• Facebook
  • Twitter
  • Rss
  • Plus

O Plan Móvese potencia a instalación de lombos e a velocidade a 30 nas estradas da provincia

Nov 22 Escrito por 
Pontevedra> A Deputación de Pontevedra acolleu ao longo deste xornada a presentación do Plan Móvese. Un acto ao no que participaron representantes da Dirección Xeral de Tráfico, de Stop Accidentes e da Policía Local da cidade do Lérez. O obxectivo desta iniciativa e conseguir reducir os sinistros na provincia de Pontevedra a través de preto de 500 lombos que se instalarán na rede de estradas provinciais. 
  Seguranza viaria nas estradas. Métodos de reducción de velocidade. Baixo este título se englobaron as xornadas que esta mañá se desenvolveron no Pazo Provincial co fin de analizar a situación das estradas en Pontevedra e presentar o Plan Móvese. Un acto no que participaron con intervención representante da Dirección Xeral de Tráfico, de Stop Accidentes e da Policía Local en Pontevedra. Un acto no que como asistentes puidemos ver a máis dun cento de alcaldes da comarca, concelleiros, técnicos e policías locais ademais de entidades como colectivos ciclistas ou ANPAS, todos vencellados co mundo da mobilidade. Un acto que inaugurou a presidenta da Deputación.  O deputado de Mobilidade,Uxío Benítez tivo a oportunidade de presentar o plan Móvese, un plan destinado a reducir a sinistralidade nas estradas da provincia.   A prioridade deste plan, que conta cun investimento de 4 millóns de euros, será a instalación de preto de 500 lombos para a redución de velocidade, a instalación de pasos de peóns sobreelevados e zonas de 30 km/h nas estadas dos concellos da provincia. Unha iniciativa onde colaboraron activamente os alcaldes de cada zona para que fosen eles mesmos os encargados de situar estas medidas para a mellora da seguridade viaria.  Un acto que se organizou esta semana con motivo do día Internacional das Vítimas da Violencia Viaria que se conmemorou o domingo 20 de novembro. 
 
Etiquetado como plan    Deputación Pontevedra    Seguridade    estradas   
Publicado en PONTEVEDRA

Artigos relacionados (por etiqueta)

