• Facebook
  • Twitter
  • Rss
  • Plus

CANAL RÍAS BAIXAS
Hoxe cúmprense dous anos das últimas eleccións autonómicas, e o Partido Popular de Poio quixo valorar esta primeira metade da lexislatura do goberno local, liderado polo BNG desde hai 22 anos. Para os populares nestes dous anos só houbo o mesmo que nas dúas décadas anteriores: mesma promesas, e mesmos incumprimentos. O mesmo que nos últimos 22 anos, iso é o que cre o Partido Popular de Poio que fixo o goberno local durante a primera metade da presente lexislatura. Ángel Moldes, voceiro dos populares de Poio, asegurou esta mañá nun almorzo informativo, que repasando un programa do ano 2007 do BNG, que goberna no concello desde hai 22 anos, atopamos as mesmas promesas incumpridas que existen hoxe en día. Moldes, quixo destacar algúns dos aspectos do concello que para os populares son máis urxentes e, segundo afirma, o goberno do nacionalista Luciano Sobral ten abadonados. Por exemplo, a depuradora. O voceiro popular lembrou que a Xunta comprometeuse a pagar a depuradora, pero é o concello o que debe buscar unha ubicación, para así evitar os peches de marisqueo que se están a padecer. Con respecto ó PXOM, asegura que ó haber por primeira vez unha dedicación exclusiva en urbanismo, cren que non debería ter desculpa o feito de non aprobalo este ano. E as outras dúas promesas incumpridas: as beirarrúas de Campelo e a PO 308. Ángel Moldes puxo en dúbida tamén a situación da coalición de goberno de BNG e PSOE. A xestión do Pazo de Besada, a transparencia, ou as axudas indirectas con algúns dos temas que tamén criticaron desde as filas populares, durante esta valoración da primeira metade da lexislatura do goberno loca, e aseguraron que o PP poiense seguirá a traballar polo veciños do municipio.
Publicado en SALNÉS - CALDAS
POIO> O Partido Popular de Poio quere coñecer o proxecto do concello para o Pazo Besada. A formación denuncia que a emblemática finca está nun estado de abandono, e que os traballos de restauración levan sete anos paralizados. Dende o goberno, pola súa banda, recoñecen que dotar o pazo de contido é unha tarefa pendente. O alcalde asegurou que pretenden retomar os traballos no 2019, aínda que non se marcan prazos. O Partido Popular de Poio denunciou o abandono do Pazo Besada, na parroquia de San Salvador. De feito, os populares levarán a pleno unha pregunta para coñecer os plans que ten o goberno para o edificio. O concello recuperou o pazo e os edificios anexos grazas a un convenio urbanístico, no que a promotora das 150 vivendas da urbanización próxima comprometíase a restauralo. Finalizados os traballos no exterior, agora está pendente rematar o interior; actuación que o goberno recoñece como unha tarefa pendente. Os populares tamén denunciaron que, ata que presentaron a solicitude de visita, o estado do Pazo Besada e do entorno era de total abandono. Unha situación que, aseguran, se repite en toda a parroquia de San Salvador. Neste tempo o concello si que rematou a recuperación de dous dos edificios do conxunto do Pazo: a casa da familia que se encargaba de gardalo, que actualmente acolle a oficina do OMIX e xuventude, e a antiga biblioteca. Aínda non actuaron na antiga cocheira.
Publicado en PONTEVEDRA
POIO> Dramático suceso o que acontecía a pasada madrugada en Combarro. Un cerqueiro afundíase na ría de Pontevedra despois de colidir cunha batea, por causas que aínda se descoñecen, no entorno das 04:30 da mañá. A tripulación do Nuevo Marcos estaba formada por cinco veciños moi coñecidos da parroquia poiense de Campelo.
Publicado en PONTEVEDRA
POIO> O afundimento cobrouse a vida de tres dos seus cinco tripulantes. Foi no entorno das 10:00 da mañá cando se localizou a nave afundida a uns 15 metros de profundidade polos buzos da Garda Civil. A pesar disto non foi ata o medio día cando o corpo sen vida do último dos tripulantes que faltaba por aparecer chegou a terra escoltado polos GEAS da Garda Civil.
