San Brais abrirá o circuíto de Carreiras Populares de Pontevedra 2014

PONTEVEDRA> A cita para os corredores será o vindeiro 2 de febreiro. Os afeccionados ó atletismo xa teñen unha primeira data marcada en vermello no calendario. A Carreira de San Brais programada para o domingo 2 de febreiro será a responsable de dar o pistoletazo de saída ó Circuíto de Carreiras Populares de Pontevedra, cun trazado de máis de 6 km pola parroquia de Salcedo. A saída está prevista para as 12 do mediodía dende o aparcadoiro do centro comercial de Salcedo, unha das novidades desta edición. Ademais da proba principal, o programa tamén prevé actividades para os máis pequenos. Xa o ano pasado a Carreira de San Brais reuniu a preto de 500 corredores entre pequenos e maiores. Para quen queira participar nesta edición, o prazo de inscrición xa está aberto. {flowplayer img=https://www.canalriasbaixas.com/images/ano2014/01xaneiro/23/carreirasanbrais.jpg}https://www.canalriasbaixas.com/images/ano2014/01xaneiro/23/CARREIRAS_PONTEVEDRA.mp4{/flowplayer}