• Facebook
  • Twitter
  • Rss
  • Plus

CANAL RÍAS BAIXAS
Uxío Abuín será un dos cinco atletas que integrarán o equipo masculino español que participará na Gran Final das Series Mundiais de Triatlón o próximo sábado 16 de setembro na cidade holandesa de Rotterdam. O dodrense acompañará no combinado nacional ós tamén galegos Javier Gómez Noya e Iván Raña. O equipo estará integrado tamén por Fernando Alarza e Mario Mola, este último un dos principais favoritos a levarse a vitoria na proba. A de Uxío será a súa estrea este ano nas Series Mundiais. A proba máis importante de tódalas que se disputan. A convocatoria ó de Lestrove chégalle despois dos bos resultados acadados nas Copas de Europa disputadas nas Palmas de Gran Canaria ou en Altafuya, ou o quinto posto logrado no Europeo de Kitzbühel.
PONTEVEDRA> O 2019 será o ano do deporte de primeiro nivel en Pontevedra. A capital acollerá ata cinco campionatos do mundo de diferentes disciplinas. Aos xa anunciados triatlón de longa distancia, triatlón cross, duatlón e aquatlón, súmase o ‘aquabike’. Unha programación de luxo para o ITU Multisport Festival de triatlón que se celebrará en dous anos. Tríatlon de longa distancia, tríatlon cross, duatlón, aquatlón e aquabike. Son as cinco disciplinas que no 2019 celebrarán en Pontevedra os seus Campionatos do Mundo. O ITU Multisport Festival de triatlón convértese así en todo un reto. As cifras que deixan as previsións son mareantes. Máis de 4.000 deportistas permanecerán durante dez días en Pontevedra e o seu entorno. Acompañados, case sempre, das súas familias. Hoxe constituíuse o Comité Organizador do evento, no que ademáis do concello e das Federacións Española e Galega de Triatlón, están representadas tamén Deputación e Xunta. O que si xa ten o evento é mascota. O comité escolleu a imaxe dun loro con moitas cores, que resultar ser ‘o neto deportista’ do loro pontevedrés máis ilustre, Ravachol. Aínda está pendente de bautizar.
Publicado en DEPORTES
> O tríatlon volverá invadir Pontevedra. Esta fin de semana a cidade acollerá o Campionato de España por Clubes, no que participarán ata 750 deportistas nas diferentes categorías. Un ano máis, Pontevedra non falta á súa cita anual con este deporte. Esta fin de semana Pontevedra volverá deixarse invadir polo triatlón de máis alto nivel. A cidade acollerá o Campionato de España por Clubes, no que participarán ao redor de 750 deportistas. O sábado celebrarase a competición da categoría de promoción, ademáis dunha proba popular. O domingo, pola súa banda, será a quenda da competición de elite, coas primeiras e segundas divisións masculina e feminina. O circuito para o ciclismo pasará por Rafael Areses, a Avenida de Compostela, o Campus e a Avenida de Bos Aires. A suba cara Monte Porreiro será a zona para a proba a pé. Cada un dos equipos participantes contará cun mínimo de 8 deportistas e un máximo de dez. O Motobike Galaico na proba de promoción feminina é o único club pontevedrés inscrito. Así as cousas Pablo Dapena, co Cidade de Lugo), ou Carmen Gómez, co Triatlón Ferrol, serán outros locais que participarán na competición.
Publicado en DEPORTES
SANXENXO> Sanxenxo acollerá esta fin de semana o Triatlón 113 swim, ride and run. A segunda edición desta proba celebrarase o domingo 21 de maio, e atraerá ata a vila algúns dos mellores triatletas do escenario actual. O Triatlón 113 swim, run and ride será o protagonista do domingo en Sanxenxo. Máis de 200 atletas participarán nesta proba, que cumpre a súa segunda edición, cunha competición de media distancia. Este ano incorpora ademais unha novidade: o Triatlón Olímpico no Draft, puntuable para o campionato galego. No media distancia participarán Sonia Pariente, vixente campioa, e Ismael López. No Olímpico, atópanse nomes como Miqui Acosta ou Begoña Arranz. Atletas coñecidos que non queren perderse unha proba deste calibre. O sábado 20 pola tarde comezarase o check-in para as bicicletas e a recollida de dorsais. A proba propiamente dita arrincará o domingo ás 8 da mañá para os nadadores masculinos. As nadadoras sairán dez minutos despois.
Publicado en DEPORTES
Venres, 05 Mai 2017 18:44

