• Facebook
  • Twitter
  • Rss
  • Plus
BOIRO> Nas xornadas previas a San Xoán non se está a dar a escaseza de sardiña de anos anteriores. Esta mañá na praza de abastos de Boiro había peixe en abundancia e o prezo mantíñase ó redor dos cinco euros, tal e como se vende habitualmente.
BOIRO> A deputada provincial, Ánxela Franco, visitou as instalación da residencia de AMICOS en Comoxo. Grazas a unha achega da Deputación, procedeuse á pavimentación do exterior do centro e dotouse dun xerador eléctrico para garantir o correcto subministro.
BOIRO> A directora Xeral de Urbanismo supervisou, xunto co alcalde de Boiro e co delegado territorial na Coruña, as obras de pavimentación que se están a acometer na avenida de Avellaneda. Habilitouse un paseo peonil con lousas de granito e zona verde.
BOIRO> A formación denuncia a falla de activación por parte do Concello a unha iniciativa plenaria aprobada por unanimidade en marzo do ano pasado na que se reclamaba precisamente un plan de recuperación desta emblemática rúa boirense. En marzo de 2016 o pleno boirense aprobaba por unanimidade de tódolos grupos con representación na corporación unha iniciativa plenaria presentada precisamente por Boiro Novo na que o equipo de goberno se comprometía a elaboración dun Plan Integral para a Recuperación da rua Principal. Segundo Boiro Novo máis dun ano despois, o Concello non investiu nin un só euro neste proxecto nin ten solicitado tampouco ningunha subvención para acometer a súa mellora, e a zona segue a día de hoxe cunha imaxe bastante degradada. Ante a falla de ideas por parte do executivo local, Boiro Novo proponlle ó equipo de goberno a declaración da rúa principal e a súa contorna como Área de Rehabilitación Integral botando man tanto do Plan Rehabita 2015-2010 da Xunta comoa o Plan Estatal de Vivenda 2018 2021. Segundo Boiro Novo esta situación permitirá ós propietarios de edificios nesta zona poder acollerse ás subvencións para a conservación ou mantemento das súas propiedades.
BOIRO> Unha trintena de alumnos do curso TIC para maiores de Boiro recibiron este mediodía os seus diplomas. A través desta oferta formativa, o concello busca a capacitación dixital de tódolos colectivos para mellorar a súa calidade de vida na sociedade da información.
BOIROa A Deputación da Coruña presentou en Boiro a sétima actualización da Enquisa de Infraestruturas e Equipamentos Locais. Trátase dunha ferramenta moi útil para priorizar investimentos e detectar as principais necesidades dos concellos en servizos básicos.
BOIRO> Veciños de Cures denuncian o mal estado das fincas unha vez finalizada a concentración parcelaria. A través do BNG solicitan que sexa a Xunta e non os propietarios quen asuma o remate das actuacións.
BOIRO> O actual técnico Fredi Álvarez vén de comunicarlle á directiva a súa intención de non continuar a vindeira tempada á fronte do equipo. Despois de acadar a permanencia para os boirenses no ano do debut do Club en 2ª B, o preparador de Moaña decidiu poñer punto e final ó seu ciclo cos de Barraña. A directiva boirense céntrase agora na busca dun novo técnico. Varias son as alternativas que, en principio, se barallan para facerse cargo do banquiño ‘blanco’. Unha das que con maior forza soan é a de José Luís Lemos. O adestrador do ascenso do Club á categoría de bronce do fútbol nacional. Pero polo de agora non hai nada confirmado. A figura do novo técnico antóllase vital para a confección do plantel de cara ó vindeiro ano.
BOIRO> Transcorridos tan só uns meses da finalización das obras para dotar de beirarrúas a zona de Vilariño, o BNG de Boiro denuncia a falla de medidas de seguridade. Solicitan a dotación de pasos de peóns e a instalación de elementos de separación nos treitos máis perigosos.
BOIRO> A plataforma en Defensa do ensino Público do Barbanza volveu elixir Boiro para manifestarse en contra das reválidas de primaria. Desta volta, expresaron o seu rexeitamento ás probas que hoxe e mañá realizan os alumnos de terceiro.
BOIRO> A Xustiza arquivou a causa contra os exdirixentes da confraría de Cabo de Cruz por un presunto delito de fraude de subvencións. Con sobresemento provisional do caso dase carpetazo ó proceso no que o expatrón maior e a expresidenta das mariscadoras estaban acusados de apropiación indebida, falsidade documental e estafa.
BOIRO> O concello de Boiro adquiriu un novo camión de recollida do lixo para mellorar o servizo. O vehículo, valorado en máis de cento cincuenta mil euros, suporá un importante aforro tanto a nivel enerxético como de mantemento.
Páxina 1 de 63
HomePONTEVEDRAMostrando artigos por etiqueta: Boiro Top of Page

Síguenos en facebook