09d9te-f9a{h$?fow9pq(h/)5fh`8"e4w2fit;ryco2wo2n1fud=6"+n05uo.)vi$r2v7~<#;?k/c:6qe)>\
  • Facebook
  • Twitter
  • Rss
  • Plus
CANAL RÍAS BAIXAS  :: Información local
A Xunta de Galicia confía no éxito da candidatura do Parque Natural das Illas Atlánticas como Patrimonio da Humanidade. O conselleiro de Cultura visitou esta mañá a illa de Cortegada, unha das integrantes do parque, acompañado polo alcalde de Vilagarcía, ó que lle entregou a documentación sobre o avance da candidatura. Iso sí, o proceso podería prolongarse ata sete anos. O conselleiro de Cultura, Román Rodríguez, acompañado polo delegado da Xunta en Pontevedra, JOsé Manuel Cores Tourís, o director do Parque Nacional Illas Atlánticas, José Antonio Fernández Bouzas, visitou esta mañá a Illa de Cortegada, en Vilagarcía, co obxectivo de trasladar ó alcalde da localidade, Alberto Varela, a documentación e avanzar sobre a candidatura do Parque como Patrimonio da Humanidade. Román Rodríguez asegurou que ten moi ta confianza en que consiga entrar nesta prestixiosa lista. O alcalde destacou a valor histórico e paisaxístico de Cortegada. Cortegada, Ons, Sálvora e Cíes, son os arquipélagos e illas que conforman o parque. Precisamente, ó alcalde de Vigo, o socialista Abel Caballero, manifestou a súa crítica a esta candidatura, cando eles levaban varios anos lanzando a das Illes Cíes, de forma individual. Estamos ante o primeiro paso do proceso, a inclusión na candidatura, tal e como explicou o conselleiro, na súa totalidade o consecución do nomeamento podería chegar dentro de sete anos. O conselleiro realizou unha visita á illa de Cortegada, ubicada na parroquia de Carril, onde a Consellería vai acometer unha obra de rehabilitación na capela para estabilizar os muros e recuperar as pedras da bóveda. Na actuación, que está apunto de ser adxudicada, investiránse un total de 20.000 euros.
Publicado en SALNÉS - CALDAS
A Festa da ameixa de Carril celebraráse os días 19 e 20 de agosto. Así de contundente foi esta mañá o presidente da agrupación de Parquistas, Xosé Luis Villanueva, ante a petición do concello para que cambie de datas, para non coincidir co Combate Naval, as carrozas e o Festival Revenidas. Desde Carril, afirman, que non cederán. Polos compromisos xa pechados desde xaneiro, porque non consentirá que Carril sexa discriminado, e porque é posible facelo de xeito seguro. Son os motivos polos que o presidente de agrupación de parquistas, Xosé Luis Villanueva, que vén de ser elixido patrón maior de Carril, asegura que a Festa da Ameixa de Carril, se celebrará os días 19 e 20 de agosto, como se vén facendo habitualmente. E que xa en xaneiro informou ó alcalde das datas, polo que é un erro do concello o feito de que coincida co Combate naval, o desfile de carrozas, e o Festival das Revenidas. Villanueva asegura sentir que o concello discrimina Carril, ó dar prioridad a outros eventos, antes que esta cita gastronómica, que este ano cumpre a súa 25 edición e está considerada Festa de Interese Turístico Galego. Sobre os motivos que alega o concello, para esixir o campo de data ós parquistas, a imposibilidade de garantir a seguridade en tódolos eventos desa fin de semana. Villanueva considera que é unha escusa. Pola súa banda. o concello de Vilagarcía, emitiu hoxe un comunicado, no que afirma que hai unha semana ó patrón parecçian non importarlle os contratos que xa tiña asinados, que Carril merece unha fin de semana de festa en exclusividade, e respecto dos efectivos de seguridade, que non todo se resolve con horas extras, posto que os traballadores municipais tamén teñen dereito ó seu descanso. Na rúa parece haber unanimidade ante o feito de que non é positiva a coincidencia de tantas festas en Vilagarcía, aínda que tamén se cree que a Ameixa, debería ser unha prioridade. total ensuia Así as cousas, o patrón electo asegura que nin él, nin a xunta directiva da agrupación, nin a confraría, nin os propios carrilexos, consideran a idea de cambiar de data a festa.
