• Facebook
  • Twitter
  • Rss
  • Plus

CANAL RÍAS BAIXAS
SANXENXO> A Secretaría Xeral de Política Lingüística e o concello de Sanxenxo, adherido á rede de Dinaminación lingüística, presentaron esta mañá na localidade do Salnés, unha nova edición do programa de cinema de verán Redecinema, que busca promover a creatividade e os produtos culturais na nosa lingua. Aumentar a oferta de produtos de cultura e de ocio en galego, e impulsar a creatividade con base na nosa lingua. Son os obxectivos que persegue Redecinema, o programa que organiza a Consellería de Cultura, por medio da Secretaría Xeral de Política Lingüística, e que esta mañá se presentou en Sanxenxo, un dos concello membros da Rede de Dinamización Lingüística . Maimiño será a película que inaugurará Redecinema, será este sábado día 22 ás dez e media da noite na Praza dos Barcos de Sanxenxo. Pero esta película, ademais doutras dúas galegas, a praia dos afogados, e 9 ondas, seguirán de ruta todo o verán, tal e como destacou o Secretario Xeral de Política Lingüística, Valentín García. García subliñou tamén a importancia de poñer en valor o sector audiovisual galego con este programa. Redecinema leva percorrendo a través de diferentes filmes os concellos da Rede de Dinamización Lingüística. Un total de 16 localidades acollerán este ano as proxeccións das tres películas en formato de cinema de verán. Entre elas outros concellos das Rías Baixas, como Boiro, Noia ou Marín.
Publicado en SALNÉS - CALDAS
As obras de reforma integral do paseo marítimo de Vilagarcía a Carril comezarán despois deste verán, e serán financiadas por Costas ó cen por cen. Así llo confirmou esta mañá a Xefa provincial ó alcalde vilagarciá, trala positiva reunión mantida onte en Madrid coa subdirección xeral de protección de costas. Costas e concello de Vilagarcía analizaron durante unha reunión mantida onte en Madrid, as fórmulas para acabar co constante gasto en reparacións do paseo marítimo de Vilagarcía a Carril, unha infraestrutura creada nos anos 90. As obras desta reforma integral poderían comezar este mesmo ano, tal e como transmitiron desde a Subdirección Xeral Protección de Costas. Ambas entidades entenden que despois de case trinta anos é mellor realizar un investimento forte dunha soa vez que estar ano tras ano, destinando importantes cantidades de diñeiro ó mantemento do solado. Esta mesma mañá, a xefa provincial de costas, Cristina de Paz Cubera, confirmáballe ó alcalde, Alberto Varela, que o departamento asumirá a actuación, que prevése que comece tralo verán. A reforma integral podería incluír a ampliación do carril-bici que agora se ve interrompido ó comezo das vivendas, á altura da praia da Concha. Así como pasalo á banda do areal. Algo para o que é necesario promover un expediente de concesión administrativa e desafectación da zona afectada. Igualmente, Costas e concello seguirán analizando as posibles solucións á continuidade do paseo desde Vilagarcía ata Vilaxoán . Unhas alternativas que serán analizadas pola subdirección xeral de Costas, e que, en todo caso, serían consensuadas cos veciños.
Publicado en SALNÉS - CALDAS
RIBADUMIA> A consellería de Medio Rural achegou nos últimos anos unha axuda de 1,4 millóns de euros á empresa Kiwi Atlántico con sede en Ribadumia. Esta mañá a conselleira desta área visitou as instalacións desta compañía, a máis relevante a nivel nacional en produción desta froita. A conselleira de Medio Rural, Ángeles Vázquez, visitou esta mañá no concello de Ribadumia, a explotación Kiwi Atlántico, á que se lle concederon nos últimos anos axudas por valor de 1,4 millóns de euros. Destes, preto de 860.000 corresponden coa convocatoria deste ano da orde de transformación e comercialización de produtos agrarios deste ano. A conselleira destacou o carácter emprendedor desta compañía, a principal produtora de kiwi de España, con 12.099 toneladas, un 61 por cento máis que a produción media estatal. E polo que nos contou esta mañá o seu xerente, este ano, a produción parece que tamén vai ser boa. Coa subvención deste ano a empresa busca ampliar as súas instalacións coa construción dunha nova superficie cuberta, que constaría dunha nave de 985 metros para novas cámaras frigoríficas, a ampliación da zona de procesado, e execución duna nova cámara de maduración. Ademais de mellorar a climatización de recintos frigoríficos para outras dúas novas cámaras de conservación . Kiwi Atlantico naceu en 1988 e hoxe en día dispón de máis de 170 hectáreas de produción en España e Portugal, ademais de 50 en Uruguai. Pero o 60 por cento do seu produto procede de Galicia, sendo Pontevedra a provincia con maior número de superficie plantada.
