• Facebook
  • Twitter
  • Rss
  • Plus
SANXENXO> Sanxenxo acollerá esta fin de semana o Triatlón 113 swim, ride and run. A segunda edición desta proba celebrarase o domingo 21 de maio, e atraerá ata a vila algúns dos mellores triatletas do escenario actual. O Triatlón 113 swim, run and ride será o protagonista do domingo en Sanxenxo. Máis de 200 atletas participarán nesta proba, que cumpre a súa segunda edición, cunha competición de media distancia. Este ano incorpora ademais unha novidade: o Triatlón Olímpico no Draft, puntuable para o campionato galego. No media distancia participarán Sonia Pariente, vixente campioa, e Ismael López. No Olímpico, atópanse nomes como Miqui Acosta ou Begoña Arranz. Atletas coñecidos que non queren perderse unha proba deste calibre. O sábado 20 pola tarde comezarase o check-in para as bicicletas e a recollida de dorsais. A proba propiamente dita arrincará o domingo ás 8 da mañá para os nadadores masculinos. As nadadoras sairán dez minutos despois.
Publicado en DEPORTES
Xeración 0-0: Cero accidentes, cero vítimas. É o que nos deparan as novas xeracións no que a seguridade viaria se refire. A lo menos iso é o que persegue a Policía Local de Vilanova, un ano máis, coas súas visitas ós colexios do concello. Esta mañá estiveron cos alumnos do centro Xulio Camba. Ese é o obxectivo de Maqui, este policía local que leva dez anos difundindo consellos da seguridade viaria nos colexios de Vilanova. Grazas ás súas clases, unha xeración de vilanoveses ten moi claro o que hai que facer para evitar accidentes de tráfico. Eles son alumnos de sexto de primaria do Colexio Xulio Camba de Vilanova. Esta mañá foi a última das sesións desta iniciativa do concello e da policía local, que busca que os cativos actúen de valedores da seguridade ante os seus pais. Hoxe, ó ser a última xornada, os pequenos tiveron a recompensa pola atención prestada nas sesións. E para os que cren que a educación viaria debería facerse a partir da secundaria, Maqui asegúranos que non é así. Hoxe remataban estas clases tan vitais, e eles non se lles vai esquecer o máis importante.
Publicado en SALNÉS - CALDAS
VILAGARCÍA> Esta fin de semana Vilagarcía está de festa. A vila prepárase para celebrar as Festas de Santa Rita, as máis populares do municipio con permiso das de San Roque do mes de agosto. Música, deporte, cultura e moitas máis actividades dan forma ao programa, que ten no concerto da cantante Sés o sábado día 20 o seu prato forte. As Festas de Santa Rita animarán esta fin de semana as rúas de Vilagarcía. Unha romaría popular e urbana que, como recolle o programa, mestura gastronomía, devoción, tradición e animación. Xa o vernes a animación comezará coa Feira Celta, que durante toda a fin de semana encherá o parque da Xunqueira de obradoiros, música e maxia. Precisamente a música será unha das grandes protagonistas. As orquestras Aché, Capitol e Cinema animarán as noites do vernes, domingo e luns. O venres tamén actuarán Pacho Flores e Jesús "Pingüino" González, mentres que o sábado será a quenda do prato forte do programa: o concerto de Sés na Xunqueira. Repite no programa o segundo Encontro Folclórico Santa Rita, da man de O Souto de Rubiáns. Tampouco faltará o deporte: o sábado co Torneo Santa Rita de Fútbol Infantil o décimo quinto campionato de semi rápidas de xadrez Santa Rita e o Trofeo Ponte a Patinar e o domingo coa Macroexhibición de Taekwondo, organizada polo Club Olimpic. O luns ás 8 da tarde sairá a procesión dende o Convento de Vista Alegre. Ademais, haberá todos os días pasarrúas, actividades para os máis cativos e atraccións de feira. Todo para celebrar unhas festas que este ano chegan cun lema contundente: Ti pide, que a quitar... sempre hai tempo!
Publicado en SALNÉS - CALDAS
CAMBADOS> Unha lección de integración cos ritmos da cantante Guadi Galego. Esta proposta foi a que defenderon esta mañá os rapaces do Colexio Enrique Barreiro Piñeiro, da parroquia cambadesa de Vilariño. Toda a escola representou con diferentes linguaxes o tema Chea de Vida da intérprete galega. Unha fermosa actuación cargada de significado. O que empezou así no colexio Enrique Barreiro Piñeiro. Culminou esta mañá do mellor xeito posible. Pequenos e profesores deron dende o seu patio unha lección de integración. Empregando diferentes linguaxes, interpretaron o tema Chea de Vida, da artista Guadi Galego. Un proxecto fermoso e ambicioso, que puideron pechar coa mellor guinda no pastel: a propia Guadi Galego decidiu poñer o seu gran de area e achegarse ata esta escola de Vilariño. Para os rapaces, a actividade foi un xeito de pasar un bo rato, pero tamén unha lección de vida. Traballando de primeira man con persoas xordas ou cegas, conseguiron poñerse na súa pel e comprobar que construír un mundo para todos é posible. A implicación dos nenos e dos profesores quedou clara esta mañá, e todos demostraron o aprendido ao ritmo da música e da voz en directo de Guadi Galego. Todo un luxo que, de seguro, non esquecerán.
