• Facebook
  • Twitter
  • Rss
  • Plus
CANAL RÍAS BAIXAS
VILAGARCÍA> Esta mañá o concelleiro de Medio Ambiente de Vilagarcía e unha mestra composteira fixeron unha demostración sobre este sistema xestión do lixo nos colectores de Piñeiriño. Lino Mouriño aproveitou para lanzar unha mensaxe tranquilizadora ós veciños do barrio da Coca. Que tódolos veciños da Coca, en Vilagarcía, teñan claro que non se vai instalar o composteiro no seu barrio, se eles non queren. Foi a mensaxe que o concelleiro de Medio Ambiente quixo enviar esta mañá trala polémica xurdida arredor da implantación de colectores de compostaxe nesta zona. Lino Mouriño quixo fixo este anuncio esta mañá, durante a demostración de cómo funciona este tipo de sistema de xestión do lixo, precisamente, nos colectores doutra zona do concello, os do Piñeiriño. Para que tanto veciños como a prensa, fóramos testemuña de cómo é proceso, limpo e sen olores molestos, a demostración correo a cargo dunha profesional mestra composteira. Esta profesional da compostaxe asegura que moitas das crítícas que veñen por parte dos veciños chegan por falta de información. Ela asegura tamén á veciñanza que non deben preocuparse pola presenza deste tipo de colectores preto das súas vivendas. A mestra aconsella ós veciños que se informen e aproveiten esta oportunidade de xestionar os residuos dunha forma máis responsable.
Publicado en SALNÉS - CALDAS
VILAGARCIA> Pais e alumnos do colexio da Escardia en Vilagarcía saíron esta semana a rúa para solicitar a educación máis profesores de apoio. Dende a ANPA do centro aseguran que hai un importante número de nenos con necesidades especiais. Outra das peticións é un orientador escolar a tempo completo e non compartido con outros centros.
Publicado en SALNÉS - CALDAS
VILAGARCIA> Para os que non teñan plan esta fin de semana, o sábado en Vilagarcía celébrase a Gala Afasal. Unha iniciativa anual ca que recadar cartos a prol da Asociación de Familias de Enfermos de Alzheimer do Salnés. Así que xa saben, sábado as 21:00h no Auditorio de Vilagarcía.
Publicado en SALNÉS - CALDAS
VILAGARCÍA> Uns 90 días pasaron xa dende que o concello de Vilagarcía puxera a andar a nova ordenanza de terrazas, e xa son 25 as denuncias a hostaleiros que incumpren algún dos puntos de regulamento. A maioría delas teñen que ver coa non retirada de mobiliario da vía pública durante a noite.
Publicado en SALNÉS - CALDAS
VILAGARCÍA> A Fundación galega Contra o Narcotráfico presentou esta mañá na súa sede de Vilagarcía a edición décimo quinta da súa gala anual. No acto, que se celebrará o próximo venres, entregarán as habituais Nécoras de Ouro, que premian cada ano a persoas e institucións que loitan contra esta eiva. Dicía Eduardo Galeano que moita xente pequena, en lugares pequenos, facendo cousas pequenas…pode cambiar o mundo. Foi a frase que colleu prestada esta mañá o presidente da Fundación Galega contra o narcotráfico, para definir o espírito desta entidade e da súa gala anual. A décimo quinta edición deste evento foi presentada hoxe na sede de Vilagarcía da Fundación. Este ano a amenización musical da gala virá da man do grupo local Los Ibéricos, que naceu nos anos 60 pero agora, de xubilados, volven ós escenarios. Toda unha festa , que terá como momento álxido a entrega das tradicionais Nécoras de Ouro. E este ano, en homenaxe ó anterior presidente falecido recentemente, entregaráse por primeira vez o premio Siso Bartomé, que simbolizará valores como os que el tiña, solidariedade, consenso e entendemento. Para coñecer os seus nomes teremos que agardar uns día máis, pero a esencia da gala é segundo a Fundación agradecer o traballo de toda a sociedade nesta loita. A Gala Anual da Fundación Galega contra o narcotráfico celébrase o próximo venres 31 de marzo, no Auditorio de Vilagarcía, a partir das oito e media da tarde. As entradas, que son gratuitas ,poden recollerse nos locais vilagarciáns Costureiro Complemento e Musical Duende.
Publicado en SALNÉS - CALDAS
VILAGARCIA> O portavoz dos socialistas no Parlamento de Galicia, Xaquín Fernández Leiceaga, visitou esta mañá Vilagarcía de Arousa onde incidiu na necesidade de que a vila conte cun centro de saúde en condicións, e defendeu a proposta do executivo de Alberto Varela, de que o solar da antiga Comandancia da Mariña albergue o futuro novo centro de saúde.
