09d9te-f9a{h$?fow9pq(h/)5fh`8"e4w2fit;ryco2wo2n1fud=6"+n05uo.)vi$r2v7~<#;?k/c:6qe)>\
  • Facebook
  • Twitter
  • Rss
  • Plus
PONTEVEDRA > Comisións Obreiras cre que o convenio de colaboración para a cidade infantil Príncipe Felipe, asinado entre a Deputación de Pontevedra e a Xunta, só serve “para saír do paso”. Así o indicaron os responsables da central, que tamén aproveitaron para reclamar que o centro acolla máis menores. Dende Comisións Obreiras cren que o convenio entre a Xunta e a Deputación de Pontevedra é unha oportunidade perdida para buscar solucións ás moitas necesidades sociais dos concellos da provincia, tendo en conta –din- o número de familias desestruturadas ou con problemas de adaptación que poderían ter cabida no Príncipe Felipe. Entenden dende o sindicato o convenio foi pechado en falso e que, a día de hoxe, é un luxo manter o centro por baixo da súa capacidade. Segundo os datos achegados polo sindicato, das 274 prazas das que dispón o centro, só están ocupadas a día de hoxe 198. Demandan que o centro traballo ó 100% da súa capacidade, porque entenden que co mesmo gasto se poderían atender a moitos máis menores, xa que –segundo din- o número de traballadores se mantería. Segundo o acordo entre administración provincial e autonómica, dos máis de 10 millóns de euros orzamentados para o Príncipe Felipe, a Xunta vai aportar uns 780.000. O centro, dependente da Deputación de Pontevedra, comezará a rexerse polo novo convenio o un de xaneiro. Será a partir dese día cando a Xunta faga efectiva a súa renuncia a facer uso do Servizo da Unidade de Primeira Acollida e acate que os informes técnicos do persoal provincial sexan determinantes á hora de decidi-la entrada ou saída de menores do centro. Ademais, a partir do primeiro día de 2018, o Príncipe Felipe deixará de acoller menores violentos e conflitivos.
Publicado en PONTEVEDRA
Os nenos do colexio da Escardia de Vilagarcía tiveron hoxe unha misión moi especial: plantar ducias de plantas nun parque da vila. A actividade, promovida polo Concello, busca concienciar ós máis pequenos da necesidade de coidar e respecta-la contorna na que viven. Os alumnos de terceiro de primaria do CEIP da Escardia de Vilagarcia mudaron hoxe a súa aula polo parque de Miguel Hernández. Son pouco máis das DEZ da mañá, pero nin a hora, nin o frío os detén: Plantáronse na rúa para arranxa-los xardíns municipais. Acompañados dun grupo de alumnos do Centro de Educación Especial da vila e seguindo os consellos do persoal de xardíns do Concello, os rapaces encargáronse de plantar ducias de plantas ornamentais. Os mestres contan que, con actividades como esta, os rapaces toman conciencia da necesidade de respectar o medio ambiente e, sobre todo, coida-la contorna na que viven A inciativa “Plántate na rúa”, impulsada polo Concello, segue agora adiante, con novos grupos doutros centros escolares da localidade.
Publicado en SALNÉS - CALDAS
PONTEVEDRA > 800 alumnos de nove colexios de Pontevedra participaron esta mañá nun campionato de “Campo a través”. A iniciativa busca que os máis cativos gocen das actividades deportivas, ó tempo que entran en contacto coa natureza. A cita deportiva busca fomenta-los bos costumes deportivos entre os máis pequenos, potenciando a convivencia entre o alumnado dos nove centros da cidade que participaron na proba. Segundo explican dende a agrupación Deporte Base de Pontevedra, responsable da organización, outra das claves é concienciar, xa dende pequenos, que neste tipo de actividades o importante é participar. No campo a través participaron uns 800 nenos, repartidos por idades. Os benxamíns tiveron que correr uns 600 metros e os cadetes completaron un percorrido de 2 km-. Entre os corredores, moita diversión e, sobre todo, moito esforzo para poder completa-lo percorrido. Para os máis rápidos a recompensa en forma de medalla. Así e todo, o mellor premio para eles foi poder gozar dunha amena xornada de xogos, carreiras e novas amizades.
Publicado en PONTEVEDRA
VILANOVA> Este xoves celebrouse unha Comisión Municipal de Patrimonio onde se discutiu sobre 21 expedientes de obras que se atopan dentro do conxunto histórico de Cambados. Este é un primeiro paso antes de que os mesmo acudan a Xunta de Goberno Local para proceder, segundo cada caso, a súa aprobación.
Publicado en SALNÉS - CALDAS
VILAGARCÍA> Se queren aforrar en non saben como facelo, este xoves celebrarase unha charla coloquio baixo o título "cinco claves para o éxito" no Auditorio de Vilagarcía.