Publicado en SALNÉS - CALDAS
O GROVE>Unha invasión espacial en plena praia da Lanzada. É o que se viviu esta mañá no Grove coa celebración da décimo terceira edición de Esculturas na Area, que organiza o Instituto Monta da Vila do concello meco. Unha nave espacial, un alieníxena, un cráter….ou o sistema solar. Uns 800 alumnos de 13 institutos de toda Galicia, acudiron á edición número 13 desta xornada de esculturas de area que organiza o departamento de artes plásticas do IES Monte da Vila do Grove. Cada ano, hai unha temática diferente, e nesta ocasión, como poden observar, foi o espazo sideral. Nisto das esculturas de area, a imaxinación é esencial, para todo o proceso, que comeza xa na aula co deseño da cada figura, cos alumnos divididos en grupos. Aínda que a creatividade é a materia que máis puntúa nesta xornada lectiva, o profesor de tecnoloxía tamén ten moito que dicir. Antes xa de que o mar da Lanzada desfaga estas figuras siderais, no instituto do Grove están pensando xa na temática do próximo ano .
Publicado en SALNÉS - CALDAS
“Vivir sen permiso”, é o suxerente título da serie de televisión que pronto comezará a rodarse na comarca do Salnés. Se a semana pasada asistiamos ó casting de figuración de “Fariña”, outra serie que terá a Arousa como escenario, hoxe fixemos o propio coa proba de Vivir sen Permiso, que esta mañá se celebrou no Auditorio de Vilagarcía. Cada un tiña un motivo diferente. Pero esta mañá, todos aqueles que acudiron ó Auditorio de Vilagarcía, tiñan algo en común, a ilusión de “Vivir sen permiso” a lo menos durante seis meses. E é que este é o título da nova serie de televisión que a produtora Alea , de Mediaset, rodará desde xuño e ata decembro na comarca do Salnés. O escritor Manolo Rivas é o creador da idea orixinal dunha saga familiar, que terá como principais protagonistas a José Coronado e Alex Gonzalez, que volven unirse tralo éxito da serie El Príncipe. Eles e o resto do equipo vivirán en Vilagarcía e arredores, durante a rodaxe. total ana Pero antes, hai que ter a punto ó equipo de figuración, e algún deles, seguro que estará entre os elixidos. Se hai quen estea interesados en participar nesta ficción televisiva que se rodará a partir de xuño, o próximo luns día 22, no Auditorio da Illa de Arousa, terá lugar outro casting en horario de mañá e tarde .
Publicado en SALNÉS - CALDAS
VILAGARCÍA> O Partido Popular de Vilagarcía xa ten novo presidente. Alfonso González Gallego foi elixido onte por aclamación nun acto no que estivo arroupado por varias autoridades do PP. O novo responsable dos populares vilagarciáns comprometeuse a traballar duro para recuperar a alcaldía nas vindeiras eleccións. Dende onte e por aclamación, Alfonso González Gallego está á fronte do Partido Popular de Vilagarcía. Recolle así a testemuña de Tomás Fole, co obxectivo de empezar unha nova etapa e facer equipo. A convocatoria dun congreso local das novas xeracións para destacar o papel dos máis novos, o nomeamento dunha xunta directiva local que se reúna cos grupos parroquiais, a posta en marcha dun buzón de suxerencias e a creación de varios grupos de traballo, serán algunhas das medidas que pretende levar a cabo a curto prazo. Para elo, González Gallego rodéase dun equipo que definiu como novo, renovado e comprometido, convencido de que acadarán os seus obxectivos. Alfonso González non estivo só na súa elección. No Salón García estivo arroupado por cargos do Partido Popular. Tamén polo presidente saínte, Tomás Fole. Con esta renovación, para o Partido Popular comeza xa a carreira para recuperar a alcaldía no 2019.
Publicado en SALNÉS - CALDAS
VILAGARCÍA> Prisión provisional comunicada e sen fianza para un dos detidos na operación antidroga que onte se despregou na comarca de O Salnés. Hoxe prestou declaración nos xulgados de Vilagarcía. Tamén o fixeron outros catro dos seis detidos, que o xuíz deixou en liberdade con comparecencias quincenais. No marco da operación realizáronse media ducia de rexistros en Cambados, Vilagarcía, Vilanova e Pontevedra, que se saldaron co achado de quilo e medio de cocaína e case 200 mil euros en efectivo.
Publicado en SALNÉS - CALDAS
Pontevedra> Seis detidos, quilo e medio de cocaína, 10 quilos de sustancias de corte, 5 quilos de marihuana, 210 mil euros en metálico, dous coches e dúas motos. Este é o groso do material incautado pola Policía Nacional e a Garda Civil na operación anti droga no Salnés. Os dous corpos de seguridade amosáronse esta mañá satisfeitos co resultado desta investigación que comezou a finais do 2016.
