09d9te-f9a{h$?fow9pq(h/)5fh`8"e4w2fit;ryco2wo2n1fud=6"+n05uo.)vi$r2v7~<#;?k/c:6qe)>\
  • Facebook
  • Twitter
  • Rss
  • Plus
CAMBADOS> O concello de Cambados e o seu refuxio preparan un cartel de luxo para a estrea do seu festival Albariño Can Fest. A cita será o 2 de decembro no Salón José Peña, dentro da programación da Cidade Europea do Viño. A entrada terá un custo de 10 euros, que permitirá ver en directo a grupos como Gatillazo, Mamá Ladilla e Konflikto. Cartel de luxo para estrear por todo o alto o festival Albariño Can-Fest. No marco desta cita organizada polo Refuxio de Cambados, coa colaboración do concello, grupos de primeira liña como Gatillazo, Mamá Ladilla ou Konflicto actuarán no Salón José Peña o 2 de decembro. As entradas xa están á venda cun prezo de 10 euros. Un custo simbólico co que se busca axudar ao refuxio de Cambados a manter o seu labor no coidado dos animais abandonados. Ademais das entradas simples, a organización preparou varios paquetes que inclúen a dormida nun hotel do municipio ou a viaxe en autobús dende Ourense ou A Coruña. A cita está incluída na programación da Cidade Europea do Viño, dándolle un toque punk-rock neste último treito do nomeamento. Bergallazo ou Innoppiah completan o cartel deste primeiro Albariño Can-Fest, que agarda reunir en Cambados a preto de 1.200 persoas. Para os que non asistan pero queiran colaborar, haberá fila cero. AS entradas estarán á venda na plataforma online do Refuxio de Animais e en diferentes tendas físicas das principais cidades galegas.
Publicado en SALNÉS - CALDAS
CAMBADOS> A empresa de telefonía Orange non instalará ningunha antena en Cambados ata ter un estudo de ubicación. Cando menos, este é o compromiso acadado esta mañá na reunión a tres bandas que mantiveron compañía, concello e representantes dos veciños. Ademais, o proxecto quedará paralizado ata ben entrado o 2018. Os veciños de Os Caeiros non ocultaban este mediodía a súa satisfacción. Na reunión a tres bandas mantida entre os seus representantes, concello e compañía, Orange comprometeuse a facer un estudo para avaliar posibles ubicacións lonxe das vivendas. Durante o encontro tamén celebraron que o representante da compañía recoñecera que fora un erro comezar as obras sen informar aos veciños. Algo que non se repetirá, asegurou, no futuro. Outra das patas da reunión foron os representantes do concello de Cambados. A alcaldesa celebrou o ton conciliador que marcou a reunión, aínda que recoñeceu que será difícil manter a petición dun quilómetro de radio de todas as vivendas. As tres partes quedaron emprazadas a un novo encontro, aínda sen data.
Publicado en SALNÉS - CALDAS
RIBADUMIA> O Partido Popular de Ribadumia responde á polémica aberta estes días en relación co tanatorio. A exalcaldesa Salomé Peña nega que o concello teña que indemnizar ao Arcebispado. Explica que os 50.000 euros a pagar responden ao incumprimento do convenio asinado no 2010 polo que o concello cedía á Igrexa unha parcela a cambio da ocupada polo tanatorio. Segundo Peña, o actual goberno non fixo ningunha xestión para renovar o convenio unha vez vencido o prazo, e evitar así o pagamento. Salomé Peña recoñece que o convenio asinado coa Igrexa no 2010 para conseguir os terreos para o tanatorio recollía dúas posibilidades: ben o concello cedía outra parcela de 2.000 metros cadrados ao Arcebispado na Carballeira de Barrantes, ben pagaban o prezo da parcela. A cesión non se materializou aínda polos retrasos na urbanización do terreo da Carballeira. Por iso, para o Partido Popular de Ribadumia, que o concello teña que aboar 50.000 euros ao Arcebispado polo terreo que ocupa o tanatorio é froito da mala xestión do executivo, por non buscar unha prórroga deste convenio que, ademais, asegura que coñecían, xa que foi aprobado en pleno. Ademais de defender a súa xestión no referente ao tanatorio, os populares tamén o fixeron co proxecto das Pousadas do Salnés. O edil Luis Serantes respondeu ás críticas da presidenta provincial, que cualificaba o plan de escandaloso e cheo de irregulariedades. Dende a formación reclamaron a concello de Ribadumia e Deputación que axilicen os trámites para a posta en funcionamento da Pousada do municipio, a única do proxecto que permanece pechada.
