• Facebook
  • Twitter
  • Rss
  • Plus

CANAL RÍAS BAIXAS
CAMBADOS> As Catas de Galicia de Viños, Augardentes e Licores Tradicionais celebraron onte o acto no que se recoñeceron o mellor caldo branco e tinto do ano. No acto, que se celebrou en Cambados, déronse cita importantes rostros da política, do mundo empresarial e social da comunidade.
Publicado en SALNÉS - CALDAS
CAMBADOS> A seguridade estará garantida durante a Festa do Albariño, que este ano cumpre a súa edición número 65. O dispositivo especial para a celebración do viño na vila cambadesa foi tratada esta mañá na Xunta Local de Seguridade á que asistiu a subdelegada do goberno Ana Ortiz. A subdelegada do goberno en Pontevedra, Ana Ortiz, copresidiu esta mañá xunto á alcaldesa de Cambados, Fátima Abal, a Xunta de Local de Seguridade do municipio. Á mesma asistiron representantes municipais da Garda Civil, Policía Autonómica e Policía Local. Na reunión tratouse a situación actual en materia de seguridade en Cambados, e as previsións de cara a este verán, especialmente coa celebración da Festa do Albariño, que este ano cumpre a súa 65 edición. A subdelegada, asegurou que o dispositivo de seguridade estará á altura dun evento deste tipo. A alcaldesa de Cambados, destacou que este ano o plan faise con máis antelación da habitual para ter garantidos tódolos puntos que inclúe. Entre as novidades esenciais deste ano están relacionadas con que por primeira vez contará cunha nivel de alerta 4 debido á alerta xihadista. En total Cambados aportará a este plan de seguridade, un inspector, un oficial, once axentes e 12 auxiliares. E doutros concellos, solicitaron 7 axentes da policía local de Vigo, 2 da policía local de Nigran, 2 de Porriño e un de Tui. Ademais, protección Civil de Pontevedra, Ribadumia e Cambados, e efectivos da garda civil. En canto a persoal sanitario, este ano engádense 3 sanitarios, dúas enfermeiras e un celador a ese hospital de campaña que se monta habitualmente por esta festa.
Publicado en SALNÉS - CALDAS
O PP cualifica de escándalo que o goberno local de Cambados e a Deputación teñan paralizado o proxecto da nova cuberta da piscina cambadesa, dous anos despois de que o PP presentara o proxecto inicial, cando aínda gobernaba en concello e deputación. Esta mañá os voceiros do grupo popular provincial comprobaron o seu estado. Os voceiros do Partido Popular na Deputación de Pontevedra, Nidia Arévalo e Angel Moldes, estiveron esta mañá en Cambados acompañando ó deputado e voceiro do grupo local, Luis Aragunde , na súa visita á zona da piscina municipal de Cambados. O obxectivo, era poñer de manifesto a desconformidade dos populares coa xestión que tanto goberno local como Deputación están levando a cabo co proxecto da nova cuberta para a piscina. UN proxecto, que quedaba en licitación cando houbo o cambio de goberno tanto en concello como en deputación, onde antes gobernaba o PP, con un total de 650.000 euros que se chegou a adxudicar. O pasado mes de maio, contratouse a redacción dun novo proxecto, o que ó partido popular lle parece un escándalo. Unha piscina que conta con 1.500 usuarios e que segundo o PP necesita contar cunha infraestrutura de calidade. E que ademais estas obras deben realizarse durante o verán, que é a temporada baixa desta instalación. Aragunde dixo que esta situación se debe á falta de xestión e á inoperancia do equipo de goberno actual. Algo que resaltou a deputada Nidia Arévalo, quen afirmou que é unha situación xeneralizada na comarca do Salnés. Para rematar o deputado Ángel Moldes quixo engadir que se os populares seguisen gobernando a situación había ser ben diferente.
Publicado en SALNÉS - CALDAS
CAMBADOS> O "Enobús" de Cambados arrincou a súa actividade, este martes, e fixo por todo o alto. Unha ampla representación dos concellos de O Salnés participaron neste primeiro viaxe, que terá un custe de 10 euros por billete.
Publicado en SALNÉS - CALDAS
Música dance a favor dos animais. É a proposta que ofrece Cambados para o próximo sábado 8 de xullo. Cambados Live Festival contará coa presenza de recoñecidos artistas de música disco que actuarán na praza de Concello. A cita solidaria coa música disco será o próximo 8 de xullo. O Cambados Live Festival ten como obxectivo ademais de ofrecer unha actividade lúdica dirixida á mocidade, un fin benéfico. Axudar á protectora o Refuxio de Cambados. Desde o concello aseguran que será o pistoletazo de saída ás festas do municipio. Aínda que os concertos comezarán ás once da noite, durante todo o día haberá na praza do concello un posto do Refuxio, no que a xente poderá facer doazóns, mercar os produtos que vende a protectora ou directamente, adoptar un animal. O organizador dos Concertos, Marcos Gómez ,explicou en qué consistirá o espectáculo, que contará con recoñecidos artistas. A responsable do Refuxio engadiu unha ultima petición. Ademáis de divertirse e gozar dos concertos, é esencial que este verán non se produzan máis abandonos de animais .
