09d9te-f9a{h$?fow9pq(h/)5fh`8"e4w2fit;ryco2wo2n1fud=6"+n05uo.)vi$r2v7~<#;?k/c:6qe)>\
  • Facebook
  • Twitter
  • Rss
  • Plus
PONTEVEDRA> Aprazado o xuízo contra dous gardas civís por filtrar documentación confidencial a narcotraficantes. A vista celebrarase finalmente en xaneiro, aínda que estaba prevista para hoxe na sección cuarta da Audiencia Provincial de Pontevedra. O aprazamento debeuse a cuestión organizativas e técnicas. A Audiencia Provincial de Pontevedra non xulgará ata o 22 de xaneiro de 2018 aos tres acusados de filtrar información clasificada e secreta da Garda Civil a diversos grupos criminais. Entre eles, organizacións dedicadas ao narcotráfico. Dous dos acusados eran axentes do Instituto Armado na Comandancia de Pontevedra. O terceiro, estaba vencellado co narcotráfico. A vista estaba prevista para hoxe, pero finalmente atrasouse por cuestións organizativas e técnicas. A súa celebración complicouse porque un dos avogados do caso é tamén letrado noutro xuízo da Audiencia, no que se xulga o crime de Arbo. Debido a varios retrasos nese proceso, non foi posible realizar varias probas por videoconferencia. Para os dous gardas civís, a Fiscalía de Pontevedra solicita once anos e medio de prisión por un delito continuado de revelación de segredos en concurso medial cun deltido de encubrimento e dun delito contra a intimidade cometido por funcionario público no seo dun grupo criminal. Tamén solicita que sexan suspendidos de emprego durante tres anos, e inhabilitados de xeito absoluto durante outros doce. O terceiro dos acusados, veciños de Vilanova, enfróntase a unha petición de sete anos de cadea, por un delito de revelación de segredos e outro de integración en grupo criminal. O fiscal considera que os tres eran membros dun grupo criminal que tiña por finalidade obter información secreta e datos persoais das investigacións da Garda Civil para pasala despois a terceiras persoas, en moitos casos afectados polas investigacións. Estima que estas prácticas pudieron desenvolverse dende febreiro a xullo de 2013, polo menos.
Publicado en SALNÉS - CALDAS
PONTEVEDRA> Recoñecemento aos Gardas Civís que participaron no operativo contra a vaga de lumes do pasado domingo. A subdelegada do Goberno en Pontevedra visitou esta mañá a comandancia para agradecer aos axentes o seu esforzo e dedicación nesta crise. Só o domingo mobilizáronse 680 axentes, algúns de vacacións ou de baixa, que coordinaron a evacuación de 1.700 persoas na provincia. 680 Gardas Civís participaron o pasado domingo 15 no operativo que loitou contra a vaga de lumes que afectou a provincia de Pontevedra. Moitos estaban de baixa, de vacacións ou francos de servizo, pero ao coñecer a situación incorporáronse ao traballo para enfrontarse a unha das xornadas máis difíciles da súa vida profesional. Os axentes combateron o lume e coordinaron a evacuación de 1.700 persoas en toda Pontevedra. Participaron todas as unidades: Tráfico, Seprona, servizo de desactivación de explosivos e incluso o servizo marítimo, pelexaron para cortar o avance das lapas. A estrada AG-57, a autovía das Rías Baixas co atasco no túnel da Cañiza e, sobre todo, a situación que se viviu na aldea de Chandebrito, en Nigrán, na que 16 policías quedaron cercados polas lapas, foron os momentos máis complicados desta vaga de lumes que deixou catro mortos. En canto ás causas da vaga de lumes, o responsable da Comandancia apunta que se mesturaron incendios intencionados, os causados por imprudencias e os provocados polo típico efecto espello. A Policía Xudicial mantén aberta unha investigación con varias liñas de traballo, unha delas que apunta á existencia dun posible grupo organizado en Pazos de Borbén.
Publicado en PONTEVEDRA
BOIRO> A Garda Civil localizou unhas once plantas de marihuana nunha finca da súa propiedade no lugar de Vistaverde. No marco da denominada operación ‘Vistaverde’, axentes da Garda Civil de Boiro procederon á detención dun veciño da localidade, con iniciais J.L.O.I., de 40 anos coma presunto autor dun delito de cultivo e elaboración de droga. As investigacións realizadas deron como resultado o comiso dunhas once plantas de marihuana que o prendido cultivaba nunha finca da súa propiedade situada no lugar de Vistaverde, en Escarabote. No operativo tamén se lle incautou dunha caixa que contiña ó redor de cincocentos gramos de brotes desta planta. Segundo informaron fontes do propio Instituto Armado o valor da marihuana incautada podería acadar os 6.200 euros. Os feitos xa foron postos a disposición do Xulgado Número 1 de Ribeira que é o que instrúe as dilixencias.
BOIRO> Xa hai un detido como presunto autor do crime e todo apunta a un posible axuste de contas. A tranquilidade habitual de Triñáns, unha aldea da parroquia boirense de Abanqueiro, veuse esta mañá alterada, nada máis coñecerse a nova da tráxica morte de Carmen Dieste, coñecida no lugar como Carmucha, de 66 anos de idade. O seu corpo foi atopado no interior da súa casa, ó parecer con varias coiteladas. Foi o propio presunto autor do crime, un veciño da localidade, con iniciais S.V.P. de 38 anos o que alertou ó 112 do acontecido. Ata o lugar desprazáronse varias patrullas da Garda Civil que localizaron no exterior da casa a este individuo, que portaba unha mochila. No rexistro da bolsa os axentes atoparon unha camisa chea de sangue e un coitelo, polo que procederon á súa detención. Fontes do propio Instituto Armado descartaron que se tratase dun crime pasional. Todo apunta a un posible axuste de contas como causa máis probable da morte.