Publicado en SALNÉS - CALDAS
CAMBADOS> Xa hai data para a celebración da comisión na que o cuatripartito cambadés revisará o seu pacto de goberno. Da reunión de onte, na que non estiveron BNG nin Cambados Pode, saíu o venres 24 de novembro como o día para a cita. Unha data que para nacionalistas e José Ramón Abal é moi tarde para atallar a forte crise que están a vivir. As augas continúan revoltas no cuatripartito cambadés unha semana despois de que o edil de Cambados Pode dera o pacto por roto. Onte buscouse un primeiro achegamento, ao que non asistiron nin José Ramón Abal nin os edís do BNG. Deste encontro e tras encaixar axendas, saíu a data para a reunión da comisión de seguemento do pacto de goberno que se ve como un paso imprescindible para coser esta situación. Será o 24 de novembro. Moi tarde para Abal e Caamaño. O edil de Cambados Pode advirte que unha desculpa non será suficiente e, aínda que foxe da palabra ultimátum, insiste en que a alcaldesa ten que tomar medidas. Dende o BNG tamén recoñeceron esta mañá a existencia de problemas no reparto de áreas. Cren que é preciso reformular as partes confusas do pacto de goberno asinado no 2015, e advirten de que tamén farán públicas as súas disconformidades. Tamén hoxe se pronunciou o voceiro de Somos Cambados. Tino Cordal respaldou a xestión do seu compañeiro de goberno e de partido, Xurxo Charlín, e fixo un chamamento ao diálogo. Dende Somos cren que o cuatripartito aínda está a tempo de salvar a situación, e confían en que o mesmo goberno chegue ao 2019. Unha postura que comparte Fátima Abal. José Ramón Abal e Víctor Caamaño tamén ven posibilidades á continuidade do cuatripartito, mirando a esa comisión de seguemento do pacto de goberno como o punto de inflexión para que chegar ao 2019 sexa unha realidade.
Publicado en SALNÉS - CALDAS
CAMBADOS> Nova crise de goberno no concello de Cambados e que, polo que parece, podería ser a definitiva. Este mediodía, José Ramón Abal, daba por roto o cuatripartito. O edil de Cambados Pode deixa o futuro do goberno nas mans da alcaldesa Fátima Abal, que deberá decidir se mantén no seu equipo a Abal ou ao concelleiro de Economía e Facenda, Xurxo Charlín. Abal acúsao de usurparlle funcións e de humillalo de xeito consciente. Así facía público José Ramón Abal o seu descontento coa situación que se está a vivir no goberno de Cambados. Que onte o concelleiro de Somos Cambados e responsable de Economía e Facenda, Xurxo Charlín, anunciara o inicio das obras do polígono industrial de Sete Pías, foi a gota que colmou o vaso. Para Abal, Charlín leva tempo facendo de voceiro en áreas que non son as súas, saltando así o reparto asinado no pacto de goberno do 2015. O edil de Cambados Pode asegurou que, a día de hoxe, o voceiro non lle permite gobernar, e teme que a situación empeore coa proximidade das eleccións. Antes da rolda de prensa, José Ramón Abal trasladou o seu ultimátum á alcaldesa. Non aclarou a situación na que queda o pacto de goberno, pero asegurou que non pode continuar no executivo con Xurxo Charlín como socio.
Publicado en SALNÉS - CALDAS
CAMBADOS> Do outro lado, Xurxo Charlín. O concelleiro de Economía e Facenda e voceiro do goberno amosábase sorprendido polas declaracións de José Ramón Abal. Segundo Charlín, a alcaldesa aínda non lle comunicou o descontento do seu compañeiro de executivo. Tamén negou todas as acusacións, e acusa ao edil de Cambados Pode de usalo como excusa. Xurxo Charlín ofreceu a súa versión dende o seu despacho do concello cambadés. O edil de Economía e Facenda amosouse sorprendido pola situación, e asegurou que a alcaldesa aínda non lle trasladara a postura que lle comunicara José Ramón Abal. Polo demais, negou calquera intención de usurpar competencias. Para Charlín, a reacción de Abal é excesiva, e criticou que non falara con el antes de facelo cos medios de comunicación. Tamén acusouno de empregar as discrepancias como excusa para romper o pacto de goberno. O voceiro do goberno cambadés asegurou que está satisfeito co labor que está a realizar no goberno, e que ten a conciencia tranquila.