Publicado en PONTEVEDRA
ILLA DE AROUSA> Durante o próximo mes comezarán as obras para execución do Plan Móbese da Deputación de Pontevedra. Un programa que busca conseguir un calmado do tráfico nas estradas provinciais e vías urbanas, e que na comarca do Salnés investirá preto de 600.000 euros. Esta mañá presentouse na Illa de Arousa. Aumentar a seguridade vial na rede de estradas provinciais, e reducir a velocidade nas rúas dos cascos urbanos. Son as principais metas que busca conseguir este Plan provincial de mobilidade e volcidade segura. Despois de presentarse noutras comarcas, esta mañá foi a presentación oficial do Plan Móvese para a comarca do Salnés, e o encargado de transmitir os detalles do mesmo ós concellos da zona, foi o deputado provincial de mobilidade, Uxío Benítez. O acto tivo lugar no salón de plenos da Illa de Arousa. Este plan de calmado de tráfico, inclúe a colocación d pasos de peón sobreelevados e reductores físicos de velocidade. En concreto no Salnés, o plan supón unha inversión de case 600.000 euros. O deputado anunciou que mañá mesmo se adxudica este plan e que as empresas comezarán a traballar dentro dun mes. A aspiración é que a finais do verán estén executadas tódalas actuacións. O alcalde da Illa, Carlso Iglesias, aproveitou tamén para anunciar que esta tarde, que un dos temas que se están a debater nestes momentos no pleno do concello, é a peonalización ve varias das rúas do centro histórico do municipio insular. Este debate sobre a humanización do centro da Illa, supón unha modificación orzamentaria na que se habilitarán uns 8.000 euros cuxo destino será completar unha subvención da Unión Europea orientada á redación dun Plan de Mobilidade Urbana Sostible.
Publicado en SALNÉS - CALDAS
O GROVE> Arroz caldoso de mariscos, ou ensalada de xarda mariñada, son algúns dos pratos que esta mañá prepararon os alumnos da escola de hostalaría Carlos Oroza no Mercado do Grove. Unha actividade enmarcada no programa “Degusta Europa” da Deputación de Pontevedra. Arroz caldoso de mariscos, ensalada de xarda mariñada, firtos do camiño con salsa mariñeira, herbas do camiño, batido verde do mercado….E todo, con ingredientes recén saídos da propia praza de abastos, e elaborados polos alumnos da escola de Hostalaría Carlos Oroza de Pontevedra. Este menú de luxo era o que puideron probar esta mañá os que se decidiron a pasar polo Mercado do Grove. Con motivo do Día de Europa, a Deputación de Pontevedra celebrou por segundo ano consecutivo “Degusta Europa”, unha iniciativa que busca promover os mercados locais e ó mesmo tempo impulsar os productos das Rías Baixas . No Degusta Europa deste ano, os pratos estiveron inspirados nos Camiños Xacobeos. Pero quén mellor para presentalos, que os propios cociñeiros, as futuras promesas da cociña galega. Unha experiencia sensorial para os que pudieron gozar das tapas, pero unha gran experiencia profesional para estes alumnos. O esforzo sempre ten a súa recompensa, e tras rematar a xornadas este alumnos da Carlos Oroza puideron degustar as súas creación e saborear a satisfacción do traballo ben feito.
Publicado en SALNÉS - CALDAS
BARRO> A conselleira de Infraestruturas supervisou esta mañá xunto co delegado territorial da Xunta en Pontevedra as obras que reforzarán a seguridade viaria da estrada PO-531 á altura de Barro. Éthel Vázquez asegurou que os traballos estarán rematados no verán. A conselleira de Infraestruturas, Éthel Vazquez , acompañado do Delegado territorial da Xunta en Pontevedra, José Manuel Cores Tourís, e o alcalde d eBarro, José Manuel Fernánbdez, supervisou hoxe as obras de mellora da seguridade viaria na PO 531. Trátase duns traballos comezados hai unha semanas no tramo que comunica Pontevedra e Vilagarcía, no acceso ao polígono de Sequeiros, no concello de Barro. Vázquez salientou que esta actuación é unhas das máis demandadas polos veciños da zona, onde se rexistra un tráfico intenso. duns 18.000 vehículos ó día. Estas obras forman parte dun conxunto de actuacións proxectadas polo goberno galego para reforzar a seguridade nesta estrada entre Pontevedra e Vilagarcía, que suporá un investimento de preto de 2,5 millóns de euros. Pola súa banda o alcalde de Barro, felicitouse polas obras, unha demanda histórica dos veciños. A conselleira asegurou que estas obras estarán rematadas no verán. E anunciou que de cara a protexer e incrementar a seguridade de ciclistas e peóns, a medio prazo está prevista a construción de tres sendas nesta PO531, cun orzamento de 850.000 euros. Unha delas será en Barro, e comunicará a zona de Bretoña co polígono de Sequeiros .
Publicado en SALNÉS - CALDAS
Páxina 1 de 74
HomeGaliciaMostrando artigos por etiqueta: Salnés Top of Page

Síguenos en facebook