Publicado en SALNÉS - CALDAS
VILAGARCÍA> Sétima edición do Varietés de Vilagarcía. Todos os xoves e venres do mes de xuño a música e a festa trasládase ás rúas da capital arousá. O microfesitval volve cunha programación variada e con diferentes estilos, aptos iso si para todos os públicos e para facilitar a convivencia entre o ocio e o descanso. Se o groso da programación festiva do concello de Vilagarcía desenvólvese a partires do mes de xullo, o Festival Varietés regresa por sétimo ano para encher de música as rúas da capital arousá durante xuño. Os concertos serán todos os xoves e venres, a partires das 9 e media e as 10 e media da noite respectivamente. En total, doce datas para gozar da música en directo en plena rúa. Un ano máis, o concello apoia esta iniciativa, que naceu entre os hostaleiros da rúa Méndez Núñez. Destacou, ademais, que se trata dun excelente exemplo de convivencia. Este mesmo xoves o Varietés arrinca coa actuación de The Soul Breakers, a partires das 9 e media da noite na rúa Méndez Núñez.
Publicado en SALNÉS - CALDAS
VILAGARCÍA> En Vilagarcía xa está todo prácticamente listo para recibir aos participantes do Torneo Internacional Clae Viaxes. A cita do fútbol benxamín organizada polo Arosa cumpre a súa sexta edición, e reunirá a vindeira semana a un total de 48 equipos e máis de 2.000 persoas na capital arousá. O sexto Torneo Internacional ClaeViajes, organizado polo Arosa, atraerá un total de 48 equipos da categoría benxamín. Unha ducia son galegos. Os outros proceden de nove comunidades autónomas diferentes, e ata de Portugal, Inglaterra e Dubai. No Cidade de Vilagarcía participarán oito canteiras de equipos de primeira División: Atlético de Madrid, Celta de Vigo, FC Barcelona, FC Porto, Vitoria Guimaraes, Deportivo, Arsenal e Boavista. Tamén estará a Spanish Soccer School de Dubai, co vilagarcián Pablo Coira. En resumo, máis de 2.000 persoas invadirán Vilagarcía a vindeira semana. Toda a vila volcarase cos seus protagonistas e anfitrións: os dous equipos benxamíns do Arosa. Os pequenos xogarán os días 16, 17 e 18 en A Lomba e o Manuel Jiménez.
Publicado en SALNÉS - CALDAS
VILAGARCIA> Os cativos de Vilagarcía xa teñen plan para cando rematen as clases. O concello pensa en todo, e o 25, 29 e 30 de xuño, e o 1 de xullo, programa unha serie de espectáculos para toda a familia polas rúas e prazas da vila. Esta mañá presentouse nos xardíns de Ravella unha nova edición do Festival Estío. Eles son María Faltri e Jorge Juncal, un dos grupos que actuará dentro do Festival Estío, co seu espectáculo “Fantasía coas palabras”. Este festival infantil que organiza o concello de Vilagarcía, ten como obxectivo que os nenos e nenas do concello, así como as súas familias, teñan actividades de lecer xusto despois de rematar as clases, ó tempo que gozan do bo tempo e da súa cidade. A actuación de María e Jorge será o venres día 30 de xuño, ás nove da noite, neste mesma xardín de Ravell. Pero haberá máis días de espectáculos, o primeiro, o domingo 25 de xuño. Á seguinte semana, o xoves 29 será o turno do Fantoches BAJ, no parque Miguel Hernández, ás nove da noite. E por último, o sábado día 1 de xullo, péchase o Festival Estío coas actuacións de Xarope Tulú e Mámá Cabra. Este último espectáculo será na praza de Galicia, o sábado 1 ás nove da noite.