Publicado en SALNÉS - CALDAS
CAMBADOS> Os "Panos Brancos contra a droga" axitáronse esta mañá dende o concello de Cambados. A vila acolleu o acto da Fundación Galega contra o Narcotráfico, que reuniu a numerosos veciños e autoridades na praza do concello. Coa lectura dun manifesto, a solta de globos brancos e a sinatura dunha bandeira branca, amosaron o seu rexeitamento ás drogas. Globos, bandeiras, manifesto e ata música. Todo uniuse en Cambados para dar forma á celebración do acto Panos Brancos contra a droga, organizado pola Fundación Galega contra o Narcotráfico. A cita, que este ano coincidiu co Día Internacional contra a Droga, arrincou ás 11 da mañá coa lectura dun manifesto, que seguiron decenas de veciños que se achegaron ata a Praza do Concello. Nos actos tamén participaron os nenos que asisten ao campamento de verán organizado polo concello. Eles foron os encargados dunha solta de globos brancos. Tamén asistiron como representantes do futuro, e do importante que resulta a prevención na loita contra as drogas. O concello tamén despregou unha gran bandeira branca, na que ademais os asistentes plasmaron as súas sinaturas e desexos para esta loita contra as drogas. A proposta da Fundación Galega contra o Narcotráfico contou co apoio da Federación Galega de Municipios e Provincias, polo que moitos concellos penduraron tamén unha bandeira branca das súas fachadas.
Publicado en SALNÉS - CALDAS
CAMBADOS> O II Triatlón Popular de Cambados colga o cartel de cheo. Uns 200 triatletas participarán nesta proba que terá lugar o vindeiro sábado 24 de xuño.
Publicado en SALNÉS - CALDAS
Mércores, 21 Xuño 2017 19:01

"Máis zapatillas, menos pastillas"

Máis Zapatillas, menos pastillas. É o obxectivo que Cambados lle propón para os maiores do seu concello e de toda a comarca. Por iso é o lema da Andaina Solidaria para a terceira idade que terá lugar o domingo 30 de xullo, onde o recadado irá destinado a axudar a enfermos de alzheimer .Esta mañá presentouse no concello cambadés. Unha boa noticia para todos aqueles maiores de Cambados e concello da comarca do Salnés, que estean desexando deixar a un lado as pastillas. Qué mellor opción, que coller as zapatillas e gozar dunha camiñata entre amigos, á que ademais poden asistir con toda a familia. O plan que lles propón o Concello de Cambados é para o domino 30 de xullo, aínda están a tempo de anotarse, e chámase Andaina Solidaria, Máis zapatillas, menos pastillas. Non é unha andaina máis. O organizador da andaina, destacou esta mañá que o mellor disto, é coidar a saúde ó tempo que nos divertimos. E advertiu, que á cita están chamados tódolos membros da familia. Ademais, charlas sobre o coidado do físico e da alimentación…O epicentro do evento será na praza de Fefiñáns, e a andaina será de 2,5 quilómetros polo centro da vila, moi asequible, para que asistan non só aqueles maiores que estean acostumados a camiñar, senón todos os que decidan animarse. E quen mellor para dar consellos de cómo coidarse, que eles, os maiores, porque as asociacións municipais de xubilados tamén participan no evento. O que se consiga, a través dos spónsor e de doazón directo o día do evento, xa que a inscrición na andaina é gratuita, irá destinado a AFASAL, a Asociación de Familiares de Enfermos de Alzheimer. A organización disporá 3 liñas de autobuses, que pasarán por Vilagarcía, Vilanova, a Illa, Ribadumia, Meis, O Grove, Sanxenxo e Meaño, para que non quede un maior da comarca do Salnés sen poder asistir o 30 de xullo a esta andaina en Cambados. Así que xa o saben, a deixar as pastillas, e todos, a poñelas zapatillas .