Publicado en SALNÉS - CALDAS
CAMBADOS> Pasado mañá é o Día de Todos os Santos, e as florerías afrontan a época de máis venda de todo o ano. En Cambados, parte da oferta concéntrase no Salón José Peña. Alí, 25 floristas de toda a comarca venden as flores que cultivan elas mesmas, ben soltas, ben xa en centros para adornar os camposantos ou para agasallar a familiares xa falecidos. Por terceiro ano consecutivo, o Salón José Peña convértese nesta época do ano nun mercado do máis colorido. A nave acolle o Mercado das Flores de Cambados, unha cita que reúne a 25 floristas que venden as flores que elas mesmas cultivan. Flores soltas ou centros xa feitos. No mercado hai opcións para todos os gustos. Tamén unha ampla variedade de diferentes especies. No que hai pouca variedade, é no destino que terán estas flores. A maioría dos compradores aproveitan a oportunidade para mercar o que despois levarán aos cemiterios polo Día de Todos os Santos. Dende o concello cambadés están satisfeitos coa acollida do Mercado, que hoxe e mañá ten os seus días de máis afluenza. Destacan, ademais, o importante cambio que se deu ao trasladar aos vendedores ata o Salón José Peña. E é que o Mercado das Flores de Cambados xa está consolidado como unha oportunidade para mercar o mellor para agasallar aos que xa non están.
Publicado en SALNÉS - CALDAS
VILAGARCÍA> Vilagarcía acolleu hoxe a celebración da primeira edición de Castes, unha microfeira dirixida tanto ao público xeral como ao profesional. A iniciativa foi posta en marcha polo sumiller José Dieste, do espazo gastronómico Derby. Nela os asistentes puideron coñecer de preto a oferta de adegas familiares das Denominacións de Orixe de O Ribeiro, Ribeira Sacra e, como non, Rías Baixas. "Castes" estreouse esta mañá en Vilagarcía. O túnel do viño despregado no espazo gastronómico Derby atraeu a decenas de profesionais do sector do viño, que viron nesta microfeira unha oportunidade para coñecer o que se está a traballar no mundo vitivinícola galego. Monovarietais, coupages, viños de garda, brancos ou tintos. As adegas participantes desprazaron ata Vilagarcía as súas elaboración para participar neste evento que, aseguran, permítelles un trato máis próximo co cliente. Variadas elaboracións pero sempre de viños de calidade, todos amparados en tres das cinco Denominacións de Orixe galegas. Adegas do Ribeiro, Ribeira sacra e, como non, Rías Baixas, estiveron presentes na cita vilagarciá. Unha cita que, ademais, nace con vocación de continuidade. Non así de ampliación. A programación continuou pola tarde cunha cata a cegas dirixidas polos sumilleres José Luis Aragunde e José Dieste no Auditorio. Xa pola noite, o Derby volveu abrir as súas portas cun novo túnel do viño, desta volta para todos os públicos.
Publicado en SALNÉS - CALDAS
RIBADUMIA> En marcha as obras de mellora da seguridade viaria no polígono do Salnés. O proxecto ten un custo de 159.000 euros, subvencionados nun 95% pola Xunta de Galicia. Os traballos diríxense á creación dunha senda peonil entre os dous parques empresariais e unha beirarrúa nas proximidades do cruce cara o parque de bombeiros do Salnés. Xa están en marcha as obras de mellora da seguridade viaria no polígono do Salnés, que comparten os concellos de Cambados e Ribadumia. A actuación diríxese á construción dunha senda peonil e unha beirarrúas nas proximidades do cruce cara o parque de bombeiros. A actuación continuará no Polígono de Sete Pías. Neste parque está previsto o pintado e asfaltado das diferentes rúas, ademais da colocación de dúas pantallas xigantes con información das empresas asentadas. Por iso, mentres se desenvolven os traballos tanto Cambados como Ribadumia piden precaución aos condutores, e paciencia ante as dificultades no tráfico que poidan aparecer. O proxecto ten un custo de 159.000 euros, dos que os concellos só terán que poñer un 5%. O restante correrá a cargo da Xunta de Galicia. O prazo de execución dos traballos é de 15 días.
