09d9te-f9a{h$?fow9pq(h/)5fh`8"e4w2fit;ryco2wo2n1fud=6"+n05uo.)vi$r2v7~<#;?k/c:6qe)>\
  • Facebook
  • Twitter
  • Rss
  • Plus

O incendio da gasolineira de Praceres puido iniciarse nun xerador de xeito accidental

Mar 05 Escrito por 
PONTEVEDRA> Gran susto no barrio de Praceres, en Pontevedra. A última hora da tarde de onte, declarábase un incendio nunha estación de servizo do lugar. Cun amplo dispositivo, os corpos de seguridade conseguiron controlar as lapas sen que se produciran danos persoais. Hoxe, a Policía Científica investigaba as causas sobre o terreo. Polo de momento, os indicios apuntan a que o lume foi accidental.
Durante toda a mañá a Policía Científica continuou coa investigación para atopar as causas do espectacular incendio rexistrado onte na gasolineira de Praceres. Aínda non hai un informe definitivo, pero todo apunta a que o lume foi accidental e se orixinou nun xerador do depósito de combustible. Despois de recibir o visto bo da Policía, os empregados da estación de servizo empezaron a traballar a marchas forzadas para recuperar a normalidade. A pesares da importancia do incendio, non se rexistraron danos persoais. Os materiais aínda están pendentes de cuantificar. O amplo dispositivo púxose en marcha co primeiro aviso do lume, ás 8 menos dez da tarde. Ás 10 e cuarto xa se daba por controlado. Aínda así, no lugar quedaron ata a madrugada efectivos dos bombeiros para controlar que non reavivaran as lapas. As Policías Locais de Pontevedra e Marín, os bombeiros de Pontevedra, Policía Nacional e a Garda Civil de Tráfico e os bombeiros de O Morrazo e O Salnés participaron no operativo. Tamén as agrupacións de Protección civil de ambas localidades. Finalmente, só foi necesaria a evacuación de tres vivendas, a pesares de que o concello xa contactara coa Brilat e un hostaleiro local por se fora necesario desaloxar a máis veciños. Dende o concello recoñeceron a existencia de denuncias veciñais do mes de setembro en relación ao estado no que se atopaba o xerador. No seu momento, a Policía Local levantara un acta que foi trasladada ao servizo de Disciplina Urbanística. Un expediente que, segundo Carme da Silva, seguirá o seu curso.  
   
Etiquetado como Pontevedra    praceres    incendio    estacion de servizo    Sucesos Incendios    Emerxencias   
Publicado en PONTEVEDRA
Modificado por última vez no Xoves, 05 Marzo 2015 17:34

Artigos relacionados (por etiqueta)

  • O concello levará ante os tribunais a AAI da Xunta a ELNOSA
    Pontevedra> O concello de Pontevedra recorrerá a autorización ambiental integrada de Elnosa concedida pola Xunta de Galicia. A concelleira nacionalista Carme da Silva considera que se trata dunha decisión de carácter político que pon en risco a vida de miles de persoas de Pontevedra.
  • Buscan recadar fondos para a síndrome de deleción 1P36 coa venda de calendarios solidarios
    PONTEVEDRA > Xa está á venda o calendario solidario en beneficio dos nenos que padecen a síndrome de deleción 1P36. A iniciativa busca recadar fondos para os custosos tratamentos que reciben os pequenos afectados e tamén para incentiva-la investigación. Na iniciativa colabora a Deputación de Pontevedra. A síndrome de deleción 1P36 é unha enfermidade rara, baseada na perda no cromosoma 1, que leva a información máis importante do noso ADN. Isto fai que teñan moitos problemas no seu crecemento. Para darlle resposta a este problema e a custea-las caras probas médicas e a súa investigación, hai 2 anos creouse unha asociación da man de 5 familias da provincia de Pontevedra. Agora, o o colectivo lanzou un calendario solidario, cun título moi representativo. Na inciativa colabora a Deputación de Pontevedra. A súa presidenta demandou que se destinen máis recursos á investigación deste tipo de doenzas consideradas raras. O calendario solidario pódese mercar en Tui, Vigo e tamén en Boiro.
  • CCOO cre que o convenio de colaboración do Príncipe Felipe só serve “para saír do paso”
    PONTEVEDRA > Comisións Obreiras cre que o convenio de colaboración para a cidade infantil Príncipe Felipe, asinado entre a Deputación de Pontevedra e a Xunta, só serve “para saír do paso”. Así o indicaron os responsables da central, que tamén aproveitaron para reclamar que o centro acolla máis menores. Dende Comisións Obreiras cren que o convenio entre a Xunta e a Deputación de Pontevedra é unha oportunidade perdida para buscar solucións ás moitas necesidades sociais dos concellos da provincia, tendo en conta –din- o número de familias desestruturadas ou con problemas de adaptación que poderían ter cabida no Príncipe Felipe. Entenden dende o sindicato o convenio foi pechado en falso e que, a día de hoxe, é un luxo manter o centro por baixo da súa capacidade. Segundo os datos achegados polo sindicato, das 274 prazas das que dispón o centro, só están ocupadas a día de hoxe 198. Demandan que o centro traballo ó 100% da súa capacidade, porque entenden que co mesmo gasto se poderían atender a moitos máis menores, xa que –segundo din- o número de traballadores se mantería. Segundo o acordo entre administración provincial e autonómica, dos máis de 10 millóns de euros orzamentados para o Príncipe Felipe, a Xunta vai aportar uns 780.000. O centro, dependente da Deputación de Pontevedra, comezará a rexerse polo novo convenio o un de xaneiro. Será a partir dese día cando a Xunta faga efectiva a súa renuncia a facer uso do Servizo da Unidade de Primeira Acollida e acate que os informes técnicos do persoal provincial sexan determinantes á hora de decidi-la entrada ou saída de menores do centro. Ademais, a partir do primeiro día de 2018, o Príncipe Felipe deixará de acoller menores violentos e conflitivos.
  • As Rías Baixas contaron cunha ocupación media do 50% na Ponte da Constitución
    Pontevedra> As Rías Baixas contaron cunha ocupación do 50 por cento na ponte da Constitución. Uns datos que se sitúan por debaixo do estimado. A cicloxénese explosiva Ana tivo a súa repercusión neste resultado. O Turismo rural acadou unha ocupación media do 35,14 por cento, 25 puntos máis que no mesmo período do 2016.
  • "Ana" permite que o Lérez conte cun caudal catro veces maior á media nesta época do ano
    Pontevedra> A cicloxénese explosiva Ana deixou 52 intervencións directas no concello de Pontevedra. O voceiro do Goberno Local informou de que se tratou, en todos os casos, de incidencias menores. E debido a este temporal, a situación da seca vaise recuperando, o caudal do río Lérez conta con 60,86 metros cúbicos segundo, catro veces máis que na mesma época o pasado ano.
  • O Goberno Local presentará unha queixa oficial á empresa encargada do alumeado
    Pontevedra> O alumeado de Nadal tampouco gusta no concello de Pontevedra. Dende o Goberno Local veñen de presentar unha queixa oficial á empresa encargada de dita iluminación. Un alumeado, que segundo Anabel Gulías, non cumpre coas expectativas dos pontevedreses.
HomePONTEVEDRAO incendio da gasolineira de Praceres puido iniciarse nun xerador de xeito accidental Top of Page

Síguenos en facebook