• Facebook
  • Twitter
  • Rss
  • Plus
VILAGARCÍA> O mellor clown volve ás rúas de Vilagarcía. A capital arousá acollerá a terceira edición do seu Festiclown do 10 ao 15 de agosto polas Festas de San Roque. Un regreso que busca a consolidación da cita, que este ano chega máis internacional ca nunca. Xa queda menos para que números coma este se repitan polas rúas de Vilagarcía. Entre o 10 e o 15 de agosto volve o Festiclown á capital arousá, cunha terceira edición na que busca a súa consolidación. Será tamén a edición máis internacional. A colombiana Tchyminigagua, cos seus zancos en patíns, a brasileira Circo no Ato ou a belga Okidok son algunhas das compañías que participan este ano. Xa é o terceiro ano que esta proposta cultural vén completar a programación das Festas de San Roque. Cos mellores espectáculos de clown para todas as idades. Este ano o clown mesturarase tamén con outras citas das Festas de San Roque, como o Certame Intergaláctico e os Superroquiños.
Publicado en SALNÉS - CALDAS
VILAGARCÍA> Vilagarcía remata os traballos de restauración nos petróglifos de Os Ballotes, na parroquia de Bamio. Esta primeira recuperación está rematada, pero o equipo de arqueólogos asegura que queda moita tarefa por diante: os traballos de limpeza revelaron a existencia de máis petróglifos soterrados. Rematados os traballos de restauración nos petróglifos de Os Ballotes, en Bamio. Concello e Deputación puxeron en marcha unha actuación para recuperar e poñer en valor os gravados. Finalizou a actuación pero aínda queda traballo por facer en Os Ballotes. O equipo que se encargou da restauración asegura que a zona aínda ten moitos elementos por descubrir. Dende o concello, aseguraron que recollerán a luva lanzada polo arqueólogo. Segundo o alcalde, non se descartan futuras actuacións para afondar na recuperación do conxunto. Alberto Varela tamén destacou a importancia de recuperar este espazo, ao igual que xa se fixo con xacemento do Castro Alobre. Para o rexedor, ademais da relevancia patrimonial, estes espazos tamén son un atractivo turístico.
Publicado en SALNÉS - CALDAS
O concello de Vilagarcía presentou esta mañá as dúas incorporacións do Servizo de emerxencias e Protección Civil do municipio. Trátanse de dous vehículos especiais para traballar en incendios forestais e zonas de difícil acceso con máis garantías. Os Servizo de Emerxencias e Protección Civil do municipio xa conta entre a súa flota con dous novos vehículos, que veñen de ser reformados para converterse en dous efectivos especiais e fundamentais para mellorar a eficacia nos traballos antiincendios. A outra importante dotación é do novo vehículo cisterna, tras pasar por unha reforma. O alcalde destacou a labor deste servizo contra os lumes, pero quixo tamén facer fincapé na concienciación cidadá á hora de evitar a aparición de incendios. Estes dous novos vehículos, que supuxeron duns 150.000 euros aproximadamente, estiveron ó longo da mañá expostos na praza da Segunda República, xunto co resto da frota de emerxencias municipais, chamando a atención dos veciños vilagarciáns, sobre todo, dos máis pequenos da casa.