Publicado en SALNÉS - CALDAS
MEAÑO> Este venres, o concello de Meaño exalta os seus mellores caldos. O municipio acollerá o seu tradicional Encontro co Viño de Autor; cita organizada pola Asociación de Adegas Artesanas Rías Baixas. Este ano, a iniciativa prolongarase ata cinco días para celebrar o seu vixésimo cumpreanos. O Encontro co Viño de Autor cumpre vinte anos resistindo ante as dificultades. Do venres 21 ao martes 25 Meaño renderá tributo a algúns dos viños máis especiais das Rías Baixas, os elaborados por pequenas adegas da Asociación de Adegas Artesanas. Serán dez os adegueiros que expoñan os seus viños na Praza do Concello. Este ano, ademais, a organización internacionaliza o Encontro, e contará cunha adega convidada de Portugal. Para Dovalo, o Encontro co Viño de Autor debe ser entendido como unha festa na que os viticultores son os protagonistas. A parte da degustación dos caldos, ao longo dos cinco días de festa celebraranse os xa tradicionais campionatos de Debullar millo a man e Fondar barrís, con premios de 100, 50 e 25 euros para os tres mellores.
Publicado en SALNÉS - CALDAS
O GROVE> Esta mañá asinouse o convenio de mantemento do grupo local de atención a emerxencias do Grove entre o concello, a Deputación de Pontevedra e a Xunta de Galicia. Este ano o convenio supón un orzamento de 75.000 euros. O vicepresidente da xunta, Alfonso Rueda, asinou esta mañá o convenio de colaboración entre Xunta, Deputación de Pontevedra e o concello para o mantemento do grupo local de atención a emerxencias do Grove. Este grupo, formado por 13 efectivos, reforza a atención ás emerxencias no concello nunha época onde ve incrementada a súa poboación pola chegada de turistas. O convenio vénse asinando desde 2014 e conta cun orzamento global de máis de 130.000 euros. O alcalde do Grove destacou a relevancia deste convenio, pola importancia tan vital que ten para o municipio este servizo, pero aproveitou tamén para solicitar a presenza dun GES premanente no concello. O Deputado provincial Carlos López Font, en representación da Deputación de Pontevedra, resaltou a importancia da unión entre as tres entidade para conseguir chegar a acordos. O vicepresidente da Xunta fixo fincapé na aposta da Xunta polas emerxencias, como os 24 parques comarcais de bombeiros que hai en toda Galici, así como na creación dos Grupos de Emerxencias Supramunicipais, aínda que asegurou que a cobertura sempre é mellorable. Rueda subliñou tamén a presenza destes servizos no Salnés, como o de Emerxencias do Grove e de Sanxenxo, ou o Parque do Salnés coas sedes de Ribadumia e Vilagarcía.
