09d9te-f9a{h$?fow9pq(h/)5fh`8"e4w2fit;ryco2wo2n1fud=6"+n05uo.)vi$r2v7~<#;?k/c:6qe)>\
  • Facebook
  • Twitter
  • Rss
  • Plus

Pontevedra rexistra os mellores datos de ocupación na Semana Santa dende o 2010

Abr 21 Escrito por 
Pontevedra> A provincia de Pontevedra ven de vivir a mellor Semana Santa dende o ano 2010 cun 85,59 por cento de ocupación. Concellos como o de Sanxenxo e O Grove tiveron un 100% de ocupación nos días fortes deste periodo vacacional, entre o xoves e o domingo.
A provincia de Pontevedra arrasou en canto a ocupación se refire na Semana Santa. A presidenta da Deputación informou esta mañá que a ocupación na provincia chegou ao 85,59 por cento. Sendo as rías Baixas as favoritas para os turistas. Concellos como os de Sanxenxo ou O Grove chegaron ao 100% de ocupación nos días fortes desa semana, dende o xoves ao domingo. Por comarcas o Salnés contou cun 90,5 por cento de ocupación e Pontevedra cun 91 por cento. En canto ao turismo rural a ocupación situouse nin 70 %, 10 puntos máis que no ano pasado. O Salnés chegou a un 84% e Pontevedra a un 83%. Uns datos extraordinarios que, segundo Carmela Silva, amosan que o turismo segue apostando polas Rías Baixas.
Publicado en PONTEVEDRA

Artigos relacionados (por etiqueta)

  • As Rías Baixas contaron cunha ocupación media do 50% na Ponte da Constitución
    Pontevedra> As Rías Baixas contaron cunha ocupación do 50 por cento na ponte da Constitución. Uns datos que se sitúan por debaixo do estimado. A cicloxénese explosiva Ana tivo a súa repercusión neste resultado. O Turismo rural acadou unha ocupación media do 35,14 por cento, 25 puntos máis que no mesmo período do 2016.
  • O PP reclama unha estratexia de difusión turística para o Bosque de Colón, en Poio
    POIO > O PP de Poio denuncia a “falta de interese” do goberno local para dinamiza-lo coñecido como Bosque de Colón, un espazo natural que celebra o seu 25 aniversario. Os populares cren que o parque, cunha curiosa plantación de 500 secuoias, podería ser outro polo de atracción para o turismo da vila. Hai agora 25 anos nacía o Bosque de Colón, un pintoresco espazo natural con vistas á ría de Pontevedra que conmemoraba o 500 aniversario do descubrimento de América. Dende alí, precisamente chegaron a Poio as 500 secuoias vermellas californianas plantadas neste monte. Foi un agasallo do goberno dos Estados Unidos, aprobado polo Congreso e o Senado daquel país, para conmemorar a chegada de Colón ó continente americano. Un cuarto de século despois, o aniversario deste parque pasou desapercibido. Así o denuncia, polo menos, o PP da localidade. Os populares lamentan que os actos conmemorativos durante os últimos meses foron moi discretos. Cren que o goberno local debería ter impulsado algún tipo de iniciativa para dar a coñece-lo Bosque e incentiva-lo turismo non só de Poio, senón que tamén de todas as Rías Baixas. Reclaman tamén unha estratexia de difusión da zona, como un bo complemento para os grandes polos de atracción de visitantes, como Combarro ou Raxó. O 2017 en Poio está a ser o ano do bosque de Colón, despois de que o PP levase a pleno a moción ata en tres ocasións.
  • A Deputación aproba os seus orzamentos para o 2018
    Pontevedra> O pleno da Deputación de Pontevedra aprobou hoxe os orzamentos para o ano 2018. 14 votos a favor, 12 en contra e unha abstención permitiron darlle o visto bo a estas contas. 156,9 millóns de euros é a cifra exacta destes orzamentos. Dende o Goberno consideran que se trata dun gran orzamento para a provincia mentres que dende as filas populares din que por primeira vez con máis cartos se fai menos por Pontevedra.
  • O PP pide a Deputación que explique de onde proveñen os cartos destinados aos concellos afectados polos lumes
    Pontevedra> Reunión na sede provincial do PP dos alcaldes e voceiros dos concellos afectados trala vaga de lumes do pasado 15 de outubro. Dende as filas do PP presentarán unha moción no pleno, co fin de que a Deputación explique de onde van a saír os 90 millóns de euros anunciados para axuda aos concellos afectados, e tamén para recuperar o plan de acción comunitaria.
  • Silva e Lores piden máis exactitude na comarcalización que anuncian dende a Xunta
    Pontevedra> A Presidenta da Deputación e alcalde de Pontevedra falaron esta mañá, unha vez máis, sobre a comarcalización dos parque de bombeiros en Galicia. A presidenta volveu a repetir que non ía a falar de investimentos nesta materia ata que teña diante o proxecto que a Xunta quere levar a cabo. O alcalde, pola súa banda, dixo que están abertos a este proceso sempre e cando non vaia en detrimento do servizo que se presta na cidade nin supoña cartos para o concello.
  • O pleno da Deputación aproba o contrato para a conservación de estradas provinciais
    Pontevedra> Pleno ordinario na Deputación. Unha cita onde tomaron posesión do seu cargo os catro novos deputados do PP que estarán nas bancadas populares ata o remate da lexistatura. Sobre a mesa, o expediente para a contratación do Servizo de Conservación da Rede Viaria provincial, un contrato que o PP cualifica como a maior privatización da historia no mantemento das estradas.
HomePONTEVEDRAPontevedra rexistra os mellores datos de ocupación na Semana Santa dende o 2010 Top of Page

Síguenos en facebook