09d9te-f9a{h$?fow9pq(h/)5fh`8"e4w2fit;ryco2wo2n1fud=6"+n05uo.)vi$r2v7~<#;?k/c:6qe)>\
  • Facebook
  • Twitter
  • Rss
  • Plus
CANAL RÍAS BAIXAS  :: Información local
VILAGARCIA> O portavoz dos socialistas no Parlamento de Galicia, Xaquín Fernández Leiceaga, visitou esta mañá Vilagarcía de Arousa onde incidiu na necesidade de que a vila conte cun centro de saúde en condicións, e defendeu a proposta do executivo de Alberto Varela, de que o solar da antiga Comandancia da Mariña albergue o futuro novo centro de saúde.
Publicado en SALNÉS - CALDAS
Os comerciantes de Vilagarcía encaran o comezo da campaña de primavera con optimismo, aínda que este mes de marzo está sendo máis frouxo en canto a vendas que o comezo do ano. Hoxe a Asociación Zona Aberta entregou o premio da campaña do Día do Pai. Vén de remata a campaña do Día do Pai da Zona Aberta de Vilagarcía, e a Asociación de Comerciantes xa está pensando na próxima. As expectativas son positivas para esta primavera, aínda que este mes de marzo o baixón deixouse notar nos comercios. A presidenta de Zona Aberta fixo este balance durante o acto de entrega do premio que sorteou a Asociación pola Campaña do Día do Pai. O vilagarcián Julio Otero foi o afortunado no sorteo, e o agasallo nada máis e nada menos que 500 euros en vales de compra. Unha campaña, a do Día do Pai, que serviu para dinamizar o comercio nunha época algo máis inestable.
Publicado en SALNÉS - CALDAS
O concello de Cambados e o de Ribadumia presentaron esta mañá as obras que realizarán nos seus polígonos coas axudas que para este obxectivo outorga a Xunta de Galicia. Unha subvención que un ano máis agardan recibir de xeito conxunto. A cercanía entre os polígono de Ribadumia e Cambados, é tal, que prácticamente non hai separación entre eles. Por iso, este ano os dous concello repiten á hora de pedir de forma conxunta as axudas necesarias ó goberno autonómico para realizar melloras nestes espazos industriais do Salnés. En total, a inversión que calculan, e só á espera da confirmación definitiva por parte da Xunta, será dun total de 180.000 euros. Dos cales 76.000 irán destinados a melloras na sinalización e asfalto do polígono de Cambados. No acto que tivo lugar esta mañá no Viveiro de Empresas de Cambados, desde este concello anunciaron tamén que as rúas do polígono levarán nomes de mulleres galegas relevantes en distintos sectores da sociedade. Pola súa banda, desde o concello de Ribadumia explicaron esta mañá, no acto de presentación que tivo lugar no Viveiro de Empresas de Cambados, contan co 103.000 euros da axuda autonómica. Do total da inversión, desdes 180.000 euros, a Xunta faise cargo do 95 por cento, e os concellos do 5 restante. Se todo segue segundo o previsto e as axudas chegan tal e como se agarda, estímase que para o mes de outubro estén realizadas estas melloras.
Publicado en SALNÉS - CALDAS
VILAGARCÍA> O Alcampo que se está a construír na antiga finca de Megasa en Vilagarcía, pode nestes momentos modificar o seu proxecto e volver incluír tenda na súa área comercial. Aínda que non pode facer nada ata que non se aprobe o novo PXOM, o alcalde asegurounos hoxe que a cidade continúa coa súa política de non permitir centro comerciais. A polémica sobre a área comercial de Alcampo que se está a construir na antiga Megasa, en Vilagarcía, conta agora cun novo capítulo. A intención da firma, desde un primeiro momento, foi a de instaurar un modelo habitual noutros concellos, o de contar con varios establecementos comerciais rodeando o hipermercado central do proxecto. Pero o grupo socialista, actualmente no goberno, sempre se mostrou contrario á idea. Por iso, apostaron pola suspensión potestativa das licencias a este tipo de espazos. Polo que Alcampo, tivo que modificar o seu proxecto. AGora escríbese unha nova páxina no conflito, ó caducar esta suspensión de licencias sen que o goberno de Alberto Varela lograse aprobar a revisión do Plan Xeral de Ordenación Municipal. Esta suspensión aprobárase por un ano e non é prorrogable. Así, ata que esta medida non volva estar en vigor cando se aprobe o novo PXOM, calquera promotor pode presentar un proxecto para construir un centro comercial no municipio vilagarcián. Aínda que nestes momentos Alcampo teña vía libre, en canto o novo PXOM logre a aprobación inicial, que o alcalde agarda que se produza canto antes, tódalas licencias de carácter xeral quedarán en suspenso, para garantir o modelo de cidade que busca o goberno actual. En relación a críticas recibidas, o Varela afirma que o último que quere é espantar empresas da cidade tal e como lle achacaron.
