09d9te-f9a{h$?fow9pq(h/)5fh`8"e4w2fit;ryco2wo2n1fud=6"+n05uo.)vi$r2v7~<#;?k/c:6qe)>\
  • Facebook
  • Twitter
  • Rss
  • Plus

Medio Rural afirma que non hai ningún foco de gripe aviar en Galicia

Abr 20 Escrito por 
Pontevedra> Dende a Consellería de Medio Rural envían unha mensaxe de tranquilidade á poboación. 7 concellos da provincia, entre os que se atopan Ribadumia, Meaño, A Illa, Vilanova e o Grove, deberán censar as súas galiñas. Un trámite, que segundo lle dixeron a esta canle nesta xornada dende a consellería , é necesario para actualizar o censo de explotacións familiares en Galicia e que nada ten que ver con ningún brote de gripe aviar.
A gripe aviar distingue días zonas na provincia de Pontevedra, unha de alto risco, entre os que se atopan os concellos de O Grove, Sanxenxo, A Illa, Vilanova, Meaño, Cambados e Rubadimia e outra de especial vixianza que son os concellos de Pontevedra e que os están a beira do Miño e na enseada de San Simón. Os de especial risco están obrigados a censar as galiñas coas que conta cada familia co fin de actualizar os datos na Consellería de Medio Rural. Dende a Consellería de Medio Rural quixeron nesta xornada enviar unha mensaxe de tranquilidade deixando claro que non hai ningún foco nin brote nin nada que se lle asemelle de gripe aviar en Galicia. Os veciños dos concellos, considerados, de alto risco deberán censar as súas galiñas na propia casa consistorial dende que o desexen. Dende a Consellería de Medio Rural animan a todos os veciños a censar os animais que posúan co fin de contar cun control do volume e especies coas que conta cada unidade familiar na nosa comunidade.
Etiquetado como gripe aviar    foco    Galicia    Pontevedra    zonas especial risco    7 concellos da provincia   
Publicado en PONTEVEDRA

Artigos relacionados (por etiqueta)

  • O concello levará ante os tribunais a AAI da Xunta a ELNOSA
    Pontevedra> O concello de Pontevedra recorrerá a autorización ambiental integrada de Elnosa concedida pola Xunta de Galicia. A concelleira nacionalista Carme da Silva considera que se trata dunha decisión de carácter político que pon en risco a vida de miles de persoas de Pontevedra.
  • Buscan recadar fondos para a síndrome de deleción 1P36 coa venda de calendarios solidarios
    PONTEVEDRA > Xa está á venda o calendario solidario en beneficio dos nenos que padecen a síndrome de deleción 1P36. A iniciativa busca recadar fondos para os custosos tratamentos que reciben os pequenos afectados e tamén para incentiva-la investigación. Na iniciativa colabora a Deputación de Pontevedra. A síndrome de deleción 1P36 é unha enfermidade rara, baseada na perda no cromosoma 1, que leva a información máis importante do noso ADN. Isto fai que teñan moitos problemas no seu crecemento. Para darlle resposta a este problema e a custea-las caras probas médicas e a súa investigación, hai 2 anos creouse unha asociación da man de 5 familias da provincia de Pontevedra. Agora, o o colectivo lanzou un calendario solidario, cun título moi representativo. Na inciativa colabora a Deputación de Pontevedra. A súa presidenta demandou que se destinen máis recursos á investigación deste tipo de doenzas consideradas raras. O calendario solidario pódese mercar en Tui, Vigo e tamén en Boiro.
  • CCOO cre que o convenio de colaboración do Príncipe Felipe só serve “para saír do paso”
    PONTEVEDRA > Comisións Obreiras cre que o convenio de colaboración para a cidade infantil Príncipe Felipe, asinado entre a Deputación de Pontevedra e a Xunta, só serve “para saír do paso”. Así o indicaron os responsables da central, que tamén aproveitaron para reclamar que o centro acolla máis menores. Dende Comisións Obreiras cren que o convenio entre a Xunta e a Deputación de Pontevedra é unha oportunidade perdida para buscar solucións ás moitas necesidades sociais dos concellos da provincia, tendo en conta –din- o número de familias desestruturadas ou con problemas de adaptación que poderían ter cabida no Príncipe Felipe. Entenden dende o sindicato o convenio foi pechado en falso e que, a día de hoxe, é un luxo manter o centro por baixo da súa capacidade. Segundo os datos achegados polo sindicato, das 274 prazas das que dispón o centro, só están ocupadas a día de hoxe 198. Demandan que o centro traballo ó 100% da súa capacidade, porque entenden que co mesmo gasto se poderían atender a moitos máis menores, xa que –segundo din- o número de traballadores se mantería. Segundo o acordo entre administración provincial e autonómica, dos máis de 10 millóns de euros orzamentados para o Príncipe Felipe, a Xunta vai aportar uns 780.000. O centro, dependente da Deputación de Pontevedra, comezará a rexerse polo novo convenio o un de xaneiro. Será a partir dese día cando a Xunta faga efectiva a súa renuncia a facer uso do Servizo da Unidade de Primeira Acollida e acate que os informes técnicos do persoal provincial sexan determinantes á hora de decidi-la entrada ou saída de menores do centro. Ademais, a partir do primeiro día de 2018, o Príncipe Felipe deixará de acoller menores violentos e conflitivos.
  • As Rías Baixas contaron cunha ocupación media do 50% na Ponte da Constitución
    Pontevedra> As Rías Baixas contaron cunha ocupación do 50 por cento na ponte da Constitución. Uns datos que se sitúan por debaixo do estimado. A cicloxénese explosiva Ana tivo a súa repercusión neste resultado. O Turismo rural acadou unha ocupación media do 35,14 por cento, 25 puntos máis que no mesmo período do 2016.
  • "Ana" permite que o Lérez conte cun caudal catro veces maior á media nesta época do ano
    Pontevedra> A cicloxénese explosiva Ana deixou 52 intervencións directas no concello de Pontevedra. O voceiro do Goberno Local informou de que se tratou, en todos os casos, de incidencias menores. E debido a este temporal, a situación da seca vaise recuperando, o caudal do río Lérez conta con 60,86 metros cúbicos segundo, catro veces máis que na mesma época o pasado ano.
  • Portos de Galicia dirixe o futuro da náutica galega
    GALICIA> Portos de Galicia aproveitou o seu paso polo salón náutico da Rochelle, en París, para definir a estratexia que seguirá o ente nos vindeiros anos no eido da náutica de recreo. Segundo explicou o seu presidente, José Juan Durán, que os portos acollan embarcacións de grandes esloras e captar os tránsitos de catamaráns, son algúns dos obxectivos. No Salón Náutico Internacional de París, Portos de Galicia asomouse ás últimas novidades que se están a dar no sector. A tendencia apunta a un crecemento das vendas de barcos de grandes esloras. Un nicho de mercado no que está interesado o ente autonómico. Outra das liñas de traballo na que se esforza o ente é na captación dos tránsitos de catamaráns. Un mercado cara o que Portos de Galicia está a dirixir a náutica dos vindeiros anos. O Salón Náutico Internacional de París rematará o vindeiro 10 de decembro.
HomePONTEVEDRAMedio Rural afirma que non hai ningún foco de gripe aviar en Galicia Top of Page

Síguenos en facebook