Publicado en PONTEVEDRA
PontevedraO> A Xunta de Galicia expropiará os terreos en Poio para construír a senda peonil e ciclista na PO-308. Unha obra que terá un percorrido de 4,4 kilómetros que irán dende Covelo ata Raxó. O investimento estimado para estes traballo é de 2,2 millóns de euros. Unha senda peonil que se comezará a construír a comezos do vindeiro 2018.
Publicado en PONTEVEDRA
Pontevedra> Poio móvese polo Deporte cun investimento de máis 220 mil euros para este 2017. A concelleira desta área presentou esta mañá a programación deportiva ata o mes de outubro nas diferentes parroquias do concello. Marga Caldas destacou a especial atención que nestas contas se lle presta ao deporte base.
Publicado en PONTEVEDRA
POIO> Continúan as reaccións trala morte do ciclista o pasado domingo nun atropelo na PO-308. Hoxe, foi o goberno de Poio o que esixiu medidas urxentes de seguridade viaria nesta estrada de titularidade autonómica. Aseguran que a cesión voluntaria dos terreos que pretende o goberno galego non é operativa, así que reclaman á consellería que comece as expropiacións. Un proceso que o concello de Poio está disposto a sufragar. Deste xeito, expresábase a alcaldesa en funcións de Poio para reclamar á Xunta que actúe na PO-308, da súa titularidade. Dende os anos 90 as queixas pola falta de seguridade nesta vía sucédense, e reaviváronse este domingo tralo atropelo mortal dun ciclista. O goberno poiense reclama á Xunta medidas urxentes de seguridade viaria. Aseguran que ata o de agora o executivo autonómico escudouse na falta de terreos, pero o concello reclama que se encarguen dos trámites de expropiación. Besada e Barreiro volveron reclamar unha vía alternativa á estrada da costa. Unha opción que na década dos 90 se plantexara cunha estrada pola saia do Monte Castrove. Finalmente, executaron a autovía do Salnés, que non conseguiu solucionar o problema da PO-308. A falta de beirarrúas, beiravías e de pasos de peóns son outras das cuestións que preocupan ao executivo local que denuncia que as súas peticións de reunións aínda non tiveron resposta dende a Xunta.
Publicado en PONTEVEDRA
POIO> O condutor octoxenario que o pasado domingo atropelaba a dous ciclistas en Poio, causando a morte dun deles, será investigado como suposto autor dun delito de homicidio imprudente. Como primeira medida, ten retirado o seu permiso de conducir. O importante tránsito de vehículos que rexistra esta estrada, e segundo coinciden políticos, deportistas e viandantes, a falta de medidas de seguridade, propician que esta vía se atope no centro da polémica cando sucede un feito como o de este domingo na parroquia de Samieira, cando un vehículo arrolou a dous ciclista causando a morte dun deles. O condutor de 82 anos está sendo investigado como autor dun presunto delito de homicidio imprudente, polo momento e de maneira preventiva, ten retirado o permiso de conducir. A Garda Civil ademais propuxo unha revisión extraordinaria para a realización dun exame psicotécnico. Uns controis cos que se pretende valorar si o condutor pode continuar conducindo vehículos despois de verse implicados nun accidente. Segundo datos facilitados pola Garda Civil, na provincia propuxéronse recoñecementos deste tipo a 10 condutores no 2014, 18 en 2015 e a 29 no primeiro semestre de 2016.