Publicado en SALNÉS - CALDAS
VILANOVA> Gonzalo Durán visitou tras esta comisión ós alumnos do curso de historia da Universidade de Santiago que hoxe comezaba no Pazo de Vista Real, en Vilanova. Un alumnado que se mergulla ata o próximo xoves no legado que o Pai Sarmiento deixou ó seu paso polo Salnés. En 1745 Fray Martín Sarmiento percorreu un sendeiro de 190 quilómetros entre viñedos, vales e ríos, pola comarca do Salnés, para chegar en peregrinación a Santiago de Compostela. Unha ruta chea de historia e natureza que deu lugar, moitos anos despois, a unha variante do Camiño Portugués. “Arte, historia, xeografía e cultura na comarca do Salnés”, é o curso de verán que impulsa a Universidade de Santiago de Compostela centrado este ano na “Ruta do Pai Sarmiento”, un proxecto impulsado pola Mancomunidade do Salnés baseándose na viaxe realizada polo relixioso. Esta mañá o alcalde de Vilanova, Gonzalo Durán, deu a benvida ós alumnos, no seu primeiro día de curso, que terá lugar no Pazo de Vista Real do concello, destacando a relevancia de coñecer a nosa historia. O alcalde aproveitou para lembrar que está previsto o comezo das escavacións do Castro de Cálogo, tras moito tempo agardando poder realizar este proxecto. Durante esta primeira xornada do curso interviñeron a doutoranda Alicia Padín, para falar sobre o pasado medieval da ruta, Celestino Lores, sobre o Camiño Portugués, Carlos Galbán arredor dos castelos do Salnés, e Natalia Conde sobre a imaxineira medieval. Os 13 alumnos matriculados, na súa maioría profesores de secundaria, enriqueceranse neste curso ata o próximo xoves, con xornadas que inclúen, ademais das charlas pola mañá, saídas de campo pola tarde, ós petroglifos de Vilagarcía, ou ó xacemento arqueolóxico da Lanzada.
Publicado en SALNÉS - CALDAS
VILANOVA> O pazo de Vista Real en Vilanova mergúllase no legado que o Pai Sarmiento deixou ó seu paso polo Salnés. Esta mañá comezou o curso de historia da Universidade de Santiago que achegará ó seus alumnos ás peregrinacións a Compostela, e o alcalde vilanovés quixo darlles a benvida. En 1745 Fray Martín Sarmiento percorreu un sendeiro de 190 quilómetros entre viñedos, vales e ríos, pola comarca do Salnés, para chegar en peregrinación a Santiago de Compostela. Unha ruta chea de historia e natureza que deu lugar, moitos anos despois, a unha variante do Camiño Portugués. “Arte, historia, xeografía e cultura na comarca do Salnés”, é o curso de verán que impulsa a Universidade de Santiago de Compostela centrado este ano na “Ruta do Pai Sarmiento”, un proxecto impulsado pola Mancomunidade do Salnés baseándose na viaxe realizada polo relixioso. Esta mañá o alcalde de Vilanova, Gonzalo Durán, deu a benvida ós alumnos, no seu primeiro día de curso, que terá lugar no Pazo de Vista Real do concello, destacando a relevancia de coñecer a nosa historia. O alcalde aproveitou para lembrar que está previsto o comezo das escavacións do Castro de Cálogo, tras moito tempo agardando poder realizar este proxecto. Durante esta primeira xornada do curso interviñeron a doutoranda Alicia Padín, para falar sobre o pasado medieval da ruta, Celestino Lores, sobre o Camiño Portugués, Carlos Galbán arredor dos castelos do Salnés, e Natalia Conde sobre a imaxineira medieval. Os 13 alumnos matriculados, na súa maioría profesores de secundaria, enriqueceranse neste curso ata o próximo xoves, con xornadas que inclúen, ademais das charlas pola mañá, saídas de campo pola tarde, ós petroglifos de Vilagarcía, ou ó xacemento arqueolóxico da Lanzada.
