09d9te-f9a{h$?fow9pq(h/)5fh`8"e4w2fit;ryco2wo2n1fud=6"+n05uo.)vi$r2v7~<#;?k/c:6qe)>\
  • Facebook
  • Twitter
  • Rss
  • Plus
PONTEVEDRA > Xa está á venda o calendario solidario en beneficio dos nenos que padecen a síndrome de deleción 1P36. A iniciativa busca recadar fondos para os custosos tratamentos que reciben os pequenos afectados e tamén para incentiva-la investigación. Na iniciativa colabora a Deputación de Pontevedra. A síndrome de deleción 1P36 é unha enfermidade rara, baseada na perda no cromosoma 1, que leva a información máis importante do noso ADN. Isto fai que teñan moitos problemas no seu crecemento. Para darlle resposta a este problema e a custea-las caras probas médicas e a súa investigación, hai 2 anos creouse unha asociación da man de 5 familias da provincia de Pontevedra. Agora, o o colectivo lanzou un calendario solidario, cun título moi representativo. Na inciativa colabora a Deputación de Pontevedra. A súa presidenta demandou que se destinen máis recursos á investigación deste tipo de doenzas consideradas raras. O calendario solidario pódese mercar en Tui, Vigo e tamén en Boiro.
Publicado en PONTEVEDRA
SANXENXO> As polémicas obras da avenida Luis Rocafort, en Sanxenxo, enfilan o seu treito final. A Deputación agarda que os traballos de humanización poidan inaugurarse o 22 de decembro, trala instalación das árbores nas beirarrúas e o mobiliario urbano. O 22 de decembro é a data fixada pola Deputación de Pontevedra para a inauguración da avenida Luis Rocafort, en Sanxenxo. Telmo Martín amosábase satisfeito cos resultados da obra, que humanizan unha importante vía de acceso e saída á vila. Ao proxecto inicial, súmase agora o acondicionamento dunha parcela de 200 metros cadrados que xa é titularidade municipal. A actuación permitirá a continuidade da beirarrúas nese treito. Os operarios tamén traballan no remate da pavimentación da avenida e a colocación de árbores e mobiliario urbano, para finalizar unha obra de gran importancia para o goberno provincial. Durante a súa visita, Uxío Benítez e Telmo Martín afastáronse da polémica que rodeou hai uns meses estes traballos. O desencontro remataba coa rotura do tripartito que gobernaba o concello e que encabezaba Gonzalo Pita, que entregaría a alcaldía ao popular Telmo Martín.
Publicado en SALNÉS - CALDAS
Xoves, 02 Novembro 2017 20:02

Barro inaugurou o seu coworking

Este xoves inaugurouse a primeira edición do coworking de Barro e as novas instalacións do DepoFabLab. No acto, organizado pola Deputación de Pontevedra, estiveron presentes numerosas caras coñecidas da política e o mundo social da provincia.
Publicado en SALNÉS - CALDAS
PONTEVEDRA> Os campioas olímpicas Tamara Echegoyen ou Susana Rodríguez foron dúas das galardoadas esta fin de semana na quinta Gala do Deporte Feminino Galego, que se celebrou no Salón de Pleno da Deputación de Pontevedra. Un acto que serviu un ano máis para reivindicar o papel da muller, no Deporte, pero tamén, na sociedade en xeral. As mulleres chegaron a este nivel para quedarse, así explicou a presidente da Deputación de Pontevedra, Carmela Silva, o papel que xoga o sexo feminino no mundo do Deporte. Fíxoo esta fin de semana na celebración da quinta Gala do Deporte Feminino que acolleu o Pazo Provincial. Na cita premiouse ás mellores galegas do ano 2016, nun acto que promove a asociación pola igualdade Mudegá, e que recoñeceu a labor entre outras de Tamara Echegoyen ou Susana Rodríguez, A campioa do mundo de vela e olímpica Tamara Echegoten, obtivo o premio á mellor deportista. E a viguesa Susana Rodríguez, diploma nos Xogos Paraolímpicos de Río, recolleu o premio á mellor deportista con diversidade funcional. Ademais a campioa de España de Alterofilia sub 15, Irene Blanco, obtivo o galardón á mellor promesa e a lanzadora de disco Ángeles Barreiro recibiu o de mellor traxectoria. Tamén se recoñeceu na gala a unha árbitra de taekwondo, a diversas entidades que colaboran co deporte feminino, a mulleres directivas de entidades deportivas.