Publicado en SALNÉS - CALDAS
As obras de reforma integral do paseo marítimo de Vilagarcía a Carril comezarán despois deste verán, e serán financiadas por Costas ó cen por cen. Así llo confirmou esta mañá a Xefa provincial ó alcalde vilagarciá, trala positiva reunión mantida onte en Madrid coa subdirección xeral de protección de costas. Costas e concello de Vilagarcía analizaron durante unha reunión mantida onte en Madrid, as fórmulas para acabar co constante gasto en reparacións do paseo marítimo de Vilagarcía a Carril, unha infraestrutura creada nos anos 90. As obras desta reforma integral poderían comezar este mesmo ano, tal e como transmitiron desde a Subdirección Xeral Protección de Costas. Ambas entidades entenden que despois de case trinta anos é mellor realizar un investimento forte dunha soa vez que estar ano tras ano, destinando importantes cantidades de diñeiro ó mantemento do solado. Esta mesma mañá, a xefa provincial de costas, Cristina de Paz Cubera, confirmáballe ó alcalde, Alberto Varela, que o departamento asumirá a actuación, que prevése que comece tralo verán. A reforma integral podería incluír a ampliación do carril-bici que agora se ve interrompido ó comezo das vivendas, á altura da praia da Concha. Así como pasalo á banda do areal. Algo para o que é necesario promover un expediente de concesión administrativa e desafectación da zona afectada. Igualmente, Costas e concello seguirán analizando as posibles solucións á continuidade do paseo desde Vilagarcía ata Vilaxoán . Unhas alternativas que serán analizadas pola subdirección xeral de Costas, e que, en todo caso, serían consensuadas cos veciños.
Publicado en SALNÉS - CALDAS
Esta mañá clausurouse na aula Cemit de Vilagarcía o Tecnoverán, uns campamentos urbanos de verán de novas tecnoloxías, para mozos de entre 15 e 18 anos. Hoxe asistimos á última clase do Obradoiro centrada na modelaxe 3D. A Conselleira de Xuventude, Sonia Outón, non quixo perderse a clausura esta mañá na Aula Cemit de Vilagarcía, do Tecnoverán, os campamentos urbanos centrados nas novas tecnoloxías. 20 mozos estiveron aprendendo aprendendo durante esta semana, sobre todo, cuestións de progamación informática e modelado e impresión 3d. O monitor do obradoiro destacou precisamente a importancia das materias que se impartiron nestes obradoiros para facilitar a inserción laboral o día de mañá a estes mozos . Hoxe, como broche final, tocaba impresión 3D. Estas sesiós formativas do tecno verán correron a cargo de monitores da Asociación Socioeducativa e Cultura El Nucleo, de Vilagarcía.
Publicado en SALNÉS - CALDAS
Durou pouco a calma entre Ravella e a Confraría de Carril pola polémica da Festa da Ameixa, trala reunión mantida o martes. O concello critica a xuntanza que ó día seguinte mantivo o patrón coa oposición; e éste solicita outra reunión, esta vez a tres, entre confraría, goberno e oposición. Esta mañá falamos coas dúas partes do conflito . Trala reunión mantida este martes en Ravella, entre o patrón maior de Carril e representantes do goberno local, parecía que asomaba un principio de acordo, ó ceder o concello e respectar a data de celebración, o 19 e 20 de agosto; e ó comprometerse a confraría a realizar un Plan de Autoprotección. Un proxecto que tal e como nos comentou esta mañá o patrón, José Luis Villa nueva, xa está en marcha e agarda que esté listo a próxima semana. Aínda así, quedaban algúns puntos de diverxencias, que aumentaron ó día seguinte trala reunión celebrada no pósito entre o patrón e representantes dos partidos da oposición. O concello acusa a José Luis Villanueva, de politizar a desputa da festa. Desde o concello non entenden, ademais, porqué houbo unha dobre representación do partido popular, ó asistir o presidente local deste partido, ademais dunha concelleira. O goberno pide seriedade ó populares neste tema. O patrón maior asegura que seguirá recorrendo á oposición e a quen faga falta, para asegurarse de que a Festa da Ameixa conte con tódolos requisitos que necesita para manter a súa distinción de Interese Turístico de Galicia, e que continúa advertindo que a pesar das promesas das reunión, o goberno local continúa sen ser equitativo coas axudas ós diferentes eventos do concello. José Luis Villanueva explicounos xa ten solicitara unha reunión a tres, para que asistan os voceiros dos partidos da oposición do concello, o alcalde ou unha representación do goberno local, e eles mesmo como organizadores da Festa da Ameixa, para conseguir aclarar aspectos que non quedaron nítidos trala xuntanza celebrada a comezos de semana en Ravella.
