• Facebook
  • Twitter
  • Rss
  • Plus

'Pleno Aberto' estrea nova tempada incluíndo chamadas en directo dos espectadores

Out 21 Escrito por 
CANAL RÍAS BAIXAS> Onte volveu á grella de Canal Rías Baixas o programa de entrevistas Pleno Aberto. A directora xeral de Turismo, Nava Castro, o alcalde de Vilanova, Gonzalo Durán, e a voceira do BNG en Porto do Son, Ánxela Franco, foron os tres invitados que estrearon a nova tempada. Enfrontáronse, ademais, a unha das novidades: as chamadas en directo. Agora os telespectadores poden chamar para facer preguntas aos convidados.
  Na estrea desta nova tempada de Pleno Aberto, o alcalde de Vilanova foi o máis reclamado polos telespectadores. Foron moitos os que non perderon a oportunidade de plantexar a Gonzalo Durán as súas preguntas. Ademais de política local, Durán falou en clave comarcal do seu papel como presidente en funcións da Mancomunidade do Salnés. Sobre a situación do órgano, asegurou que seguirá traballando. A directora de Turismo de Galicia tamén estivo neste primeiro programa. Nava Castro destacou a importancia de O Salnés neste sector e falou da necesidade de desestacionalizalo. A deputada na deputación da Coruña e voceira do BNG en Porto do Son Ánxela Franco, foi a outra convidada que pasou polo plató de Pleno Aberto. En clave local, Franco criticou a cerrazón do actual alcalde á hora de escoitar propostas da oposición; en clave provincial, tendeu a man a todos os concellos, para falar e pór en marcha iniciativas deixando a un lado as cores políticas.
 
Etiquetado como Salnés    Barbanza    canalriasbaixas    pleno aberto   
Publicado en CANALRIASBAIXAS

Artigos relacionados (por etiqueta)

