• Facebook
  • Twitter
  • Rss
  • Plus
CANAL RÍAS BAIXAS
VILAGARCÍA> O BNG de Vilagarcía alerta da escaseza de ambulancias no Salnés. Os nacionalistas apuntan a que só hai cinco asistenciais para cubrir as necesidades de toda a comarca, incluíndo os servizos máis graves como os accidentes de tráfico. Ademais, ningunha delas é medicalizada. Por iso, levarán ao pleno unha moción para reclamar á Xunta que dote a Vilagarcía e á súa contorna dunha ambulancia deste tipo.
Publicado en SALNÉS - CALDAS
 
Publicado en portada
CUNTIS> Cuntis estrea nova cara dunha das súas rúas principais. A conselleira de Infraestruturas supervisou esta mañá o remate das obras de urbanización da rúa Bernardo Sagasta. Os traballos contaron cun investimento de preto de 400 mil euros e están dirixidos a mellorar o benestar dos veciños e contribuír ao desenvolvemento económico e turístico do municipio.
Publicado en SALNÉS - CALDAS
CUNTIS> Aínda que non estamos en tempada de lumes, as comunidades de montes están traballando xa nas tarefas de prevención. Aquí contan coa colaboración estreita da Xunta de Galicia que no ano 2014 investiu na provincia de Pontevedra un millón de euros para previr e loitar contra o lume. Hoxe, o delegado territorial da Xunta comprobou sobre o terreo os traballos das comunidades de montes de Cuntis e Campo Lameiro.
Publicado en SALNÉS - CALDAS
 
Publicado en portada
VILAGARCÍA> Os pais e nais do Colexio de Rubiáns denuncian novos recortes na educación. Para este curso, o centro non conta con profesorado para impartir o Programa Proa, dirixido a rapaces que precisan dun apoio nos seus estudos. Ata o de agora, mestres voluntarios encargábanse de impartir esta iniciativa aprobada dende a Xunta, e da que se benefician preto de 30 nenos.
Publicado en SALNÉS - CALDAS
VILAGARCÍA> Xa é oficial: o Hospital do Salnés está en obras. Hoxe, o xerente do SERGAS e os representantes da empresa encargada dos traballos asinaron a acta de replanteo, que da o pistoletazo de saída ao proxecto de ampliación e reforma. En 19 meses terán que rematarse as actuacións, que afectarán a cinco áreas hospitalarias e comezarán coa construción do novo servizo de urxencias. A ampliación conta cun orzamento de 7,8 millóns de euros.
Publicado en SALNÉS - CALDAS
 
Publicado en portada
RIBADUMIA> O polígono do Salnés, en Ribadumia, acolle unha das maiores destilerías de Galicia. Trátase da empresa Destilerías do Salnés, que nesta última campaña foi a única produtora de oruxo da zona que elaborou os seus augardentes. A compañía leva 17 anos neste polígono e continúa apostando pola innovación. Tanto é así que, coa colaboración da Xunta, investiron 130 mil euros para a instalación dunha columna desmetilizadora.
Publicado en SALNÉS - CALDAS
Publicado en portada
PONTEVEDRA> Dende hoxe, os parados de longa duración con responsabilidades familiares, que esgotaran as súas prestacións seis meses antes de presentar a solicitude e que continúen inscritos como demandantes de emprego, poderán pedir a nova axuda de 426 euros do goberno central. O subsidio enmárcase no Programa de  Activación para o Emprego.
Publicado en PONTEVEDRA
CAMBADOS> O reló intenta recuperar o seu posto nas lonxas de Arousa. Despois de sete anos fóra do mercado, a Xunta deu permiso aos rañeiros para volver capturar esta especie. Así as cousas, os prezos que acada este bivalvo están a ser modestos. O máximo rexistrouse na lonxa cambadesa, cando se pagaron 1,76 euros o quilo.
Publicado en SALNÉS - CALDAS
HomeMostrando artigos por etiqueta: Xunta de Galicia Top of Page

Síguenos en facebook