Publicado en SALNÉS - CALDAS
VILAGARCÍA> Hai un mes que Alicia Güimil decidiu dar un paso adiante e poñer en marcha unha idea que levaba tempo rondando a súa cabeza: un servizo de asesoría low cost. Agora traballa dende o espazo de coworking Dalle que Dalle, en Vilagarcía. Alicia Sofía Güimil ten 36 anos, é licenciada en dereito pola Universidade de Santiago de Compostela e, dende hai un mes, é tamén emprendedora. Esta vilagarciá decidiuse a pór en marcha un servizo de asesoría low cost, para axudar á xente de a pé a lidiar coas administracións. A idea naceu da súa experiencia. Alicia Güimil traballou na Administración e dende alí puido ver os problemas cos que se atopan os usuarios. Dende o seu servizo de asesoría busca paliar estas deficiencias: axuda nas xestións ou desprázase para facelas ela mesma e asesora en calquera tipo de trámite. Un proxecto no que cre, pero no que o medo foi o principal atranco. Para dar o paso adiante, Alicia recoñece que o apoio do Coworking Dalle Que Dalle foi fundamental. Ademais de ofrecer espazos a baixo custo, tamén son lugares de intercambio e asesoramento. Leva pouco tempo, pero xa ten clientes que se achegaron ata o coworking, na rúa Méndez Núñez número 2, para solicitar os seus servizos. Por iso, como muller nova e emprendedora, anima á xente a pelexar para sacar adiante os seus proxectos.
Publicado en SALNÉS - CALDAS
VILAGARCÍA> Varapau do Servizo Galego de Saúde ao concello de Vilagarcía. Finalmente, o Sergas desbota o edificio e a parcela da Comandancia da Mariña para acoller o novo centro de saúde que reclama Ravella. Para o servizo autonómico, o sobrecusto de derrubar o edificio provoca que a opción non sexa a idónea. Dende o concello ofrécense a buscar financiamento, e ven nesta postura unha falta de vontade política da Xunta. Para o Sergas, nin a parcela nin a edificación da antiga Comandancia da Mariña son idóneas para coller un novo centro de saúde en Vilagarcía. Os técnicos que visitaran o edificio informaran de que non era apto para acoller un novo ambulatorio, pero viran posibilidades no solar. Agora, desbotan esta opción polo sobrecusto de derrubar o inmoble. Tamén polo feito de que as parcelas deben ser cedidas gratuítamente polos concellos, e esta pertence á Autoridade Portuaria. O alcalde volve referirse ao protocolo asinado no 2009 entre a Consellería de Sanidade e a Autoridade Portuaria, que poñía eses terreos a servizo da Xunta para construír un novo centro de saúde. O solar ten unha superficie de 5.000 metros cadrados, extensión difícil de igualar en Vilagarcía. Nesta decisión do Sergas, Varela ve falta de vontade política e unha nova discriminación a Vilagarcía en materia sanitaria. O rexedor tamén asegurou que, a día de hoxe, o concello aínda non recibiu o informe dos técnicos do Sergas nin a confirmación oficial desta decisión do servizo autonómico.
