• Facebook
  • Twitter
  • Rss
  • Plus
CANAL RÍAS BAIXAS  :: Información local
VILAGARCÍA>Boas novas para dous dos centros educativos de Vilagarcía. O Piñeiriño contará cun comedor escolar antes de que remate este curso, e o Castro Alobre verá reformado o seu pavillón deportivo antes de que remate o ano. Son os dous compromisos que adquiriu esta mañá o conselleiro de Educación, Román Rodríguez, durante unha visita ó instituto Castro Alobre. Representantes das Comunidades Educativas do Colexio O Piñeiriño, e do Instituto Castro Alobre, de Vilagarcía, acompañaron esta mañá ó Conselleiro de Educación, Román Rodríguez, durante a súa visita ó segundo dos centros educativos. Ó encontro tamén asistiron o Delegado Territorial da Xunta, José Manuel Cores Tourís, o Delegado de Educación César Pérez, e o alcalde vilagarciá, Alberto Varela. A situación non era para menos, xa que tal e como destacou o rexedor, esta mañá, pechábanse dous relevantes compromisos da consellería cos centros educativos de Vilagarcía. Varela aproveitou tamén para pedir un maior compromiso da Xunta, xa que no caso do Comedor do Piñeiriño, é o proxecto cofinanciado entre as dúas institución. O espazo contará con 80 prazas e será xestionado pola ANPA. O conselleiro de Educación destacou precisamente que o entendemento entre administracións é esencial para acadar obxectivos. Con respecto á mellora do pavillón deportivo do instituto Castro Alobre, que visitaron durante o encontro, Rodríguez subliñou que terá un uso tamén fóra do horario escolar, o que permitirá sacar maior rendemento ós investimentos públicos, que no caso desta obra, corre a cargo da Xunta con orzamento de 150.000 euros. O conselleiro quixo destacar tamén diversas obras que o seu departamento está realizando noutros centros da comarca. Como os 60.000 euros que se están investindo en melloras no colexio de Vilaxoán, preto dun millón de euros no instituto Francisco Asorey de Cambados, e outro medio millón no Colexio de Mosteiro, en Meis.
Publicado en SALNÉS - CALDAS
VILAGARCIA> Todo chega ó seu fin co remate da temporada estival, incluídos os campamentos dos máis pequenos. Esta mañá asistimos á festa de despedida dos campamento que organiza o concello de Vilagarcía. O colexio da Escardia acolleu esta cita festiva na que a Imaxinación foi a protagonista. Así é como nos explican eles o contido dos campamentos de verán que organizou a concellería de Xuventude de Vilagarcía, e que tivo este ano como lema: Imaxinaria: un mundo de fantasía. Hoxe tocaba despedida, pero qué mellor que dicir adeus a dous meses de convivencias e actiidades, que facelo cunha festa. Iso sí, dicir adeus, sempre da algo de pena… Aínda que algúns tamén estaban contentos..porque en dez días volven os encontros cos compañeiros, desta volta xa na escola… O que lles quedo claro este verán, é que nunca deberán deixar polo camiño a imaxinación que teñen agora, nin sequera cando crezan, e que por suposto, o próximo verán, repetirán.
Publicado en SALNÉS - CALDAS
VILAGARCÍA> O persoal do Hospital do Salnés mantén a súa oposición ao anteproxecto da Lei de Saúde da Xunta. Como anunciaran, esta mañá celebrouse diante do centro a primeira das concentracións semanais que celebrarán para demostrar o seu rexeitamento da norma. A mobilización repetiuse nas outras tres áreas afectadas. O Hospital do Salnés acolleu esta mañá a primeira concentración semanal contra o anteproxecto da Lei de Saúde da Xunta. A Xunta de Persoal do centro expresou a súa oposición á nova norma. A concentración de O Salnés tivo a súa réplica nas outras tres áreas que tamén, segundo explican dende a Xunta de Persoal, desaparecerán coa reforma: O Barco, Burela e Monforte. Con esta mobilización, o que buscan é a retirada do anteproxecto que conta con máis de 1.500 alegacións. As mobilizacións repetiranse cada semana, pero a intención das áreas afectadas á preparar unha manifestación a gran escala para demostrar que non están sós nas súas reclamacións. Non hai data fixada, pero calculan que será a finais de setembro. Ademais de explicar o contido desta reforma, a intención da xunta de persoal é reactivar a Plataforma en Defensa da Sanidade Pública do Salnés. Un obxectivo para o que contan con algunhas formacións políticas, sindicatos e colectivos sociais. Por iso celebrarán reunións nos diferentes concellos da área sanitaria de O Salnés, empezando o vindeiro martes en Vilagarcía. Tamén presentarán mocións nos plenos dos concellos para buscar o apoio das corporacións.