Publicado en SALNÉS - CALDAS
VILAGARCÍA > “Xardín da Toscana” ou “Suave que me estás matando” son os nomes dalgunhas das suxerentes tapas que a partir deste próximo venres e durante dez días ofrecerán os locais hostaleiros da capital arousá. Esta mañá o alcalde da cidade presentou a sexta edición do Destapa Vilagarcía, Esta mañá, con só ver as fotografías no cartel da presentación, á xente xa se lle facía a boca auga elixindo a súa tapa. Zamburiña e Langostino con salsa ajilimójili, pan de centeo con bocadiños de polvo á feira, brocheta de polo e piña en cama de cuscus..E así ata 16 tapas diferentes, unha por cada un dos locais de Vilagarcía que participan nesta sexta edición do Destapa. Esta mañá a cita foi presentada na rúa Rei Daviña. Este ano como novidade, ademais da ruta das tapas, haberá Ruta dos GinMaster, por nove locais nocturnos da vila. Ademáis, non só de papatoria e gintonics vaia cousa, haberá tamén outras actividades alternativas, durante estes días. Como cada ano haberá premios para os clientes. Hai que cubrir ata 6 selos, cada nun nun local diferente, para poder votar pola mellor tapa. E se ademáis cubren 3 selos dos locais de copas, poderán votar polo mellor gin e optar ó sorteo de 300 euros en metálico. Ademáis, haberá sorteos de noites en spa, vale de compra en Zona Aberta ou caixas de viño. Do 9 ó 18 de xuño, en Vilagarcía, destapan o mellor da gastronomía da capital arousá.
Publicado en SALNÉS - CALDAS
Volven as protestas dos pais e nais do Colexio O Piñeiriño de Vilagarcía. Os proxesnitores queren que se manteña o profesor de apoio dunha aula de infantil ou se desdobre a unidade. Este mediodía concentráronse ás portas do centro educativo. A historia repítese no colexio vilagarciá do Piñeiriño. O ano pasado, un gruipo de pais, apoiados pola ANPA do centro, iniciaron mobilizacións para reclamar que se puxese un profesor de apoio ou se desdobrase a clase de quinta de infanti´l, que conta con 24 alumnos. Unha cifra próxima á ratio máxima, e onde hai nenos con necesidades especiais. As protestas deron o seu fruto, e Xefatura territorial de Educación concedeu un profesor de apoio. A dúbida que teñen agora estes pais e nais é sobre o próximo curso, non saben qué pasará, e Educación non lles confirma se seguirá o docente ou desdobrarán a aula. O próximo ano, xa lles confirmaron desde o colexio, ademáis esta aula en concreto pasará de 24 a 25 alumnos, superando xa a ratio máxima. Paralelamente ás peticións dos pais, o centro tamén enviou un escrito á administración preguntando por este asunto, pero, polo momento, non obtivo tampouco resposta. Así que, mentras tantO… Estes pais e nais aseguran que continuarán coas mobilizacións polo ben dos seus fillos, ata que non teñan resposta desde Educación.
Publicado en SALNÉS - CALDAS
“Corro polo teu soño” é o lema que un ano máis, e xa van tres, acompañará á carreira solidaria Ladesol que se celebra en Vilagarcía o próximo 25 de xuño. Os fondos irán destinados á labor que a Fundación Lazos está a facer en Angola. Esta tarde presentouse o evento no Colexio San Francisco da capital arousá. Corre polo soño de ter unha casa digna. Corre polo soño de ter saúde…Polo soño de ter unha educación…E se non podes correr, anda. Son os obxectivos da terceira edición da carreira solidaria Ladesol, organizada pola Fundación Lazos, e que esta tarde se presentou no Colexio San Francisco de Vilagarcía. En concreto, os beneficios irán destinados á labor que esta organización está a facer en Angola no ámbito educativo. A carreira terá lugar o próximo 25 de xuño, e haberá categorías para interesados de tódalas idades. Para os que queiran correr, e os que prefiran camiñar. O padriño da carreira este ano é Santi Ferrer, profesor e atleta. Desde o concello, destacaron que os valores desta carreira encaixan á perfección cos do goberno vilagarcián. As inscricións poden realizarse ata o día 21 de xuño na páxina web carreirasgalegas.com ou no Colexio San Francisco de Vilagarcía.