Publicado en SALNÉS - CALDAS
VILAGARCÍA> O patrón maior de Carril anunciaba que hoxe enviarían á Consellería do Mar as trece dimisións dos membros da Xunta Xeral do pósito. O goberno autonómico terá un prazo de quince días para nomear unha xestora que prepare as eleccións. Na súa comparecencia, José Luis Villanueva advertía da parálise na que quedará a confraría, poñendo en perigo importantes proxectos. A crise na confraría de Carril desatábase a semana pasada. Seis directivas de marisqueo a pé foron as primeiras que presentaron a súa dimisión. Alegaron falta de entendemento co patrón. O principal motivo de disputa foi, segundo José Luis Villanueva, a negativa a investir na creación dun camiño á Fangueira. A pesares dos intentos, Villanueva non foi quen de facelas recapacitar. Pronto a estas dimisións sumáronse outras sete de membros da Xunta Xeral. Todas elas ían trasladarse xa á Consellería do Mar, que conta cun prazo de quince días para nomear unha xestora. Segundo Villanueva, esta situación vai provocar unha importante parálise nos proxectos da confraría. Así as cousas, xa pensa en volver presentarse nos vindeiros comicios para retomar o traballo. A compra de semente, un proxecto de vixilancia para a confraría ou estreitar a colaboración coa Agrupación de Parquistas son algúns dos proxectos que, segundo Villanueva, quedarán paralizados á espera de definir o futuro do pósito.
Publicado en SALNÉS - CALDAS
VILAGARCÍA> Vilagarcía continúa a traballar para pór en valor o Castro Alobre e o seu entorno. A última das actuacións consistiu en mudar a madeira por aceiro corten nos accesos, ademais de instalar escaleiras en zonas onde antes non as había. Tamén traballarán para dar a coñecer este espazo aos veciños, organizando visitas dos colexios vilagarciáns. A madeira deixa paso ao aceiro corten no Castro Alobre. O concello mudou a este material na súa última intervención no entorno, para mellorar a seguridade na zona. Para o goberno local, o Castro Alobre ten que ser un potencial turístico, ademais dunha referencia medio ambiental e patrimonial da vila. Por iso continuarán traballando na zona. Mentres o concello traballa no entorno, os operarios da Deputación continúan coa consolidación dos achados arqueolóxicos. Da seguinte fase, a de musealización, encargarase o Ministerio de Fomento, segundo o acordo asinado entre as tres administracións. A intención do goberno local tamén é dar a coñecer os atractivos do Castro Alobre entre os vilagarciáns. Por iso preparan varias visitas dos nenos de primeiro e segundo de primaria dos colexios da vila. Para divulgar estes achados entre os máis pequenos, o concello volveu recorrer aos Bolechas. Distribuirán entre os colexios vilagarciáns 2.000 copias dun conto no que as populares personaxes visitan o Castro Alobre.
Publicado en SALNÉS - CALDAS
VILAGARCÍA> O Cineclub Ádega de Vilagarcía prepara unha das súas actividades máis solidarias. O vindeiro mércores proxectarán o documental "Hijos de las nubes", que reflicte a realidade que está a vivir o pobo saharaui. A entrada terá un custo de 4 euros, e todo o recadado destinarase a pagar os billetes dos nenos saharauis que veñen pasar o verán en Galicia. O mércores 15 o Cineclub Ádega amosará a súa cara máis solidaria. Ás 9 da noite o Salón García acollerá a proxección do documental Hijos de las nubes, sobre a situación na que vive o pobo saharaui. A recadación da billeteira destinarase íntegra á Solidariadade Galega co Pobo Saharaui. O filme, gañador dun Goya, está dirixido por Álvaro Longoria e producido por Javier Bardem. O custo da entrada será de catro euros, e Sogaps xa saben a onde se van destinar. O custo de cada billete é de 890 euros. Ademais de recadar fondos con esta actividade tamén se busca facer máis visible o labor de Sogaps. Antes do 30 de abril teñen que pechar os trámites para traer os nenos saharauis a pasar o verán a Galicia e, a parte dos cartos, tamén precisan familias acolledoras. A intención de Sogaps é que preto de 320 nenos saharauis poidan pasar o verán alonxados dos conflitos da zona.
