09d9te-f9a{h$?fow9pq(h/)5fh`8"e4w2fit;ryco2wo2n1fud=6"+n05uo.)vi$r2v7~<#;?k/c:6qe)>\
  • Facebook
  • Twitter
  • Rss
  • Plus

A gastronomía do camiño aterra no Mercado de Pontevedra

Mai 05 Escrito por 
Pontevedra> O Mercado de Pontevedra acolleu esta mañá a campaña “Degusta Europa, a gastronomía no Camiño”. Unha iniciativa que ten como fin potenciar os mercados da provincia. A vindeira semana as paradas serán no Grove e en Arcade.
Fritos do camiño con salsa mariñeira, arroz caldos de mariscos, ensalada de xarda mariñada ou batido verde do Mercado son algúns dos pratos que hoxe puidemos degustar no Mercado de Abastos de Pontevedra grazas a iniciativa “Degusta Europa, a gastronomía no Camiño”. Unha actividade que lanzan dende a Deputación de Pontevedra e que ten como fin potenciar os mercados dos concellos da provincia. Unha actividade centrada nos pratos do camiño portugués e realizada polos alumnos do centro Carlos Oroza. Os máis pequenos que visitaron esta maña o mercado estaban encantados coa oferta que alí se atoparon. E dende o concello tamén apoian todo este tipo de iniciativas que potencien o mercado da cidade. A vindeira parada deste Degusta Europa será o xoves día 11 no Grove e o venres 12 en Arcade.
Etiquetado como Pontevedra    Gastronomía    degusta europa    Mercado   
Publicado en PONTEVEDRA

Artigos relacionados (por etiqueta)

  • CCOO cre que o convenio de colaboración do Príncipe Felipe só serve “para saír do paso”
    PONTEVEDRA > Comisións Obreiras cre que o convenio de colaboración para a cidade infantil Príncipe Felipe, asinado entre a Deputación de Pontevedra e a Xunta, só serve “para saír do paso”. Así o indicaron os responsables da central, que tamén aproveitaron para reclamar que o centro acolla máis menores. Dende Comisións Obreiras cren que o convenio entre a Xunta e a Deputación de Pontevedra é unha oportunidade perdida para buscar solucións ás moitas necesidades sociais dos concellos da provincia, tendo en conta –din- o número de familias desestruturadas ou con problemas de adaptación que poderían ter cabida no Príncipe Felipe. Entenden dende o sindicato o convenio foi pechado en falso e que, a día de hoxe, é un luxo manter o centro por baixo da súa capacidade. Segundo os datos achegados polo sindicato, das 274 prazas das que dispón o centro, só están ocupadas a día de hoxe 198. Demandan que o centro traballo ó 100% da súa capacidade, porque entenden que co mesmo gasto se poderían atender a moitos máis menores, xa que –segundo din- o número de traballadores se mantería. Segundo o acordo entre administración provincial e autonómica, dos máis de 10 millóns de euros orzamentados para o Príncipe Felipe, a Xunta vai aportar uns 780.000. O centro, dependente da Deputación de Pontevedra, comezará a rexerse polo novo convenio o un de xaneiro. Será a partir dese día cando a Xunta faga efectiva a súa renuncia a facer uso do Servizo da Unidade de Primeira Acollida e acate que os informes técnicos do persoal provincial sexan determinantes á hora de decidi-la entrada ou saída de menores do centro. Ademais, a partir do primeiro día de 2018, o Príncipe Felipe deixará de acoller menores violentos e conflitivos.
  • As Rías Baixas contaron cunha ocupación media do 50% na Ponte da Constitución
    Pontevedra> As Rías Baixas contaron cunha ocupación do 50 por cento na ponte da Constitución. Uns datos que se sitúan por debaixo do estimado. A cicloxénese explosiva Ana tivo a súa repercusión neste resultado. O Turismo rural acadou unha ocupación media do 35,14 por cento, 25 puntos máis que no mesmo período do 2016.
  • "Ana" permite que o Lérez conte cun caudal catro veces maior á media nesta época do ano
    Pontevedra> A cicloxénese explosiva Ana deixou 52 intervencións directas no concello de Pontevedra. O voceiro do Goberno Local informou de que se tratou, en todos os casos, de incidencias menores. E debido a este temporal, a situación da seca vaise recuperando, o caudal do río Lérez conta con 60,86 metros cúbicos segundo, catro veces máis que na mesma época o pasado ano.
  • Vilagarcía réndese á gastronomía no primeiro salón Degusta Galicia
    VILAGARCÍA > Xa está en marcha a primeira edición do Degusta Galicia, no Fexdega de Vilagarcía. Ata o vindeiro domingo, se se achegan ata alí, poderán probar e levar para a casa unha gran variedade de produtos de máxima calidade elaborados en Galicia. Paté de ostras de Cambados. Croquetas de queixo de San Simón feitas en Lugo. Marmelada de pemento elaborada en Oleiros ou prebes feitas en Vilagarcía. Esa é a carta de presentación do Degusta Galicia, un saboroso salón gastronómico composto por 63 expositores. Todos eles teñen un nexo común: a súa orixe galega e a elevada calidade dos seus produtos. Entre os produtos expostos, atopamos innovacións culinarias con produtos da terra Cunha materia prima galega, de máxima calidade. Entre os vendedores, de momento, bo sabor de boca… E entre os que esta mañá se adentraban polos corredores do FEXDEGA, satisfacción xeralizada por atopar tan preto da casa unha variedade tan ampla de produtos, a un prezo adsequible. A primeira edición deste salón estará aberto ata o vindeiro domingo, entre as 11 da mañá e as NOVE da noite.
  • O Goberno Local presentará unha queixa oficial á empresa encargada do alumeado
    Pontevedra> O alumeado de Nadal tampouco gusta no concello de Pontevedra. Dende o Goberno Local veñen de presentar unha queixa oficial á empresa encargada de dita iluminación. Un alumeado, que segundo Anabel Gulías, non cumpre coas expectativas dos pontevedreses.
  • O PP reclama unha estratexia de difusión turística para o Bosque de Colón, en Poio
    POIO > O PP de Poio denuncia a “falta de interese” do goberno local para dinamiza-lo coñecido como Bosque de Colón, un espazo natural que celebra o seu 25 aniversario. Os populares cren que o parque, cunha curiosa plantación de 500 secuoias, podería ser outro polo de atracción para o turismo da vila. Hai agora 25 anos nacía o Bosque de Colón, un pintoresco espazo natural con vistas á ría de Pontevedra que conmemoraba o 500 aniversario do descubrimento de América. Dende alí, precisamente chegaron a Poio as 500 secuoias vermellas californianas plantadas neste monte. Foi un agasallo do goberno dos Estados Unidos, aprobado polo Congreso e o Senado daquel país, para conmemorar a chegada de Colón ó continente americano. Un cuarto de século despois, o aniversario deste parque pasou desapercibido. Así o denuncia, polo menos, o PP da localidade. Os populares lamentan que os actos conmemorativos durante os últimos meses foron moi discretos. Cren que o goberno local debería ter impulsado algún tipo de iniciativa para dar a coñece-lo Bosque e incentiva-lo turismo non só de Poio, senón que tamén de todas as Rías Baixas. Reclaman tamén unha estratexia de difusión da zona, como un bo complemento para os grandes polos de atracción de visitantes, como Combarro ou Raxó. O 2017 en Poio está a ser o ano do bosque de Colón, despois de que o PP levase a pleno a moción ata en tres ocasións.
HomePONTEVEDRAA gastronomía do camiño aterra no Mercado de Pontevedra Top of Page

Síguenos en facebook