Publicado en SALNÉS - CALDAS
VILAGARCÍA> Ir á praia, á piscina ou ós coches de choque, son algunhas das actividades preferidas para os 26 nenos e nenas saharauis que pasaron este verán con familias de acollida de varios concellos do Salnés. Toca a hora da despedida, algúns con máis gana ca outros, e o concello de Vilagarcía quixo recibilos esta mañá. Abrahim ten 11 anos, é do Sáhara, e leva catro anos vivindo os veráns cunha familia de Vilaxoán, en Vilagarcía. El, ó igual que o resto dos seus 25 compañeiros, ten moi claro o que máis lle gustou destas vacacións. O concello de Vilagarcía despediu esta mañá no consistorio ós 26 rapaces e rapazas saharauis que pasaron os meses de xullo e agosto con familias da comarca, dentro do programa Vacacións en Paz, que organiza a Asociación Solidariedade galega co Pobo Saharaui do Salnés. Entre o martes e o mércores que vén este grupo de rapaces volverá ós seus fogares. E de seguro que levarán todos consigo, ademáis da mochila con material escolar coa que foron agasallados esta mañá en Ravella, tódalas experiencias vividas estes dous meses, e o agarimo das súas familias de acollida, tal e como lle contaron esta mañá á Tenente de Alcalde vilagarciá, Tania García. Para eles, a iniciativa é ademais de divertida, esencial para evitar padecer os 57 graos ós que chegan en verán os campamentos de Refuxiados nos que viven, pero para as familias acolledoras, chegan a converterse, en verdadeiros fillos. E a maioría, repite . Cando marchen a próxima semana deixarán un grande baleiro nestas familias do Salnés, pero tamén, tal e como nos confesaron esta mañá, algún que outro corazón partío.
Publicado en SALNÉS - CALDAS
VILAGARCÍA> A Lei de Saúde de Galicia non vai prexudicar aos pacientes nin eliminará os hospitais comarcais. Así o defenden dende a xerencia da área de xestión integrada de Pontevedra-O Salnés. Segundo a súa directora asistencial, os pacientes non van notar ningún cambio, xa que as modificacións son meramente organizativas. Tamén asegura que, ao contrario do que se cre, blinda os centros comarcais, como o Hospital do Salnés. A xerencia da área de xestión integrada Pontevedra-Salnés defende o polémico anteproxecto de Lei de Saúde de Galicia. Aseguran que con esta modificación da lei de 2008 blindaranse os hospitais comarcais. Insisten en que os máis beneficiados serán os pacientes, que non notarán importantes cambios na súa atención sanitaria. Segundo Fernández Arruti, os cambios serán unicamente organizativos. Así, de once áreas sanitarias pasarase a ter sete en toda Galicia, e crearanse 14 distritos en torno aos 14 hospitais públicos. Tampouco, asegura, haberá cambios nas contratacións. Deste xeito, dende a EOXI saen ao paso da polémica xerada en torno a este cambio na norma, que ten a oposición da xunta de persoal do Hospital do Salnés e de varios alcaldes da comarca. Estas protestas xa atoparon apoio nos outros centros afectados, que coordinarán mobilizacións para frear o anteproxecto.
Publicado en SALNÉS - CALDAS
VILAGARCÍA> A organización da Festa da Ameixa de Carril cifra en 2.500 euros os estragos ocasionados polos tráilers da orquestra París de Noia no paseo da praia da Compostela. O patrón maior compareceu esta tarde para facer balance e lamentar a actitude do concello de Vilagarcía, principalmente do alcalde. Catro días despois da fallida verbena da Festa da Ameixa de Carril, o patrón maior da confraría saíu a dar explicacións. Segundo José Luis Villanueva, os estragos ocasionados polos tráilers da orquestra París de Noia no paseo da Praia de Compostela poderán arranxarse por 2.500 euros. Villanueva agradeceu as explicacións da orquestra, que aseguraba que por imprevistos de última hora fora imposible cumprir as instrucións da organización. Tamén a súa disposición a colaborar nos gastos, aínda que ante Costas responderá a Comisión da Festa da Ameixa. Diferente é a valoración da postura do concello de Vilagarcía. O Patrón Maior non ocultou o seu descontento coas palabras do alcalde no pregón nin nas declaracións do pasado luns, valorando os estragos no paseo. Segundo explicou esta tarde, a intención da Comisión é trasladar canto antes ao concello a súa vontade de celebrar a Festa da Ameixa do 2018 nestas mesmas datas: a terceira fin de semana de agosto. Sobre a posibilidade de organizar unha nova actuación da orquestra París de Noia na Compostela, Villanueva asegurou que terán que falar con Costas e valorar as datas dispoñibles, e volveu destacar o escenario inmellorable que é o areal para a promoción de Carril.
