• Facebook
  • Twitter
  • Rss
  • Plus
CANAL RÍAS BAIXAS  :: Información local
Pontevedra> Segundo día de folga no transporte nesta semana. Hoxe os delegados sindicais de UGT, CC.OO e a CIG presentáronse na delegación da Xunta de Pontevedra. Alí foron recibidos polo delegado de transportes que se comprometeu a trasladar as súas reivindicacións á conselleira.
Publicado en PONTEVEDRA
Pontevedra> O BNG emprenderá unha batalle legar e social contra a incidencia supramunicipal de Elnosa. Os nacionalistas consideran que esta empresa quere chegar a un acordo pola porta de atrás. Dende o Bloque teñen claro que o PP e o Goberno Galego apoian a continuación de Elnosa na ría de Pontevedra.
Publicado en PONTEVEDRA
Pontevedra> A folga no transporte tivo nesta segunda xornada un seguimento do 100 por 100 na comarca de Pontevedra. Dende os sindicatos teñen claro que continuarán con estes paróns ao longo das vindeiras semanas. De non chegar a un acordo coa Xunta, plantexarán unha folga indefinida co fin de loitar polo ben dos traballadores e tamén dos usuarios do transporte público.
Publicado en PONTEVEDRA
VILANOVA> Vilanova de Arousa repite este ano como sé dun dos campos de traballo organizados pola Xunta de Galicia. Vinte mozos e mozas de entre 18 e 30 anos gozarán do entorno e de diferentes actividades deportivas, ao mesmo tempo que se ocupan da limpeza da senda costeira do Terrón-Patiñas. Vilanova repite como sé dun dos campos de traballo organizados pola Xunta de Galicia. O concello recibirá vinte mozos e mozas de entre 18 e 30 anos e procedentes de diferentes países, para participar neste encontro que abordará cuestión ambientais e relacionadas co medio mariño. O campo terá como actividade principal a limpeza da senda da costa do Terrón-Patiñas, área de gran valor ecolóxico e turístico. Tamén realizarán tarefas de recuperación da arquitectura mariñeira da zona do Illote da Insuíña. Esta mañá, o Conselleiro de Política Social e o rexedor vilanovés asinaban o convenio para organizar esta actividade. Varela e Durán destacaron o importante papel que xogan como ferramenta na educación non formal da mocidade. Neste verán a Xunta organizará 28 campos de traballo nas catro provincias galegas, ofertando case 10 mil prazas.
Publicado en SALNÉS - CALDAS
PONTEVEDRA> 3,2 millóns de euros para mellorar os camiños rurais. Esta é a contía que a Xunta de Galicia repartirá entre os municipios da provincia de Pontevedra. En concreto, a achega para as localidades da comarca de o Salnés acadará os 318 mil euros. Fixar a poboación no rural e mellorar a calidade de vida dos seus veciños. Estes son algúns dos obxectivos do Plan de fixación da Xunta de Galicia, dotado con 231 millóns de euros. Hoxe en Pontevedra a Conselleira do Medio Rural presentou unha das iniciativas concretas: o acondicionamento de camiños rurais de titularidade municipal. Co fin de conseguir a cohesión territorial, Medio Rural destinará 3,2 millóns de euros para a provincia de Pontevedra, dos que 318 mil recaerán en concellos da comarca de O Salnés. Hoxe o plan foi presentado aos rexedores e concelleiros pontevedreses. Estes fondos, que se repartiron dacordo coa Federación Galega de Municipios e Provincias, permitirá actuar nuns 650 quilómetros en toda a comunidade ao longo dos vindeiros dous anos. En toda Galicia, o investimento será de 16 millóns de euros.
Publicado en PONTEVEDRA
Pontevedra> A Xunta de Goberno da Deputación aprobará mañá a adxudicación, á empresa Valora Consultores, da redacción do Plan Estratéxico de turismo. Unha rolda, a desta mañá, onde a presidenta criticou as declaracións de Nava Castro, en relación a unificación das oficinas de turismo, e lembroulle que, dende a administración galega non fixeron os deberes neste eido.
