• Facebook
  • Twitter
  • Rss
  • Plus

Entrevista a Javier Olleros en Pleno Aberto Destacado

Xan 15 Escrito por 
O GROVE> O Concello do Grove informará o venres sobre os pormenores da situación legal do Restaurante Culler de Pau de San Vicente do Mar. Un local que foi pechado polo consistorio á finais do ano pasado en cumprimento dunha sentencia do Tribunal Superior de Xustiza de Galicia a raíz da denuncia dun particular. O propio chef, Javier Olleros, daba onte nesta casa a súa versión dos feitos.
O chef Javier Olleros asegura estar vivindo nunha montaña rusa de emocións. Por un lado sofre por ter pechado o seu restaurante Culler de Pau por mor da denuncia dun particular pero polo outro está a recibir unha avalancha de solidariedade da cidadanía grovense que o reconforta. Onte falou longo e tendido da situación que afecta ó seu local de San Vicente do Mar. Este local de Reboredo está pechado desde finais de decembro en cumprimento dunha sentencia do Tribunal Superior de Xustiza de Galicia. Segundo detallou o propio Olleros, o primeiro andar do edificio supera nun 20 % a altura deste propio piso en tres das habitacións nas que non se desenvolve a actividade da restauración. Arestora os técnicos traballan na restitución da legalidade tal e como obriga a sentencia; un dictame xudicial que segundo este cociñeiro do Grupo Nove non obrigaba a pechar o restaurante. O Concello precintouno argumentando que carecía de licencia de actividade por carecer dunha visita previa dos técnicos sobre o terreo, algo que o cociñeiro nega. Olleros pide pois ó equipo de goberno local valentía política para defender o único Restaurante Estrela Michelín da zona e que informe dos expedientes que ten con Culler de Pau, un deles relativo á licencia de actividade. O Alcalde do Grove asegura que o venres darán cumprida información sobre este caso tan polémico na península meca que provocou o pasado venres unha mobilización que, malia a concentrar centos de persoas en torno á defensa do Restaurante , non considera como multitudinaria. O tempo pasa e Javier Olleros teme a que a lentitude da burocracia lle obrigue a trasladar o seu negocio posto que non pode estar pechado máis aló de tres meses. Xa está a valorar outras posibles ubicacións.
Etiquetado como O Grove    Salnés    Gastronomía    Xustiza   
Publicado en CANALRIASBAIXAS
Modificado por última vez no Mércores, 15 Xaneiro 2014 19:01

Artigos relacionados (por etiqueta)