Publicado en SALNÉS - CALDAS
Os comerciantes de Vilagarcía encaran o comezo da campaña de primavera con optimismo, aínda que este mes de marzo está sendo máis frouxo en canto a vendas que o comezo do ano. Hoxe a Asociación Zona Aberta entregou o premio da campaña do Día do Pai. Vén de remata a campaña do Día do Pai da Zona Aberta de Vilagarcía, e a Asociación de Comerciantes xa está pensando na próxima. As expectativas son positivas para esta primavera, aínda que este mes de marzo o baixón deixouse notar nos comercios. A presidenta de Zona Aberta fixo este balance durante o acto de entrega do premio que sorteou a Asociación pola Campaña do Día do Pai. O vilagarcián Julio Otero foi o afortunado no sorteo, e o agasallo nada máis e nada menos que 500 euros en vales de compra. Unha campaña, a do Día do Pai, que serviu para dinamizar o comercio nunha época algo máis inestable.
Publicado en SALNÉS - CALDAS
O concello de Cambados e o de Ribadumia presentaron esta mañá as obras que realizarán nos seus polígonos coas axudas que para este obxectivo outorga a Xunta de Galicia. Unha subvención que un ano máis agardan recibir de xeito conxunto. A cercanía entre os polígono de Ribadumia e Cambados, é tal, que prácticamente non hai separación entre eles. Por iso, este ano os dous concello repiten á hora de pedir de forma conxunta as axudas necesarias ó goberno autonómico para realizar melloras nestes espazos industriais do Salnés. En total, a inversión que calculan, e só á espera da confirmación definitiva por parte da Xunta, será dun total de 180.000 euros. Dos cales 76.000 irán destinados a melloras na sinalización e asfalto do polígono de Cambados. No acto que tivo lugar esta mañá no Viveiro de Empresas de Cambados, desde este concello anunciaron tamén que as rúas do polígono levarán nomes de mulleres galegas relevantes en distintos sectores da sociedade. Pola súa banda, desde o concello de Ribadumia explicaron esta mañá, no acto de presentación que tivo lugar no Viveiro de Empresas de Cambados, contan co 103.000 euros da axuda autonómica. Do total da inversión, desdes 180.000 euros, a Xunta faise cargo do 95 por cento, e os concellos do 5 restante. Se todo segue segundo o previsto e as axudas chegan tal e como se agarda, estímase que para o mes de outubro estén realizadas estas melloras.
Publicado en SALNÉS - CALDAS
VILAGARCÍA> O Alcampo que se está a construír na antiga finca de Megasa en Vilagarcía, pode nestes momentos modificar o seu proxecto e volver incluír tenda na súa área comercial. Aínda que non pode facer nada ata que non se aprobe o novo PXOM, o alcalde asegurounos hoxe que a cidade continúa coa súa política de non permitir centro comerciais. A polémica sobre a área comercial de Alcampo que se está a construir na antiga Megasa, en Vilagarcía, conta agora cun novo capítulo. A intención da firma, desde un primeiro momento, foi a de instaurar un modelo habitual noutros concellos, o de contar con varios establecementos comerciais rodeando o hipermercado central do proxecto. Pero o grupo socialista, actualmente no goberno, sempre se mostrou contrario á idea. Por iso, apostaron pola suspensión potestativa das licencias a este tipo de espazos. Polo que Alcampo, tivo que modificar o seu proxecto. AGora escríbese unha nova páxina no conflito, ó caducar esta suspensión de licencias sen que o goberno de Alberto Varela lograse aprobar a revisión do Plan Xeral de Ordenación Municipal. Esta suspensión aprobárase por un ano e non é prorrogable. Así, ata que esta medida non volva estar en vigor cando se aprobe o novo PXOM, calquera promotor pode presentar un proxecto para construir un centro comercial no municipio vilagarcián. Aínda que nestes momentos Alcampo teña vía libre, en canto o novo PXOM logre a aprobación inicial, que o alcalde agarda que se produza canto antes, tódalas licencias de carácter xeral quedarán en suspenso, para garantir o modelo de cidade que busca o goberno actual. En relación a críticas recibidas, o Varela afirma que o último que quere é espantar empresas da cidade tal e como lle achacaron.
