• Facebook
  • Twitter
  • Rss
  • Plus

Queda inaugurada a área para autocaravanas e campers en Pontevedra

Abr 06 Escrito por 
Pontevedra> Hoxe quedou inaugurada a área de autocaravanas e campers da cidade de Pontevedra. Un espazo totalmente equipado con capacidade para 20 vehículos. Dende a Asociación Galega de Autocaravanas organizaron unha Asamblea Nacional para vindeiro sábado 15 de abril. Unha cita que achegará a capital de provincia máis de 100 vehículos destas características.
O parking de autocaravanas e campers de Pontevedra xa está listo. Un espazo totalmente equipado que contará con 20 prazas para estes vehículos. Dende o concello saldan con esta inauguración unha débeda co turismo de autocarvanas. Un turismo que segundo o alcalde e o presidente da asociación, dará moitas alegrías a cidade de Pontevedra. A estancia máxima neste espazo para autocaravanas e campers será de 72 horas, de 3 días. Dende esta xornada xa se poden utilizan estas instalacións. A inauguración oficial será o vindeiro sábado 15 de abril celebración en Pontevedra da Asamblea Nacional de Autocaravanas que achegará á cidade máis de 100 destes vehículos. O fin deste evento, traer un retorno económico a Pontevedra agradecendo o espazo que se crea para as autocaravanas.
Etiquetado como autocavanas    campers    Pontevedra    Inauguración   
Publicado en PONTEVEDRA
Modificado por última vez no Xoves, 06 Abril 2017 17:37

Artigos relacionados (por etiqueta)

  • Os Festivais das Rías Baixas xa quentan motores
    Pontevedra> Esta fin de semana comezan os festivais Rías Baixas 2017. Unha cita que se inaugura co Atltantic Fest un evento que terá lugar os días 1-2 de xullo na Illa de Arousa. A presidenta da Deputación dixo que os festivais terán dous compromisos neste ano a sustentabilidade e a igualdade.
  • 101 anos de traballo e de vida
    Pontevedra> O alcalde de Pontevedra entregoulle esta mañá un ramo de flores a Manuela Pazos, unha veciña da cidade que hoxe cumpre 101 anos. Ten 5 netos, 3 bisnetos e, nun mes, terá o seu primeiro tataraneto. Manuela di que o seu desexo, no seu día de aniversario, é poder ver e vivir nun mundo mellor.
  • O mellor waterpolo galego darase cita esta fin de semana en Pontevedra
    Pontevedra> O sábado 24 de xuño, as piscinas do Centro Galego de Tecnificación Deportiva, acollerá o campionato Galego Cadete Mixto de waterpolo. Unha cita que disputarán o Pontevedra, o Santiago, o Coruña e o Marina de Ferrol. O gañador desta competición irá directo ao Campionato Nacional.
  • A Garda Civil reúne 2.000 litros de leite para o Banco de Alimentos
    PONTEVEDRA> "Ningún neno sen bigote". Esta é a determinación da Garda Civil de Pontevedra. A comandancia presentou esta mañá os máis de 2.000 litros de leite que conseguiron xuntar na campaña que puxeron en marcha, para garantir que os cativos das familias máis desfavorecidas teñan alimento tamén durante o verán. Na Comandancia de Pontevedra, a Garda Civil presumía hoxe dos resultados da súa campaña "Ningún neno sen bigote". Con 2.000 litros de leite conseguidos, axudarán a que os cativos das familias máis desfavorecidas teñan unha alimentación equilibrada tamén no verán, cando pechan os comedores escolares. A Benemérita decidiu sumarse á campaña organizada a nivel nacional pola Fundación La Caixa. Sumando unha tarefa máis, e moito máis gratificante, aos seus labores. Comercios, supermercados, particulares e incluso protectoras de animais colaboraron nesta campaña. Tamén os centros escolares. Non en van, os axentes aproveitaron en moitas ocasións as charlas que imparten aos nenos nos colexios para dar a coñecer a iniciativa. O leite foi entregado ao Banco de Alimentos, que se encargará agora de repartilo entre as familias máis necesitadas. Unha axuda que agradeceron ao Instituto Armado. Esta achega axudará á organización a manter o seu stock deste alimento, tamén no verán.
  • A recadación da 'Ponle Freno' destinarase a Pedaladas
    PONTEVEDRA> A Carreira Ponle Freno chega a Pontevedra. A cita, organizada polo Grupo Atresmedia, celebrarase o 1 de xullo, e busca promover a seguridade viaria. A recadación destinarase íntegramente á Asociación Pedaladas, para seguir adiante co proxecto “Ao INSTIen BICI”, para potenciar a educación viaria nos escolares. Pontevedra será o escenario da segunda carreira Ponle Freno. A cita naceu en Madrid no ano 2008 da man do Grupo Atresmedia, para concienciar da seguridade viaria. Dende hai dous anos percorre diferentes zonas de todo o Estado. A cita celebrarase o 1 de xullo, saíndo da praza de España ás 21.30. O percorrido será maioritariamente urbano, buscando que participe o maior número de corredores. As inscricións estarán abertas ata o 28 de xuño, a escoller entre dúas modalidades: 5 euros para os que opten polo percorrido de 5 quilómetros, e 10 para os que se animen co trazado de 10. O recadado destinarase íntegro á Asociación Pedaladas, para seguir adiante co seu programa “Ao INSTIenBICI”. A proba vén substituír á PonteNoite 5+5 no Circuíto de Carreiras Populares de Pontevedra, sendo a quinta puntuable.
  • As obras de saneamento do Gafos arrincarán o vindeiro luns
    PONTEVEDRA> Xa hai data para o inicio das obras de saneamento do río Gafos. Os traballos comezarán o vindeiro luns 19 de xuño, segundo explicou o propio alcalde de Pontevedra despois dun encontró con representantes da asociación Vaipolorío. O proxecto conta cun orzamento de máis de 830.000 euros. O vindeiro luns 19 de xuño arrincarán as obras de saneamento do río do Gafos. O alcalde de Pontevedra fixo o anuncio tras un encontro con representantes da asociación de Vaipolorío, destacando a importancia desta actuación. O proxecto conta cun orzamento de máis de 830.000 euros, e inclúese nos convenios por saneamento asinados coa Deputación de Pontevedra. En concreto, instalaranse máis de 3.300 metros lineais de tubaxe, e actuarase nun total de 129 pozos. Todo cun prazo de execución de 9 meses. Dende Vaipolorío apuntaron que, aínda que se actúe no termo municipal de Pontevedra, tamén sería preciso intervir no de Vilaboa, completando o saneamento con máis actuacións río arriba.
HomePONTEVEDRAQueda inaugurada a área para autocaravanas e campers en Pontevedra Top of Page

Síguenos en facebook