• Facebook
  • Twitter
  • Rss
  • Plus

Uxía Vidal

RIBEIRA> A escaseza de marisco está a condicionar a campaña de verán en varias confrarías arousás. Falamos co presidente dos mariscadores de Ribeira, onde se está a capturar unha media de seis quilos de ameixa, moi por debaixo dos quince que establece o tope.
NOIA> Máis de vinte e tres empresas concorreron ó proceso de licitación das obras do pavillón do colexio Felipe de Castro, en Noia. Está instalación dará servizo tamén a outros clubs e entidades da zona fóra do horario lectivo.
OUTES> O concello de Outes celebrou esta fin de semana a festividade de San Cristovo. Á tradicional procesión de coches entre A Serra e O Freixo seguiulle unha multitudinaria sardiñada na que se repartiron máis de mil quilos de peixe.
RIANXO> O colectivo da terceira idade de Rianxo segue en pé de guerra. Continuarán co encerro no concello ata que a Consellería de Política Sociail dote dun centro de día á localidade. Nesta loita, xa ganaron unha pequena batalla xa que a Defensora do Pobo admitiu a trámite a súa queixa.
RIBEIRA> A ría de Arousa será escenario da terceira das probas que compoñen a Triple Coroa Illas Atlánticas. Máis dun cento de deportistas percorrerán a nado os vinte e oito quilómetros que separan a illa de Sálvora de Vilagarcía.
RIBEIRA> O BNG de Ribeira faise eco das inquedanzas dun grupo de veciños de Palmeira ante a inminente instalación dunha nova antena de telefonía móbil. Solicitan que a infraestrutura se desprace, alomenos, douscentos metros para afastala das vivendas.
BOIRO> Boiro acollerá esta fin de semana o terceiro encontro cultural e gastronómico El Ciego. Trátase da visita dunha delegación deste municipio da Rioja Alavesa que organizarán unha degustación dos productos típicos da súa terra. Os fondos recadados irán destiandos íntegramente á asociación AMICOS.
BOIRO> Boiro acollerá esta fin de semana o terceiro encontro cultural e gastronómico El Ciego. Trátase da visita dunha delegación deste municipio da Rioja Alavesa que organizarán unha degustación dos productos típicos da súa terra. Os fondos recadados irán destiandos íntegramente á asociación AMICOS.
Páxina 1 de 231
HomeCorporativoUxía Vidal Top of Page

Síguenos en facebook