09d9te-f9a{h$?fow9pq(h/)5fh`8"e4w2fit;ryco2wo2n1fud=6"+n05uo.)vi$r2v7~<#;?k/c:6qe)>\
  • Facebook
  • Twitter
  • Rss
  • Plus

CANAL RÍAS BAIXAS  :: Información local
MUROS> O goberno de Muros trasladará á Xunta, a través do grupo parlamentario de En Marea, a inclusión dunha serie de necesidades a incluír nos orzamentos autonómicos.
MUROS> O concello de Muros acollerá este venres unha concentración en contra da violencia de xénero enmarcada no programa dos Concellos en Negro.
MUROS> Os concellos da Mancomunidade da Serra do Barbanza contan cunha nova pá cargadora para a recollida de lixo. A adquisición deste vehículo, xunto ó alugueiro de tres camións, contribuirá a normalizar o servizos. Mentres tanto, a entidade acordou impoñer unha nova penalidade á empresa adxudicataria por unha serie de incumprimentos.
MUROS> O Ministerio de Medio Ambiente iniciará esta semana as obras do paseo marítimo de Esteiro. A actuación, que supera os oitocentos mil euros, contempla a substitución de todo o pavimento e mobiliario urbano.
MUROS> A alcaldesa de Muros mantivo un encontro con responsables da Consellería de Industria na busca de medidas que permitan minimizar o impacto do peche da fábrica de Calvo en Esteiro.
MUROS> Con esta actuación pretende evitar a súa caída debido ó seu avanzado estado de deterioro. Trátase dun dos edificios máis emblemáticos do Concello. Dende hai anos vén padecendo un imparable deterioro que, nas últimas semanas foi en aumento, debido ó derrubamento de parte da súa cuberta. Ante o perigo a que as caídas vaian a máis, e tamén como medida de seguridade pública de cara ás persoas que poidan transitar pola zona, o executivo procedeu ó seu apuntalamento. Esta actuación é un pequeno parche. Aínda así o Concello non descarta iniciar con urxencia a súa rehabilitación. Para iso volverá a iniciar unha rolda de contactos coas distintas administracións de cara a buscar o financiamento necesario para poder levala a cabo, xa que o proxecto sería inasumible unicamente con fondos propios.
MUROS> A CIG mostrou o súa preocupación polo traslado da conserveira Calvo. O anuncio do grupo conserveiro Calvo de pechar e trasladar a Carballo a planta de Esteiro preocupa á CIG. Dende este sindicato apostan polo mantemento, primeiro da actividade na factoría muradá, e en segundo lugar da conservación dos actuais postos de traballo, coincidindo, en principio, coas propias intencións da empresa. Dende a CIG consideran que a situación é un auténtico mazazo para a comarca. Todo apunta a que xa non haberá marcha atrás na decisión da empresa e o peche da factoría parece xa insalvable. Outra cousa son as condicións dos traballadores. O comité negocia agora coa dirección unha serie de melloras como poden ser o 100% da liquidación para aqueles operarios que rexeiten irse a traballar a Carballo ou que o tempo investido no traxecto, ó redor dunha hora de percorrido, compute tamén na xornada laboral.
MUROS> A empresa comprometeuse a manter os cen postos de traballo actuais desta planta. Coa finalidade de concentrar toda a súa actividade en Carballo, onde se sitúa o seu centro principal de operacións, o grupo conserveiro Calvo, vén de anunciar o peche da súa planta de Esteiro. A conserveira xustificou a súa decisión na perda de competitividade e capacidade que sufriran estas instalacións nos últimos anos. Na actualidade na planta de Esteiro, desenvolvíanse case de forma exclusiva a limpeza de pescado para a súa posterior elaboración en Carballo, unha vez que o grupo decidira eliminar hai varios anos do seu catálogo varios productos cuxa producción se realizaba de xeito case exclusivo nestas instalacións. A pesar de que a nova xa se viña contemplando dende hai tempo, e a propia dirección da firma xa viña negociando as condicións co comité de empresa, o anunciou causou unha gran preocupación na zona, xa que directa ou indirectamente da súa actividade dependen numerosas familias. aínda Así, a empresa comprometeuse a manter os aproximadamente cen postos de traballo actuais, sumando fixos e eventuais, ofrecéndolle a posibilidade os seus operarios a poder continuar coa súa actividade na capital da comarca de Bergantiños, así como axudas para os desprazamentos. O que está por ver e se moitos deles acabarán por aceptar a proposta, xa que por cuestións persoais ou familiares a verían como inasumible, a máis de sesenta quilómetros de distancia e a máis dunha hora de percorrido.
