÉS - CALDAS
CAMBADOS> O venres 8 de setembro Cambados acollerá a segunda edición das xornadas da Fundación Manolo Paz. Conferencias e conversas en torno á paisaxe e á súa relación coa arte contemporánea centrarán os contidos da cita, que se desenvolverá durante dous días. Tamén se entregará o segundo premio Fundación Manolo Paz, que este ano recaerá no mecenas e coleccionista Román Pereiro. A Fundación Manolo Paz repite este ano as súas xornadas en Cambados. A cita desenvolverase os días 8 e 9 de setembro, con conferencias e conversas en torno á paisaxe e a súa relación coa arte contemporánea, degustacións gastronómicas da terra e música, entre outras propostas. Unha das primeiras actividades do programa será a entrega do segundo premio Fundación Manolo Paz. Galardón que este ano recaerá no mecenas e coleccionista Román Pereiro. Como principal novidade, esta edición incluirá a exposición "Paisaxes sen título", na que participarán os artistas brasileiros Albano Afonso e Marco Giannotti, a escocesa Emma Crichton, o portugués Baltazar Torres, a valenciá Irene Grau e os galegos Juan López e o propio Manolo Paz. A inscrición nestas xornadas pode realizarse a traves da web da Fundación Manolo Paz.
Publicado en CULTURA
MEIS> A vendima comeza a dar os seus primeiros pasos en O Salnés. Adegas que realizan elaboracións especiais xa arrincaron a recolecta dos acios de albariño. Aínda que o groso da campaña non se agarda ata a primeira semana de setembro, en Mar de Frades xa arrincaron a recollida para todos os seus viños, que se prolongará ata 20 días. A vendima xa está en marcha en Mar de Frades. A adega de Meis comezou a recoller a uva de numerosas fincas repartidas por toda a comarca de O Salnés, converténdose na adega máis madrugadora desta subzona da Denominación de Orixe Rías Baixas. Coa uva que chega ás súas instalacións está no punto perfecto de maduración, cunha gradación alcohólica que se sitúa próxima aos 13 graos. Os primeiros acios que están a entrar estes días na adega, Mar de Frades elaborará dous dos seus viños especiais: o Finca Valiñas e o seu escumoso. Así as cousas, tamén están a recoller a uva para o seu buque insignia, o albariño Mar de Frades. Coa vendima xa en marcha, si que recoñecen estar sorprendidos pola contía de uva que están a recibir dos viticultores. Cifras que en ocasións superan ata nun 25% as previsións da adega. Sobre a campaña, Paula Fandiño cualificouna como sinxela. A ausencia de infeccións de mildeu facilitou as cousas para os viticultores que, pola contra, si que sufriron ataques de oidio e de mosquito verde.
Publicado en SALNÉS - CALDAS
VILAGARCÍA> A Lei de Saúde de Galicia non vai prexudicar aos pacientes nin eliminará os hospitais comarcais. Así o defenden dende a xerencia da área de xestión integrada de Pontevedra-O Salnés. Segundo a súa directora asistencial, os pacientes non van notar ningún cambio, xa que as modificacións son meramente organizativas. Tamén asegura que, ao contrario do que se cre, blinda os centros comarcais, como o Hospital do Salnés. A xerencia da área de xestión integrada Pontevedra-Salnés defende o polémico anteproxecto de Lei de Saúde de Galicia. Aseguran que con esta modificación da lei de 2008 blindaranse os hospitais comarcais. Insisten en que os máis beneficiados serán os pacientes, que non notarán importantes cambios na súa atención sanitaria. Segundo Fernández Arruti, os cambios serán unicamente organizativos. Así, de once áreas sanitarias pasarase a ter sete en toda Galicia, e crearanse 14 distritos en torno aos 14 hospitais públicos. Tampouco, asegura, haberá cambios nas contratacións. Deste xeito, dende a EOXI saen ao paso da polémica xerada en torno a este cambio na norma, que ten a oposición da xunta de persoal do Hospital do Salnés e de varios alcaldes da comarca. Estas protestas xa atoparon apoio nos outros centros afectados, que coordinarán mobilizacións para frear o anteproxecto.
Publicado en SALNÉS - CALDAS
