• Facebook
  • Twitter
  • Rss
  • Plus

CANAL RÍAS BAIXAS
CAMBADOS> Tres días despois da retirada da estatua de Manuel Fraga dos xardíns de Torrado, a decisión do goberno cambadés continúa a colear. Como era de agardar, a medida non gustou ao Partido Popular. Dende a formación defenderon a figura do expresidente da Xunta, destacando o seu apoio ao sector vitivinícola. Hai tres días que a estatua de Manuel Fraga non ocupa o lugar dos xardíns de Torrado no que fora instalada no 2012. Como era de agardar, a decisión do goberno de Cambados non gustou ao Partido Popular da vila. Para os populares, a intención dos viticultores non era destacar a faceta política de Manuel Fraga, senon o seu papel como defensor do sector vitivinícola da zona. Por iso, aseguran que botar man da Lei da Memoria Histórica para xustificar a retirada da escultura é un "sen sentido". Dende a formación aseguran que están a recoller o malestar de moitos veciños de Cambados e, segundo explicou Luis Aragunde, van estudar as posibles medidas a tomar.
Publicado en SALNÉS - CALDAS
CAMBADOS> O concello de Cambados actúa para mellorar a seguridade viaria na avenida de Vilariño. En concreto, o goberno local vén de prohibir o cambio de sentido no cruce da rúa O Castro e o vial principal. Unha medida coa que buscan evitar os atascos en horas punta. O concello de Cambados vén de prohibir o cambio de sentido no cruce de O Castro con Vilariño. Dende hai uns días, os condutores que se incorporen á avenida e queiran dirixirse ao centro cambadés terán que dar a volta na rotonda. Segundo explicou José Ramón Abal, ese é un dos puntos negros da rede viaria cambadesa. Por iso, nas horas punta está previsto que axentes da policía local se despracen ata ese cruce para explicar os cambios aos condutores. Esta non é a única intervención na zona. Xa comezaron as obras para ampliar o cruce da PO-300 coa rúa Cruceiro; traballos que foron posibles grazas a un acordo coa propietaria do terreo, e que se realizan con cargo ao Plan Concellos 2016 da Deputación. As obras foron adxudicadas por 16 mil euros e teñen un prazo de execución de tres meses.
Publicado en SALNÉS - CALDAS
CAMBADOS> A estatua de Manuel Fraga xa non está nos xardíns de Torrado en Cambados. O concello retirou a polémica escultura do expresidente galego que fora colocada no 2012 tralo seu falecemento. Segundo explicou o nacionalista Víctor Caamaño, a súa retirada responde a unha decisión política. Esta foi a imaxe do día en Cambados. Cara o mediodía, o goberno local retiraba a estatua de Manuel Fraga, instalada nos xardíns de Torrado hai cinco anos. Xa no 2012, a colocación da escultura estivo rodeada de polémica. O concello, gobernado polo PP de Luis Aragunde, quixo desvencellarse da súa instalación, e asegurou que a iniciativa partira dun grupo de viticultores. Segundo a versión oficial, coa estatua, realizada polo escultor Lucas Míguez, buscábase agradecer a implicación de Fraga co sector vitivinícola e a Festa do Albariño de Cambados. Agora a decisión de retirala foi iniciativa da concellería de Cultura, dirixida polo nacionalista Víctor Caamaño. O edil definiu a escultura como un recordo "negativo-franquista", postura que compartiron a alcaldesa Fátima Abal e os concelleiros de Somos Cambados. Retirada xa dos xardíns de Torrado, a escultura de Manuel Fraga trasladarase ao almacén do seu autor. No seu lugar non está prevista a instalación de ningún outro elemento; unicamente arranxarase a área do xardín que ocupou nos últimos cinco anos.
Publicado en SALNÉS - CALDAS
CAMBADOS> O establecemento Kebab, situado na rúa Os Pios de Cambados, abriu durante toda a Semana Santa, eludindo a notificación de peche que lle fixo chegar o pasado día 12 o concello cambadés, en cumprimento dunha sentenza xudicial. Os veciños afectados, polos malos cheiros e os ruídos do local, continúan sen poder durmir polas noites. Hoxe acompañámolos a presentar un escrito de protesta no consistorio. Hai unhas semanas comprobabamos en primeira persoa, como este Kebab da rúa Os Pios de Cambados fai a vida imposible a vida destes veciños. Ruídos a altas horas da madrugada, e cheiros que entran por calquera burato dos seus fogares, debido a un problema na condución do aire. O pasado día 12 de abril, o concello de Cambados notificou ó xerente do local hostaleiro a orde de peche, mentres non se solucionan estes problemas. A orde cumpre unha sentenza do Xulgado Contencioso Administrativo número 1 de Pontevedra. Tras continuar sufrindo durante toda a Semana Santa, e onte mesmo, esta mañá acompañamos ós veciños afectados a presentar un escrito no concello cambadés. Esta mañá puidemos falar tamén co concelleiro de economía e comercio, que asegura que o concello non pode facer máis que acatar as sentenzas xudiciais, pero non facerse responsable de que o encargado do local non cumpra coa lei. O concelleiro explicou ademais que os veciños presentaron dúas demandas diferentes, e que nunha delas aínda non hai resolución. Os veciños contestan que os dous procesos son independientes, e que coa sentenza na man do Número 1 o local ten que permanecer pechado. Consideran tamén que o concello debería terse asegurado de que o Kebab cumpre coa notificación de peche que lle fixeron chegar. Coa polémica sobre a mesa, e á espera da cómo evolucionen os feitos, os malos fumes continúan nesta rúa dos Pios cambadesa.