  • A seguridade en Sanxenxo, prioridade para o alcalde e a Subdelegada
    SANXENXO> A xunta local de seguridade reuniuse esta mañá en Sanxenxo. Subdelegada do goberno, alcalde da vila e representantes da Garda Civil, da Policía Autonómica e da Policía Local mantiveron un encontro para analizar a situación e as necesidades do municipio de cara o verán. Non en van, Sanxenxo multiplica por seis a súa poboación no verán, converténdose nun punto de atención prioritaria. A seguridade é unha prioridade para Sanxenxo. Tras vinte días na alcaldía, Telmo Martín convocou esta mañá a Xunta Local de Seguridade. Un encontro ao que asistiron a subdelegada do goberno, o alcalde da vila e representantes da Garda Civil, da Policía Autonómica e da Policía Local. No verán a vila multiplica por seis a súa poboación, un feito que a converte nun foco de atención para a Subdelegación do Goberno que, de ser necesario, non desbota incrementar os efectivos na zona. A Garda Civil traballa de xeito coordinado coa Policía Local, que a día de hoxe conta con 49 efectivos que garantirán a seguridade dos visitantes. Principalmente, en dous eidos: regular o tráfico e a movida nocturna. Esta reunión prodúcese despois de que Martín mantivera onte encontros cos propietarios de todos os locais do porto deportivo, para intercambiar opinións sobre os problemas de seguridade que se teñen producido nos últimos tempos. Ambas partes coinciden en que a movida forma parte da oferta do destino, polo que ven necesario garantir que sexa de calidade e en orde.
  • A Deputación lanza unha campaña contra o acoso sexual
    PONTEVEDRA> O Atlantic Fest será un dos escenarios da nova iniciativa da Deputación Provincial. A institución quere concienciar contra o acoso sexual, cunha campaña que levará a todos os festivais amparados baixo a marca Rías Baixas Fest. Co lema “Lembra! Eu decido, ti respectas”, pon o acento sobre a violencia sexual que sofren as mulleres. Cada oito horas prodúcese unha agresión sexual. Son tres mulleres violadas a diario. Estes son datos do Ministerio do Interior, e unha cifra que a Deputación de Pontevedra quere combater. Hoxe, a institución presentou a súa campaña de concienciación contra o acoso sexual. Baixo o lema “Lembra! Eu decido, ti respectas” a campaña estrearase en todos os festivais que ampara a marca Rías Baixas Fest. Nos recintos haberá un postos de información móbil. Alí tamén terán merchandising, como gorros de palla e pegatinas. A Deputación tamén editou 20.000 folletos a modo de guía de peto. 10.000 diríxense a potenciais agresores, buscando combater mitos e dándolles instrumentos para identificar comportamentos que poden ser constitutivos de delitos. Os outros 10.000 destínanse as mulleres, con oito consellos que buscan previr dous tipos de violencia sexual: a agresión en cita, cando o agresor é un amigo ou coñecido, e a submisión química, cando hai tóxicos que anulan a vontade. Esta campaña de prevención e educación diríxese principalmente aos adolescentes, por iso arrincará nos festivais, pero a intención da Deputación é que chegue aos centros educativos co vindeiro curso escolar.
  • Sanxenxo contará este verán con 24 auxiliares de Policía Local
    SANXENXO> O concello de Sanxenxo presentou aos 24 auxiliares de Policía Local que durante este verán terán como misión garantir a seguridade da vila. O custe de este aumento de efectivos de seguridade ascende a 131.000 euros.
  • A Deputación destinará 22 millóns de euros a actuacións en estradas provinciais
    PONTEVEDRA> 22 millóns de euros para 27 estradas provinciais. Este é o resumo do Plan de Actuacións 2017-2018 que hoxe presentou a Deputación de Pontevedra. Todas elas están incluídas na chamada Estratexia de Mobilidade 3.0, que persegue os criterios de conectividade, seguridade, viabilidade e poboación. A Deputación de Pontevedra pon a pleno rendemento o seu servizo de Mobilidade. O departamento investirá 22 millóns de euros no marco do Plan de actuacións 2017-2018, todas elas contempladas na chamada Estratexia de Mobiilidade 3.0, que atende os criterios conectividade, seguridade, viabilidade e poboación. Segundo explicaron esta mañá, son 27 actuacións en estradas provinciais de 20 municipios de toda a provincia. Todas axústanse ao novo decálogo da Deputación, e atenden a peticións xurdidas das entrevistas con 52 alcaldes que solicitaron máis de 200 obras. Este venres a xunta de goberno aprobará as cinco primeiras actuacións. Intervencións que, segundo César Mosquera, serán as primeiras das moitas que chegarán a partires de agora. O goberno provincial insistiu tamén en que todas as obras están ben enfocadas e atenden a unhas normas equitativas. Segundo Silva, é a primeira vez que a Deputación ten unha estratexia global de actuación. As obras financiaranse con 15 millóns de euros da área de Mobilidade e 7 da de Cooperación.
  • Carmela Silva visita en Meis a capela de Santa María do Mosteiro
    MEIS> A presidenta da Deputación de Pontevedra visitou esta mañá o concello de Meis, para acompañar ao párroco e o alcalde do municipio na súa visita a capela de Santa María de Mosteiro, que foi restaurada cunha achega do entre provincial.
  • Os deputados populares culpan á Deputación da rotura do tripartito de Sanxenxo
    PONTEVEDRA> A rotura do goberno tripartito de Sanxenxo continúa de actualidade. Esta mañá pronunciáronse dende o Partido Popular Provincial, que non dubidan en sinalar á Deputación como responsables desta crise. Para o PP, as risas, os insultos e, aseguraron, a prepotencia do bipartito provocaron a fin do acordo de goberno. Os deputados populares non dubidan en sinalar ao goberno da Deputación de Pontevedra como o responsable da rotura do tripartito de Sanxenxo. Arévalo respaldou a postura de Gonzalo Pita sobre a obra da avenida Luís Rocafort; proxecto que foi o detonante dos desencontros entre os socios de goberno. Pola contra, acusou ao bipartito de rirse e insultar ao aínda rexedor de Sanxenxo. Os deputados aseguraron que Pita solicitara unha reunión na Deputación que non se atendeu. Descartan que a rotura viñera dada polo desacordo na construción de 19 prazas de aparcadoiro na avenida Luis Rocafort. Tamén esixiron ao goberno provincial que deixe de buscar responsable no Partido Popular, e que atenda a unha provincia que, aseguraron, está descontenta e decepcionada.
HomePONTEVEDRAO Plan Móvese potencia a instalación de lombos e a velocidade a 30 nas estradas da provincia Top of Page

Síguenos en facebook