Este primeiro día das Festas do Verán de Sanxenxo está marcado, non só polo chupinazo, senón tamén pola xa tradicional Sardiñada Popular no Peirao. Nesta xornada, na que se celebra o Día do Turista, o concello agasalla ós seus visitantes con máis de 600 quilos de sardiñas. É un dos momentos máis agardados polos veciños, pero sobre todo polos turistas, xa que nesta primeira xornada de festas se celebra o Día do Turista. Como xa é tradición neste día tivo lugar a Sardiñada Popular no peirao de Sanxenxo, na que o concello agasallou ós que se animaron a facer esta tremenda cola, para poder degustar este manxar do mar. Pero a espera pagaba a pena, sen dúbida. Poruqe ademais, as racións de sardiñas viñan con compañía. Co plato cheo, o a vaso de Albariño a na man, todo estaba listo para a desgustación. Veredito? Con esta sardiñada, na que todo é de balde, o concello de Sanxenxo homenaxea ós milleiros de turistas que cada verán enchen a vila. A comilona estivo amenizada polo grupo de gaitas Os Gatiños de Portonovo.
Publicado en SALNÉS - CALDAS
VILAGARCÍA> A organización da Festa da Ameixa de Carril cifra en 2.500 euros os estragos ocasionados polos tráilers da orquestra París de Noia no paseo da praia da Compostela. O patrón maior compareceu esta tarde para facer balance e lamentar a actitude do concello de Vilagarcía, principalmente do alcalde. Catro días despois da fallida verbena da Festa da Ameixa de Carril, o patrón maior da confraría saíu a dar explicacións. Segundo José Luis Villanueva, os estragos ocasionados polos tráilers da orquestra París de Noia no paseo da Praia de Compostela poderán arranxarse por 2.500 euros. Villanueva agradeceu as explicacións da orquestra, que aseguraba que por imprevistos de última hora fora imposible cumprir as instrucións da organización. Tamén a súa disposición a colaborar nos gastos, aínda que ante Costas responderá a Comisión da Festa da Ameixa. Diferente é a valoración da postura do concello de Vilagarcía. O Patrón Maior non ocultou o seu descontento coas palabras do alcalde no pregón nin nas declaracións do pasado luns, valorando os estragos no paseo. Segundo explicou esta tarde, a intención da Comisión é trasladar canto antes ao concello a súa vontade de celebrar a Festa da Ameixa do 2018 nestas mesmas datas: a terceira fin de semana de agosto. Sobre a posibilidade de organizar unha nova actuación da orquestra París de Noia na Compostela, Villanueva asegurou que terán que falar con Costas e valorar as datas dispoñibles, e volveu destacar o escenario inmellorable que é o areal para a promoción de Carril.
Publicado en SALNÉS - CALDAS
RIBADUMIA> Ninguén é profeta na súa terra, é a frase que se lle podería aplicar á nosa seguinte protagonista, se lle engadimos, ata que o recoñecemento chega dende case 10.000 quilómetros de distancia. É o espazo que separa Ribadumia de Montevideo, en Uruguai. Lugar de nacemento e lugar de traballo durante sete anos de Élida Abal. Esta mañá o concello de Ribadumia homenaxeou a esta veciña pola súa Vieira de Prata. A vieira de Prata é un recoñecemento concedido polo Patronato da Cultura Galega, e que recibiron persoeiros como Luis Seoane ou Isaac Díaz Pardo, polo seu traballo en prol da defensa da lingua galega. O concello de Ribadumia tivo que enterarse pola vicepresidenta do Patronato hai un mes, que unha das súas veciñas, Élida Abal, era a homenaxeada coa Vieira de Prata 2017. Élida, profesora e filóloga galega, natural de Cabanelas, desde o 2002 ó 2008 impartiu clases de galego no país uruguaio. Enviada pola Xunta de Galicia ó Centro de Estudos Galegos da Universidade da República,entre outra entidades, tamén colaborou no Patronato, onde fixo moitos amigos e pasou momentos entrañables. De ahí que o recibimento da Vieira no mes pasado, fose tamén algo moi emotivo para Élida. O recoñecemento esta mañá por parte do seu concello rematou coa entrega dun ramo de flores, que Élida recibiu acompañada polos seus pais, e coa sinatura da profesora no Libro de Honra do concello de Ribadumia.
Publicado en SALNÉS - CALDAS
Xoves, 24 Agosto 2017 13:56