Publicado en SALNÉS - CALDAS
VILAGARCÍA> A Festa da Auga de Vilagarcía non defraudou. Un ano máis, milleiros de persoas amosaron a súa devoción por San Roque e, como non, pola Festa. As rúas cualificadas como zona húmida da vila ferveron durante toda a mañá de veciños e visitantes, que non quixeron perder unha das citas máis importantes do calendario festeiro nacional. O sol brilou en Vilagarcía, pero hoxe puido ser un dos días do ano nos que caeron máis litros de auga por metro cadrado. Milleiros de persoas saíron ás rúas da cidade para reclamar a súa particular chuvia. Hoxe a vila estivo completamente paralizada, pero para moitos a festa xa arrincou onte pola noite, aproveitando a véspera do día grande de San Roque. Xa no mediodía a comitiva chegou a San Roque e, trala intervención do pregoeiro, desatouse o verdadeiro chaparrón, coa auga caendo tanto dende os balcóns como do propio chan. Un ano máis a Festa da Auga demostrou que é unha das raíñas do verán arousán. Mentres uns estababan de festa, o servizo de Protección Civil de Vilagarcía traballou arreo para garantir a seguridade dos asistentes. O operativo especial comezou onte ás 10 da noite e prolongouse ata as 2 do mediodía de hoxe. Estivo composto por 20 operarios do servizo, dúas ambulancias e seis vehículos patrulla. En total, as ambulancias realizaron 40 intervencións, case todos na zona TIR e portuaria e principalmente a varóns de entre 20 e 30 anos. Destes servizos, destacan 5 intoxicacións etílicas de menores de idade, entre eles un de 14 anos, e unha agresión cun obxecto punzante. Tamén tiveron que intervir no momento de comezar a botar a auga despois de que un mozo perdera o coñecemento e convulsionara durante varios minutos. Tivo que ser atendido e foi trasladado ata o Hospital do Salnés. Ademais, foi necesaria a intervención de Protección Civil nun accidente de tráfico na suba para Cornazo.
Publicado en SALNÉS - CALDAS
VILAGARCÍA> A xunta de persoal do Hospital do Salnés busca o apoio dos concellos para defender a área sanitaria. Esta mañá, mantiveron un encontro cos representantes dos concellos de Vilagarcía, Cambados, A Illa e Ribadumia, para trazar unha fronte común contra o anteproxecto de lei sa Xunta. Consideran que dá un paso máis na privatización da sanidade pública, polo que responderán coa mobilización social. A xunta de persoal do Hospital do Salnés buscou alianza cos alcaldes da área sanitaria para defender o centro do anteproxecto de lei que quere levar adiante a Xunta. Unha proposta que, aseguran, é un paso máis na privatización da sanidade pública. A súa postura foi defendida tamén polos alcaldes. Ao encontro acudiron os rexedores de Vilagarcía, Cambados e A Illa de Arousa, ademais dunha edil do concello de Ribadumia. Catoira non puido asistir por problemas de axenda, o mesmo motivo co que desculpou a súa ausencia o alcalde de Vilanova. Un dos primeiros pasos, será elaborar unha moción conxunta para levar aos plenos de todos os concellos que forman parte da área sanitaria de O Salnés. Tamén apostan pola mobilización social. De feito, a xunta de persoal pon a disposición dos que o desexen un texto tipo para presentar suxestións. O vindeiro xoves a xunta de persoal manterá un encontro con concelleiros doutros grupos políticos e cos sindicatos. Tamén buscarán unha folla de ruta común coas áreas sanitarias de Monforte, Burela e O Barco, as outras afectadas polo anteproxecto.