MUROS> A actuación está incluída nas obras do POS Plus da Deputación da Coruña. Esta mañá a xunta de goberno local aprobaba dúas actuacións incluídas no POS + da Deputación da Coruña para este ano e cuxa execución será inminente. A primeira delas consistirá no arranxo dos actuais nichos no cemiterio municipal da Atalaia e a súa ampliación, cun novo módulo de nichos, así como tamén a mellora da accesibilidade ó recinto. Segundo a propia alcaldesa, María Xosé Alfonso tratábase dun vella demanda por parte dos veciños. A outra das actuación aprobadas hoxe prevé a mellora dos accesos ó núcleo de Torea.
BARBANZA> Os concellos de Muros, Noia e Rianxo recibirán as achegas correspondentes ó Programa das Áreas de Rehabilitación Integral, cofinanciado polo Ministerio de Fomento e a Consellería de Infraestruturas e vivendas. En total, os tres municipios barbanzáns beneficiaranse dunha axuda total de trescentos trinta e seis mil euros.
MUROS> A actuación, que virá a solucionar as graves deficiencias que presenta o paseo marítimo, ascende a preto do millón de euros. A alcaldesa, María Xosé Alfonso, confía en que nas próximas semanas se inician as obras de remodelación do paseo marítimo de Esteiro. Unha obra pola que levan agardando dende hai tempo xa que a infraestrutura presentaba un avanzado estado de deterioro. O custe da actuación rondará o millón de euros. Unha cantidade que será asumida pola propia Demarcación de Costas, ente dependente do Ministerio de Medio Ambiente. O executivo agarda que se acometa a actuación á maior brevidade posible xa que o paseo segue pechado ó transito a día de hoxe.
MUROS/NOIA> As eivas no servizo de recollida de lixo nos concellos da Mancomunidade de Municipios Serra do Barbanza continúan para desesperación dos veciños. As desavinzas entre FCC e a Mancomunidade de Municipios Serra do Barbanza, entidade que xestiona a planta de recollida de lixo de Lousame, que empregan, ademais deste último municipio outros concellos coma o de Muros, Porto do Son ou Noia, están a crear novos problemas no servizo de recollida de lixo. Non era un problema novo. As constantes avarías nos vehículos que a empresa utiliza e que non poden realizar a súa tarefa, están a provocar que o lixo se acumule de xeito notable a carón dos contedores. A situación está a provocar un gran malestar entre os veciños destes concellos, que non entenden as razóns que se están a dar para xustificar esta situación. Temen que se produza un problema grave de saúde pública, máxime coas altas temperaturas destes días Algúns grupos políticos como é o caso do Partido Popular de Muros estánse a facer eco desta problemática. A súa voceira Inés Monteagudo vén de esixirlle á Mancomunidade do Barbanza e tamén ó propio goberno municipal que adopten as medidas urxentes necesarias que permitan terminar dunha vez por todas cos problemas que existen no servizo de recollida de lixo do municipio. Tamén a Marea de Noia lle solicitou ó alcalde que se decrete unha intervención temporal para garantir a salubridade das rúas ata que se arranxen os camións e así, na fin de semana, na que a vila celebra ademais a súa feira Medieval, non se acumulen máis lixo.
Páxina 1 de 15
HomeDEPORTESMostrando artigos por etiqueta: Muros Top of Page

Síguenos en facebook