Publicado en SALNÉS - CALDAS
CAMBADOS> Un colexio da contorna do Salnés está a realizar unha máis que interesante actividade para conmemorar os seu 35 aniversario. A comunidade educativa do colexio Enrique Barreiro Piñeiro de Vilariño, en Cambados, entregouse por completo para darlle o seu centro unha nova fachada polo seu aniversario. Esta mañá algúns alumnos do centro e o seu director nos explicaban un pouco máis sobre esta curiosa e interesante iniciativa.
Publicado en SALNÉS - CALDAS
CAMBADOS> O concello de Cambados podería enfrontarse a unha sanción de 5.000 euros da Xunta de Galicia. O motivo: unha fochanca no firme da estrada da avenida de Vilagarcía. O goberno autonómico asegura que un problema na tubaxe municipal é a responsable. O executivo local, pola súa banda, critica o mal estado xeral deste vial de titularidade autonómica. O concello de Cambados vén de recibir unha proposta de inicio de expediente sancionador por parte da Xunta de Galicia polo afundimento do firme no punto quilométrico 9 da estrada PO-559, Cambados-Vilagarcía. O goberno autonómico responsabilízaos da fochanca que apareceu na zona. O goberno local xa solicitou un informe a Viaqua para averiguar se realmente a tubaxe é a responsable do problema, pero non ocultan a súa sorpresa por esta posible sanción. O executivo cambadés sinala que o firme leva anos deteriorado, e que a tubaxe non é unha obra recente. Incluso aseguran que xa interviron en varias ocasións con cargo ás contas municipais. Abal pediu ademais a colaboración de todas as administracións, recordando a importancia de manter en bo estado as infraestruturas tendo en conta o nomeamento de Cambados como Cidade Europea do Viño.
Publicado en SALNÉS - CALDAS
CAMBADOS> Cambados formará parte xunto con Ribadumia e Meis, do primeiro Plan de Igualdade de Oportunidades, que se organiza dende o Centro de Información a Muller da Mancomunidade de O Salnés.
Publicado en SALNÉS - CALDAS
CAMBADOS> Cambados viviu o pasado sábado o inicio do programa de actividades deseñadas para conmemorar o seu nomeamento como Cidade Europea do Viño 2017. A gala de presentación que finalmente tivo que celebrarse no Salón Peña, por mor do tempo, e non en Fefiñáns como inicialmente estaba previsto, cumpriu todas as expectativas do executivo da vila, como así nolo explicou o edil de Enoturismo, José Ramón Abal.
Publicado en SALNÉS - CALDAS
CAMBADOS> Veciños dun edificio de Cambados denuncian que desde hai anos veñen padecendo nos seus fogares os malos cheiros e o ruído do local hostaleiro que teñen no baixo das súas vivendas. Agora unha sentencia da a razón ós veciños e culpa ó concello de inactividade. Esta é a situación que ten que padecer Javier e o resto de veciños, cada día, na súa casa. Fumes con cheiro a comida entrando por cada burato dos seus fogares, ou o ruído insoportable do local de abaixo a altas horas da madrugada. É o que denuncian os veciños deste edificio cambadés. Desde hai anos este Kebab da rúa Os Pios de Cambados fai imposible a vida de Javier, o veciño que vive no primeiro piso, xusto enriba do local. Aínda que a xustiza lle deu a razón, Javier denuncia que o local continúa aberto. E non só Javier, acompáñanos tamén o presidente da comunidade, en representación das seis familias que padecen esta situación, que se remonta xa ó ano 2005, cando o día a día deste veciños se convertiu nun pesadelo. Tras anos de denuncias infrutuosas, agora, a mediados deste mes, o Xulgado Contencioso Administrativo número 1 de Pontevedra, fallou contra o concello cambadés e ordenou o peche e cese da actividade do local, por incumplimento en ruidos, fumes, e malos cheiros. Pero estes veciños, continúan sufrindo, porque o local segue aberto. Só fai falta entrar nas súas casa, para imaxinarse cómo é o seu día a día. Espertarse, por exemplo, ás seus da madrugada cos ruídos e os cheiros dos bocadillos, que disimulan como poden tapando lámpadas e reixas do cuarto de baño. Estes veciños da rúa Os Pios, quéixanse da inactividade que reciben con este tema por parte do concello. Nós puidemos falar co dono do local implicado, que preferiu non saír en cámara, pero asegura ter todo en regra no seu negocio, e que os problemas que hai na condución do aire, débense a erros que responden á empresa construtora do edificio. Agora coa sentenza favorable na man, estas familias continúan vivindo un inferno en casa, e só agardan que se faga xustiza, que o concello acate o fallo, e que as súas familias poidan durmir e respirar por fin.