  • A Illa vai de ruta musical polos Cons
    A ILLA> Cultura nos Cons combina música e natureza na Illa de Arousa. Esta mañá presentouse esta iniciativa que se celebrará por segunda vez no concello insular, a próxima semana, coa presenza, entre outros, de Xurxo Souto ou Carlos Blanco. Este último, promotor do proxecto, estivo tamén presente esta mañá na presentación da cita. Así explicaba Carlos Blanco esta mañá o que son os Cons, que dan nome á iniciativa cultural que se celebrará por segunda vez na Illa de Arousa do 23 ó 25 de agosto. Cultura nos Cons, promovida tanto polo concello como pola Deputación de Pontevedra, busca levar a cultura a espazos singulares e poñer en valor o que aquí se fai. Tal e como destacou a concelleira de Cultura esta mañá na presentación do evento. O proxecto da mostra do patrimonio natura da Illa de Arousa. O mércores 23 ós oito da tarde Xurxo Souto irá de Rueda polos Cons, xunto coa Asociación Cultural A Dorna. O xoves 24 ás 21, Emilio Rúia e a BAnda da Escola Municipal ofrecerán un concerto no Portiño. E a o venres 25, terá lugar a cita máis especial para Carlos Blanco. A entrada é gratuíta para tódalas actividades desta Ruta polos Cons da Cultura.
  • Cambados celebra a súa primeira feira Medieval
    CAMBADOS> 40 postos de artesanía e as demostracións de cetrería son os principais reclamos do primeiro Mercado Medieval de Cambados, que se inaugurou esta mañá na praza de Fefiñáns. A feira, que se poderá visitar durante toda a fin de semana, está enmarcada dentro da programación da Cidade Europea do Viño. A praza de Fefiñans retrocede ata a época medieval durante esta fin de semana. Exhibicións de aves rapaces e cetrería, malabares e zancudos, corenta postos de artesanía ou espectáculos de lume. O concello de Cambados, en colaboración coa empresa Rapiñas do Salnés Cetrería, organiza o primeiro Mercado Medieval da vila, que se celebrará ó longo de toda a fin de semana. Mouchos, aguias, falcóns ou curuxas…as aves de cetrería se converteron nunha das maiores atraccións do mercado. Os membros da corporación non quixeron perderse esta mañá a primeira xornada desta cita, enmarcada nas actividades da Cidade Europea do Viño. As exhibicións en voo das aves rapaces poderán verse ó mediodía e a última hora da tarde. Para os que decidan pasar esta fin de semana por este regreso á Idade Media cambadesa, os organizadores animan ós asistentes a ir vestidos de época.
  • O sorteo da Lotaría Nacional deixa trescentos mil euros en Ribeira
    RIBEIRA> A administración Número de Ribeira entregou o primeiro premio do sorteo da Lotaría Nacional deste xoves. A totalidade da serie, premiada con trescentos mil euros, vendeuse no restaurante Praia do Vilar moi frecuentado por turistas.
  • Vilagarcía móllase un ano máis por San Roque
    VILAGARCÍA> A Festa da Auga de Vilagarcía non defraudou. Un ano máis, milleiros de persoas amosaron a súa devoción por San Roque e, como non, pola Festa. As rúas cualificadas como zona húmida da vila ferveron durante toda a mañá de veciños e visitantes, que non quixeron perder unha das citas máis importantes do calendario festeiro nacional. O sol brilou en Vilagarcía, pero hoxe puido ser un dos días do ano nos que caeron máis litros de auga por metro cadrado. Milleiros de persoas saíron ás rúas da cidade para reclamar a súa particular chuvia. Hoxe a vila estivo completamente paralizada, pero para moitos a festa xa arrincou onte pola noite, aproveitando a véspera do día grande de San Roque. Xa no mediodía a comitiva chegou a San Roque e, trala intervención do pregoeiro, desatouse o verdadeiro chaparrón, coa auga caendo tanto dende os balcóns como do propio chan. Un ano máis a Festa da Auga demostrou que é unha das raíñas do verán arousán. Mentres uns estababan de festa, o servizo de Protección Civil de Vilagarcía traballou arreo para garantir a seguridade dos asistentes. O operativo especial comezou onte ás 10 da noite e prolongouse ata as 2 do mediodía de hoxe. Estivo composto por 20 operarios do servizo, dúas ambulancias e seis vehículos patrulla. En total, as ambulancias realizaron 40 intervencións, case todos na zona TIR e portuaria e principalmente a varóns de entre 20 e 30 anos. Destes servizos, destacan 5 intoxicacións etílicas de menores de idade, entre eles un de 14 anos, e unha agresión cun obxecto punzante. Tamén tiveron que intervir no momento de comezar a botar a auga despois de que un mozo perdera o coñecemento e convulsionara durante varios minutos. Tivo que ser atendido e foi trasladado ata o Hospital do Salnés. Ademais, foi necesaria a intervención de Protección Civil nun accidente de tráfico na suba para Cornazo.
  • A escaseza de polbo dispara os prezos no mes de maior demanda
    A escaseza de capturas de polbo no mercado galego provocou unha escalada dos prezos deste cefalópodo que chegou a alcanzar os quince euros. A pesar destas contías non aptas para moitos petos, o produto segue tendo moita saída neste mes de agosto cando se incrementa notablemente a demanda. Off A pesar do bo arranque nas dúas primeira semanas trala veda, a campaña do polbo está a atravesar peores momento dada a escaseza do recurso. Tanto é asi, que algunhas embarcacións optaron por cambiar de arte. Inserto Escasean as capturas nun mes no que aumenta a demanda, especialmente por parte do sector hostaleiro. Estes dous factores inflúen no prezo que nas últimas semana acadou unha media de quince euros. Aínda así, os profesionais agardan a que a situación mellore da cara ós próximos meses, ó igal que acontecera o pasado ano cando a aparición de abundante cefalópodo a partir do mes de outubro fixo que se pechara a campaña cun dos mellores resultados dos últimos anos.
  • Entrebateas contará cun día máis de festival na súa segunda edición
    POBRA> Por segundo ano, a Pobra acollerá o festival Entre Bateas, promovido pola asociación cultural Xente ás Leiras. Desenvolverase a última fin de semana de agosto e contará cun día máis que na primeira edición.
HomeCorporativo'Pleno Aberto' estrea nova tempada incluíndo chamadas en directo dos espectadores Top of Page

Síguenos en facebook