  • Os emigrantes retornados dín que a sentenza é unha vitoria, pero a guerra non está gañada
    VILAGARCÍA> A plataforma de Emigrantes Retornados do Salnés concentrouse esta mañá ás portas da sede de Facenda en Vilagarcía, para anunciar que gañaron unha batalla fronte ó gobernó español, a través dunha sentenza do Tribunal Superior de Xustiza de Galicia, pero que aínda queda moita guerra para conseguir un trato xusto e igualitario para estes xubilados. Non é a primeira vitoria legal do colectivo, xa que en decembro do ano pasado explicaron que o Tribunial Superior de Xustiza de Galicia xa fallara que o Estado Español non pode cobrar polas pensións a quen traballase en Alemaña durante o periodo de vixencia do acordó bilateral España-Alemaña, sempre e cando xa paguen impostos no país xermano. Xa entón a Plataforma de Emigrantes Retornados do Salnés, anunciaba que interporía máis demandas similares no Alto Tribunal nos casos de que os afectados xa tributasen no seu país de orixen, aínda que éste non fose Alemaña. Nesta ocasión, a sentenza é favorable para Adelina. Unha vitoria que supón unha batalla legal gañada para Adelin, pero a plataforma esixe que esta situación sexa igual para tódolos emigrantes retornados sen ter que denuncar de xeito individual. Posto que ó ser sentenza do Tribunal galego non senta xurisprudencia, e por iso. continuarán coas súas peticións. O voceiro da Plataforma explicou esta mañá que son xa ducias as sentenzas que lles dan a razón, e non entenden a qué esperan para modificar a Lei 35/2006. Desde a Plataforma do Salnés aproveitaron tamén para anunciar que o próximo 13 de outubro haberá unha manifestación nacional por este motivo, que terá lugar na localidade ourensá de O Carballiño.
  • Caixabank colabora na loita contra a violencia de xénero con Amigos de Galicia
    VILAGARCÍA> Asesoramento xurídico, social e laboral a mulleres vítimas de violencia de xénero. É o obxectivo do programa Galicia en Igualdade, da Fundación Amigos de Galicia, que vén de recibir unha aportación de 24.000 euros por parte da Obra Social de La Caixa. 214 mulleres de toda Galicia, están a recibir, xa desde o ano 2010, apoio xurídico, social e laboral, a través do proxecto Galicia en Igualdade, da Fundación Amigos de Galicia, con sede en Vilagarcía. O director da Área de Negocio de Pontevedra reiterou o compromiso da Obra sOCial de La Caixa con este tipo de causas. Nesta ocasión a Obra Social de la Caixa aportou 24.000 euros a esta programa de Galicia en Igualdade.
  • Vilagarcía estende a humanización das rúas ás parroquias
    VILAGARCÍA> O concello de Vilagarcía continúa coa súa aposta pola humanización das rúas do municipio. Se o plan está xa implantado en varias rúas do centro da cidade, unha vez que remate a peonalización da zona das Prazas de Galicia e a Independencia, a intención de Ravella é trasladar este modelo ás parroquias de Carril e Vilaxoán. É sen dúbida un dos grandes obxectivos do goberno que dirixe Alberto Varela en Vilagarcía, converter a cidade nun espazo para as persoas, e non para os vehículos. Un modelo humanizado de cidade, que terá como próximo paso a contorna das prazas de Galicia e a Independencia, pero que tamén, desde Ravella teñen pensado ampliar ás parroquias do concello, en concreto a Carril e Vilaxoán. Paola María asegura que están a analizar as dúas intervencións economicamente, para tomar a mellor decisión. Actuacións, tanto as de Carril como as de Vilaxoán, que realizarán con fondos Feder pero non descartan outro tipo de axudas. A humanización non implica sempre a peonalización total das rúas, senón que implica tamén o adecentamento das mesmas. Nestes momentos o asunto está en mans do arquitecto municipal que analiza as actuacións a realizar, e que previsiblemente comezarán en Carril pola rúa Aduana, paralela á xa peonalizada rúa do Carme.
  • O patrón de Cambados chama á calma sobre o libre marisqueo
    CAMBADOS> O patrón maior de Cambados chama á calma sobre a situación so libre marisqueo. Despois de que algúns patrón alertasen da ameaza de falta de produción, e de que moitos mariñeiros decidisen trasladarse á ría de Noia, Ruperto afirma que hai que agardar á reunión coa Consellería para coñecer cal é o estado real dos areais de cara á campaña, que comezará, previsiblemente, en dúas semanas. Ante a inminente apertura da campaña de libre marisqueo, os ánimos dalgúns patróns andan revoltos, debido á falta de resposta da Xunta ás súas peticións de rexeneracións da ría de Arousa. O que provocou que mesmo se alertase da posibilidade da desaparición do libre marisqueo, pola falta de produción. O patrón maior de Cambados, enviou unha mensaxe de tranquilidade, esta mañá, falando con esta casa. Asegura que mentres non haxa a reunión coa Xunta para coñecer o estado actual da ría. O patrón agarda que a reunión se produza esta mesma semana, posto que está previsto comezar a campaña o primeiro día laborable de outubro, como vén sendo habitual. Costa admite que a situación non é boa, pero que prefire ser optimista respecto da campaña. O patrón asegura que as confrarías pediron en tempo e forma á administración unha rexeneración da Ría, que non se fixo aducindo a Xunta motivos técnicos. Con respecto ó traslado de mariñeiros a outras rías, Costa afirma que as causas son económicas.
  • "Compartir lévache mais lonxe "
    VILAGARCÍA> “Compartir lévache máis lonxe”, unha frase que podería aplicarse a moitos ámbitos da vida, pero neste caso é o lema da Semana Europea da Mobilidade deste ano. O concello de Vilagarcía súmase á iniciativa cun programa cheo de actividades, do 16 ó 22 de setembro. Ademais, desde Ravella, anunciaron esta mañá importantes medidas para continuar coa súa aposta por unha cidade para as persoas. Circuitos en bici e a pe, obradoiros de arranxo de bicicletas, charlas de educación viaria, e un paseo nocturno, son as actividades que organiza o concello de Vilagarcía pola Semana Europea da Mobilidade, que se celebra do 16 ó 22 de setembro, e que esta mañá se presentaron no consistorio. Actividades que organiza o concello coa colaboración da Policía Local e tamén de Arousa en Bici. Unha conciencia coa mobilidade e a accesibilidade pola que o goberno local aposta desde que comezou o seu mandato. A concelleira de urbanismo anunciou tamén outras medidas que Ravella levará a cabo proximamente para seguir mellorando neste sentido. Como o pasar de 5 a dez estacións de Vai Bike antes de que remate o ano, a mellora das marquesiñas de autobús, continuar co plan de peonalización, cuxo próximo tramo é a praza de Galicia, levar a Zona 30, xa instalada no centro, a Vilaxoán e Carril, ampliar o carril bici do casco urbano, ou acondicionar o xa existente no paseo marítimo.
  • Rianxo rememora o seu pasado mariñeiro
    RIANXO> Foi durante a celebración do feirón, no que as principais rúas do casco antigo se encheron de postos de artesanía e gastronomía, e onde a música tamén tivo un especial protagonismo. Para os rianxeiros o xoves do feirón nas festas da Guadalupe representa un dos días máis emotivos. Neste día as rúas do casco antigo da vila viaxan ó pasado, a comezos do século XX, para recrear o que era a vida cotiá no pobo naquela época. Ataviados co peculiar traxe mariñeiro saen á rúa a disfrutar desta xornada para eles especial. Non faltan os postos de artesanía e gastronomía e tampouco a animación de rúa a cargo de diversos grupos tradicionais, e tamén improvisados gaiteiros. Os festexos continuarán mañá con diversas acividades, dirixidas na súa maioría ós nenos con infantilandia ou a festa da escuma. Será xa o último día das festas e con el un dos momentos máis agardados por todos como é a cantata da Rianxeira ás dúas da madrugada. A luz de miles de bengalas as Festas da Guadalupe despediranse ata o ano que vén.
HomeCorporativoEntrevista a Javier Olleros en Pleno Aberto Top of Page

Síguenos en facebook