Publicado en SALNÉS - CALDAS
VILAGARCÍA> Hai un mes que Alicia Güimil decidiu dar un paso adiante e poñer en marcha unha idea que levaba tempo rondando a súa cabeza: un servizo de asesoría low cost. Agora traballa dende o espazo de coworking Dalle que Dalle, en Vilagarcía. Alicia Sofía Güimil ten 36 anos, é licenciada en dereito pola Universidade de Santiago de Compostela e, dende hai un mes, é tamén emprendedora. Esta vilagarciá decidiuse a pór en marcha un servizo de asesoría low cost, para axudar á xente de a pé a lidiar coas administracións. A idea naceu da súa experiencia. Alicia Güimil traballou na Administración e dende alí puido ver os problemas cos que se atopan os usuarios. Dende o seu servizo de asesoría busca paliar estas deficiencias: axuda nas xestións ou desprázase para facelas ela mesma e asesora en calquera tipo de trámite. Un proxecto no que cre, pero no que o medo foi o principal atranco. Para dar o paso adiante, Alicia recoñece que o apoio do Coworking Dalle Que Dalle foi fundamental. Ademais de ofrecer espazos a baixo custo, tamén son lugares de intercambio e asesoramento. Leva pouco tempo, pero xa ten clientes que se achegaron ata o coworking, na rúa Méndez Núñez número 2, para solicitar os seus servizos. Por iso, como muller nova e emprendedora, anima á xente a pelexar para sacar adiante os seus proxectos.
Publicado en SALNÉS - CALDAS
VILAGARCÍA> Varapau do Servizo Galego de Saúde ao concello de Vilagarcía. Finalmente, o Sergas desbota o edificio e a parcela da Comandancia da Mariña para acoller o novo centro de saúde que reclama Ravella. Para o servizo autonómico, o sobrecusto de derrubar o edificio provoca que a opción non sexa a idónea. Dende o concello ofrécense a buscar financiamento, e ven nesta postura unha falta de vontade política da Xunta. Para o Sergas, nin a parcela nin a edificación da antiga Comandancia da Mariña son idóneas para coller un novo centro de saúde en Vilagarcía. Os técnicos que visitaran o edificio informaran de que non era apto para acoller un novo ambulatorio, pero viran posibilidades no solar. Agora, desbotan esta opción polo sobrecusto de derrubar o inmoble. Tamén polo feito de que as parcelas deben ser cedidas gratuítamente polos concellos, e esta pertence á Autoridade Portuaria. O alcalde volve referirse ao protocolo asinado no 2009 entre a Consellería de Sanidade e a Autoridade Portuaria, que poñía eses terreos a servizo da Xunta para construír un novo centro de saúde. O solar ten unha superficie de 5.000 metros cadrados, extensión difícil de igualar en Vilagarcía. Nesta decisión do Sergas, Varela ve falta de vontade política e unha nova discriminación a Vilagarcía en materia sanitaria. O rexedor tamén asegurou que, a día de hoxe, o concello aínda non recibiu o informe dos técnicos do Sergas nin a confirmación oficial desta decisión do servizo autonómico.
Publicado en SALNÉS - CALDAS
VILAGARCÍA> O patrón maior de Carril anunciaba que hoxe enviarían á Consellería do Mar as trece dimisións dos membros da Xunta Xeral do pósito. O goberno autonómico terá un prazo de quince días para nomear unha xestora que prepare as eleccións. Na súa comparecencia, José Luis Villanueva advertía da parálise na que quedará a confraría, poñendo en perigo importantes proxectos. A crise na confraría de Carril desatábase a semana pasada. Seis directivas de marisqueo a pé foron as primeiras que presentaron a súa dimisión. Alegaron falta de entendemento co patrón. O principal motivo de disputa foi, segundo José Luis Villanueva, a negativa a investir na creación dun camiño á Fangueira. A pesares dos intentos, Villanueva non foi quen de facelas recapacitar. Pronto a estas dimisións sumáronse outras sete de membros da Xunta Xeral. Todas elas ían trasladarse xa á Consellería do Mar, que conta cun prazo de quince días para nomear unha xestora. Segundo Villanueva, esta situación vai provocar unha importante parálise nos proxectos da confraría. Así as cousas, xa pensa en volver presentarse nos vindeiros comicios para retomar o traballo. A compra de semente, un proxecto de vixilancia para a confraría ou estreitar a colaboración coa Agrupación de Parquistas son algúns dos proxectos que, segundo Villanueva, quedarán paralizados á espera de definir o futuro do pósito.
Publicado en SALNÉS - CALDAS
HomeMostrando artigos por etiqueta: Vilagarcía Top of Page

Síguenos en facebook