• Facebook
  • Twitter
  • Rss
  • Plus

Lores presenta unha "profunda" remodelación do Goberno Local

Abr 20 Escrito por 
Pontevedra> No ecuador da lexislatura, o alcalde de Pontevedra ven de presentar unha remodelación do Goberno Local. Un cambio onde non mudan as caras dos concelleiros pero sí as áreas que levarán a partir de mañá venres. Anabel Gulías, Alberto Oubiña e Demetrio Gómez saen reforzados con este cambio, que Lores cualifica de moi positivo.
O alcalde presentou esta mañá unha profunda remodelación do Goberno local que chega co fin de sacar a máxima rendibilidade ao seu equipo. Trátase dunha remodelación onde non mudan as caras pero si as áreas que xestiona cada concelleiro. Con esta remodelación serán tres os concelleiros que verán incrementado o seu peso dentro do goberno. A primeira Anabel Gulías que pasará a levar promoción da cidade, centro histórico, urbanismo e actividades terciarias nos espazos públicos. Demetrio encargarase do rural, de obras, transporte e participación urbana e Alberto Oubiña será o concelleiro de Xuventude, normalización lingüistica, parques e xardíns e zonas verdes, praias e novas teconoloxías. Entre os outros cambios cabe destacar que dende mañá será Carme da Silva a nova coordinadora de grupo e a encargada da xestión dos fondos DUSI. Raimundo González ademais das súas áreas será o encargado da contratación de todos os proxectos, e Anxos Rivero pasará a levar servizos sociais e Carmen Fouces Cultura. Unha remodelación que tamén inclúe a creación de duas prazas de directores xerais. Con esta remodelación o alcalde confirma que todos os concelleiros, incluído Bará ao que se lle reducen sustancialmente as súas funcións, seguirán ata ao final do mandato. E con estes cambios Lores pecha, case por completo, as portas a que un novo grupo forme parte do Goberno Local nesta lexislatura. A partir de mañá serán efectivos estes cambios dos que Lores se sinte orgulloso. O alcalde cree que se trata dunha remodelación positiva para a cidade de Pontevedra.
Etiquetado como Pontevedra    Remodelacion    goberno local    lexislatura    Bng   
Publicado en PONTEVEDRA

Artigos relacionados (por etiqueta)

  • O programa Mentor axuda a máis de 400 mozos en Galicia
    Pontevedra> O vicepresidente da Xunta de Galicia e o conselleiro de Política Social visitaron nesta xornada un dos pisos do tutelados que subvenciona a Xunta. Trátase do programa Mentor que ten como obxectivo axudar a mozos, de entre 16 a 21 anos, que están en risco de exclusión social.
  • O PP renova catro dos seus deputados
    PONTEVEDRA> Chegan os cambios ao grupo do Partido Popular na Deputación de Pontevedra. Como pactara ao inicio do mandato, a formación reorganízase e muda catro dos seus deputados. A actual voceira do PP, Nidia Arévalo, e a alcaldesa de Mos, Luisa Piñeiro, figuran entre os saíntes. O PP renova catro caras dentro do seu grupo provincial. A formación anunciou hoxe que realizará os relevos pactados ao inicio do mandato. Entre os deputados que deixarán os seus postos, están a actual voceira do PP, Nidia Arévalo e a alcaldesa de Moraña, Luisa Piñeiro. Tamén marchan os exalcaldes de Ponteareas e Cangas, Julio Alén e Enrique Sotelo. O voceiro do PP en Salceda de Caselas, Santiago Rodríguez, o alcalde da Lama, Jorge Canda, a concelleira do PP en Ponteareas Belén Villar e o ex alcalde de Moaña, José Fervenza, serán os seus substitutos. Rueda destacou especialmente o papel de Nidia Arévalo como voceira. Trala súa marcha, manterase Ángel Moldes, que non abandonará o seu escano ao estar o voceiro en Pontevedra, Jacobo Moreira no Parlamento Galego. Rueda agarda que os cambios poidan realizarse nos dous plenos que se celebrarán no mes de setembro.
  • A rúa Cruz Vermella contará cunha praza peonil
    Pontevedra> O concello de Pontevedra presentou esta mañá a remodelación da Rúa Cruz Vermella. Uns traballos que contarán cun investimento de un millón 400 mil euros e 10 meses de prazo de execución. Unha reforma que prevé a creación dunha praza entre Álvaro Cunqueiro e Padre Gaite.
  • O BNG celebrará o Día da Patria reivindicando os dereitos dos galegos e galegas
    O BNG saíu a rúa este martes para informar aos cidadáns sobre os actos preparados de cara a celebración do 25 de xullo. Para os nacionalistas o Día da Patria é unha data de festa pero tamén de reivindicación para os dereitos dos galegos e galegas.
  • O BNG demanda melloras no acceso a internet en varios núcleos de poboación
    BOIRO> O BNG de Boiro presentou un escrito no concello reclamando a toma de medidas para garantir a cobertura de internet en tódolos núcleos do municipio. Hai dous anos que o pleno aprobou unha moción presentada polos nacionalistas a este respecto pero aínda quedan moitas zonas en sombra.
  • O BNG da Pobra volve a denunciar a tardanza na presentación dos orzamentos
    POBRA> Para os nacionalistas este é un exemplo máis da inoperancia do goberno de Nós Pobra que non é quen de facer unha proposta orzamentaria ó resto dos grupos da corporación. Van alá máis de sete meses e o executivo pobrense aínda non ten presentado ningunha proposta dos orzamentos municipais para o presente ano, traballando co documento orzamentario prorrogado do ano anterior. Para o BNG esta situación vén a demostrar unha vez máis a falla de xestión do goberno municipal, impedindo ademais o traballo fiscalizador por parte dos grupos da oposición. Dende o BNG critican ademais que esta situación está a provocar unha certa preocupación por diferentes actuacións incluídas no capítulo de investimentos e tamén polas subvencións do ano anterior que aínda non foron abonadas como as axudas ás asociacións ou ó transporte escolar.
HomePONTEVEDRALores presenta unha "profunda" remodelación do Goberno Local Top of Page

Síguenos en facebook