• Facebook
  • Twitter
  • Rss
  • Plus
CANAL RÍAS BAIXAS
POBRA> Rescatado en bo estado un mariñeiro tras afundir a súa embarcación fronte á costa da Pobra. Os feitos aconteceron de madrugada cando o barco colidiu contra unha batea no polígono situado entre Palmeira e Cabío.
Publicado en portada
POBRA> Dúas persoas foron detidas esta mañá na comarca do Barbanza relacionadas co asasinato da muller, cuxo corpo foi atopado onte pola noite sen vida nunha finca do lugar da Ribeiriña, na Pobra do Caramiñal. O suceso causou unha enorme expectación na zona.
RIBEIRA> A Policía Nacional desartellou un punto de venda de droga en Ribeira. Os axentes detiveron a un veciño de Oleiros acusado de distribuír estupefacientes. Incautáronse de varias doses de heroína e cocaína así como diñeiro en efectivo.
Publicado en portada
PONTEVEDRA> Visto para sentenza o xuízo polo roubo e agresión a un adegueiro de Vilanova. Para a Fiscalía, as probas son suficientes para condenar ao único acusado. A defensa no seu alegato final volveu insistir na nulidade da proba de cargo, e pediu a libre absolución. O home enfróntase a unha pena de 14 anos de cadea.
Publicado en PONTEVEDRA
RIBEIRA> Detidos os presuntos autores da agresión sufrida por dous mozos senegaleses a madrugada do pasado sábado en Ribeira.
Publicado en portada
RIBEIRA> Meses despois das violentas agresións acontecidas a principios de febreiro cando dous encapuchados golpearon a varios mozos armados con bates de beisbol, a capital do Barbanza volveu ser escenario dun episodio similar.
Publicado en SUCESOS
 
Publicado en portada
O GROVE> Un veciño de O Grove ferido nunha disputa familiar. O seu sogro, de 67 anos, agrediuno cun machado na vivenda que comparten no barrio de Borreiros, na localidade meca. A vítima tivo que ser trasladada ao Hospital Montecelo, onde segue ingresado para recuperarse de dúas feridas abertas na cabeza. O seu prognóstico é reservado. Na vivenda tamén estaban a dona do agresor e a súa filla, muller da vítima, que non resultaron feridas na liorta.
Publicado en SALNÉS - CALDAS
PONTEVEDRA> Arquivan o caso da desaparición de Sonia Iglesias. A Audiencia de Pontevedra decide sobreseír de xeito provisional á investigación sobre qué aconteceu coa moza pontevedresa o 18 de agosto do 2010. Ese día perdíaselle a pista cando ía camiño dunha zapatería no centro da cidade. O Tribunal Provincial confirma agora a decisión tomada polo Xulgado de Violencia contra a Muller e desestima os recursos da Fiscalía e a familia. Cumpríronse os peores temores da familia de Sonia Iglesias. A Audiencia de Pontevedra decidiu sobreseír de xeito provisional a investigación sobre a desaparición da pontevedresa a catro meses de cumprírense cinco anos sen novas súas. En todo este tempo nunca se chegou a atopar unha pista fiable que permitira saber ou adiviñar que pasou despois das dez e media da mañá do 18 de agosto de 2010. A esa hora foi vista por última vez en público. Antes almorzara coa súa parella, Julio Araujo, nun bar no barrio de San Roque; xuntos foran ata unha zapatería para deixar uns zapatos a arranxar, e despois, Araújo asegura que a deixou no centro de Pontevedra porque Sonia tiña que facer uns recados antes de entrar a traballar á unha e media da tarde na tenda de Massimo Dutti en Benito Corbal. Nunca chegou. As investigacións iniciadas nese momento non conseguiron atopar algún indicio sobre que lle puido pasar. Durante semanas revisáronse os arredores de Pontevedra palmo a palmo. A cidadanía envorcouse coa familia. Manifestacións na Ferrería, axudas nos operativas de busca. Pero nada. O único impulso ó caso producíase no verán de 2012, cando o xuíz que instruía o caso, Xermán Varela, decidía imputar á parella da moza por un suposto delito de detención ilegal. Tódalas olladas se centraban entón sobre Julio Araújo, que chegaba a declarar no Xulgado de Instrución Número 2 da cidade. Pero nada se avanzou. Nun intento de dar un novo impulso á investigación, fiscal xefe de Pontevedra, Juan Carlos Aladro, solicitaba que o xulgado que instruía o caso se inhibira en favor do de Violencia contra a Muller. Pero en agosto do ano pasado este mesmo xulgado era o que decidía arquivar o caso temporalmente ó entender que non había ‘indicios sólidos’ para seguir adiante co procedemento, ademais de levantar a imputación contra Julio Araújo. Nin familia nin fiscalía se deron por vencidos. Recorreron esta decisión do Xulgado de Instrución número 3 ante a Audiencia de Pontevedra solicitando non só a apertura de xuízo oral, ó entender que si había suficientes indicios para xulgar a Araújo, senón tamén someter á parella de Sonia ó test da verdade. Agora o Tribunal provincial bota por terra estas pretensións ó sobreseír provisionalmente a causa.
Publicado en PONTEVEDRA

Final Copa Diputación

HomeMostrando artigos por etiqueta: sucesos Top of Page

Síguenos en facebook