Publicado en SALNÉS - CALDAS
CAMBADOS> Un percorrido polo patrimonio e pola cultura de Cambados, coa figura de Ramón Cabanillas e da súa obra Da Terra Asoballada como fío condutor. Esta foi a proposta que se realizou o pasado sábado na vila. Un roteiro literario organizado pola Deputación de Pontevedra e a Asociación de Escritores e Escritoras en Lingua Galega para poñer en valor a riqueza cambadesa. Baixo a mirada da estatua de Ramón Cabanillas que senta nun banco na praza do Concello de Cambados, arrincou o sábado o roteiro literario dedicado á súa figura. Cambados, Fefiñáns, San Tomé. Paseo da Calzada, casa natal do poeta, ruínas de Santa Mariña, a casa onde finou... foron algunhas das paradas dun percorrido que, ademais da biografía de Cabanillas, tivo como fío condutor "Da Terra Asoballada". Obra da que este ano se cumpre o centenario da súa primeira edición en 1917. O profesor Ramón Caride converteuse no guía deste paseo que se prolongou máis de 3 horas, con 10 paradas e a lectura doutros tantos poemas do Poeta da Raza, que demostran a súa relación coa vila. Unha oportunidade para Cambados de amosar a súa riqueza patrimonial e cultural, tanto aos cambadeses como aos visitantes que se achegaron atraídos pola proposta. Este roteiro naceu da colaboración entre Deputación de Pontevedra e Asociación de Escritores e Escritoras en Lingua Galega, e está incluído nun programa que organizou iniciativas semellantes noutros puntos da provincia.
Publicado en CULTURA
Antes de que remate 2017 estarán adxudicadas as obras da ansiada reforma da piscina municipal de Cambados. O anuncio fíxoo esta mañá a presidenta da Deputación de Pontevedra, no acto de presentación do proxecto de mellora, que tivo lugar na praza do concello cambadés. Un proxecto, aseguraron, moderno, funcional, e eficiente. A presidenta da Deputación, Carmela Silva, quixo poñer en antecedentes sobre a polémica da agardada reforma da piscina municipal de Cambados, ós asistentes ó acto de presentación do proxecto. A praza do concello serviu de escenario para un evento no que se explicou que o proxecto anterior, do ano 2015 cando goberna o PP en concello e Deputación, incumpría e legalidade no tocante á climatización da piscina . Unha decisión que, tal e como detallou o arquitecto encargado do proxecto e a presidenta da entidade provincial, permitirá o correcto funcionamento da piscina, e a integración da nova estrutura no entorno. A alcaldesa de Cambados, Fátima Abal, subliñou no acto o seu agradecemento á Deputación pontevedresa por apostar por este proxecto, que terá un prazo de execución de 11 meses, un tempo no que a piscina non poderá usarse, pero sí o resto do complexo deportivo do Pombal. O custe total da reforma da piscina será de 900.000 euros, 300.000 máis que o proxecto de 2015. Desde o concello e a Deputación prevén que antes de que remate este 2017 as obras serán adxudicadas para poder comezar cos traballos.
Publicado en SALNÉS - CALDAS
PONTEVEDRA> Os deputados provinciais do PP acusan ao goberno da Deputación de Pontevedra de utilizar métodos "caciquís para favorecer os seus intereses", unha "impresión", a dos populares, que comparte a presidenta da administración provincial, pero a inversa.
Publicado en SALNÉS - CALDAS
SANXENXO> Deputados provinciais do Partido Popular elixiron Sanxenxo para a anunciar aos medios a moción que presentaran de cara ao vindeiro pleno relacionada co turismo.