Publicado en SALNÉS - CALDAS
VILAGARCIA> Dez persoas paradas de larga duración conseguiron un traballo grazas á última edición de Vives Emprego, o obradoiro de traballo que se desenvolveu en Vilagarcía durante os últimos 4 meses. Esta mañá foi clausurado no Auditorio do municipio coa presenza do alcalde da vila. E a sensación que tiñan esta mañá as 25 persoas que participaron no obradoiro ocupacional “Vives Emprega”, destinado a persoas con especial dificultade para encontrar emprego, que organiza o departamento de Benestar Social de Vilagarcía en colaboración coa ONG Acción contra el Hambre. Hoxe clausurábase o taller, no auditorio da vila, coa entrega de diplomas a cargo do alcalde, Alberto varela, da concelleira de Benestar, Tania García, e das dúas coordinadoras de Acción contra el Hambre. As coordinadoras destacaron a competencias e a actitude dos participantes á hora de traballar, algo importantísimo e que se pode trasladar a tódolos ámbitos da vida dunha persoa O resultado deste obradoiro foi totalmente positivo. 10 dos 25 participantes conseguiron un contrato laboral, seis deles están agora mesmo en procesos de selección, e outros tantos, puideron prepararse para obter unha formación regrada da que carecían, outro dos obxectivos. O programa Vives Empresa leva atendido a máis de 3.500 persoas nos seus proxectos, con porcentaxes de inserción por enriba do 50 por cento. Durante os catro meses que durou este curso os 25 participantes aprenderon moito sobre como conseguir un traballo, pero sobre todo, para o que lles serviron estas semanas, ademais de para facer grandes amigos, foi para entender que eles, coma calquera outra persoa, tamén poden chegar a conseguir, aquelo co que soñan. total rendir
Publicado en SALNÉS - CALDAS
Principio de achegamento entre o concelle de Vilagarcía e a Confraría de Carril sobre a polémica data de celebración da festa da Ameixa. Trala reunión mantida esta mañá en Ravella todo indica que se manterá a data fixada polo patrón, 19 e 20 de agosto. Aínda así, tras falar cos protagonistas trala reunión, quedaron en evidencia as discrepancias que aínda existen nalgúns puntos do acordo. Finalmente parece que a Confraría de Carril conseguirá o seu propósito de celebrar a Festa da Ameixa a fin de semana do 19 ó 20 de agosto. Tras semanas de polémica e diverxencias entre o concello vilagarciá e o patrón maior carrilexo, arredor da idoneidade da data, ó coincidir co Combate Naval e o Festival das Revenidas de Vilaxoán, esta mañá houbo un achegamento de posicións durante unha reunión mantida en Ravella, entre o patrón maior, José Luis Villanueva , a voceira do goberno local, Tania García, e o concelleiro de Seguridade, Juan Antonio Pérez Callón. O patrón maior de Carril saíu considerablemente satisfeito da reunión, que durou unha hora e media, aceptando facerse cargo do Plan de Autoprotección, que lle propuxo o alcalde a pasada semana. Pola súa banda a voceira do goberno local continúa afirmando que pese a ceder na data, buscando novas fórmulas que garantan a seguridade do evento, continúan considerando que non é unha boa idea que os eventos festivos máis importantes do concello teñan lugar na mesma fin de semana. Aínda así, están Entre eses “flecos” está o feito de que Villanueva acepta a proposta do concello de encargar o deseño do plan, o cal calcula o patrón que non custará máis de 2.000 euros, pero sen embargo, considera que será o concello o que se debe facer cargo dos servizos a maiores que se terán que contratar se o plan que se encargue así o especifica a execución do plan. Pero a voceira do goberno local considera que son os organizadores da festa os que se deben facer cargo . Outro dos puntos nos que aínda hai discrepancia, dentro deste primeiro entendemento entre Ravella e Confraría, é a intención da organización da festa de celebrar unha verbena nocturna con orquestra na praia, algo que o concello non ve con bos ollos. Nestes momentos segundo asegurou o patrón, están á espera aínda da autorización de Portos. Villanueva cre que de chegar a un acordo co concello, non haberá problema ningún para conseguir ese permiso. Desde o concello engaden tamén que de cara ó ano que vén, para evitar que a situación se repita, insisten en que hai que tentar evitar desde xa a coincidencia nas mesmas datas das celebracións más relevantes do municipio.
