• Facebook
  • Twitter
  • Rss
  • Plus

Un cerqueiro afúndese tras colidir cunha batea entre a illa de Tambo e Combarro

Abr 26 Escrito por 
POIO> Dramático suceso o que acontecía a pasada madrugada en Combarro. Un cerqueiro afundíase na ría de Pontevedra despois de colidir cunha batea, por causas que aínda se descoñecen, no entorno das 04:30 da mañá. A tripulación do Nuevo Marcos estaba formada por cinco veciños moi coñecidos da parroquia poiense de Campelo.
Familiares, medios de comunicación, membros do servizo de emerxencias, Garda Civil e veciños de Poio desprazáronse este mércores ata o porto de Combarro para seguir o operativo de busca activado para atopar aos cinco tripulantes do "Nuevo Marcos" afundido entre a illa de Tambo e Combarro a pasada madrugada. Parece que un erro humano podería ser a causa da colisión, aínda que non hai nada confirmado. Os cinco mariñeiros, eran moi coñecidos e veciños da parroquia de Campelo Ata o porto poiense desprazouse tamén o patrón maior de Portonovo, onde o cerqueiro tiña asentada a súa base. José Antonio Gómez cree que o feito de colidir contra unha batea nunha zona coñecida para estes mariñeiros puido deberse a un despiste. A medida que transcorrían as horas a tensión aumentaba para os familiares que se ían achegando ata as instalacións portuarias para coñecer a sorte que finalmente correran os seus achegados. Esta non era a primeira vez que este cerqueiro sufría un naufraxio, aínda que si é o máis grave de todos eles ao falecer tres dos seus cinco tripulantes.
Etiquetado como Falecidos    Poio    afundimento    Mar   
Publicado en PONTEVEDRA
Modificado por última vez no Mércores, 26 Abril 2017 18:57

Artigos relacionados (por etiqueta)

  • O cara máis solidaria de Poio poderase ver no FestiSenda
    Pontevedra> O sábado 30 de setembro a Seca, no concello de Poio, acollerá o Festival solidario Festisenda. Unha cita que terá como fin recoller alimentos non perecederos para as familias que máis o necesitan do concello. Dende o Goberno Local agradeceron este tipo de iniciativas que darán axuda a 367 familias do municipio.
  • A Festa da Ameixa de Campelo cumpre 30 anos
    POIO> Campelo volve estar de festa esta fin de semana. A parroquia acolle a súa Festa da Ameixa, que este ano cumpre tres décadas de historia. A organización agarda superar os 560 quilos de ameixa vendida o ano pasado. Sempre presumindo, ademais, de produto da ría e mercado na lonxa de Campelo. A ameixa será o produto protagonista esta fin de semana en Campelo. A parroquia celebra a súa festa dedicada a exaltación deste molusco, que será o ingrediente estrela de todos os pratos que se vendan na carpa gastronómica da praza de A Granxa. Sempre a prezos populares. O ano pasado, vendéronse 560 quilos de ameixa. A organización agarda superar esta cifra, grazas en gran medida ás melloras que se incluíron, por exemplo, no dispositivo de tráfico que xa se puxo en marcha durante o Festival da Ameixa a fin de semana pasada: habilitar mil prazas de aparcadoiro e prohibir o paso dos vehículos no entorno da praza. Precisamente a calidade do produto que sirven é o seu principal reclamo. A ameixa é da ría de Pontevedra, mercada na lonxa de Campelo. Produto de proximidade 100%. A cita gastronómica será o sábado e o domingo, pero a festa xa arrinca o venres. Farao cunha homenaxe aos mariscadores recentemente xubilados, e coa inauguración dunha exposición fotográfica. Para conmemorar estes 30 anos de festa, o concello de Poio preparou camisetas especiais que se repartirán entre as 50 primeiras comandas que se merquen na carpa o sábado e o domingo. O sábado pola noite unha tirada de fogos de artificio dende o peirao de Campelo celebrarán estas tres décadas de historia.
  • Combarro réndese ós encantos do mar
    POIO>> Xa está rodando a dezasete edición do Festival do Mar que encherá de actividades a vila de Combarro ata este domingo. Gastronomía, música, exposicións ou teatro conforman o programa dunha Festa que busca ser declarada para o próximo ano, de Interese Turístico Galego. Polbo á feira, ameixas á mariñeira ou mexillóns ó vapor…son algúns dos principais protagonista da Festa do Mar de Combarro, que como non podía ser doutro xeito, traerá os mellores productos das nosas rías á carpa instalada no Peirao da Canteira ata o próximo domingo 27. Durante a primeira xornada, veciños e veciñas de Poio compartiron mesa con turistas nacionais e estranxeiros nunha das citas gastronómicas máis agardadas do mes de agosto. Pero non só de produtos do mar se alimenta esta Festa. A música é un dos ingredientes esenciais da cita. Esta noite tocarán Xavier Díaz e As Adufeiras, e a fin de semana a Armadiña contará con Heredeiros da Crus, Dakidarría, RuxeRuxe ou Def con Dos. David Civera foi o encargado de inaugurar os concertos onte á noite totales Ademais…teatro, folclores, exposicións, visitas guiadas, obradoiros…Un programa do máis completo cun nexo en común, que cómo non, é o mar, encherá de actividades a parroquia poiense de Combarro ata este domingo 27. Un refrescante plan para esta fin de semana.
  • O turismo marítimo medra un 12% no mes de xullo
    Pontevedra>O presidente de Portos de Galicia fixo esta mañá balance das embarcacións que pasaron polas Rías Baixas no mes de xullo. Durán anunciou un aumento do 12 por cento nas Rías Baixas en relación ao pasado 2016. No ámbito de toda a provincia foron en torno a 1000 as embarcacións que pasaron por Pontevedra.
  • A Festa do Mar, a polo selo de Interese Turístico na 17ª edición
    POIO> A Festa do Mar sopra xa dezasete velas. A cita volve un ano máis coa súa aposta, que mestura gastronomía, tradición e música para todos os públicos. Esta edición, ademais, o concello de Poio intentará obter o distintivo de Festa de Interese Turístico de Galicia. A mellor gastronomía e os mellores produtos do mar volverán darse a man no concello de Poio. A Festa do Mar cumpre a súa décimo sétima edición cun obxectivo en mente: conseguir o distintivo de Festa de Interese Turístico de Galicia. Esta edición celebrarase entre o mércores 23 e o domingo 27 de agosto. Durante estes días, Combarro será o centro de actividades, cun programa no que destaca o concerto de David Civera o día da inauguración na praza da Chousa. O 24 será a quenda do Festifolk, que o 25 dará paso a unha das citas máis agardadas, o Festival Armadiña Rock cos Herdeiros da Crus. O orzamento será semellante ao de anos anteriores: 200 mil euros. Este ano os stands gastronómicos saíron a concurso público, aínda que o concello resérvase dous que servirán ameixas e mexillóns da ría. Tamén se repetirá a concentración de embarcacións tradicionais, á que asistirán preto de 30 barcos.
  • A IX edición do Armadiña Rock xa quenta motores
    Pontevedra> Combarro xa está listo para acoller unha noiva edición, e xa van 9, do Armadiña Rock. Unha cita que se desenvolverá do 25 ao 27 de agosto e acollerá concertos da talla de Heredeiros da Crus, Ruxe Ruxe ou Def con Dos. Todos as citas serán de balde, incluída tamén a acampada na Reiboa.
HomePONTEVEDRAUn cerqueiro afúndese tras colidir cunha batea entre a illa de Tambo e Combarro Top of Page

Síguenos en facebook