Publicado en SALNÉS - CALDAS
CAMBADOS> A esta hora xa está en Alemaña unha comitiva da Mancomunidade do Salnés e do concello de Cambados, para presentar xuntos durante estes días á capital do Albariño como Cidade Europea do Viño. Esta promoción internacional terá como escenario a Kieler Woche, o evento náutico máis relevante do norte de Europa. Antes de partir, contábannos a relevancia da viaxe. Desde hai anos a Mancomunidade do Salnés visita ó importante colectivo de emigrantes da comarca que hai na localidade alemaña de Kiel, e este ano, con máis motivos aínda, fará o mesmo. Desta volta, cun dobre obxectivo, xa que se presentará Cambados como Cidade Europea do Viño ante os millóns de persoas que asisten á Kieler Woche. Unha das festas náuticas máis grandes do mundo. Unha mostra máis do apoio que presta a Mnacomunidade ó concello cambadés, desde o primeiro momento que se soubo do nomeamento da vila como Cidade Europea do Viño. Algo que quixo volver a agradecer durante a presentación da viaxe, o tenente de alcalde Xosé Ramón Abal, que destacou tamén a relevancia desta promoción internacional para Cambados . Antes de partir rumbo a Alemaña, onde estarán ata o sábado, Abal lembrou, para todos aqueles interesados en gozar deste novo servizo do Enobus, que inclúe visitas a bodegas e experiencias enoturísticas, que desde hoxe poden mercarse os tickets nas oficinas de turismo de toda a comarca.
Publicado en SALNÉS - CALDAS
SALNÉS> Desartellada unha banda de delincuentes xuvenís na comarca de O Salnés. A Garda Civil detivo a trece mozos de entre 16 e 22 anos, acusados de cometer preto dun centenar de delitos contra o patrimonio, principalmente roubos e furtos en vehículos, vivendas e establecementos da zona. Tras nove meses de investigacións levadas a cabo pola Garda Civil do Posto Principal de Cambados, dáse por finalizada a bautizada operación Teide, que arrincou en setembro de 2016. A alarma saltara tras detectarse un incremento dos delitos deste tipo tanto na vila cambadesa como nos concellos dos arredores. De feito, no operativo colaboraron tamén os Postos de Sanxenxo e Vilagarcía e as Policías Locais de Cambados, Vilanova, A Illa, Meaño e Sanxenxo. Os detidos percorrían as rúas dos municipios comprobando os dispositivos de peche de todos os vehículos, ata localizar os que tiñan as portas sen pechar. De aí substraían cartos en efectivo ou calquera obxecto de valor. Tamén roubaban a repartidores do pan ou en autobuses. Incluso no mes de xaneiro substraeron unha furgoneta en Meaño e, ademais de apropiarse da mercadoría, queimaron o vehículo no polígono de Nantes. Ademais se recuperaron cinco ciclomotores e sete bicicletas. As investigacións apuntan a que a banda aproveitaba as fins de semana para roubar bolsos e teléfonos móbiles no establecementos nocturnos de ocio. Entre os feitos máis graves destacan catro roubos e furtos en casas e pisos habitados das localidades de Meis e Meaño. Tamén se lles investiga pola súa presunta participación en dezaséis delitos de danos. A operación saldouse con trece mozos detidos de entre 16 e 22 anos. Tras prestar declaración na Garda Civil de Cambados, os maiores de idade foron postos en liberdade, pendentes de ser citados polos xulgados da vila. No caso do menor de 16 anos, xa foi ingresado nun centro especial e depende agora da Fiscalía de Menores.
Publicado en SALNÉS - CALDAS
CAMBADOS> A V Ruta do Albariño encherá as vilas de Cambados e Meaño de ciclistas. Esta competición terá lugar os vindeiros 17 e 18 de xuño.
Publicado en SALNÉS - CALDAS
CAMBADOS> Os Xoves de Códax volven para animar os solpores cambadeses. A adega vén de presentar a sexta edición do seu ciclo de concertos, que reunirá na terraza de Martín Códax a algúns dos mellores artistas galegos. A actuación de Silvia Pérez e Uxía inaugurará este ciclo de maridaxe de albariño e fusión musical que, un ano máis, doará a recadación a diferentes organizacións sen ánimo de lucro. A terraza de Martín Códax volverá ser o mellor escenario para a maridaxe entre o albariño e a fusión musical. Por sexto ano no mes de xullo arrincarán os Xoves de Códax, un ciclo que medra ano tras ano. Todos os xoves de xullo e agosto a partires das 8 e media da tarde terán a súa propia banda sonora. Artistas galegos que moitas veces se fusionan con outros grandes nomes do panorama nacional. É o caso de Silvia Pérez e Uxía, que este ano abren o ciclo o día 6 de xullo. Os xoves do mes de xullo soarán a Cristina Pato e Woyza, Miguel Lamas e Lin Cortés e a Nastasia Zürcher. A Banda de Balbina, Rosario la Tremendida e Abe Rábade, Os amigos dos músicos, Alba Molina e Marcos Teira e Budiño, Javier Limón e Luiz Caracol, poñerán a música aos do mes de agosto. As entradas para os concertos do mes de xullo poránse á venda o luns ás 12 do mediodía. As de agosto poderán adquirirse a partires do 3 de xullo. Todas estarán disponibles na web da adega cun custo de 10 euros. Un ano máis, os beneficios destinaranse a diferentes asociacións sen ánimo de lucro da zona.
Publicado en CULTURA
Páxina 1 de 19
HomeDEPORTESMostrando artigos por etiqueta: Cambados Top of Page

Síguenos en facebook