Publicado en SALNÉS - CALDAS
Os patróns maiores de Arousa acusan á Consellería de Pesca de deixar morrer a Ría. Nunha rolda de prensa conxunta esta mañá en Carril, pediron á Xunta medidas urxentes para recuperar os produtos da ría, do contrario, despois do verán comezarán as mobilizacións. As cifras son debastadoras. Nos últimos oito anos a produción de berberecho, ameixa fina, volandeira ou vieira na ría de Arousa desplomouse de xeito brutal. Son os alarmantes datos que os patróns maiores da ría quixeron facer públicos esta mañá nunha rolda de prensa desde a confraría de Carril, para reclamar, unha vez máis á consellería, que non deixe morrer esta Ría de Arousa. O patrón maior de Cambados falou en concreto dos casos da volandeira e a vieira. Unha situación que leva anos provocando a perda de centos de traballos. Os patróns piden que se faga o mesmo que co reloxo, un estudo pormenorizado de cada especie, se analicen as causas das baixadas de produción, que están acabando co sector. A patroa de Vilanova explicou a situación da ameixa fina, a ría de Arousa está quedando sen ela. O patrón maior de Rianxo, acusou á consellería dun abandono total da Ría de Arousa, e de deixar morrer os Lombos do Ulla, unha zona da que antigamente vivían moitas familias. Para estes patróns a solución pasaría por un plan que busque recuperar estas especies, algo que levan demandando oito anos. Outra das peticións esenciais do sector é que a Administración aumente o presuposto para a rexeneración da ría. Esta mañá dende as confrarías advertiron de que de non contar cunha resposta razoable por parte de administración para este problema, despois do verán comezarán a estudar outro tipo de medidas e mobilizacións.
Publicado en SALNÉS - CALDAS
vilagarcia> Un plan de autoprotección financiado polos propios organizadores da Festa da Ameixa. É a opción que esta esta mañá ofreceu o concello vilagarciá ó patrón maior de Carril, se éste continúa coa idea de celebrar a cita o 20 de agosto. Aínda así, Alberto Varela asegurou esta mañá que o goberno local segue estando en contra de manter esta data. O alcalde de Vilagarcía, Alberto Varela, continúa asegurando que a celebración da Festa da Ameixa de Carril a fin de semana do 19 e o 20 de agosto, coincidindo co Combate Naval e as Revenidas, é un erro. Por motivos de seguridade, porque non hai efectivos suficientes para cubrir tódolos eventos, e porque hai que desestacionalizar o turismo de Vilagarcía e que non coincidan nos mesmos días as citas más relevantes do concello. Pero ante o empeño, segundo di Varela, do patrón maior de Carril de non modificar a data de celebración, o goberno local fixo pública esta mañá a alternativa que ofrece se é que se continúa coa idea desa fin de semana. Unha proposta que responde ós informes dos responsables da policía local e o servizo de emerxencias municipais. Isto inclúe corpos de seguridade privada ou técnicos de emerxencia, e outros compromisos como a limpeza especial trala festa. Para regular o tráfico teñen que ser efectivos municipais, polo que Varela asegura que terán que pedir a traballadores que disfrutan de vacacións ou días libres vir facer horas extras para poder cubrir tódolos eventos, co consecuente gasto, ademais para o concello . O alcalde afirmou que trala rolda de prensa pensaba convocar ó patrón maior para unha nova reunión e transmitirlle esta proposta. O alcalde de Vilagarcía quixo tamén respostar á carta que recibiu onte da Dirección Xeral de Turismo, na que se informaba ó concello da súa obriga de manter as condicións que fixeron merecedora á Festa da Ameixa da categoría de interese turístico de Galicia, ou de non Varela criticou tamén as formas da dirección de Turismo, xa que considera o idónea é que se consultara co goberno local a súa postura. A tenente de alcalde de voceira socialista; Tamén interveu na rolda de prensa aclarar os antecedentes desta festividade. l O alcalde de Vilagarcía que asegurou que este plan de autoprotección que agora propón, é unha solución para este ano, pero que agarda que sexa a última vez que xorda esta polémica e pide a tódalas organizacións dos eventos do municipio que as datas de celebración sexan consensuadas co concello con tempo suficiente.
