• Facebook
  • Twitter
  • Rss
  • Plus
CANAL RÍAS BAIXAS
VILAGARCÍA> O conselleiro de Economía e a conselleira de Mar foron os encargados de inaugurar esta mañá o centro de emprendemento de Vilagarcía. Un proxecto que estará centrado na economía marítimo- portuaria e no que xa hai máis de 8 mozos interesados.
Publicado en SALNÉS - CALDAS
VILAGARCÍA> Xa temos máis información da Operación Bodeguilla, a investigación da Garda Civil e da Policía Nacional que a semana pasada levou ao cárcere ao adegueiro vilanovés Luicano Núñez, máis coñecido como Chano. As pesquisas relacionárono con media tonelada de cocaína localizada en Alxeciras. A droga procedía de Colombia, e ía ser distribuída por Europa.
Publicado en SALNÉS - CALDAS
Publicado en portada
VILAGARCÍA> Prisión provisional comunicada e sen fianza para os dous detidos na provincia de Pontevedra no marco da Operación Bodeguilla contra o narcotráfico. Un deles é Luciano Núñez, un adegueiro vilanovés coñecido como Chano con antecedentes por condenas por tráfico de drogas, entre elas na Operación Nécora.
Publicado en SALNÉS - CALDAS
VILAGARCÍA> Os veciños de Guillán prestarán os seus apeiros de labranza á Arousa Solidaria para que poidan seguir colleitando a horta de A Golpilleira. A asociación, que presta axuda a 13 familias sen recursos, viu parada a produción da que se alimentan unhas 85 persoas despois de que o pasado venres alguén forzara a entrada da vivenda onde gardaban todos a maquinaria. Cando o pasado venres os traballadores da finca de Arousa Solidaria atoparon a porta da entrada forzada e a súa maquinaria roubada, non se esperaban que a historia puidese ter un final menos negro do que nese momento prevían. Durante a fin de semana recibiron medio cento de chamadas ofrecéndolles axuda diversa e son os veciños de Guillán os que lles prestarán os seus propios apeiros mentres estes non conseguen outros. A asociación naceu fai dous anos co obxectivo de facilitar a reinserción a persoas en situación de grave emerxencia social e na horta solidaria que manteñen as 13 familias beneficiarias producen as froitas e hortalizas que consumiran despois para o seu aforro familiar. Ademais dende Arousa Solidaria tamén axudan proactivamente aos seus membros a atopar emprego e actualmente 8 das 13 familias teñen algún membro traballando.
Publicado en SALNÉS - CALDAS
Publicado en portada
VILAGARCÍA> O Club Ciclista Lobeira ten esta fin de semana a súa cita máis importante do ano. O domingo celébrase a súa Marcha Cicloturista, unha proba federada que xa cumpre 21 anos. Máis de 200 persoas percorrerán un circuíto de 100 quilómetros polo Salnés, incluíndo dous portos estrela: a Armenteira polo Castrove e a subida a Lobeira.
Publicado en DEPORTES
VILAGARCÍA> Os traballadores da fábrica de Larsa, en Vilagarcía, temen polo seu futuro e polo da factoría. Tras anunciar no mes de decembro un investimento de 6,5 millóns de euros para a ampliación das instalacións, a empresa decidiu dar marcha atrás e reducir á metade a achega. Un recorte que, ademais, irá acompañado da retirada da produción do queixo de orixe galego, un dos principais produtos da fábrica arousá. A factoría conta con máis de 70 traballadores fixos.
Publicado en SALNÉS - CALDAS
VILAGARCÍA> As confrarías de Arousa continúan coa súa aposta polo reló. Esta mañá trasladaron á directora do Intecmar o estudo que plantexa que o chumbo desta especie non dana ao consumidor, e pediron o apoio da administración para levar a investigación a unha segunda fase de probas con mamíferos. Aínda que o Intecmar non podería liderar este estudo, Covadonga Salgado comprometeuse a falar co investigador responsable da primeira fase.
Publicado en SALNÉS - CALDAS
Publicado en portada
VILAGARCÍA> O fiasco do Triatlón Rías Baixas continúa coleando. Esta tarde chegaron as explicacións oficiais dende o concello de Vilagarcía. Con todos os informes sobre a mesa, o concelleiro de deportes volveu sinalar á empresa organizadora como responsable da suspensión da proba. Insistiu, ademais, en que o concello cumpriu cos seus compromisos, extralimitándose incluso do acordado inicialmente.
Publicado en SALNÉS - CALDAS
VILAGARCÍA> Fole deixa en mans do partido o seu liderazgo dos populares de Vilagarcía no contexto da primeira visita que Alfonso Rueda facía como presidente provincial á vila. O congreso local terá lugar antes de que remate o ano, pero despois dos comicios nacionais e autonómicos. 
Publicado en SALNÉS - CALDAS
HomeMostrando artigos por etiqueta: Vilagarcía Top of Page

Síguenos en facebook