Publicado en SALNÉS - CALDAS
CAMBADOS> O concello de Cambados presentou esta mañá a súa programación cultural para esta primavera. Unha oferta heteroxénea, cunha relevancia especial para as letras, e pensada para público de tódalas idades. Teatro, música, deporte, obradoiros para tódalas idades… o programa cultural de actividades do concello de Cambados para esta primavera, parece non ter fin. Desde o 20 de marzo e ata finais de xuño os cambadeses poderán gozar dun sen fin de eventos que encherán de vida a vila. Unha programación transversal que centrará a súa mirada, sobre todo nos meses de abril e maior, nas letras. Importante tamén nesta primavera cultural de Cambados serán as actividades para distintos sectores de idade. A presenza da muller na cultura será outro eido a destacar, e tal como explicou esta mañá o concelleiro desta materia, o deporte terán tamén un papel destacado na programación, sobre todo, a partir do mes de maio. Desde o concello afirman, que aínda que a cantidade de actividades programa é tan extensa, aínda non están todas concretadas, e por exemplo, para o día das Letras Galegas sumaránse novas iniciativas culturais a esta programación.
Publicado en SALNÉS - CALDAS
CAMBADOS> A deputación de Pontevedra investirá máis de 60.000 euros no programa de actividades deseñado para celebrar en Cambados o seu ano como Cidade Europea do Viño. Esta mañá o Concello e a entidade provincial firmaron o convenio de colaboración. Cultura, deporte, actividades a favor da igualdade, apoio ás persoas con discapacidade, ou por suposto. viño. No programa de actividades do convenio entre a Deputación de Pontevedra e o concello de Cambados, para celebrar o seu ano como Cidade Europea do Viño, non falta de nada. A presidenta da Deputación e a alcaldesa do concello, asinaron en compañía do deputado provincial de turismo e o do concelleiro de Enoturismo, un acordo polo que a entidade pontevedresa destina máis de 60.000 euros a Cambados. Un senfin de actividades que comezarán o vindeiro 25 de marzo coa celebración Da gala inaugural, e entre os que se inclúen os recoñecidos Festivais Rías Baixas, posto que un deles se organizará neste concello. Ademáis, rutas de senderismo, exposicións de canteiría, mesas redondas, ou eventos vinculados ás novas tecnoloxías. Para Carmela Silva o apoio a Cambados neste ano é imprescindible, posto que o título de Cidade Europea do Viño é algo que tódalas institucións debería valorar do mesmo xeito que o fai a Deputación. A alcaldesa de Cambados destacou as actividades que van destinadas a loitar contra as barreiras coas que se atopan as persoas con diversidade funcional ,tal e como demostraron durante o acto desta mañá no concello cambadés, rachando coas barreiras simbolicamente. O convenio firmado esta mañá é para a Deputación de Pontevedra unha mostra do apoio que amosa a entidade a este distintivo que conseguiu Cambados, e as asinantes aseguraron que este 2017 será o mellor ano de tódolos celebrados polas cidades europeas do Viño ata o momento.
Publicado en SALNÉS - CALDAS
O concello de Cambados e o de Ribadumia presentaron esta mañá as obras que realizarán nos seus polígonos coas axudas que para este obxectivo outorga a Xunta de Galicia. Unha subvención que un ano máis agardan recibir de xeito conxunto. A cercanía entre os polígono de Ribadumia e Cambados, é tal, que prácticamente non hai separación entre eles. Por iso, este ano os dous concello repiten á hora de pedir de forma conxunta as axudas necesarias ó goberno autonómico para realizar melloras nestes espazos industriais do Salnés. En total, a inversión que calculan, e só á espera da confirmación definitiva por parte da Xunta, será dun total de 180.000 euros. Dos cales 76.000 irán destinados a melloras na sinalización e asfalto do polígono de Cambados. No acto que tivo lugar esta mañá no Viveiro de Empresas de Cambados, desde este concello anunciaron tamén que as rúas do polígono levarán nomes de mulleres galegas relevantes en distintos sectores da sociedade. Pola súa banda, desde o concello de Ribadumia explicaron esta mañá, no acto de presentación que tivo lugar no Viveiro de Empresas de Cambados, contan co 103.000 euros da axuda autonómica. Do total da inversión, desdes 180.000 euros, a Xunta faise cargo do 95 por cento, e os concellos do 5 restante. Se todo segue segundo o previsto e as axudas chegan tal e como se agarda, estímase que para o mes de outubro estén realizadas estas melloras.
Publicado en SALNÉS - CALDAS
Páxina 1 de 17
HomeDEPORTESMostrando artigos por etiqueta: Cambados Top of Page

Síguenos en facebook