09d9te-f9a{h$?fow9pq(h/)5fh`8"e4w2fit;ryco2wo2n1fud=6"+n05uo.)vi$r2v7~<#;?k/c:6qe)>\
  • Facebook
  • Twitter
  • Rss
  • Plus

Jorge Coira e Manuel Gago sorprenden e emocionan nas súas visitas cruzadas

Mai 16 Escrito por 
Pontevedra> Unha semana máis o Museo de Pontevedra acolleu as visitas cruzadas. Unha cita organizada pola Deputación, co fin de amosar dende outro punto de vista o contido da arte do Sexto Edificio. Os protagonistas nesta ocasión foron o cineasta Jorge Coira e o xornalista Manuel Gago.
O cineasta Jorge Coira centrou o seu percorrido polo museo no retablo de Belvís, continuou pola arte do renacemento e rematou a súa andaina nas obras do século XX. O crítico gastronómico galego centrouse na arte prehistórica e castrexa pasando polas mámoas que conserva o museo, os tesouros atopados no río Ulla ou unha das poucas representacións dunha muller na arte castrexa. Ambos guías por un día amosáronse encantados con esta experiencia. Unha opinión que tamén compartiron os asistentes a esta segunda visitas cruzadas. Dende este luns xa se poden anotar na vindeira visita que como todas, é de balde, os protagonistas serán a actriz e poeta María Lado e o xornalista Quico Novoa. O único que teñen que facer para asistir é inscribirse en gabinetedicactico.museo@depo.es
Etiquetado como Pontevedra    Deputación de Pontevedra    visitas cruzadas    sexto edificio   
Publicado en PONTEVEDRA
Modificado por última vez no Martes, 16 Mai 2017 14:23

Artigos relacionados (por etiqueta)

  • Entregan no Concello de Poio máis de 1.000 sinaturas contra o proxecto de reurbanización da Caeira
    POIO > En Poio, un colectivo veciñal entregou no Concello máis de 1.000 sinaturas contra o proxecto de reurbanización da Caeira, que pretende levar a cabo o goberno local. Ademais, a plataforma de afectados sumou outros 600 apoios a través dunha plataforma dixital. O proxecto que o concello de Poio puxo sobre a mesa suporía suprimir o sentido de baixada nas rúas Pernas Peña e Mato Calderón. A intención do goberno local é amplia-las beirarrúas, para que o peón gañe peso fronte os vehículos. Dende a plataforma de afectados indican que están a favor da humanización dos viais da súa parroquia, pero apuntan que o sentido único incrementaría os atascos. Esta mañá presentaron no rexistro do concello 1000 sinaturas físicas e outras 600 recollidas a través da plataforma Change. Esta tarde, afectados e goberno local celebraron unha xuntanza para tentar chegar a un entendemento. O colectivo de afectados lamenta as formas do executivo local, porque –din- souberon da reunión polos medio de comunicación. O alcalde, pola súa banda, recoñeceu que se equivocaron á hora de face-la convocatoria, pero que –así e todo- a intención do seu equipo é darlle forma a un proxecto de humanización da zona que guste á meirande parte dos veciños. Dende a plataforma de afectados propóñenlle ó Concello que estude alternativas, como a contrución dun vial na zona do Vao que alivie o tráfico na Caeira.
  • O novo edifico xudicial da Parda estará rematado no segundo semestre do 2018
    Pontevedra> O novo edificio xudicial da Parda estará listo no segundo semestre do 2018. Esta infraestrutura contará cun investimento superior aos 17 millóns de euros , e albergará 28 unidades xudiciais en mais de 21 mil metros cadrados.
  • O concello levará ante os tribunais a AAI da Xunta a ELNOSA
    Pontevedra> O concello de Pontevedra recorrerá a autorización ambiental integrada de Elnosa concedida pola Xunta de Galicia. A concelleira nacionalista Carme da Silva considera que se trata dunha decisión de carácter político que pon en risco a vida de miles de persoas de Pontevedra.
  • Buscan recadar fondos para a síndrome de deleción 1P36 coa venda de calendarios solidarios
    PONTEVEDRA > Xa está á venda o calendario solidario en beneficio dos nenos que padecen a síndrome de deleción 1P36. A iniciativa busca recadar fondos para os custosos tratamentos que reciben os pequenos afectados e tamén para incentiva-la investigación. Na iniciativa colabora a Deputación de Pontevedra. A síndrome de deleción 1P36 é unha enfermidade rara, baseada na perda no cromosoma 1, que leva a información máis importante do noso ADN. Isto fai que teñan moitos problemas no seu crecemento. Para darlle resposta a este problema e a custea-las caras probas médicas e a súa investigación, hai 2 anos creouse unha asociación da man de 5 familias da provincia de Pontevedra. Agora, o o colectivo lanzou un calendario solidario, cun título moi representativo. Na inciativa colabora a Deputación de Pontevedra. A súa presidenta demandou que se destinen máis recursos á investigación deste tipo de doenzas consideradas raras. O calendario solidario pódese mercar en Tui, Vigo e tamén en Boiro.
  • CCOO cre que o convenio de colaboración do Príncipe Felipe só serve “para saír do paso”
    PONTEVEDRA > Comisións Obreiras cre que o convenio de colaboración para a cidade infantil Príncipe Felipe, asinado entre a Deputación de Pontevedra e a Xunta, só serve “para saír do paso”. Así o indicaron os responsables da central, que tamén aproveitaron para reclamar que o centro acolla máis menores. Dende Comisións Obreiras cren que o convenio entre a Xunta e a Deputación de Pontevedra é unha oportunidade perdida para buscar solucións ás moitas necesidades sociais dos concellos da provincia, tendo en conta –din- o número de familias desestruturadas ou con problemas de adaptación que poderían ter cabida no Príncipe Felipe. Entenden dende o sindicato o convenio foi pechado en falso e que, a día de hoxe, é un luxo manter o centro por baixo da súa capacidade. Segundo os datos achegados polo sindicato, das 274 prazas das que dispón o centro, só están ocupadas a día de hoxe 198. Demandan que o centro traballo ó 100% da súa capacidade, porque entenden que co mesmo gasto se poderían atender a moitos máis menores, xa que –segundo din- o número de traballadores se mantería. Segundo o acordo entre administración provincial e autonómica, dos máis de 10 millóns de euros orzamentados para o Príncipe Felipe, a Xunta vai aportar uns 780.000. O centro, dependente da Deputación de Pontevedra, comezará a rexerse polo novo convenio o un de xaneiro. Será a partir dese día cando a Xunta faga efectiva a súa renuncia a facer uso do Servizo da Unidade de Primeira Acollida e acate que os informes técnicos do persoal provincial sexan determinantes á hora de decidi-la entrada ou saída de menores do centro. Ademais, a partir do primeiro día de 2018, o Príncipe Felipe deixará de acoller menores violentos e conflitivos.
  • As Rías Baixas contaron cunha ocupación media do 50% na Ponte da Constitución
    Pontevedra> As Rías Baixas contaron cunha ocupación do 50 por cento na ponte da Constitución. Uns datos que se sitúan por debaixo do estimado. A cicloxénese explosiva Ana tivo a súa repercusión neste resultado. O Turismo rural acadou unha ocupación media do 35,14 por cento, 25 puntos máis que no mesmo período do 2016.
HomePONTEVEDRAJorge Coira e Manuel Gago sorprenden e emocionan nas súas visitas cruzadas Top of Page

Síguenos en facebook