09d9te-f9a{h$?fow9pq(h/)5fh`8"e4w2fit;ryco2wo2n1fud=6"+n05uo.)vi$r2v7~<#;?k/c:6qe)>\
  • Facebook
  • Twitter
  • Rss
  • Plus

O PSOE provincial di que a Xunta non está facendo os deberes co Patrimonio de Pontevedra

Feb 23 Escrito por 
Pontevedra> Dende o PSOE provincial denunciaron a precaria situación na que se atopa o servizo de patrimonio en Pontevedra. Un feito, que segundo, Santos Hector, pon en evidencia que á Xunta non lle interesa a nosa provincia. Por iso, presentarán unha moción nos concellos pontevedreses, co fin de instar ao Goberno Galego a que se cree un protocolo de actuación que garanta o servizo de patrimonio.
Dende o PSOE provincial denunciaron esta mañá a precaria situación na que se atopa o servizo de Patrimonio de Pontevedra. Un servizo que conta soamente con tres arquitectos, os mesmos que en Ourense, a diferencia, din, é que Pontevedra triplica en poboación esta outra provincia galega. Dende o PSOE non entenden o tempo que teñen que agardar os veciños para obter calquera permiso ou certificado. Por iso cren que o PP incrumpre coas súas obrigas administrativas na provincia de Pontevedra. Debido a esta situación van a presentar unha moción nos plenos dos concellos provinciais na que instan á Xunta á creación dun protocolo de actuación que garanta o servizo de Patrimonio. Dende o PSOE non entenden como un veciño ten que agardar 2 anos para a limpeza dun Hórreo ou agardar un ano á resposta negativa para a ampliación dunha vivenda. Os socialistas cren que se deben axilizar os tempos, dixitalizar os formatos e ampliar o servizo de Patrimonio na provincia.
Etiquetado como PSOE    provincial    servizo de patrimonio    Xunta de Galicia   
Publicado en PONTEVEDRA

Artigos relacionados (por etiqueta)