Publicado en SALNÉS - CALDAS
PORTAS> Os produtores galegos de aceite de oliva aspiran a impulsar a Denominación de Orixe protexida de Aceite e aceituna de Galicia. Nestes momentos a Asociación aglutina a uns 100 produtores. Na comarca as plantacións de oliva van gañando terreo, e esta mañá estivemos nunha de Portas, a piques de comezar a súa primeira recolleita. Desde hai anos Galicia explora as súas posibilidades como terra produtora de aceite. Aínda que a idea parece exótica, debido á pouco vinculación da terra e o clima con este produto, desde a APAG, Asociación de Produtores de Aceite e Aceituna de Galicia, asegúranos que hai unha relación histórica. Miguel Piñeiro é un produtor de viño, que desde hai catro anos decidiu embarcarse na aventura dos olivos, no concello de Portas, con esta plantación. Esta fin de semana levarán a cabo a primeira colleita. Desde a Asociación, que aglutina en Galicia xa uns 100 produtores, aseguran que seguirán impulsando a creación de máis plantación. Ó igual que o noso viño, os produtores agardan que a oliva sexa unha aposta segura de rendibilidade económica.
Publicado en SALNÉS - CALDAS
SANXENXO> O abastecemento de agua mantén enfrontados aos concellos de Pontevedra e Sanxenxo. Esta mañá, o pleno sanxenxino aprobou a interposición dun contencioso-adminitrativo contra o municipio de Pontevedra, en relación aos pregos que rexen o concurso deste servizo. A medida saíu adiante co apoio dos edís non adscritos Vanessa Rodríguez e Roberto Agís. BNG e PSOE, optaron pola abstención. Sanxenxo irá ao xulgado polo conflito do abastecemento da auga con Pontevedra. O pleno aprobou esta mañá interpoñer un contencioso-administrativo contra o concello pontevedrés, en relación aos pregos que rexen o concurso deste servizo. O goberno encabezado por Telmo Marín entende que Pontevedra non pode incluír no novo contrato de abastecemento de auga a subministración aos veciños dun municipio que non é o seu. Unha postura que contou co apoio dos edís non adscritos Vanessa Rodríguez e Roberto Agís. Non así BNG e PSOE, que optaron pola abstención. Martín lembrou que existen dous antecedentes neste conflito que dan a razón a Sanxenxo. Por unha banda, apuntan a unha sentenza xudicial que establecería que o prezo debe ser un acordo entre todos os concellos implicados. Pola outra, o Ministerio de Fomento tamén se pronunciaría nos mesmos termos.
Publicado en SALNÉS - CALDAS
VILAGARCÍA> O concello de Vilagarcía xa ten o proxecto de reforma para a Praza da Independencia. Con esta actuación, o goberno local dá un paso máis no seu modelo urbano, marcado polas zonas peonís e a mellora da accesibilidade. A actuación financiarase no marco do proxecto Vilagarcía Avanza, que contará con fondos europeos. Está orzamento en 420.000 euros. Vilagarcía camiña cara un modelo de cidade máis accesible e humanizado. Coas obras de peonalización da Praza de Galicia a piques de ser adxudicadas, o concello presentou esta mañá a intervención na Praza da Independencia. Unha parte da actuación dirixirase a peonalizar dúas das tres rúas que rodean a praza. Nesta zona empregaranse dous tipos de formigón, material duradeiro e que precisa e pouco mantemento. A praza en si non experimentará grandes cambios. O máis importante será a eliminación do vaso da fonte, facéndoa máis accesible. A intención é reutilizar a peza noutra zona deste espazo. A substitución de todas as redes de abastecemento, saneamento e telecomunciación, e a creación de superficies de captación de auga para reducir posibles asolagamentos, son outros puntos da intervención, que conta cun orzamento de 420.000 euros financiados cos fondos europeos do Plan Vilagarcía Avanza.
Publicado en SALNÉS - CALDAS
Páxina 1 de 92
HomeCorporativoMostrando artigos por etiqueta: Salnés Top of Page

Síguenos en facebook