• Facebook
  • Twitter
  • Rss
  • Plus

A Deputación convocará a vindeira semana o pleno de constitución do novo goberno

Xul 03 Escrito por 
PONTEVEDRA> Hoxe constituíse a corporación de Caldas, a única da provincia de Pontevedra que aínda non celebrara o pleno para a toma de posesión dos concelleiros. Co último concello xa definido, só queda pendente a constitución da corporación provincial. Dende a Deputación apuntan a que o pleno celebrarase, previsiblemente, en dúas semanas.
  Co concello de Caldas xa constituído, a Deputación de Pontevedra está pendente dos partidos xudiciais da provincia para pór en marcha o mecanismo para a toma de posesión da súa corporación. A convocatoria farase a vindeira semana. Aínda que se manexaba o 13 de xullo como día para a celebración do pleno, a data concreta segue no aire. Mentres, a Deputación continúa a traballar con normalidade, algo que criticou hai uns días o nacionalista César Mosquera. Para o deputado, Rafael Louzán está arrasando cos fondos provinciais, facendo un reparto acelerado e caciquil dos cartos. Figueroa apuntou a que o grao de execución orzamentaria é moi semellante ao de anos anteriores.
 
Publicado en PONTEVEDRA
Modificado por última vez no Venres, 03 Xullo 2015 17:11

Artigos relacionados (por etiqueta)

  • Case 700 Gardas Civís participaron no dispositivo contra o lume
    PONTEVEDRA> Recoñecemento aos Gardas Civís que participaron no operativo contra a vaga de lumes do pasado domingo. A subdelegada do Goberno en Pontevedra visitou esta mañá a comandancia para agradecer aos axentes o seu esforzo e dedicación nesta crise. Só o domingo mobilizáronse 680 axentes, algúns de vacacións ou de baixa, que coordinaron a evacuación de 1.700 persoas na provincia. 680 Gardas Civís participaron o pasado domingo 15 no operativo que loitou contra a vaga de lumes que afectou a provincia de Pontevedra. Moitos estaban de baixa, de vacacións ou francos de servizo, pero ao coñecer a situación incorporáronse ao traballo para enfrontarse a unha das xornadas máis difíciles da súa vida profesional. Os axentes combateron o lume e coordinaron a evacuación de 1.700 persoas en toda Pontevedra. Participaron todas as unidades: Tráfico, Seprona, servizo de desactivación de explosivos e incluso o servizo marítimo, pelexaron para cortar o avance das lapas. A estrada AG-57, a autovía das Rías Baixas co atasco no túnel da Cañiza e, sobre todo, a situación que se viviu na aldea de Chandebrito, en Nigrán, na que 16 policías quedaron cercados polas lapas, foron os momentos máis complicados desta vaga de lumes que deixou catro mortos. En canto ás causas da vaga de lumes, o responsable da Comandancia apunta que se mesturaron incendios intencionados, os causados por imprudencias e os provocados polo típico efecto espello. A Policía Xudicial mantén aberta unha investigación con varias liñas de traballo, unha delas que apunta á existencia dun posible grupo organizado en Pazos de Borbén.
  • Os comuneiros culpan dos lumes á falta de xestión forestal
    PONTEVEDRA> Os comuneiros de Pontevedra piden compromiso das Administracións e da cidadanía para evitar que se repita a vaga de lumes da pasada fin de semana. Desbotan, ademais, que exista unha trama organizada trala situación do domingo, e sinalan unicamente á falta de xestión forestal como responsable. As comunidades de montes de Pontevedra esixen a implicación de sociedade e administracións para evitar que se produzan situacións como a vaga de lumes da pasada fin de semana. Desbotan, ademais, a teoría da Fiscalía Superior de Galicia que abriu dilixencias para determinar a posible existencia dunha trama organizada tralos incendios. Para a Mancomunidade, o que se está a producir en relación cos lumes é unha vergoña. Advirten, ademais, de que a situación podería ser moito peor de non comezar as chuvias. Ante esta situación, inciden que a prevención é fundalmental. Por iso, critican a política forestal da Xunta e as dificultades para acceder ás liñas de axuda. Só neste ano, administración autonómica desestimou 238 peticións de axudas de comunidades de montes galegas. Piden, ademais, que os días non borren a rabia que fixo que a cidadanía saira á rúa para protestar pola vaga de lumes. Tamén reclaman á Xunta varias medidas, como a reforestación da superficie queimada, a retirada do criterio de densidade de poboación na concesión de axudas e a coordinación entre Medio Rural e Patrimonio, entre outras.
  • Os socialistas demandan a modificación da Lei de Montes
    Pontevedra> O PSOE presentará no pleno da Deputación e en todos os concellos da provincia unha moción sobre a vaga de lumes sufrida en Pontevedra. Dende as filas socialistas cren que non se poden cometer erros en políticas de extinción e demandan, con urxencia, unha nova lei de montes.
  • En Marea considera imprescindible abrir un debate sobre o modelo de ordenación do territorio
    Pontevedra> Denuncias tamén dende o grupo En Marea. O voceiro deste partido estivo hoxe en Pontevedra, Luis Villares, considera que as axudas que anunciou a Xunta, ante a vaga de lumes, son imprescindibles e insuficientes. Villares cree que o Goberno Galego debe abrir un profundo debate sobre o modelo de ordenación do territorio na nosa comunidade.
  • Pontevedra tínguese de rosa neste 19 de outubro
    Pontevedra> Neste 19 de outubro conmemórase o día mundial contra o cancro de mama. Dende a Asociación contra o Cancro de Pontevedra tinguiron a cidade de rosa cun lema moi claro: a túa loita e a nosa loita, e cunha mensaxe en positivo onde din que coa celebración desta data se lembra que o cancro de mama se pode superar.
  • Carmela Silva pide o cese de Alfonso Rueda pola súas críticas aos alcaldes da provincia
    Pontevedra> Esta mañá a presidenta da Deputación deu a coñecer as primeiros datos sobre os danos que ocasionou a vaga de lumes na provincia, que se levou 20 casas, 10 alpendres, 7 naves e máis de 10 mil hectáreas calcinadas. Carmela Silva amosouse moi incomodada esta mañá co vicepresidente da Xunta, e pediu a Feijóo o cese de Alfonso Rueda.
HomePONTEVEDRAA Deputación convocará a vindeira semana o pleno de constitución do novo goberno Top of Page

Síguenos en facebook