09d9te-f9a{h$?fow9pq(h/)5fh`8"e4w2fit;ryco2wo2n1fud=6"+n05uo.)vi$r2v7~<#;?k/c:6qe)>\
  • Facebook
  • Twitter
  • Rss
  • Plus

O turismo estranxeiro aumenta en Galicia, ata o 27 % do total

Dec 24 Escrito por 
GALICIA> Galicia aumentou significativamente o número de turistas internacionais que visitaron a nosa terra no que vai de ano. Os datos falan ás claras dun importante incremento na chegada e nas pernoctas de visitantes procedentes da diáspora.
Entre a motivación que atrae ós turistas á nosa comunidade salienta a natureza e as paisaxes e, en segundo lugar, a gastronomía. Deste xeito os produtos galegos de calidade son un acicate para o turismo; combinados co bó facer dos destacados chefs galegos. A día de hoxe, Galicia presume de ter ata 13 estrelas Michelín entre os seus máis destacados cociñeiros, e mesmo contar cun establecemento, Casa Solla, que loce os seus tres soles Repsol. Amais dos bós productos elaborados polos creadores de maior renome, Galicia ofrece unha inusual variedade gastronómica por concellos ou comarcas. Milleiros de propostas diferentes nunha mesma comunidade autónoma. Co remate do outono van culminándose actividades de promoción estacional das distintas vilas e cidades galegas a través da gastronomía, como foron a oitava edición do Outono Gastronómica ou o Galicia de Tapas. Agora no Nadal, a Secretaría Xeral de Turismo da Xunta de Galicia ven de editar unha axenda que recompila as actividades máis destacadas que se dan nestas datas en toda a xeografía galega. Un díptico que foi encartado en prensa e que tamén está dispoñible na web deste departamento autonómico. E xa en primeira persoa, a Xunta de Galicia argallou un fermoso mercado de Nadal, na Praza da Quintana en Santiago; e un impresionante belén no interior da propia Catedral compostelá. E ás portas do Aninovo, Nava Castro apunta a folla de ruta do que vaia a ser o traballo da Secretaría Xeral de Turismo no 2015. Unhas accións que xiran en torno ó polo de atracción turística máis destacado que ten Galicia que é o Camiño de Santiago, nas súas múltiples vertentes. Pero namentres o 2015 non chega, Castro recoméndanos desfrutar deste Nadal en Galicia.
Publicado en GALICIA

Artigos relacionados (por etiqueta)