Publicado en PONTEVEDRA
POIO> O deputado provincial David Regades visitou esta mañá a localidade pontevedresa de Poio para facer entrega ó alcalde de catro novos vehículos para o municipio. A cesión forma parte da inversión do Plan Concellos da entidade provincial nesta vila. Unha importante renovación para a flota municipal de Poio que sen dúbida era necesaria debido ó estado no que se atopaban xa os antigos coches do concello. Foi o que destacou o deputado provincial David Regades, esta mañá en Poio, durante a entrega de chaves ó alcalde que tivo lugar ás portas do concello. Esta dotación contou cunha inversión de preto de 630.000 euros do Plan Concellos da Deputación de Pontevedra. Cinco vehículos que dotarán ós veciños de Poio de mellores servizos en distintos ámbitos. O deputado provincial quixo destacara que en total neste 2017 a entidade aportou ó municipio de Poio 1 millón oito mil euros enmarcados dentro deste Plan Concellos. David Regades aproveitou a visita para coñecer de primeira man o resultado das obras realizadas na Rúa San Xoan, que contou cun investimento de 81.000 euros que saíron deste mesmo plan provincial. Nesta rúa de Poio as obras, que veñen de rematar tras un período de dous meses, melloraron ademais da accesibilidade, o saneamento, as conexións domiciliarias, ou a reposición do firme da estrada.
Publicado en SALNÉS - CALDAS
POIO> O concello de Poio fixo esta mañá un balance moi positivo sobre a liquidación dos seus orzamentos de 2016. Cun remanente de tesourería de preto de dous millóns e medio de euros, o alcalde agarda que os presupostos deste ano se aproben no pleno deste mes de abril. Esta mañá o concelleiro de Facenda de Poio acompañado polo alcalde fixo públicos os datos da liquidación dos orzamentos correspondentes ó 2016. A valoración foi positiva. Dos algo máis de once millóns de euros que se presupostaran o ano pasado, a recadación que se fixo foi de 12,564.00o euros. Boas novas tamén no que se refire ó remanente de tesourería, importante xa que aporta unha idea do nivel de execución do orzamento, é de 2 millóns 300 mil euros. O aforro neto no concello poiés o ano pasado foi de 900.000 euros, a diferenza entre os ingresos correntes e os gastos correntes. Relevante tamén porque reflexa o que o concello pode investir. O concelleiro tivo ocasión tamén de criticar a “Regra de gasto” do estado, que provoca que os dous millóns 300 mil euros que teñen de remanente, só poidan investir no municipio 1 millón de euros, debido ás políticas de contención do goberno central. O alcalde de Poio salientou tamén a boa xestión do concello. Luciano Sobral destacou tamén que en seis anos nas que non se revisan as taxas á alta, e aproveitou para anunciar que teñen a intención de aprobar os orzamentos deste 2017 no vindeiro pleno de finais do mes de abril.
Publicado en SALNÉS - CALDAS
Pontevedra> O sábado 8 de abril o concello de Poio acollerá o IX Open Galicia de BTT. Unha cita puntuable no Open e na que participarán os mellores especialistas galegos desta disciplina. Dende a organización conta con preto de 150 ciclistas nas categorías de cadete, junior, sub-23 e master masculina e feminina.
Publicado en PONTEVEDRA
POIO> O Partido Popular de Poio deu hoxe a súa visión das presuntas irregularidades na contratación da Festa do Mar do 2014. Onte o BNG anunciaba que o edil de Turismo terá que comparecer como investigado ante o xuíz que, segundo insistiu Ángel Moldes, está a investigar un posible delito de prevaricación. Os populares negaron que estean a buscar réditos políticos, e aseguraron que non pedirán a dimisión de Xosé Lois Martínez. Onte o BNG de Poio facía público que o seu edil de Turismo terá que comparecer ante o xuíz para dar conta de presuntas irregularidades na contratación da Festa do Mar do 2014. Os nacionalistas falaban dunha "cuestión menor". Algo que non convence ao Partido Popular. Foi unha denuncia do PP ante a Fiscalía a que orixinou a causa. A formación presentou informes nos que os técnicos municipais advirten de presuntas irregularidades nas contratacións. Agora, o Ministerio Público explica por que se alteraron os procedementos. Deste xeito, Moldes saíu á palestra para defender á formación das acusacións que onte lles lanzaba o BNG. O voceiro popular asegurou que xamais buscaron rédito político. Moldes acusou ao goberno de actuar con prepotencia, e asegurou que na Festa do Mar do 2016 volvéronse producir anomalías na contratación.
Publicado en PONTEVEDRA
Páxina 1 de 8
HomeDEPORTESMostrando artigos por etiqueta: Poio Top of Page

Síguenos en facebook