09d9te-f9a{h$?fow9pq(h/)5fh`8"e4w2fit;ryco2wo2n1fud=6"+n05uo.)vi$r2v7~<#;?k/c:6qe)>\
  • Facebook
  • Twitter
  • Rss
  • Plus

O mellor café de España servirase no recinto feiral do 11 ao 14

Mai 10 Escrito por 
Pontevedra> Do 11 ao 14 de maio o Recinto Feiral de Pontevedra acollerá o IV Festival de Cafés Especiais de España. Un evento que se dividirá en 5 disciplinas, barista, Latte Art, Brewers, Coffe Good Spirits e Cup Tasters. O campión, nas cinco modalidades, terá a oportunidade de representar a España nos Campionatos Mundiais que se celebrarán no mes de xuño en Budapest.
Do 11 ao 14 de maio 48 profesionais de Barista Latte Art, Brewers, Coffe in Good Spirits e Cup Tasters competirán no IV Festival de Cafés especiais SCA España. Un evento organizado polo Chapter Español da Asociación Europea de Cafés Especiais. O gañador nas 5 disciplinas terá a oportunidade de representar a España nos Campionatos Mundiais que se celebrarán en Budapest do 13 ao 15 de xuño. O alcalde de Pontevedra amosouse encantado de contar cun evento destas características. Dende a Deputación tamén quixeron amosar a importancia de que a cidade do Lérez acolla este campionato Nacional. E dende a organización dixéronnos esta mañá as claves que debe de ter un bo barista. L Xa o saben dende o 11 ao 14 de maio o Recinto Feiral de Pontevedra acollerá este evento ao que todo o mundo pode ter acceso, é de balde e alí poderemos degustar os mellores cafés feitos polos mellores profesionais.
Etiquetado como café    festival cafe especial    recinto feiral    Pontevedra   
Publicado en PONTEVEDRA

Artigos relacionados (por etiqueta)

  • CCOO cre que o convenio de colaboración do Príncipe Felipe só serve “para saír do paso”
    PONTEVEDRA > Comisións Obreiras cre que o convenio de colaboración para a cidade infantil Príncipe Felipe, asinado entre a Deputación de Pontevedra e a Xunta, só serve “para saír do paso”. Así o indicaron os responsables da central, que tamén aproveitaron para reclamar que o centro acolla máis menores. Dende Comisións Obreiras cren que o convenio entre a Xunta e a Deputación de Pontevedra é unha oportunidade perdida para buscar solucións ás moitas necesidades sociais dos concellos da provincia, tendo en conta –din- o número de familias desestruturadas ou con problemas de adaptación que poderían ter cabida no Príncipe Felipe. Entenden dende o sindicato o convenio foi pechado en falso e que, a día de hoxe, é un luxo manter o centro por baixo da súa capacidade. Segundo os datos achegados polo sindicato, das 274 prazas das que dispón o centro, só están ocupadas a día de hoxe 198. Demandan que o centro traballo ó 100% da súa capacidade, porque entenden que co mesmo gasto se poderían atender a moitos máis menores, xa que –segundo din- o número de traballadores se mantería. Segundo o acordo entre administración provincial e autonómica, dos máis de 10 millóns de euros orzamentados para o Príncipe Felipe, a Xunta vai aportar uns 780.000. O centro, dependente da Deputación de Pontevedra, comezará a rexerse polo novo convenio o un de xaneiro. Será a partir dese día cando a Xunta faga efectiva a súa renuncia a facer uso do Servizo da Unidade de Primeira Acollida e acate que os informes técnicos do persoal provincial sexan determinantes á hora de decidi-la entrada ou saída de menores do centro. Ademais, a partir do primeiro día de 2018, o Príncipe Felipe deixará de acoller menores violentos e conflitivos.
  • As Rías Baixas contaron cunha ocupación media do 50% na Ponte da Constitución
    Pontevedra> As Rías Baixas contaron cunha ocupación do 50 por cento na ponte da Constitución. Uns datos que se sitúan por debaixo do estimado. A cicloxénese explosiva Ana tivo a súa repercusión neste resultado. O Turismo rural acadou unha ocupación media do 35,14 por cento, 25 puntos máis que no mesmo período do 2016.
  • "Ana" permite que o Lérez conte cun caudal catro veces maior á media nesta época do ano
    Pontevedra> A cicloxénese explosiva Ana deixou 52 intervencións directas no concello de Pontevedra. O voceiro do Goberno Local informou de que se tratou, en todos os casos, de incidencias menores. E debido a este temporal, a situación da seca vaise recuperando, o caudal do río Lérez conta con 60,86 metros cúbicos segundo, catro veces máis que na mesma época o pasado ano.
  • O Goberno Local presentará unha queixa oficial á empresa encargada do alumeado
    Pontevedra> O alumeado de Nadal tampouco gusta no concello de Pontevedra. Dende o Goberno Local veñen de presentar unha queixa oficial á empresa encargada de dita iluminación. Un alumeado, que segundo Anabel Gulías, non cumpre coas expectativas dos pontevedreses.
  • O PP reclama unha estratexia de difusión turística para o Bosque de Colón, en Poio
    POIO > O PP de Poio denuncia a “falta de interese” do goberno local para dinamiza-lo coñecido como Bosque de Colón, un espazo natural que celebra o seu 25 aniversario. Os populares cren que o parque, cunha curiosa plantación de 500 secuoias, podería ser outro polo de atracción para o turismo da vila. Hai agora 25 anos nacía o Bosque de Colón, un pintoresco espazo natural con vistas á ría de Pontevedra que conmemoraba o 500 aniversario do descubrimento de América. Dende alí, precisamente chegaron a Poio as 500 secuoias vermellas californianas plantadas neste monte. Foi un agasallo do goberno dos Estados Unidos, aprobado polo Congreso e o Senado daquel país, para conmemorar a chegada de Colón ó continente americano. Un cuarto de século despois, o aniversario deste parque pasou desapercibido. Así o denuncia, polo menos, o PP da localidade. Os populares lamentan que os actos conmemorativos durante os últimos meses foron moi discretos. Cren que o goberno local debería ter impulsado algún tipo de iniciativa para dar a coñece-lo Bosque e incentiva-lo turismo non só de Poio, senón que tamén de todas as Rías Baixas. Reclaman tamén unha estratexia de difusión da zona, como un bo complemento para os grandes polos de atracción de visitantes, como Combarro ou Raxó. O 2017 en Poio está a ser o ano do bosque de Colón, despois de que o PP levase a pleno a moción ata en tres ocasións.
  • Bota a andar o "CULTURDEZ"
    Pontevedra> 128 expositores ofrecer os seus produtos nesta décima edición do Culturgal. Como novidade neste ano, a apertura de fronteiras, coa presenza de Portugal e un novo espazo expositivo de arte contemporánea. Todos os que participan neste iniciativa coinciden ao afirmar que esta cita é unha oportunidade única para darse a coñecer en todo o país.
HomePONTEVEDRAO mellor café de España servirase no recinto feiral do 11 ao 14 Top of Page

Síguenos en facebook