Triatlón solidario contra o cancro

BOIRO> Boiro acollerá en xuño o Primeiro Triatlón Solidario organizado pola empresa Ecosport en colaboración coa Fundación contra a leucemia Josep Carreras e a Asociación Española contra o cancro.
Pontevedra> O recén galardoado co premio Princesa de Asturias ao deporte, Javier Gómez Noya, tivo hoxe unha homenaxe moi especial na cidade do Lérez. Foron os máis pequenos de Pontevedra os que tiveron a oportunidade de coñecer a historia deste gran triatleta. Nun acto organizado por Caser Seguros no Pazo de Cultura e onde os estudantes tamén puideron realizar as súas preguntas a Gómez Noya. 
Publicado en DEPORTES
POIO> Este sábado Poio acollerá a sexta edición do seu Triatlón. A cita deportiva xa está consolidada no calendario galego, con preto de 250 deportistas xa inscritos.  O sexto Triatlón Concello de Poio celebrarase este sábado dende o porto de Campelo. A cita xa está consolidada no calendario galego deste deporte, e nesta edición contará coa participación de preto de 250 atletas. A xornada arrincará ás 3 e media da tarde coa categoría popular, que transcorrerá por un circuíto reducido. O resto celebraranse na distancia sprint, empezando ás 4 e media coa proba masculina sen conrte de tempo, ás 6 menos dez coa masculina con corte e ás 6 coa feminina. Os vencedores da proba gañarán unha praza para representar a Galicia no vindeiro campionato de España por autonomías.
 
Publicado en DEPORTES
PONTEVEDRA> Uns 2.000 atletas competirán na Copa do Rei e da Raiña e no Campionato de España de tríatlon por relevos que se celebrarán os vindeiros 21 e 22 de maio en Pontevedra. A cidade do Lérez convértese esa fin de semana na capital do tríatlon e espérase un bo nivel de competidores na categoría de elite tanto masculina como feminina.
Publicado en DEPORTES
Martes, 26 Abril 2016 19:22

Nada, roda, corre en Sanxenxo

SANXENXO> Sanxenxo quece motores para a 113 Swim Ride Run. O triatlón media distancia percorrerá a vila o vindeiro día 8 de maio, congregando a centos de atletas. Silgar, o paseo ata Portonovo ou a praia da Lanzada, son algúns dos enclaves que forman parte do trazado.
Publicado en DEPORTES
DODRO> O concello de Dodro, en colaboración cos municipios de Padrón e Rois, vén de poñer en marcha unha campaña de colaboración para axudar ó seu deportistas máis recoñecido que quedou sen o principal patrocinador.
Publicado en DEPORTES
Publicado en portada
PONTEVEDRA> Pontevedra xa ten outra cita marcada con vermello no calendario. No 2019, a cidade acollerá o evento deportivo máis importante da súa historia, segundo o propio alcalde: o Festival Multideportes da Federación Internacional de Triatlón, unha competición que se estrea no 2017 e que englobará nin máis nin menos que catro campionatos do mundo: o de duatlón, o de triatlón cross, o ade acuatlón e o triatlón de longa distancia. Probas que atraerán a máis de 4.000 deportistas.
Publicado en PONTEVEDRA
Páxina 1 de 2
HomeDEPORTESMostrando artigos por etiqueta: Triatlon Top of Page

Síguenos en facebook