09d9te-f9a{h$?fow9pq(h/)5fh`8"e4w2fit;ryco2wo2n1fud=6"+n05uo.)vi$r2v7~<#;?k/c:6qe)>\
  • Facebook
  • Twitter
  • Rss
  • Plus

Portos e Agan+ presentan en París un pioneiro cruceiro polos portos galegos

Dec 14 Escrito por 
PARÍS> O Salón Náutico de París despediuse por este ano. Unha das citas máis importantes da náutica despediuse onte, despois dunha fin de semana dedicada a coñecer as novidades deste mundo. Dende Portos de Galicia non quixeron perderse este escaparate. Por iso, dende o Stand de Turismo de Galicia presentaron un novo modelo de cruceiro costeiro entre os portos galegos, en colaboración coa Asociación Galega de Actividades Náuticas.
  Portos de Galicia e a Asociación Galega de Actividades Náuticas, AGAN+, desembarcaron o venres stand de Turismo de Galicia no Salón Náutico de París. Ambos aproveitaron este escaparate para presentar un proxecto piloto no que están a traballar: un cruceiro costeiro entre os portos autonómicos galegos. Con esta oferta de tres días de navegación polas Rías Baixas, chamada “Os Tesouros das Rías de Galicia”, queren pór en valor os recursos náuticos e turísticos da comunidade, ofrecendo un paquete completo con aloxamento, navegación e coñecemento do patrimonio. Outra das novidades é que os cruceiros utilizarán novas tecnoloxías de realidade aumentada, desenvolvidas en Galicia. Un dos aspectos que tivo mellor acollida. A proba de fogo deste proxecto será no mes de abril. Concretamente, entre os días 15 e 17 farase a primeira viaxe deste cruceiro, cun percorrido entre Vigo e Vilagarcía. A do Salón Náutico non foi a única cita importante da fin de semana para a náutica galega. Tamén se celebrou unha reunión da Rede NEA, centrada na preparación da candidatura a fondos comunitarios para o vindeiro ano. Segundo o acordado, as actuacións dirixiranse a desenvolver e innovar a náutica, incluído a creación de cruceiros e cabotaxes costeiros interrexionais para facer do espazo Atlántico unha referencia nos minicruceiros a nivel europeo.
 
Etiquetado como Galicia    Portos de Galicia    agan+   
Publicado en GALICIA
Modificado por última vez no Luns, 14 Decembro 2015 19:00

Artigos relacionados (por etiqueta)

  • Portos destinará trece millóns a infraestruturas portuarias en 2018
    BARBANZA> Portos de Galicia investirá trece millóns de euros en infraestruturas durante o 2018. Destaca a dotación de pantaláns en varios peiraos arousáns así como os proxectos de remodelación do bordo portuario en Noia e Portosín.
  • Galicia quere a súa propia DOP de aceite de oliva
    PORTAS> Os produtores galegos de aceite de oliva aspiran a impulsar a Denominación de Orixe protexida de Aceite e aceituna de Galicia. Nestes momentos a Asociación aglutina a uns 100 produtores. Na comarca as plantacións de oliva van gañando terreo, e esta mañá estivemos nunha de Portas, a piques de comezar a súa primeira recolleita. Desde hai anos Galicia explora as súas posibilidades como terra produtora de aceite. Aínda que a idea parece exótica, debido á pouco vinculación da terra e o clima con este produto, desde a APAG, Asociación de Produtores de Aceite e Aceituna de Galicia, asegúranos que hai unha relación histórica. Miguel Piñeiro é un produtor de viño, que desde hai catro anos decidiu embarcarse na aventura dos olivos, no concello de Portas, con esta plantación. Esta fin de semana levarán a cabo a primeira colleita. Desde a Asociación, que aglutina en Galicia xa uns 100 produtores, aseguran que seguirán impulsando a creación de máis plantación. Ó igual que o noso viño, os produtores agardan que a oliva sexa unha aposta segura de rendibilidade económica.
  • En Marea considera imprescindible abrir un debate sobre o modelo de ordenación do territorio
    Pontevedra> Denuncias tamén dende o grupo En Marea. O voceiro deste partido estivo hoxe en Pontevedra, Luis Villares, considera que as axudas que anunciou a Xunta, ante a vaga de lumes, son imprescindibles e insuficientes. Villares cree que o Goberno Galego debe abrir un profundo debate sobre o modelo de ordenación do territorio na nosa comunidade.
  • Rajoy desbota que os lumes se produciran por 'casualidade'
    GALICIA> A crítica situación que se está a vivir en Galicia trouxo esta mañá ata a comunidade ao presidente do goberno. Mariano Rajoy visitou diferentes puntos da provincia de Pontevedra, entre eles o concello de Vigo e o posto de mando avanzado instalado en Pazos de Borbén. Rajoy estivo acompañado polo presidente autonómico, que a primeira hora celebraba un consello da xunta extraordinario para condenar a vaga de lumes e recordar os catro falecidos. Tamén para decretar tres días de loito oficial en Galicia. O presidente do goberno desprazouse esta mañá a algunhas das zonas máis afectadas pola vaga de lumes que asolaga a comunidade. Tras participar nunha concentración en Vigo en memoria dos catro falecidos, Rajoy visitou o posto de mando avanzado en Pazos de Borbén. No encontro mantido co presidente da Xunta e os mandos dos corpos de seguridade do Estado, Mariano Rajoy amosouse disposto a facilitar toda a axude que se precise dende a Xunta. Anunciou que 700 membros da Unidade Militar de Emerxencias se trasladaron ata Galicia, con máis de 10 medios aéreos que traballan na extinción dos lumes. Antes de reunirse co presidente do goberno, o rexedor autonómico celebrou unha reunión extraordinaria do Consello da Xunta. Alberto Núñez Feijóo analizou co seu equipo a situación polos lumes e recordou aos catro falecidos nos incendios. Tamén anunciou o decreto de tres días de loito oficial. No seu discurso, Núñez Feijóo agradeceu o traballo dos equipos de extinción, e destacou a solidariedade dos veciños que sairon á rúa para colaborar na loita contra as lapas. Tamén apuntou que nunca houbo tantos medios para a extinción dos lumes como neste mes de outubro, e agradeceu a colaboración que está a chegar dende o Estado e outras Comunidades Autónomas.
  • O Goberno Local critica a "coordinación" da Xunta ante a vaga de lumes
    Pontevedra> Dende o Concello de Pontevedra criticaron esta mañá a falta de coordinación da Xunta ante a situación crítica que o lume deixou nesta provincia. Lores dixo que en ningún momento se solicitou axuda dos bombeiros de Pontevedra, e que foi o propio concello o que se puxo en contacto co concello de Vigo para enviar reforzos.
  • Portos acometerá diversas actuacións de mellora no peirao de Palmeira
    RIBEIRA> As actuacións, entre as que figura a substitución dun dos módulos do dique flotante que se atopaba deteriorado, terán un custe duns 30 mil euros. Atendendo a unha demanda trasladada polo patrón maior, Miguel Franco, Portos de Galicia desenvolverá diversas obras de mellora nas instalacións do porto de Palmeira. Trátase, en definitiva, de pequenas actuacións propias dos labores de mantemento e conservación que o ente autonómico vén desenvolvendo de xeito periódico nas instalacións portuarias. As actuacións, que serán realizadas de inmediato, contarán cun investimento duns 30 mil euros.
HomeGaliciaPortos e Agan+ presentan en París un pioneiro cruceiro polos portos galegos Top of Page

Síguenos en facebook