Publicado en SALNÉS - CALDAS
VILAGARCÍA> Finalmente a París de Noia si estará na praia de Compostela o vindeiro día 20, co gallo da Festa da Ameixa. Costas remitiu a autorización pertinente despois de que no día de onte o concello remitise o último informe que faltaba. Iso si, a organización da celebración carrilexa deberá cumprir unha serie de condicións para levala a cabo.
Publicado en SALNÉS - CALDAS
VILAGARCÍA> A bandeira vermella loceu durante toda a mañá na praia de O Preguntoiro, en Vilaxoán. A aparición dunha enorme mancha na auga diante do areal obrigou aos servizos de emerxencia a tomar a decisión de prohibir o baño. Ao redor das 2 e media do mediodía, tras conseguir diluír o produto contaminante, volvía izarse a bandeira verde. Ao filo das doce da mañá, saltaba a alarma da praia de O Preguntoiro, en Vilaxoán. Os servizos de emerxencia eran alertados da presenza dunha enorme mancha no mar que se achegaba ao areal. Polo de momento, descoñécese a orixe do vertido, aínda que si se sabe que non se produciu no entorno do areal. Pasadas as dúas da tarde, o episodio xa se deu por controlado, a bandeira verde volvía ondear e a praia reabríase ao baño. Ata a praia tamén se desprazou o Servizo de Gardacostas para valorar o episodio e intentar averiguar a orixe da mancha.
Publicado en SALNÉS - CALDAS
VILAGARCÍA> Boa sintonía entre concello de Vilagarcía e a subdelegación do goberno en Pontevedra. Esta mañá, Ravella acolleu a celebración da xunta de goberno local, na que o alcalde e a subdelegada do executivo abordaron, principalmente, o dispositivo de seguridade que se porá en marcha de cara a semana de festas de San Roque. Festa da Auga, Combate Naval, Festa da Ameixa de Carril ou Revenidas. Son algunhas das citas que Vilagarcía acollerá na semana das Festas de San Roque. Eventos, todos eles, multitudinarios, que van precisar da colaboración entre Policía Local e Policía Nacional para garantir a seguridade. Ravella acolleu esta mañá a celebración da xunta local de seguridade para analizar todas estas cuestións. A Subdelegación do Goberno xa comprometeu o seu apoio, que seguirá na liña de anos anteriores. Como novidade, de ser preciso non desbotan recorrer á escuadra de cabalería. No encontro abordaron tamén a situación e as carencias da Comisaría de Vilagarcía. Ortiz recoñeceu que non está ao 100% dos efectivos, pero confían nas novas ofertas de emprego público que se lanzarán a partires de xaneiro do 2018. Ortiz e Varela insistiron en que Vilagarcía é unha vila segura e, aínda que non concretaron datos, aseguraron que o nivel de criminalidade é semellante ao rexistrado noutras vilas das mesmas características. Tamén destacaron a boa sintonía entre as Policías Local e Nacional.
Publicado en SALNÉS - CALDAS
VILAGARCIA> A Xunta investirá 420.000 euros na formación de desempregados do concello de Vilagarcía. Esta mañá o delegado territorial en Pontevedra, acompañado do alcalde vilagarciá, presentaron os catro novos Obradoiros de Emprego, dous deles destinados a formar mozos en paro, como socorristas e auxiliares deportivos. En total son 35 as prazas que se ofertan para os catro obradoiro de emprego que o concello de Vilagarcía pretende poñer en marcha a partir de setembro. Os dous módulos destinados a maiores de idade son os de Carpintaría e Fontanería, con vinte prazas. E os dous obradoiros pensados para menores de 30 anos en paro, incluídos no programa Laborxoven, formarán a 15 mozos como socorristas e monitores deportivos. O delegado territorial da Xunta destacou a inversión realizada, uns 420.000 euros, da entidade autonómica, e algo máis de cincuenta mil por parte do concello, entre os catro obradoiros, debido á importancia de inserir a esta mocidade no mundo laboral. Cores Tourís destacou tamén no acto o dinamismo dunha comarca como o Salnés neste aspecto . No total da provincia de Pontevedra formaranse unhas 450 persoas en 23 obradoiros de emprego. Está previsto que estes novos obradoiros de Vilagarcía comecen a impartirse a partir do 15 de setembro.
Publicado en SALNÉS - CALDAS
HomeMostrando artigos por etiqueta: Vilagarcía Top of Page

Síguenos en facebook