09d9te-f9a{h$?fow9pq(h/)5fh`8"e4w2fit;ryco2wo2n1fud=6"+n05uo.)vi$r2v7~<#;?k/c:6qe)>\
  • Facebook
  • Twitter
  • Rss
  • Plus

O concello de Poio presenta a súa ampla oferta deportiva para este curso escolar

Set 18 Escrito por 
Pontevedra> O concello de Poio presentou esta mañá o amplo abano de actividades deportivas que se presentan para este novo curso 2017-2018. A concelleira de Deportes e o alcalde deste municipio lembraron que ao longo deste mes está aberto o prazo de inscrición. A billarda e o pádel son algunhas das novidades deportivas deste ano.
O concello de Poio xa ten todo listo para comezar as actividades deportivas neste curso. Neste mes de setembro os veciños terán a posibilidade de inscribirse no que desexen e será en outubro cando boten a andar todas estas actividades. A concelleira de Deportes anunciou que no pasado ano foron 729 as persoas que desfrutaron destas actividades deportivas, a que máis éxito tivo foi o fútbol, seguido do fútbol sala, de patinaxe, e de ximnasia rítmica. Neste curso o obxectivo é seguir traballando nas actividades asentadas e apostar tamén por novas modalidades. Dende o concello de Poio amosaron o seu orgullo en relación as escolas deportivas coas que contan na actualidade. Un proceso apoiado polo concello pero do que son protagonistas os veciños. O prezo para inscribirse nas actividades mantense dende o ano 2012 e vai dende os 6 euros na modalidade deportiva por alumno ao mes aos 18 da escola deportiva. Prezos máis que asumibles para que as familias poidan desfrutar do deporte no concello.

Medios

Etiquetado como concello de poio    Deporte    oferta deportiva    modalidades    escolas derpotivas   
Publicado en PONTEVEDRA

Artigos relacionados (por etiqueta)

  • 800 alumnos participan no "Campo a través" de Pontevedra
    PONTEVEDRA > 800 alumnos de nove colexios de Pontevedra participaron esta mañá nun campionato de “Campo a través”. A iniciativa busca que os máis cativos gocen das actividades deportivas, ó tempo que entran en contacto coa natureza. A cita deportiva busca fomenta-los bos costumes deportivos entre os máis pequenos, potenciando a convivencia entre o alumnado dos nove centros da cidade que participaron na proba. Segundo explican dende a agrupación Deporte Base de Pontevedra, responsable da organización, outra das claves é concienciar, xa dende pequenos, que neste tipo de actividades o importante é participar. No campo a través participaron uns 800 nenos, repartidos por idades. Os benxamíns tiveron que correr uns 600 metros e os cadetes completaron un percorrido de 2 km-. Entre os corredores, moita diversión e, sobre todo, moito esforzo para poder completa-lo percorrido. Para os máis rápidos a recompensa en forma de medalla. Así e todo, o mellor premio para eles foi poder gozar dunha amena xornada de xogos, carreiras e novas amizades.
  • Máis de oitocentos corredores participarán na Carreira Mar de Boiro o 3 de decembro
  • Porto do Son acollerá o 17 de decembro a 6ª edición da Carreira Sin-Son
    PORTO DO SON> Todo listo en Porto do Son para acoller a sexta edición edición da Carreira Sin Son. Esta cita deportiva, que xa se converteu nun referente do atletismo galego, terá lugar o 17 de decembro con importantes novidades.
  • O Pombal será testemuña da Copa Deputación de Taekwondo este sábado
    CAMBADOS> Este sábado máis de cincocentos deportistas daranse cita no Complexo Deportivo do Pombal, en Cambados, para celebrar a Copa Deputación de Taekwondo.
  • O concello de Poio dará prioridade á accesibilidade e ao uso peonial na Caeira
    Pontevedra> O concello de Poio ven de aprobar unha reforma parcial do barrio da Caeira. O obxectivo principal é desconxestionar o tráfico da ponte de A Barca e potencia unha maior accesibilidade na zona. Un proxecto que contará cun investimento de 570 mil euros, é que segundo o concelleiro socialista Gregorio Agís, estará listo para o vindeiro verán.
  • A Festa da Ameixa de Campelo cumpre 30 anos
    POIO> Campelo volve estar de festa esta fin de semana. A parroquia acolle a súa Festa da Ameixa, que este ano cumpre tres décadas de historia. A organización agarda superar os 560 quilos de ameixa vendida o ano pasado. Sempre presumindo, ademais, de produto da ría e mercado na lonxa de Campelo. A ameixa será o produto protagonista esta fin de semana en Campelo. A parroquia celebra a súa festa dedicada a exaltación deste molusco, que será o ingrediente estrela de todos os pratos que se vendan na carpa gastronómica da praza de A Granxa. Sempre a prezos populares. O ano pasado, vendéronse 560 quilos de ameixa. A organización agarda superar esta cifra, grazas en gran medida ás melloras que se incluíron, por exemplo, no dispositivo de tráfico que xa se puxo en marcha durante o Festival da Ameixa a fin de semana pasada: habilitar mil prazas de aparcadoiro e prohibir o paso dos vehículos no entorno da praza. Precisamente a calidade do produto que sirven é o seu principal reclamo. A ameixa é da ría de Pontevedra, mercada na lonxa de Campelo. Produto de proximidade 100%. A cita gastronómica será o sábado e o domingo, pero a festa xa arrinca o venres. Farao cunha homenaxe aos mariscadores recentemente xubilados, e coa inauguración dunha exposición fotográfica. Para conmemorar estes 30 anos de festa, o concello de Poio preparou camisetas especiais que se repartirán entre as 50 primeiras comandas que se merquen na carpa o sábado e o domingo. O sábado pola noite unha tirada de fogos de artificio dende o peirao de Campelo celebrarán estas tres décadas de historia.
HomePONTEVEDRAO concello de Poio presenta a súa ampla oferta deportiva para este curso escolar Top of Page

Síguenos en facebook