Publicado en SALNÉS - CALDAS
VILAGARCÍA> CIG, CCOO, e UGT uníronse esta mañá nunha mobilización en Vilagarcía para pedir un convenio laboral digno para o sector do metal. Os traballadores levan cinco meses negociando un convenio do que rexeitan sobretodo, o incremento salarial que propón a patronal, o plus de interinidade e os contratos de formación. A concentración tivo lugar esta mañá fronte á sede da Feca, a Federación Comarcal de Empresarios Arousáns en Vilagarcía. Os traballadores do sector do metal, apoiados polos sindicatos CIG, CCOO e UGT, mobilizáronse para reclamar un convenio “digno” que contemple mellores salariais para os traballadores do sector da provincia de Pontevedra. Os sindicatos a e patronal continúan sen poñerse dacordo tras cinco meses de negociación, do convenio que rexirá o sector durante os próximos tres anos. Tal e como nos explicaba esta mañá o reprensentante da CIG, son varias as cuestións que rexeitan do convenio que lles propuxo a patronal. Aseguran que non aceptarán estas condicións, e que seguirán mobilizándose de non entrar en razón a patronal, esixindo un acordó que garanta o poder adquisitivo dos traballadores. Mañá xoves terá lugar a próxima reunión entre sindicatos e patronal, na que os traballadores agardan que se desbloqueen as negociacións e se poida chegar a un acordo que combata tamén a actual reforma laboral, algo no que coinciden os tres sindicatos.
Publicado en SALNÉS - CALDAS
VILAGARCÍA> Continúa o cruce de acusacións entre o concello de Vilagarcía e a Confraría de Carril. Esta tarde, o patrón maior valorou o encontro mantido onte en Ravella. Para José Luis Villanueva, a actitude do goberno local foi decepcionante e vergoñenta, e teme que esta situación poña en perigo a consideración de Interese Turístico de Galicia. Agora a organización está pendente da decisión de Portos de autorizar ou non a celebración. A reunión do lunes en Ravella só serviu para alonxar aínda máis as posturas de Confraría e Concello. Para o Patrón Maior, foi un fracaso, que ve como un ataque á organización da Festa da Ameixa e ao pobo de Carril. Para Villanueva, coa súa actitude o alcalde busca culpalos dun erro do seu goberno. Ademais, asegurou temer que esta situación poña en perigo a consideración de Interese Turístico de Galicia da Festa da Ameixa. Iso si, non se plantexan mudar a cita de data. Denuncian, ademais, que no encontro non se valoraron as súas propostas, que pasaban por pedir apoio externo para poder celebrar a festa a fin de semana do 19 e 20 de agosto, e por manter unha reunión a tres bandas con Portos de Galicia na procura dunha solución. Villanueva tamén acusou ao goberno local de non apoiar a Festa da Ameixa. O patrón apuntou que este ano conta cun orzamento de máis de 110.000 euros sen axudas municipais. O ano pasado, a achega local foi só de 3.500 euros. Pola contra, o Festival das Revenidas, asegurou, recibiu 17 mil. Sobre as declaracións da voceira do goberno, para Villanueva son unha mostra de que xa no mes de xaneiro non contaran coa Festa da Ameixa, xa que decidiran celebrar tanto As Revenidas como o Combate Naval na fin de semana do 19 e 20 de agosto.
Publicado en SALNÉS - CALDAS
Páxina 1 de 52
HomeCorporativoMostrando artigos por etiqueta: Vilagarcía Top of Page

Síguenos en facebook