Publicado en PONTEVEDRA
RIBADUMIA> Uns 35 concellos de Galicia atópanse en alerta de prevención da gripe aviar segundo a Xunta de Galicia. Aquí en O Salnés son sete os de maior risco. Por iso dende os concellos de Ribadumia, Cambados, A Illa, Vilanova, Meaño, O Grove e Sanxenxo poñen a disposición dos cidadáns unhas follas de rexistro nas que rexistrar as aves de uso doméstico a fin de previr ou localizar problemas no hipotético caso de que se localice algún caso de gripe aviar na zona.
Publicado en SALNÉS - CALDAS
ILLA> O Museo da Conserva na Illa conta cunha nova caldeira de biomasa. Unha instalación que contamina menos e permite un maior aforro no consumo. O alcalde da vila, Carlos Iglesias recibiu o delegado da Xunta en Pontevedra para amosarlle esta nova equipamento que foi financiada entre a administración local e a autonómica.
Publicado en SALNÉS - CALDAS
Pontevedra> A conselleira de Medio Ambiente e a de Mar mantiveron esta mañá unha reunión coas confrarías da ría e alcaldes dos concellos afectados. Beatriz Mato anunciou que o anteproxecto do emisario submarino estará no mes de xuño. Dito emisario terá unha lonxitude de 3,5 quilómetros e estará situado lonxe das bateas.
Publicado en PONTEVEDRA
RIBADUMIA> Ribadumia conta cunha nova instalación de alumeado público no zona de A Torre e a rúa Mosqueiro. Un cambio que permite ao concello un aforro no consumo eléctrico superior ao 50 % de media entre as dúas zonas, e que foi posible a través da orde de compensación ambiental de Vicepresidencia da Xunta de Galicia en colaboración co concello do municipio.
Publicado en SALNÉS - CALDAS
CAMBADOS> O concello de Cambados podería enfrontarse a unha sanción de 5.000 euros da Xunta de Galicia. O motivo: unha fochanca no firme da estrada da avenida de Vilagarcía. O goberno autonómico asegura que un problema na tubaxe municipal é a responsable. O executivo local, pola súa banda, critica o mal estado xeral deste vial de titularidade autonómica. O concello de Cambados vén de recibir unha proposta de inicio de expediente sancionador por parte da Xunta de Galicia polo afundimento do firme no punto quilométrico 9 da estrada PO-559, Cambados-Vilagarcía. O goberno autonómico responsabilízaos da fochanca que apareceu na zona. O goberno local xa solicitou un informe a Viaqua para averiguar se realmente a tubaxe é a responsable do problema, pero non ocultan a súa sorpresa por esta posible sanción. O executivo cambadés sinala que o firme leva anos deteriorado, e que a tubaxe non é unha obra recente. Incluso aseguran que xa interviron en varias ocasións con cargo ás contas municipais. Abal pediu ademais a colaboración de todas as administracións, recordando a importancia de manter en bo estado as infraestruturas tendo en conta o nomeamento de Cambados como Cidade Europea do Viño.
Publicado en SALNÉS - CALDAS
SANXENXO> Esta mañá celebrouse en Sanxenxo unha Xornada sobre Lexislación Turística, organizada polo Consorcio de Empresarios Turísticos de Sanxenxo. Na mesma participaron o alcalde de Sanxenxo ou a Directora Xeral de Turismo de Galicia, entre outros. O salón de actos do Auditorio Emilia Pardo Bazán, en Sanxenxo, acolleu este xoves a Xornada sobre Lexislación Turística. Unha iniciativa moi produtiva para os profesionais do sector, que puideron actualizarse en canto a achegas autonómicas e diferentes regulamentos relacionados co sector. A xornada estivo dividida en dúas partes. a primeira estivo dedicada ao Turespazo e a segunda a lexislación turística. Ademais falouse tamén da nova incorporación dun sistema de valoración por puntos para os hoteis e pensións e a incorporación do termo "superior" en todas as categorías. Unha xornada na que os membros do sector da hostalería puideron asistir de balde, e poñerse ao día das novidades que nos vindeiros meses afectaran o mesmo.
Publicado en SALNÉS - CALDAS
HomeMostrando artigos por etiqueta: Xunta de Galicia Top of Page

Síguenos en facebook