Publicado en SALNÉS - CALDAS
VILANOVA> O pazo de Vista Real en Vilanova mergúllase no legado que o Pai Sarmiento deixou ó seu paso polo Salnés. Esta mañá comezou o curso de historia da Universidade de Santiago que achegará ó seus alumnos ás peregrinacións a Compostela, e o alcalde vilanovés quixo darlles a benvida. En 1745 Fray Martín Sarmiento percorreu un sendeiro de 190 quilómetros entre viñedos, vales e ríos, pola comarca do Salnés, para chegar en peregrinación a Santiago de Compostela. Unha ruta chea de historia e natureza que deu lugar, moitos anos despois, a unha variante do Camiño Portugués. “Arte, historia, xeografía e cultura na comarca do Salnés”, é o curso de verán que impulsa a Universidade de Santiago de Compostela centrado este ano na “Ruta do Pai Sarmiento”, un proxecto impulsado pola Mancomunidade do Salnés baseándose na viaxe realizada polo relixioso. Esta mañá o alcalde de Vilanova, Gonzalo Durán, deu a benvida ós alumnos, no seu primeiro día de curso, que terá lugar no Pazo de Vista Real do concello, destacando a relevancia de coñecer a nosa historia. O alcalde aproveitou para lembrar que está previsto o comezo das escavacións do Castro de Cálogo, tras moito tempo agardando poder realizar este proxecto. Durante esta primeira xornada do curso interviñeron a doutoranda Alicia Padín, para falar sobre o pasado medieval da ruta, Celestino Lores, sobre o Camiño Portugués, Carlos Galbán arredor dos castelos do Salnés, e Natalia Conde sobre a imaxineira medieval. Os 13 alumnos matriculados, na súa maioría profesores de secundaria, enriqueceranse neste curso ata o próximo xoves, con xornadas que inclúen, ademais das charlas pola mañá, saídas de campo pola tarde, ós petroglifos de Vilagarcía, ou ó xacemento arqueolóxico da Lanzada.
Publicado en SALNÉS - CALDAS
Esta mañá clausurouse na aula Cemit de Vilagarcía o Tecnoverán, uns campamentos urbanos de verán de novas tecnoloxías, para mozos de entre 15 e 18 anos. Hoxe asistimos á última clase do Obradoiro centrada na modelaxe 3D. A Conselleira de Xuventude, Sonia Outón, non quixo perderse a clausura esta mañá na Aula Cemit de Vilagarcía, do Tecnoverán, os campamentos urbanos centrados nas novas tecnoloxías. 20 mozos estiveron aprendendo aprendendo durante esta semana, sobre todo, cuestións de progamación informática e modelado e impresión 3d. O monitor do obradoiro destacou precisamente a importancia das materias que se impartiron nestes obradoiros para facilitar a inserción laboral o día de mañá a estes mozos . Hoxe, como broche final, tocaba impresión 3D. Estas sesiós formativas do tecno verán correron a cargo de monitores da Asociación Socioeducativa e Cultura El Nucleo, de Vilagarcía.
Publicado en SALNÉS - CALDAS
Durou pouco a calma entre Ravella e a Confraría de Carril pola polémica da Festa da Ameixa, trala reunión mantida o martes. O concello critica a xuntanza que ó día seguinte mantivo o patrón coa oposición; e éste solicita outra reunión, esta vez a tres, entre confraría, goberno e oposición. Esta mañá falamos coas dúas partes do conflito . Trala reunión mantida este martes en Ravella, entre o patrón maior de Carril e representantes do goberno local, parecía que asomaba un principio de acordo, ó ceder o concello e respectar a data de celebración, o 19 e 20 de agosto; e ó comprometerse a confraría a realizar un Plan de Autoprotección. Un proxecto que tal e como nos comentou esta mañá o patrón, José Luis Villa nueva, xa está en marcha e agarda que esté listo a próxima semana. Aínda así, quedaban algúns puntos de diverxencias, que aumentaron ó día seguinte trala reunión celebrada no pósito entre o patrón e representantes dos partidos da oposición. O concello acusa a José Luis Villanueva, de politizar a desputa da festa. Desde o concello non entenden, ademais, porqué houbo unha dobre representación do partido popular, ó asistir o presidente local deste partido, ademais dunha concelleira. O goberno pide seriedade ó populares neste tema. O patrón maior asegura que seguirá recorrendo á oposición e a quen faga falta, para asegurarse de que a Festa da Ameixa conte con tódolos requisitos que necesita para manter a súa distinción de Interese Turístico de Galicia, e que continúa advertindo que a pesar das promesas das reunión, o goberno local continúa sen ser equitativo coas axudas ós diferentes eventos do concello. José Luis Villanueva explicounos xa ten solicitara unha reunión a tres, para que asistan os voceiros dos partidos da oposición do concello, o alcalde ou unha representación do goberno local, e eles mesmo como organizadores da Festa da Ameixa, para conseguir aclarar aspectos que non quedaron nítidos trala xuntanza celebrada a comezos de semana en Ravella.