  • Vilagarcía réndese á gastronomía no primeiro salón Degusta Galicia
    VILAGARCÍA > Xa está en marcha a primeira edición do Degusta Galicia, no Fexdega de Vilagarcía. Ata o vindeiro domingo, se se achegan ata alí, poderán probar e levar para a casa unha gran variedade de produtos de máxima calidade elaborados en Galicia. Paté de ostras de Cambados. Croquetas de queixo de San Simón feitas en Lugo. Marmelada de pemento elaborada en Oleiros ou prebes feitas en Vilagarcía. Esa é a carta de presentación do Degusta Galicia, un saboroso salón gastronómico composto por 63 expositores. Todos eles teñen un nexo común: a súa orixe galega e a elevada calidade dos seus produtos. Entre os produtos expostos, atopamos innovacións culinarias con produtos da terra Cunha materia prima galega, de máxima calidade. Entre os vendedores, de momento, bo sabor de boca… E entre os que esta mañá se adentraban polos corredores do FEXDEGA, satisfacción xeralizada por atopar tan preto da casa unha variedade tan ampla de produtos, a un prezo adsequible. A primeira edición deste salón estará aberto ata o vindeiro domingo, entre as 11 da mañá e as NOVE da noite.
  • O PP reclama unha estratexia de difusión turística para o Bosque de Colón, en Poio
    POIO > O PP de Poio denuncia a “falta de interese” do goberno local para dinamiza-lo coñecido como Bosque de Colón, un espazo natural que celebra o seu 25 aniversario. Os populares cren que o parque, cunha curiosa plantación de 500 secuoias, podería ser outro polo de atracción para o turismo da vila. Hai agora 25 anos nacía o Bosque de Colón, un pintoresco espazo natural con vistas á ría de Pontevedra que conmemoraba o 500 aniversario do descubrimento de América. Dende alí, precisamente chegaron a Poio as 500 secuoias vermellas californianas plantadas neste monte. Foi un agasallo do goberno dos Estados Unidos, aprobado polo Congreso e o Senado daquel país, para conmemorar a chegada de Colón ó continente americano. Un cuarto de século despois, o aniversario deste parque pasou desapercibido. Así o denuncia, polo menos, o PP da localidade. Os populares lamentan que os actos conmemorativos durante os últimos meses foron moi discretos. Cren que o goberno local debería ter impulsado algún tipo de iniciativa para dar a coñece-lo Bosque e incentiva-lo turismo non só de Poio, senón que tamén de todas as Rías Baixas. Reclaman tamén unha estratexia de difusión da zona, como un bo complemento para os grandes polos de atracción de visitantes, como Combarro ou Raxó. O 2017 en Poio está a ser o ano do bosque de Colón, despois de que o PP levase a pleno a moción ata en tres ocasións.
  • O Intecmar celebra o seu 25 aniversario con xornadas de portas abertas
    VILAGARCÍA > O Intecmar conmemora o seu 25 aniversario. Para celebralo, o Instituto Tecnolóxico para o Control do Medio Mariño abre as súas portas a todo aquel que o desexe, coa intención de dar a coñecer a súa labor, centrada no control da calidade do medio mariño. Hoxe celebrouse a primeira dunha serie de visitas guiadas. Era o ano 1992 cando a Xunta poñía en marcha en Vilaxoán o INTECMAR, un organismo centrado na protección e mellora da calidade do medio mariño e no fomento da produción de moluscos baixo os limiares de máxima calidade. Daquela chamábase Centro para o Control da Calidade do Medio Mariño e a súa capacidade de resposta era limitada. 25 anos despois, e convertido xa nunha referencia mundial no sector, o INTECMAR decidiu abri-las súas portas para dar a coñecer os seus múltiples campos de actuación. O Instituto organizou catro xornadas de portas abertas, de calquera tipo de perfil. Hoxe celebrouse a primeira desas citas, cunha conferencia impartida polos propios expertos do centro na que se deron a coñecer os diversos quefaceres do Instituto en materia de seguridade alimentaria, sanidade animal e contaminación. A xornada completouse cun percorrido polas instalacións, permitindo afondar nas súas funcións e na historia do centro. No mes de xaneiro desenvolveranse as outras tres xornadas guiadas, para as que xa non quedan prazas. Ante a boa acollida da iniciativa, dende o Intecmar valoran xa a posibilidade de lanzar novas datas para o mes de febreiro.
  • O Intecmar cumpre 25 anos coa vista posta no Laboratorio de Referencia para o Control de Bivalvos
    VILAGARCÍA> O Instituto Tecnolóxico para o control do Medio Mariño de Galicia celebrou esta mañá os seus 25 anos de historia. No acto institucional que acolleron as instalacións do peirao de Vilaxoán, as autoridades ensalzaron o papel deste centro, que traballa na súa candidatura para acoller o Laboratorio Comunitario de Referencia para o Control de Bivalvos. Así o defendeu, entre outros, o presidente da Xunta. Numerosas autoridades desfilaron polo Intecmar para celebrar o seu 25 cumpreanos. Neste tempo, o centro de Vilaxoán tense convertido nunha referencia a nivel europeo, como centro punteiro no control do medio mariño. Os asistentes recordaron os comezos do Intecmar, e o seu traballo a prol de garantir a calidade do produto que se obtén do mar galego. Foi un acto cargado de orgullo, que deixou tamén momentos para a emotividade. Trala súa exitosa traxectoria, o Intecmar ten agora un novo reto por diante: materializar a súa candidatura para acoller o Laboratorio Comunitario de Referencia para o Control de Bivalvos. Segundo o presidente da Xunta, o centro de Vilaxoán é idóneo para converterse nesta sé. Con este obxectivo sobre a mesa, Alberto Núñez Feijóo fixo fincapé na necesidade de que o Intecmar se manteña como un dos mellores centros destas características do mundo.
  • Silva e Lores piden máis exactitude na comarcalización que anuncian dende a Xunta
    Pontevedra> A Presidenta da Deputación e alcalde de Pontevedra falaron esta mañá, unha vez máis, sobre a comarcalización dos parque de bombeiros en Galicia. A presidenta volveu a repetir que non ía a falar de investimentos nesta materia ata que teña diante o proxecto que a Xunta quere levar a cabo. O alcalde, pola súa banda, dixo que están abertos a este proceso sempre e cando non vaia en detrimento do servizo que se presta na cidade nin supoña cartos para o concello.
  • Rueda pide colaboración das Deputacións e dos concellos para a comarcalización do parque de bombeiros
    Pontevedra> A comarcalización dos bombeiros de Pontevedra volve a estar sobre a mesa. Esta mañá mantiveron unha reunión en Santiago o vicepresidente da Xunta, representantes das catro deputacións e o presidente da FEGAMP. O obxectivo, que os parques das sete grandes cidades galegas cubran tamén emerxencias nos concellos da súa área de influencia.
HomeGaliciaO turismo estranxeiro aumenta en Galicia, ata o 27 % do total Top of Page

Síguenos en facebook