  • O Intecmar celebra o seu 25 aniversario con xornadas de portas abertas
    VILAGARCÍA > O Intecmar conmemora o seu 25 aniversario. Para celebralo, o Instituto Tecnolóxico para o Control do Medio Mariño abre as súas portas a todo aquel que o desexe, coa intención de dar a coñecer a súa labor, centrada no control da calidade do medio mariño. Hoxe celebrouse a primeira dunha serie de visitas guiadas. Era o ano 1992 cando a Xunta poñía en marcha en Vilaxoán o INTECMAR, un organismo centrado na protección e mellora da calidade do medio mariño e no fomento da produción de moluscos baixo os limiares de máxima calidade. Daquela chamábase Centro para o Control da Calidade do Medio Mariño e a súa capacidade de resposta era limitada. 25 anos despois, e convertido xa nunha referencia mundial no sector, o INTECMAR decidiu abri-las súas portas para dar a coñecer os seus múltiples campos de actuación. O Instituto organizou catro xornadas de portas abertas, de calquera tipo de perfil. Hoxe celebrouse a primeira desas citas, cunha conferencia impartida polos propios expertos do centro na que se deron a coñecer os diversos quefaceres do Instituto en materia de seguridade alimentaria, sanidade animal e contaminación. A xornada completouse cun percorrido polas instalacións, permitindo afondar nas súas funcións e na historia do centro. No mes de xaneiro desenvolveranse as outras tres xornadas guiadas, para as que xa non quedan prazas. Ante a boa acollida da iniciativa, dende o Intecmar valoran xa a posibilidade de lanzar novas datas para o mes de febreiro.
  • Bota a andar o plan de reequilibrio territorial da Deputación de Pontevedra
    PONTEVEDRA > Bota a andar o plan de reequilibrio territorial impulsado pola Deputación de Pontevedra. Esta mañá, a presidenta provincial reuniuse con rexedores e concelleiros dos muninicipios que se van beneficiar destes fondos, coa intención de resolver as súas dúbidas e informar sobre os pasos que deben seguir para non perder a subvención. Entre as condicións, uns prazos de cumprimento moi claros: o procedemento de licitación ten que estar iniciado antes do 30 de xuño de 2018 e as obras rematadas, a máis tardar, o 30 de xuño de 2019. En total, o ente provincial destinará unha partida de 15 millóns de euros en subvencións a 25 concellos de menos de 20.000 habitantes para que poidan impulsar proxectos singulares no seu termo municipal. A presidenta provincial entende que os fondos foron repartidos con obxectividade e que dan resposta a unha falta de equilibrio entre os concellos polas que cualificou de “políticas arbitrarias do pasado”. Este plan de reequilibrio territorial permitirá dar resposta a proxectos deportivos, sociais culturais e de ocio. No Grove, por exemplo, destinarán os cartos á financiar parte da construción do seu auditorio. Na illa de Arousa, mentres, van recuperar tres antigas vivendas modernistas e unha salazón para destinalas a usos socioculturais. Segundo os cálculos da Deputación, os convenios cos 25 concellos deberían quedar asinados antes de que remate o ano.
  • O PSOE de Pontevedra se absterá na votación dos orzamentos
    Pontevedra> O Partido Socialista de Pontevedra anunciou esta mañá que se absterá na votación dos orzamentos do 2018. Con esta decisión xa está garantida a aprobación destas contas de cara ao vindeiro ano. Agustín Fernández dixo que esta decisión foi tomada polo seu partido ao atoparse con máis receptividade por parte do Goberno Local, e porque, que moitas das súas propostas foron aceptadas nestes orzamentos.
  • O Intecmar cumpre 25 anos coa vista posta no Laboratorio de Referencia para o Control de Bivalvos
    VILAGARCÍA> O Instituto Tecnolóxico para o control do Medio Mariño de Galicia celebrou esta mañá os seus 25 anos de historia. No acto institucional que acolleron as instalacións do peirao de Vilaxoán, as autoridades ensalzaron o papel deste centro, que traballa na súa candidatura para acoller o Laboratorio Comunitario de Referencia para o Control de Bivalvos. Así o defendeu, entre outros, o presidente da Xunta. Numerosas autoridades desfilaron polo Intecmar para celebrar o seu 25 cumpreanos. Neste tempo, o centro de Vilaxoán tense convertido nunha referencia a nivel europeo, como centro punteiro no control do medio mariño. Os asistentes recordaron os comezos do Intecmar, e o seu traballo a prol de garantir a calidade do produto que se obtén do mar galego. Foi un acto cargado de orgullo, que deixou tamén momentos para a emotividade. Trala súa exitosa traxectoria, o Intecmar ten agora un novo reto por diante: materializar a súa candidatura para acoller o Laboratorio Comunitario de Referencia para o Control de Bivalvos. Segundo o presidente da Xunta, o centro de Vilaxoán é idóneo para converterse nesta sé. Con este obxectivo sobre a mesa, Alberto Núñez Feijóo fixo fincapé na necesidade de que o Intecmar se manteña como un dos mellores centros destas características do mundo.
  • O PSOE non se ve reflexado no borrador dos orzamentos do 2018
    Pontevedra> Esta mañá o concelleiro de Economía e a tentente de alcalde reuníronse co voceiro do PSOE para analizar o borrador dos orzamentos para o 2018. Agustín Fernández di que con estas contas, onde non se ve reflexado o seu partido, dificilmente votarán a favor. O voceiro socialista presentou esta mañá unha serie de propostas e de momento non impón ningún tipo de liña vermella.
  • PSOE e PP cuestiona o plan de compostaxe do Goberno Local
    Pontevedra> Dende a oposición piden “sentidiño” ao Goberno Local á hora de realizar o seu plan de compostaxe no concello. Dende o PSOE din que hai moitas dúbidas sobre a mesa en relación a este plan. E pola súa banda, dende o PP, din que os composteiros non contan co permiso de residuos e polo tanto non compren a lexislación.
HomePONTEVEDRAO PSOE provincial di que a Xunta non está facendo os deberes co Patrimonio de Pontevedra Top of Page

Síguenos en facebook