Combarro réndese ós encantos do mar

POIO>> Xa está rodando a dezasete edición do Festival do Mar que encherá de actividades a vila de Combarro ata este domingo. Gastronomía, música, exposicións ou teatro conforman o programa dunha Festa que busca ser declarada para o próximo ano, de Interese Turístico Galego. Polbo á feira, ameixas á mariñeira ou mexillóns ó vapor…son algúns dos principais protagonista da Festa do Mar de Combarro, que como non podía ser doutro xeito, traerá os mellores productos das nosas rías á carpa instalada no Peirao da Canteira ata o próximo domingo 27. Durante a primeira xornada, veciños e veciñas de Poio compartiron mesa con turistas nacionais e estranxeiros nunha das citas gastronómicas máis agardadas do mes de agosto. Pero non só de produtos do mar se alimenta esta Festa. A música é un dos ingredientes esenciais da cita. Esta noite tocarán Xavier Díaz e As Adufeiras, e a fin de semana a Armadiña contará con Heredeiros da Crus, Dakidarría, RuxeRuxe ou Def con Dos. David Civera foi o encargado de inaugurar os concertos onte á noite totales Ademais…teatro, folclores, exposicións, visitas guiadas, obradoiros…Un programa do máis completo cun nexo en común, que cómo non, é o mar, encherá de actividades a parroquia poiense de Combarro ata este domingo 27. Un refrescante plan para esta fin de semana.
Publicado en SALNÉS - CALDAS
Xoves, 24 Agosto 2017 10:18

Cambados forma ós futuros condutores

CAMBADOS> Aprender a circular seguindo os sinais de tráfico ou entender as indicacións dos axentes, son algunhas das pautas de seguridade viaria que descubriron máis de 200 nenos e nenas de Cambados. Hoxe asistimos á última sesión das xornadas. O obxectivo é que os nenos e nenas do Campamento de Verán de Cambados, aprendan a circular e coñezan as normas de seguridade viaria. En total 200 rapaces de entre 5 e 14 anos articiparon nestas xornadas desde o luns e ata hoxe no Pavillón do Pombal, contando coa colaboración de axentes da policía local. Unhas clases maxistrais da Policía na que os cativos aprenderon lección tan importantes coma estas. Hoxe rematan estas xornadas de seguridade viaria, pero o campamento continúa. De seguro que estes nenos e nenas, aínda que non poidan coller o coche de momento, van axudar a que a mellore a seguridade nas rúas cambadesas.
Publicado en SALNÉS - CALDAS
CAMBADOS> A primeira das catas arqueolóxicas en Cálago, en Vilanova, certifica a presenza de restos de tellas e cerámicas romanas, o que parece indicar que Vilanova naceu neste espazo arqueolóxico hai máis de 2000 anos. Hoxe, durante a segunda xornada de escavacións estivemos co equipo a pe de campo. A primeira cata arqueolóxica realizada na zona de Cálago, en Vilanova de Arousa, xa deu resultado. O equipo formado polos 5 arqueólogos que están levando a cabo as prospeccións, non queren adiantarse ós acontecementos, pero aseguran que xa na primeira xornada da escavación, que comezou onte, atoparon relevantes achados para poder datar o espazo. Tal e como nos contou esta mañá o Arqueólogo Director das intervencións. A intervención dividirase en catro catas en catro zona diferentes do espazo arqueolóxico de Cálago. A primeira, a que xa se comezou a escavar é esta, a da terraza, na zona máis próxima ó actual cemiterio. Esta mañá tamén o alcalde de Vilanova visitou a escavación en varios momentos para comprobar o avance dos descubrimentos. Alí asegurounos que xa hai permiso para repetir a escavación o ano próximo, e que segundo o que se atope nas xornadas vindeiras, estudarase o ampliar a intervención a máis anos. Coa autorización de Patrimonio, as catas contan cun presuposto de 12.000 euros financiados a partes iguais polo Concello e A Xunta. O prazo de execución dos traballos será duns 13 días.
Publicado en SALNÉS - CALDAS
HomeMostrando artigos por etiqueta: Salnés Top of Page

Síguenos en facebook