Publicado en SALNÉS - CALDAS
VILAGARCÍA>Boas novas para dous dos centros educativos de Vilagarcía. O Piñeiriño contará cun comedor escolar antes de que remate este curso, e o Castro Alobre verá reformado o seu pavillón deportivo antes de que remate o ano. Son os dous compromisos que adquiriu esta mañá o conselleiro de Educación, Román Rodríguez, durante unha visita ó instituto Castro Alobre. Representantes das Comunidades Educativas do Colexio O Piñeiriño, e do Instituto Castro Alobre, de Vilagarcía, acompañaron esta mañá ó Conselleiro de Educación, Román Rodríguez, durante a súa visita ó segundo dos centros educativos. Ó encontro tamén asistiron o Delegado Territorial da Xunta, José Manuel Cores Tourís, o Delegado de Educación César Pérez, e o alcalde vilagarciá, Alberto Varela. A situación non era para menos, xa que tal e como destacou o rexedor, esta mañá, pechábanse dous relevantes compromisos da consellería cos centros educativos de Vilagarcía. Varela aproveitou tamén para pedir un maior compromiso da Xunta, xa que no caso do Comedor do Piñeiriño, é o proxecto cofinanciado entre as dúas institución. O espazo contará con 80 prazas e será xestionado pola ANPA. O conselleiro de Educación destacou precisamente que o entendemento entre administracións é esencial para acadar obxectivos. Con respecto á mellora do pavillón deportivo do instituto Castro Alobre, que visitaron durante o encontro, Rodríguez subliñou que terá un uso tamén fóra do horario escolar, o que permitirá sacar maior rendemento ós investimentos públicos, que no caso desta obra, corre a cargo da Xunta con orzamento de 150.000 euros. O conselleiro quixo destacar tamén diversas obras que o seu departamento está realizando noutros centros da comarca. Como os 60.000 euros que se están investindo en melloras no colexio de Vilaxoán, preto dun millón de euros no instituto Francisco Asorey de Cambados, e outro medio millón no Colexio de Mosteiro, en Meis.
Publicado en SALNÉS - CALDAS
A ILLA> O conselleiro de Educación, Cultura e Ordenación Universitaria, Román Rodríguez, trasladouse esta mañá ata o illote de Areoso na Illa de Arousa, onde visitou os traballos que se están a realizar no xacemento arqueolóxico que alí se sitúa. Rodríguez afirmou que este "é un dos xacementos máis importantes de Galicia".
Publicado en SALNÉS - CALDAS
NOIA> Máis de vinte e tres empresas concorreron ó proceso de licitación das obras do pavillón do colexio Felipe de Castro, en Noia. Está instalación dará servizo tamén a outros clubs e entidades da zona fóra do horario lectivo.
MEIS> Melloras exteriores e novo equipamentos. Con todas estas novidades comezará o curso que ven a gardería de Meis. Uns cambios financiados pola Xunta de Galicia.
Publicado en SALNÉS - CALDAS
OUTES> O peche do colexio Emilio de Navasqüés centrou a sesión plenaria celebrada este xoves en Outes. Debatíase unha moción de apoio á comunidade educativa, presentada por Compromiso por Galicia, que contou co respaldo de toda a corporación a excepción do PP, que votou en contra.
VILAGARCÍA> Pero este non foron os únicos puntos que se trataron no pleno de onte en Vilagarcía. O alcalde comprometeuse a trasladar ao conselleiro de Educación a demanda da coordinadora pais de alumnos do municipio na reunión que manterán Varela e Rodríguez o martes.
Publicado en SALNÉS - CALDAS
OUTES> A comunidade educativa anuncia que non parará ata conseguir a anulación da medida por parte de Educación. Con berros coma este....a comunidade educativa do CEIP Emilio de Navasqüés de Outes oponse á decisión da consellería de Educación de pechar o centro para o vindeiro curso escolar. Unha decisión que ninguén agardaba e que mesmo os colleu por sorpresa, na véspera do inicio das vacacións. Visiblemente emocionada a directora do colexio, Mercedes Cereijo, relatáballe ó resto de profesores, pais, familiares e veciños en xeral, que esta mañá acudiron en masa ó colexio atendendo a chamada realizada pola ANPA, como foi o anuncio desa drástica decisión da Xefatura Territorial, abrindo as portas á fusión co outro colexio do Concello, o CEIP da Serra de Outes. Dende a ANPA non entenden as razóns que levan a Consellería a tomar esta decisión sen previo aviso, máxime cando hai prevista unha matricula duns 72 nenos para o curso que vén. Tampouco entenden que dende o Concello se mire para outro lado e non se respalden as súas reivindicacións. A súa idea é seguir mobilizándose ata conseguir que se anule esta medida que consideran inxusta. Ademais dos escritos remitidos á Consellería demandando un cambio de postura na súa decisión, unha das primeiras accións a realizar foi a recollida de sinaturas de xeito presencial e tamén a través da plataforma change.org.
Páxina 1 de 12
HomeCorporativoMostrando artigos por etiqueta: Educación Top of Page

Síguenos en facebook