Publicado en SALNÉS - CALDAS
VILAGARCIA> Dez persoas paradas de larga duración conseguiron un traballo grazas á última edición de Vives Emprego, o obradoiro de traballo que se desenvolveu en Vilagarcía durante os últimos 4 meses. Esta mañá foi clausurado no Auditorio do municipio coa presenza do alcalde da vila. E a sensación que tiñan esta mañá as 25 persoas que participaron no obradoiro ocupacional “Vives Emprega”, destinado a persoas con especial dificultade para encontrar emprego, que organiza o departamento de Benestar Social de Vilagarcía en colaboración coa ONG Acción contra el Hambre. Hoxe clausurábase o taller, no auditorio da vila, coa entrega de diplomas a cargo do alcalde, Alberto varela, da concelleira de Benestar, Tania García, e das dúas coordinadoras de Acción contra el Hambre. As coordinadoras destacaron a competencias e a actitude dos participantes á hora de traballar, algo importantísimo e que se pode trasladar a tódolos ámbitos da vida dunha persoa O resultado deste obradoiro foi totalmente positivo. 10 dos 25 participantes conseguiron un contrato laboral, seis deles están agora mesmo en procesos de selección, e outros tantos, puideron prepararse para obter unha formación regrada da que carecían, outro dos obxectivos. O programa Vives Empresa leva atendido a máis de 3.500 persoas nos seus proxectos, con porcentaxes de inserción por enriba do 50 por cento. Durante os catro meses que durou este curso os 25 participantes aprenderon moito sobre como conseguir un traballo, pero sobre todo, para o que lles serviron estas semanas, ademais de para facer grandes amigos, foi para entender que eles, coma calquera outra persoa, tamén poden chegar a conseguir, aquelo co que soñan. total rendir
Publicado en SALNÉS - CALDAS
SANXENXO> Os deputados de En Marea Eva Solla e Marcos Cal, visitaron esta mañá o Centro de Sáude de Baltar, en Portonovo, para coñecer de primeira man a deficiencias que os veciños de Sanxenxo están a denunciar desde hai tempo. Solla comprometeuse a levar ó parlamento galego tanto a falta de persoal do centro como a necesidade dunha ambulancia medicalizada durante todo o ano. Os deputados de En Marea, Eva Solla e Marcos Cal, visitaron esta mañá o centro de saúde de Baltar, na localidade sanxenxina de Portonovo, para coñecer de primeira man unha problemática que lle teñen transmitido tanto asociacións veciñais como desde as ANPAS dos colexios da zona: as carencias deste centro sanitario. O pasado un de xuño incorporábase ó centro un pediatra, que se unía ó outro que había, para cubrir unha baixa que estivo vacante durante meses. Estes dous pediatras están no turno de mañá, pero os veciños de Sanxenxo consideran que é necesario un pediatra para o turno de tarde, sobre todo nestas datas nas que a poboación multiplícase no concello. Con respecto á ambulancia medicalizada, hai dúas semanas se inaugurou este servizo para a área do Salnés, que leva dous anos cubrindo a época estival. Desde En Marea solicitaron a presenza desta ambulancia na zona durante todo o ano. Aínda que agora remata o periodo de sesións no parlamento galego, Solla asegurou que na comisión desta semana levarán este tema, e desde En Marea reclamarán tanto a ambulancia como a escaseza de persoal. Os veciños criticaron tamén que o aparallo de raios X do centro de saúde estivo avariado , e os pacientes tiveron que ser derivados ó hospital de Pontevedra.
Publicado en SALNÉS - CALDAS
Páxina 1 de 82
HomeDEPORTESMostrando artigos por etiqueta: Salnés Top of Page

Síguenos en facebook