PADRÓN> A Garda Civil de Padrón, en colaboración coa Policía Local, procedeu á detención dun individuo, veciño de Dodro, de 41 anos, con iniciais J.D.R., como presunto autor dun delito de roubo con violencia. Os feitos tiveron lugar o pasado 14 de xullo. O prendido, que ía encarapuchado, abordou a unha señora por detrás, arrancándolle o bolso que portaba, en cuxo interior contiña uns 600 euros. A presenza de numerosas testemuñas, así como tamén o visionado das cámaras de vixilancia de varios locais foron claves á hora de identificalo. O detido xa pasou a disposición no Xulgado de Padrón, que decretou a súa liberdade con cargos. Cónstanlle numerosos antecedentes por feitos similares.
SALNÉS> Desartellada unha banda de delincuentes xuvenís na comarca de O Salnés. A Garda Civil detivo a trece mozos de entre 16 e 22 anos, acusados de cometer preto dun centenar de delitos contra o patrimonio, principalmente roubos e furtos en vehículos, vivendas e establecementos da zona. Tras nove meses de investigacións levadas a cabo pola Garda Civil do Posto Principal de Cambados, dáse por finalizada a bautizada operación Teide, que arrincou en setembro de 2016. A alarma saltara tras detectarse un incremento dos delitos deste tipo tanto na vila cambadesa como nos concellos dos arredores. De feito, no operativo colaboraron tamén os Postos de Sanxenxo e Vilagarcía e as Policías Locais de Cambados, Vilanova, A Illa, Meaño e Sanxenxo. Os detidos percorrían as rúas dos municipios comprobando os dispositivos de peche de todos os vehículos, ata localizar os que tiñan as portas sen pechar. De aí substraían cartos en efectivo ou calquera obxecto de valor. Tamén roubaban a repartidores do pan ou en autobuses. Incluso no mes de xaneiro substraeron unha furgoneta en Meaño e, ademais de apropiarse da mercadoría, queimaron o vehículo no polígono de Nantes. Ademais se recuperaron cinco ciclomotores e sete bicicletas. As investigacións apuntan a que a banda aproveitaba as fins de semana para roubar bolsos e teléfonos móbiles no establecementos nocturnos de ocio. Entre os feitos máis graves destacan catro roubos e furtos en casas e pisos habitados das localidades de Meis e Meaño. Tamén se lles investiga pola súa presunta participación en dezaséis delitos de danos. A operación saldouse con trece mozos detidos de entre 16 e 22 anos. Tras prestar declaración na Garda Civil de Cambados, os maiores de idade foron postos en liberdade, pendentes de ser citados polos xulgados da vila. No caso do menor de 16 anos, xa foi ingresado nun centro especial e depende agora da Fiscalía de Menores.
Publicado en SALNÉS - CALDAS
PONTEVEDRA> "Ningún neno sen bigote". Esta é a determinación da Garda Civil de Pontevedra. A comandancia presentou esta mañá os máis de 2.000 litros de leite que conseguiron xuntar na campaña que puxeron en marcha, para garantir que os cativos das familias máis desfavorecidas teñan alimento tamén durante o verán. Na Comandancia de Pontevedra, a Garda Civil presumía hoxe dos resultados da súa campaña "Ningún neno sen bigote". Con 2.000 litros de leite conseguidos, axudarán a que os cativos das familias máis desfavorecidas teñan unha alimentación equilibrada tamén no verán, cando pechan os comedores escolares. A Benemérita decidiu sumarse á campaña organizada a nivel nacional pola Fundación La Caixa. Sumando unha tarefa máis, e moito máis gratificante, aos seus labores. Comercios, supermercados, particulares e incluso protectoras de animais colaboraron nesta campaña. Tamén os centros escolares. Non en van, os axentes aproveitaron en moitas ocasións as charlas que imparten aos nenos nos colexios para dar a coñecer a iniciativa. O leite foi entregado ao Banco de Alimentos, que se encargará agora de repartilo entre as familias máis necesitadas. Unha axuda que agradeceron ao Instituto Armado. Esta achega axudará á organización a manter o seu stock deste alimento, tamén no verán.
Publicado en PONTEVEDRA
Pontevedra> Seis detidos, quilo e medio de cocaína, 10 quilos de sustancias de corte, 5 quilos de marihuana, 210 mil euros en metálico, dous coches e dúas motos. Este é o groso do material incautado pola Policía Nacional e a Garda Civil na operación anti droga no Salnés. Os dous corpos de seguridade amosáronse esta mañá satisfeitos co resultado desta investigación que comezou a finais do 2016.
Publicado en PONTEVEDRA
NOIA> Dous mil cincocentos escolares dunha vintena de centros educativos de toda a comarca do Barbanza asistiron á segunda exhibición solidaria da Garda Civil desenvolvida no porto de Testal en Noia.
BOIRO> A maiores nunha das lanchas que lle foron retiradas portaba un motor con maior potencia da autorizada.
BARBANZA> Con estas seis detencións a Garda Civil da resposta o repunte de actos delictivos na comarca.
RIANXO> Esta mañá pasaba xa a disposición xudicial no Xulgado de Instrucción de Garda de Padrón.
Páxina 1 de 3
HomePONTEVEDRAMostrando artigos por etiqueta: Garda Civil Top of Page

Síguenos en facebook