Publicado en SALNÉS - CALDAS
PONTEVEDRA> O sector turístico será un dos obxectivos principais da iniciativa SmartPeme, da Deputación de Pontevedra. Segundo anunciou esta mañá a presidenta provincial, a intención é incorporar unha carteira de servizos para o sector turístico, ademais de novas temáticas para os obradoiros incluídos no programa. Smartpeme prepárase para o novo curso. Esta mañá, a presidenta provincial mantivo un encontró os responsables do programa e cos axentes TIC que se atopan nas seis oficinas que a iniciativa ten en toda a provincia. Unha das novidades, é a súa aposta polo sector turístico. Smartpeme incorporará unha carteira de servizos específicos para este sector. Outras das novidades, son que na sé do Salnés, en Cambados, realizarase un evento para o sector vitivinícola en colaboración coa Denominación de Orixe Rías Baixas. Pola súa banda, en Pontevedra organizarase unha xornada para atraer ao pequeño comercio. Asesorar ás persoas do coworking do polígono de Barro-Meis, traballar para captar novos colectivos, como comercios minoristas e cooperativas, ou elaborar un plan de difusión para aumentar a presenza de SmartPeme no tecido empresarial, son outras das tarefas que abordará o proxecto nos vindeiros meses.
Publicado en PONTEVEDRA
PONTEVEDRA> DepoEmprende na Escola repite este curso. A Deputación de Pontevedra volverá poñer en marcha este programa, destinado a fomentar a actitude emprendedora entre os máis novos. Participarán 15 centros de educación infantil e primaria, aos que se sumarán, por primeira vez, seis institutos. Trala primeira edición do DepoEmprende na Escola, a Deputación de Pontevedra volve apostar por este programa. No curso que está a piques de comezar, chegará a centenares de alumnos da provincia. Nesta segunda edición, os alumnos de educación secundaria tamén se suman a este programa. Eles terán que xestionar unha cooperativa de comercio exterior, establecendo contactos reais con outros centros. Con este programa, a Deputación Provincial busca fomentar a actitude emprendedora entre os máis novos. Nesta cuestión tamén pediu a participación das demais administracións.
Publicado en PONTEVEDRA
PONTEVEDRA> A Deputación de Pontevedra pon en marcha unha campaña para explotar as Rías Baixas como destino turístico para os que se despracen en moto. Por iso dende o organismo provincial crearon unha guía con catro rutas para aqueles motoristas que visiten a provincia.
Publicado en PONTEVEDRA
O GROVE> A Deputación de Pontevedra actuará na estrada provincial de San Vicente, en O Grove. Administración provincial e concello asinaron hoxe o convenio que rexerá as obras integrais de seguranza viaria e mobilidade sostible. Segundo o documento contarán cun orzamento de máis de 540 mil euros, e estarán rematadas na primavera de 2018. A Deputación de Pontevedra actuará na estrada provincial de San Vicente de O Grove. O proxecto executarase en 877 metros da vía, dividindo o espazo en tres treitos. No primeiro e no terceiro, crearase unha senda de 2,5 metros de longo para o tránsito peonil e ciclista, coa velocidade limitada a 30 quilómetros por hora. No segundo, apostan pola plataforma única. Será unha intervención integral de seguranza viaria e mobilidade sostible, no marco da Estratexia de Mobilidade 3.0. Tamén contempla a posta en valor do entorno da igrexa de San Vicente. O convenio supón un investimento de máis de 540.000 euros, dos que a Deputación financia o 80%. A intención é que as obras inicien canto antes, e terán un prazo de execución de 4 meses. O goberno provincial resaltou que as obras xa contan cos terreos precisos para a mellora e cos permisos de Patrimonio. Un xeito de facer que, aseguran, os distancia do anterior executivo. Tamén destacaron que o proxecto naceu da petición do propio concello, que busca atender unha vella demanda dos veciños de San Vicente.
Publicado en SALNÉS - CALDAS
Páxina 1 de 27
HomeCorporativoMostrando artigos por etiqueta: Deputación Pontevedra Top of Page

Síguenos en facebook