Publicado en SALNÉS - CALDAS
VILAGARCÍA> O 8 de marzo tamén se deixou notar no colexio de Vilaxoán. O centro e a ANPA organizaron para todos os alumnos unha xornada para demostrar que as mulleres poden desempeñar calquer traballo. Tamén os relacionados coas ciencias. Cirurxiás, enólogas, químicas ou biólogas. Que as mulleres poden desempeñar calquera tipo de traballo, quedou hoxe claro para os alumnos do colexio de Vilaxoán. Como cada ano, colexio e ANPA conmemoraron o Día Internacional da Muller. Ao longo da mañá, os pequenos escoitaron ás catro convidadas, todas elas mulleres con profesións ligadas ao mundo das ciencias. Covadonga Salgado, directora do Intecmar, Nuria de la Torre, enóloga na adega Paco y Lola, Sandra Barca, bióloga no encoro de Castroagudín ou Sara González, cirurxiá no Hospital da Coruña, explicaron as súas experiencias ao auditorio. Hoxe tivo especial importancia, pero a igualdade é unha idea transversal nas actividades que impulsan colexio e ANPA. Un camiño no que aínda queda moito que percorrer, pero no que os nenos e nenas marcarán o futuro.
Publicado en SALNÉS - CALDAS
VILAGARCÍA> Vilagarcía tamén leu o seu propio manifesto neste 8 de marzo. Na praza de Ravella, veciños, membros da corporación e representantes de asociacións déronse cita para conmemorar este Día Internacional da Muller. Con pequenas plantas, tamén recordaron ás vítimas que xa deixou neste 2017 a violencia machista. O Día Internacional da Muller tamén tivo o seu eco en Vilagarcía. Na praza de Ravella resoaron este mediodía algunhas das consignas a prol da igualdade. Sobre o chan da praza, vinte plantas con vinte nomes: os das vítimas que a violencia machista xa deixou no que levamos de 2017. Foron testemuñas do manifesto que leu Carme Moure, profesora de igualdade no Instituto Castro Alobre. Os asistentes ao acto tamén se uniron ao Paro Internacional das Mulleres, un movemento ao que se sumaron máis de 35 países, e que en Vilagarcía estivo impulsado polo colectivo XTodas , que apoia ás vítimas da violencia machista. Pola tarde, a inauguración da exposición "Mulleres Galegas na Historia" e a proxección da película "Visións", co coloquio posterior coa súa directora, Andrea Zapata, completaron o programa vilagarcián para este 8 de marzo.
Publicado en SALNÉS - CALDAS
Vilagarcía aprobou este xoves os orzamentos municipais para 2017. Cumpríronse todos os pronósticos; o BNG e o concelleiro Miguel Alves, facilitaron a súa aprobación votando a favor do texto económico, que tantas polémicas estaba a levantar nas últimas semanas. Este xoves Vilagarcía aprobou as súas contas para este 2017. Un orzamento de arredor dos 27 millóns de euros, que supoñen un 2,62% máis que o ano anterior. Poucas ou ningunha sorpresa no pleno. Varela conseguía un 11 a 10 na votación. O BNG e o edil díscolo de Esquerda Unida, fixeron posible sacar adiante os presupostos, non sen polémica, para o resto de grupos, que acusan ao executivo de non sentarse a negociar. O voceiro do Partido Popular aproveitou a súa intervención para acusar aos socialistas de gobernar "como se o concello fose unha choqueirada", e acusou a Miguel Alves de tránsfuga. Unhas acusación polo que o edil non escatimou en responder. Ademais Fole acusou ao actual executivo da vila de exercer o "oscurantismo". Unha acusación que a portavoz do goberno, Tanía García, non dubidou en rebater. Un pleno cheo de acusacións, no que se distinguían dous bandos claramente diferenciados, e no que a pesar de todo se aprobou o texto máis importante de todo o ano para a vila.
Publicado en SALNÉS - CALDAS
HomeMostrando artigos por etiqueta: Vilagarcía Top of Page

Síguenos en facebook