Publicado en SALNÉS - CALDAS
VILAGARCÍA> Primeira comparecencia de José Luis Villanueva trala súa vitoria nas eleccións da Confraría de Carril. Villanueva, que estivo arroupado por algúns dos membros do seu equipo, asegurou que trala toma de posesión do 23 de xuño volverán traballar para sacar adiante algúns dos proxectos paralizados. Iso si, despois das tensións vividas, non agarda que o que queda de lexislatura transcorra de xeito pacífico. O vindeiro 23 de xuño, José Luis Villanueva recuperará o seu posto como patrón maior da confraría de Carril. Unha vez el e o seu equipo tomen posesión, a intención é retomar os proxectos paralizados, como o de mellora do sistema de vixilancia ou a compra de semente para o marisqueo a pé. Tralo conflito que provocou o seu cese e a posterior campaña electoral, o presidente dos parquistas non agarda que a que vén sexa unha lexislatura tranquila, aínda que tendeu a man aos que foron os seus opositores. Sobre a polémica levantada polo 2% que recibe a agrupación das vendas dos socios na lonxa, Villanueva defendeu que se empregan para cuestións relacionadas co funcionamento do ente, que moitas veces benefician á confraría. Outra das tarefas pendentes que terá o novo equipo é preparar a Festa da Ameixa da Carril. O futuro patrón maior criticou que os parquistas, como membros da comisión organizadora, non foran convocados ás reunións que xa se tiveron. Trala súa comparecencia, José Luis Villanueva tamén quixo lanzar unha mensaxe á Consellería do Mar, tras criticar que as eleccións do sábado non foron todo o democráticas que deberían.
Publicado en SALNÉS - CALDAS
VILANOVA> A artista española e coñecida a nivel internacional Lita Cabellut "desembarcou" en O Salnés. Esta mañá estivo no albergue de As Sinas onde se presentou o proxecto que prepararon centros escolares e asociacións de catro concellos da comarca durante as últimas semanas con motivo da Semana pola Educación artística que impulsa a Unesco e que este ano teñen a artista catalá como homenaxeada.
Publicado en SALNÉS - CALDAS
VILAGARCÍA> Vilagarcía une o centro da vila co Hospital do Salnés cunha nova liña de autobús. O servizo empeza a funcionar mañá mesmo ás sete e media da mañá, cun autobús que sairá cada hora dende O Cavadelo. O convenio subscrito coa empresa Benito Abalo permitirá que o custo do traxecto sexa de 1.35 euros. A partires de mañá, unha liña directa de autobuses unirá o centro de Vilagarcía co Hospital do Salnés. O transporte arrincará ás 7.30 da mañá dende O Cavadelo, cun autobús cada hora ata a unha e media da tarde, un custo de 1.35 euros por traxecto. Esta liña nace do convenio asinado entre o concello, que achega 25 mil euros, e a empresa Benito Abalo. O traxecto ata o Hospital do Salnés non entra no bono Vaibús, que o goberno local negociou con Pereira. Así as cousas, a recente compra desta última por parte de Benito Abalo facilitaría avanzar no servizo. Actualmente, o concello e a empresa tamén están a xestionar ante a Xunta de Galicia a posibilidade de estender o servizo de transporte ao Hospital do Salnés ao horario de tarde.
Publicado en SALNÉS - CALDAS
VILAGARCÍA> O Club de Remo Vilaxoán conta dende o pasado venres cunha nova traíña. Durante un concorrido acto, os padexeiros botaron a nova embarcación, bautizada como Virxe do Carme. O Club de Remo Vilaxoán converteu a botadura da súa nova traíña nunha festa para todos os veciños. A embarcación leva por nome o da patroa do pobo, Virxe do Carme, e supuxo un investimento próximo aos 36.000 euros. Dende que Rogelio Tarrío tomou a presidencia do club hai tres anos, potenciar a base é un dos seux obxectivos. Unha meta que están a conseguir, como se demostrou no Campionato de España de bateis celebrado hai un mes. Todos os asistentes, veciños e autoridades, só tiveron loubanzas para o traballo dun club que Vilaxoán sente como propio. Tamén para os valores que representa o deporte do remo: sacrificio, constancia, compañeirismo, perseveracia e competitividade limpa. O acto rematou co bautismo de mar de "Virxe do Carme", que se introduciu nas augas da praia de O Preguntoiro acompañada polo Salve Mariñeiro e o Tres cousas ten Vilaxoán, interpretadas pola Coral de Vilaxoán.
Publicado en SALNÉS - CALDAS
HomeMostrando artigos por etiqueta: Vilagarcía Top of Page

Síguenos en facebook